မြန်မာ့ရိုးရာ ကလေးကစားနည်းများနဲ့ ကျွန်မ (၄)

လူတန်း။ ရွှေတံခါးကြီး ဖွင့်ပါဦး
တားသူ။ ဘယ်မင်းဆီကလဲ
လူတန်း။ ဗြဟ္မာမင်းဆီက
တားသူ။ ဗြဟ္မာစော်နံ ပြန်လိုက်ဦး
လူတန်း။ ဂျုံးဂျုံးဂျက်ဂျက်

လတ်တလော အဖြစ်အပျက်များက ငယ်ဘ၀ဆီ ဆွဲခေါ်သွားပါတယ်။ ဒီကစားနည်းကို တော်တော် ငယ်ငယ်တုန်းက ကစားတာပါ။ တားသူကို ရွေးထုတ်ပြီး တားသူ စိတ် ကြည်လင် ပြီး တံခါး ဖွင့်ပေး ချိန်စိတ် ပေါက်အောင် အမျိုးမျိုး လှည့်ပတ် ပြောရသော ကစားနည်း ပါပေ။ ပါဝင် ကစားသူ များရင် များသလောက် လူတန်းရှည်ပြီး မီးရထားတွဲလို ဖြစ်အောင် တယောက် ခါး တယောက်ကိုင်ပြီး အတန်း လိုက်ကြီး တံခါးသွားဖွင့်ခိုင်းရ သလို မဖွင့်ပေးရင်လဲ အတန်း လိုက်ကြီး ပြန်ရပါတယ်။ ဈေးဆစ် ကောင်းသူ က ရထားခေါင်းတွဲ အဖြစ် နေရပါတယ်။

လူတန်း။ ရွှေတံခါးကြီး ဖွင့်ပါဦး
တားသူ။ ဘယ်မင်းဆီကလဲ
လူတန်း။ နတ်မင်းဆီက
တားသူ။ နတ်စော်နံ ပြန်လိုက်ဦး
လူတန်း။ ဂျုံးဂျုံးဂျက်ဂျက်

လူတန်း။ ရွှေတံခါးကြီး ဖွင့်ပါဦး
တားသူ။ ဘယ်မင်းဆီကလဲ
လူတန်း။ လူမင်းဆီက
တားသူ။ နတ်စော်နံ ပြန်လိုက်ဦး
လူတန်း။ ဂျုံးဂျုံးဂျက်ဂျက်

လူတန်း။ ရွှေတံခါးကြီး ဖွင့်ပါဦး
တားသူ။ မဖွင့်နိုင်ဘူး
လူတန်း။ ရွှေတွေ ငွေတွေ ပေးပါ့မယ်
တားသူ။ မလိုချင်ဘူး
လူတန်း။ မိုးပေါ်က နတ်သမီးလေး ပေးပါ့မယ်
တားသူ။ မယုံပါဘူး
လူတန်း။ တိုက်တွေ ကားတွေ ပေးပါ့မယ်
တားသူ။ ငါ့မှာ ရှိပြီးသား
လူတန်း။ လိုချင်တာကို ပြောပါ ပေးပါ့မယ်
တားသူ။ ငါလိုချင်တာ နင်တို့ကိုပဲ တစ်နှစ်သုံး

ဒီလိုဆိုတော့မှ ပြေးရပါတော့တယ်။ စကားအချီအချ ပြောနေရင်းနဲ့ ထ စစ်ကြေညာရင် အချိန်မီ ပြေးဖို့ ပြေးပေါက်ကို ကြည့်ထား ရတဲ့ ကစားနည်းပါ။ တားတဲ့ ဂိတ်စောင့် လုပ်ရသူကလဲ ဘယ်သူ့ကို ချောင် ပိတ် ဖမ်းရင် မြန်မြန် မိမလဲ စဉ်းစားရင်း အချိန်ဆွဲပြီး ရစ် နေရတာပါ။ ပြီးတော့ တံခါးပေါက်ကို ပစ်ပြီး လူကိုချည့် လိုက်ဖမ်းလို့လဲ မရပါဘူး။ တယောက်ယောက်ကို မမိခင် ကိုယ့်တံခါးကနေ တယောက် ယောက် ၀င်သွား နိုင်တယ် ဆိုရင် ဂိတ်စောင့်က အစက ပြန်စောင့်ရပါတယ်။ ဂိတ်ထဲ တစ်ယောက်မှ မ၀င်နိုင်သေးခင် လူတန်းထဲက တစ်ယောက် ကို ဂိတ်စောင့်က ဖမ်းမိရင်တော့ အဖမ်းခံရသူ ဂိတ်စောင့် ပြန်ဖြစ်ပါတယ်။

ငယ်တုန်းက ကစားနည်းလေးက ခုတော့ လူကြီးဘ၀ မှာလဲ အသက်ဝင်နေတာကို တအံ့တသြ သိလိုက်ရပါတယ်။

ကျွန်မတို့ ရှေ့ရေး အတွက် ပိတ်နေတဲ့ တံခါးတွေက အများသား ပါလား…

အဲဒီ တံခါးတွေ ပွင့်ဖို့ ကျွန်မတို့ ဈေးဆစ်နေကြ သလား…

ဈေးဆစ်လို့ မရတော့တဲ့ အဆုံး လိုက်ဖမ်းပြီ ဆိုရင်ရော တစ်ယောက်ယောက်က လွတ်အောင် ပြေးနေတုန်း တစ်ယောက်ယောက်က ဂိတ်ပေါက်ထဲ လွတ်လွတ်ကျွတ်ကျွတ် ပြေးဝင်ပြီး ဒီပွဲကို အဆုံးသတ် နိုင်ပါ့မလား…

ကလေးဘ၀တုန်းက ပျော်ပျော်ရွှင်ရွှင် ဆော့ကစား ခဲ့သလို လူကြီးဘ၀ ကစားပွဲမှာ ပျော်ပျော်ရွှင်ရွှင် ဆော့ကစား နိုင်ပါ့မလား….

တွေးမိတာလေးတွေပါ။

Read More...

Summary only...

မြန်မာ့ ကလေးကစားနည်းများနဲ့ ကျွန်မ (၂)

ဒီရက်ပိုင်း ကြားရတဲ့ သတင်းတွေက ကျွန်မ ငယ်ငယ်က ကစားခဲ့ဖူးတဲ့ ကစားနည်း တစ်ခုကို သတိရစေပါတယ်။ ဒါကတော့ ခြေတပေါင်ကျိုး လိုက်တမ်းပြေးတမ်း ကစားနည်းပါ။ ကစား ပုံက ဒီလိုပါ။

စည်းဝိုင်းကြီး ၀ိုင်းပြီး ကစားသူတွေက စည်းဝိုင်းထဲကနေ အပြင်ကို လုံးဝ မထွက်ရ ပါဘူး။ လိုက်သူ တစ်ယောက်ကို မဲချ ရွေးရပါတယ်။ ခြေ၂ဖက်နဲ့ ပြေးတဲ့ လူတွေကို လိုက်သူက ခြေ တဖက်တည်းနဲ့ ခုန်ပြီး လိုက်ဖမ်း ရတာပါ။ လိုက်ဖမ်းသူက မြေပေါ်ကို ခြေထောက်၂ဖက် တပြိုင်တည်း မကျရ ပါဘူး။ ကျရင် လိုက်သူ ရှုံးတယ်။ အစက ပြန်လိုက် ရတယ်။ ထိုင်ဘုတ် မရှိဘူး။ ပြေးသူက စည်းဝိုင်းထဲက မထွက် မိအောင် သတိထားပြီး လွတ်အောင် ပြေးရပါတယ်။ ပွဲက နည်းနည်းတော့ မတရား ပါဘူး။ ပြေးသူ တွေက အများကြီး… ခြေ၂ဖက်ကို အားကိုး ပြေးနေ ချိန်မှာ လိုက်သူ တစ်ယောက် တည်းက ခြေတဖက် တည်းနဲ့ ခုန်ပြီး လိုက်ရ တာကိုးးး လိုက်ဖမ်းလို့ မိရင် အမိခံ ရတဲ့ ပြေးသူက လိုက်သူ ပြန်ဖြစ် ပါတယ်။ ဒါပေမယ့် ဒီကစားပွဲကို ကစား ရင်းနဲ့ ကျွန်မ ခြေထောက် အရမ်းသန် လာပါတယ်။ ခြေတဖက်တည်းနဲ့ အကြာကြီး ရပ်နိုင် ခုန်နိုင် ပြေးနိုင် လာပါတယ်။ ကျွန်မတင်မှ မဟုတ်ပါဘူး ဒီကစားနည်းကို ကစားရ သူတိုင်း အဲလို ဖြစ်လာ တာပါ။ လက် ၂ဖက်ကို အစွမ်းကုန် ဆန့်တန်း ရမ်းခါရင်း ခါးကို လွှဲလို့ ခြေတပေါင်ကျိုးကို အားအပြင်းဆုံး ညှစ်ထုတ် ခုန်ပျံရင်း လိုက်ရ ပါတယ်။ စည်းဝိုင်းထဲမှာမို့ ပြေးသူကို ဘယ်လို ချောင်ပိတ် ဖမ်းရမယ် ဆိုတဲ့ နည်းကိုပါ ကျွမ်းကျင် လာပါတယ်။

လောကဓံက တခါတရံမှာ ကျွန်မတို့ အပေါ် မတရားဘူးလို့ ထင်ရလောက်အောင် မညှာ မတာ နှိပ်စက်ပါတယ်။ ဒါပေမယ့် ဒီ ခြေတပေါင်ကျိုး ကစားနည်းလေးက ဒီလို မတရားတဲ့ပွဲကို ဘယ်လို ကျော်လွှားပြီး မတရားတဲ့ သူတွေကို ဘယ်လို အမိဖမ်းပြီး ကစားပွဲကို နိုင်အောင် ကစား ရတယ် ဆိုတာကို လေ့ကျင့် ပေးလိုက် ပါတယ်။ ဒါကြောင့် ဒီကစားနည်း လေးဟာ ကျွန်မ အကြိုက်ဆုံး ကစားနည်း လေးတွေ ထဲက တခုပါပဲရှင်။

Read More...

Summary only...

မြန်မာ့ကလေးကစားနည်းများနဲ့ ကျွန်မ (၁)

ကြီးတောင့်ကြီးမားနဲ့ သူငယ်ပြန်ပြီး ပြန်ဆော့ချင်တယ်လို့ ထင်ကြမလား မသိဘူးနော်.. ဒါပေမယ့် ကလေး တုန်းက အကြောင်းတွေ ပြန်စဉ်းစားမိတိုင်း ဆော့တာပဲ မှတ်မိတာမို့ သတိရ မိတာ လေးတွေ ချရေး လိုက်တာ ပါ။ လူကြီး ဖြစ်တော့လဲ ဆက်လက် ကစားနေရဆဲ ကစားနည်းလေးများလို့ တွေးမိလို့ပါ..

စိန်ပြေးတမ်း

ပြေးချင်ပြီး ဘယ်သူကမှ မလိုက် ချင်ကြ သောကြောင့် မဲနှိုက် ခိုင်းပြီး မဲကျ သူကို လိုက်သူ အဖြစ် ရွေးပြီးမှ လိုက်စေခြင်း၊ အမိ ခံရ သူက ပြန်လိုက် ရခြင်း တို့ဖြင့် ပျော်ပျော်ကြီး ကစားရသော ကစားနည်းလေ။ ဘ၀ လောကဓံမှာ ကိုယ်က မလိုချင်သော လောကဓံကို ရှောင်ပြေး နေရ ချိန်တွင် ကလေး ဘ၀တုန်းကလို ပြေးရင်း တန်းလန်းပင် ပျော်ပျော် နေတတ်အောင် ကျင့်ပေးသော စိန်ပြေး လိုက်တမ်း ကလေး သံချပ် လေးကို သတိ တရ ဆိုပြီး ရယ်မော ပစ်လိုက်တော့ စိတ်ဖိအားများ လျော့နည်း ပပျောက် သွားခဲ့သည်။ ဟုတ်ပါသည်။ စိန်ခေါ်ရင် ဘွာမခတ်ကြေးပါ။ ဘ၀ စိန်ပြေးတမ်းတွင် ထိုင်ဘုတ် မရှိ။ သို့သော် မိတ္တဗလ ကောင်းလျှင်တော့ ကျောက်ရုပ် ကျောက်ဖျက် ကစားတမ်းလို မလွတ်နိုင် လောက်ရင် ကျောက်ရုပ် ဟု အော်ကာ ကူသူ ကယ်သူ မျှော်လို့တော့ ရနိုင်ပေသည်။ သို့သော် ဘာပဲဖြစ်ဖြစ်ပေါ့…
((( စိန်ပလိန်တိန် မုန့်ကြိုးလိမ် ထမင်းစားလို့ မြိန်)))
ဟဲဟဲ… ထမင်းစားတောင် မပျက်ပါ… မုန့်ကြိုးလိမ်လို သရေစာ လို့သာ သဘောထားပါ သတဲ့။

တူတူ ပုန်းတမ်း
ကိုယ့်ကိုယ်ကိုယ် လုံအောင်ပုန်းသော်လည်း မတွေ့စေချင်လို့ ပုန်းချင်း မဟုတ်။ အရှာ ခံချင်လို့ ပုန်းခြင်း ဖြစ်သောကြောင့် ပုန်းရင်းတန်းလန်း တူ လို့ အော်ပြီး အသံလာရာကို မှန်းစေပြီး လိုက်ရှာ ခံရသော ကစားနည်း ပါပေ။ တစ်ကနေ တရာ အတွင်း ရေတွက်နေစဉ် အချိန်လေး အတွင်း အပြီး ပုန်းအောင်း ရသော ကစားနည်း လေး ဖြစ်ပြီး တစ်ရာ ပြည့်အောင် မရေတွက်ဘဲ ညစ်တာမျိုး မဖြစ်ရအောင် ပုန်းသူရော လိုက်သူပါ အပြိုင် စိတ် ထဲက လိုက်ရေတွက် ရပြီး တစ်ရာ ပြည့်ရင် လိုက်ပြီဟေ့လို့ အော်ရသေးသော ကစားနည်းလေးပါ။ ပုန်းသူနဲ့ လိုက်သူတို့ရဲ့ ဉာဏ်ရည်ပြိုင်ပွဲ ဖြစ်ပြီး ပုန်းတဲ့နေရာ ရွှေ့ပြီး ပုန်းလေ့လဲ ရှိသလို ပေါ်တင်ကြီး ပုန်းသောကြောင့် မထင်မှတ်လို့ မမြင်တာလဲ ရှိသလို တကယ့်ကို လုံတဲ့နေရာမှာမှ ရွေးပုန်းတဲ့ အခါလဲ ရှိလေသည်။ လိုက်သူက မလိုက်နိုင်လို့ ပန်းပေးတော့မှ ထွက်လာရတာ အရသာ ရှိလှပါတယ်။ လောကဓံ လိုက်သူ ကိုတော့ ပုန်းရတာ ပိုခက်လေသည်။ ဒါပေမယ့် ကိုယ့်ကို လိုက်ရှာ နေသူကို ပုန်းနေရာကနေ ချောင်းကြည့်ရင်း တခွိခွိ ရီရတဲ့ အရသာလေးက ဒီကစားနည်းကို ပိုလို့ နှစ်ခြိုက်စေသည်။ ဒါကြောင့် ဘာပဲ ဖြစ်ဖြစ်
(((တူ………..)))

လိပ်ဥဖွက်တမ်း
လိပ်မ အဖြစ် လိပ်ဥ အလုခံ အဖွက်ခံပြီး ပြန်လိုက်ရှာရမည့်လူကို မဲချ ရွေးချယ်ပြီး ထိုသူက စည်းဝိုင်းထဲတွင် ထိုင်ကာ လိပ်ဥ အဖြစ် ရွေးချယ်ထားသော အရာများ (ဥပမာ - ဖိနပ်များ၊ ခဲများ၊ ဘောလုံးများ ) ကို ထိန်းသိမ်း ရပါသည်။ စည်းဝိုင်း အပြင်က လူများက စည်းဝိုင်းထဲက လိပ်ဥများကို အမြန် လုယူ ရသည်။ ထိုစဉ်တွင် လိပ်မ လုပ်သူက ထိုလက်များကို စည်းဝိုင်းတွင်းတွင် ရှိနေစဉ် မိအောင် လိုက်ဖမ်း ရသည်။ အဲလို လိုက်ဖမ်း နေစဉ် တွင်ပင် လိပ်ဥကို ရအောင် လိုက်နှိုက် လို့ ရပြီ ဆိုရင် လိပ်မက တခြား လိပ်ဥများ ထပ်အလု မခံရအောင် ကြိုးစား ဗျာများ နေခိုက် နှိုက်လို့ ရလာသော လိပ်ဥကို လိပ်မ မမြင်အောင် အမြန် သွားဝှက် ထားရသည်။ နောက်ဆုံး စည်းဝိုင်းထဲ လိပ်ဥ မကျန် တော့သော အခါ လိပ်မက စည်းဝိုင်း အပြင်ကို ထွက်ပြီး လိပ်ဥ ပြန်ရှာ ရသည်။ ထိုသို့ ရှာနေစဉ် လိပ်မ စိတ်ထဲ မချင့်မရဲ ဖြစ်လေ၊ ရှာတွေ့ဖို့ အချိန် ကြာလေ ဖြစ်လေသည်။ ဒါ ကြောင့် လိပ်မ စိတ်တိုအောင် စသော သံချပ်လေး ရှိလေသည်။ လိပ်မက ရှာတွေ့သော လိပ်ဥကို ၀ှက်သူ သည် လိပ်မ ပြန်ဖြစ်လေသည်။ သို့မဟုတ် လိပ်မက စည်းဝိုင်း အတွင်း လက်ကို မိအောင် ဖမ်းနိုင်လျှင် အဖမ်း ခံရသူ သည် လိပ်မ ပြန်ဖြစ် လေသည်။ မျက်စိ လျင်မှုနဲ့ လျင်မြန် ဖျတ်လတ်မှု တို့ကို လေ့ကျင့်ပေးသော သည်ကစားနည်းလေးကို အလွန် ခုံမင် မိလေသည်။ လူကြီး ဖြစ်လာ သော်လည်း သူများ အိမ်ထောင်ရေး လူမှုရေး ပညာရေးနဲ့ အလုပ် စည်းဝိုင်းများထဲ ကျူးကျော် ၀င်ရောက် လိပ်ဥ နှိုက်ဖို့ ကြိုးစားသူများကို အမြင် မတော်သည် ရှိသော အခါတွင် မတော့ ထိုသံချပ်လေးကို မဆိုရက် တော့ပါ။ လိပ်မကြီးရေ မိအောင်သာ ဖမ်းပြီး လိပ်မ ပြန်လုပ် စေလိုက်ပါနော့။ ထိုသံချပ်လေးက

လိပ်ဥပျောက်လို့ လိပ်မ ရှာ… သူ့ခမျာ ငိုမဲ့မဲ့..

Read More...

Summary only...

အဓိပ္ပာယ်ပြည့်ဝလှတဲ့ မြန်မာ့စကားလုံး အသုံးအနှုံး များနဲ့ မြန်မာ့ဓလေ့ထုံး (၂)

ဒီတစ်ခေါက် မြန်မာ့ရိုးရာ အတွက်အလှည့်ကျတာ ကတော့ သီတင်းကျွတ် ပီပီ လက်ထပ်ပွဲများ အကြောင်း ဖြစ်ပါတယ်။

စိတ်ဝင်စားသွားတယ်ဟုတ်… ဗုဒ္ဓဘာသာ မြန်မာလူမျိုးများဟာ ၀ါတွင်းသုံးလမှာ (လက်ထပ်ခြင်း) အိမ်ရာ တည်ထောင်ခြင်း၊ အိမ်ပြောင်းခြင်း၊ ခရီးထွက်ခြင်း တတ်အား သမျှ မလုပ်ကြ ပါဘူး။ အဲဒါဟာ တကယ် တော့ ဗေဒင် ကိန်းခန်း အရရော၊ ဗုဒ္ဓဘာသာ ယဉ်ကျေးမှု အရပါ ရိုးရာမို့သာ ရှောင်လိုက်ရတယ် ဘာ ကြောင့် မှန်း သိပ်တော့ ဂဃနဏ မသိခဲ့ ဖူးတာ အမှန်ပါ။ စပ်စုတဲ့ ကျွန်မ လိုက်လံ မေးမြန်း ရာက ရတဲ့ အဖြေများ ကတော့

(၁) မိုးတွင်းမို့ လုပ်ခင်း လယ်ယာ မသာလို့ (မိုးရွာနေတာကို စောင့်ရတဲ့ အတွက် အလုပ်မတွင်လို့)
(၂) စိုက်ပျိုးရေး နိုင်ငံ ပီပီ မိုးတွင်းမှာ မိုးကောင်းတုန်း ထွန်ချ ပါမှ တစ်နှစ်စာ ၀မ်းစာ ဖူလုံမှာမို့ အချိန်အခါ ရှိတုန်း လုပ်သင့်တာ လုပ်နေရလို့
(၃) မိုးတွင်းမှာ သက်ရှိအားလုံး (အပင်၊ သတ္တ၀ါတွေ) ရှင်သန်ဖို့ အားယူ နေရာမှာ ကိုယ်က လျှောက်သွား နေရင် မတော်တဆ နင်းမိတဲ့အခါ သေကြေ ပျက်စီး ကုန်မှာ စိုးလို့ ပါတဲ့။

အင်း.. ဟုတ်တာတော့ ဟုတ်နေသား … ဆက်စပ် စဉ်းစား ကြည့်ရင် ဗေဒင် မေးစရာ မလိုဘူးနော်။ မိုးတွင်းကြီး မင်္ဂလာဆောင်ရင် မြို့ပေါ်က လူတွေတောင် ကိုယ် ပိုင်ကား စီးရ တာတောင် ရှိုးပဲ့ အလုပ်ရှုပ် သေးတာ တောက လူတွေ အတွက် ကတော့ တော်တော်ကို မလွယ်ကြောပါ။ ၀ါတွင်း သုံးလ ဆိုတဲ့ မိုးတွင်းကြီးမှာ မင်္ဂလာ မောင်နှံ နေဖို့ အိမ်သစ် ဆောက်ဖို့ သစ်ရှာ၊ ၀ါးရှာ၊ တောတိုး၊ ကြိမ်ခုတ် လုပ်ဖို့ မိုးတွင်းကြီးမှာ ဘယ်လိုမှ အဆင်ပြေစရာ အကြောင်းမရှိပါဘူး။ ၀ါတွင်း သုံးလ ဥပုသ် သီလ စောင့်ဖို့ကတော့ ဝေးပါရော… ဒီတော့ သီတင်းကျွတ် ကောက်စိုက်လယ်ထွန်အပြီး အားတုန်း နားတုန်းလေး မင်္ဂလာ ဆောင်လေ့ ရှိကြ ပါတယ်။ တချို့ကတော့ ဆောင်းတွင်း ကောက်ရိတ် သိမ်း အပြီး ငွေရွှင်ချိန်မှ မင်္ဂလာ ဆောင်ကြ ပါတယ်။ မင်္ဂလာ ဆောင်ကောင်းတယ် ဆိုတဲ့အချိန်တွေက အဲလို လတွေ ချည့်ပါပဲ။ အေးဆေး ဟန်းနီးမွန်း လို့ ရတာ ကိုးနော်… တခြား အချိန်ဆို အလုပ်ရှုပ် သောက များနေတာနဲ့မို့လေ။ သောကများရင် ကလေး မရတတ်ဘူးတဲ့။ ဒေါက်တာ စိုးထက် ပြောတာပါ။

မင်္ဂလာ ဆောင်တဲ့အခါမှာ မြန်မာ့ရိုးရာက လက်ထပ် စာချုပ် မလိုပါဘူး။ သတို့ သမီးရဲ့ အုပ်ထိန်းသူ များ ထံကို သတို့သားနဲ့ အုပ်ထိန်းသူများက ရပ်ရွာ လူကြီးတွေရဲ့ ရှေ့မှာ အုန်းပွဲ ငှက်ပျောပွဲနဲ့ တင်တောင်း ရတာ ပါတဲ့။ ခုခေတ်လို တိုက်၊ ကား၊ စိန်တွေနဲ့ တင်တောင်းတာ ဟုတ်ဖူးနော်။ ဘာလို့ အုန်းပွဲ ငှက် ပျောပွဲနဲ့ တင်တောင်းတာလဲ ဆိုတော့ အဓိပ္ပာယ်က ဒီလိုပါတဲ့။

ငှက်ပျောပင်ဟာ တစ်သက်မှာ တစ်ခိုင် သာ သီးသလို ဒီအိမ်ထောင် ကလဲ တသက်မှာ တခါသာ ပြုမယ် လို့ အဓိပ္ပာယ်ရသတဲ့ရှင်။ တခိုင်မှာ အသီးတွေ များကြီး သီးသလို သားသမီး မြေးမြစ်တွေ ပွားစည်း မယ် လို့ ယူဆ ပါသတဲ့။

အင်း.. သိနေ တယ်နော် ခုခေတ် ဗရုတ် သုတ်ခတွေ ဘာပြောမလဲ ဆိုတာ.. ငှက်ပျောသီး အရေ အတွက် နဲ့ အညီ နောက် အိမ်ထောင် ပြုမယ်လို့ တွေးနေတယ် ဟုတ်။ မှားမယ်နော…။ အုန်းသီးကတော့ နောက် အဓိပ္ပာယ် တမျိုးတဲ့ရှင့်။

အုန်းပင်နဲ့ ထန်းပင်ဟာ မြင့်သာ မြင့်တာ။ အပင်မျိုး မဟုတ်ဘူးတဲ့။ မြက်မျိုး ဖြစ်ပါ သတဲ့ရှင်။ မြက်ပေမယ့် မိုးထိ မြင့်တဲ့ မြက် ဆိုတဲ့ အတိုင်း မျိုးရိုးဂုဏ်ကို ဘယ်နေရာ ကနေ လာလာ ထိပ်ဆုံးထိ မြင့် အောင် ကြိုးစားမယ် ဆိုတဲ့ သဘော ပေါ့တဲ့။ ဒါကြောင့် အုန်းပွဲ ငှက်ပျောပွဲနဲ့ တင်တောင်း ပါသတဲ့ရှင်။

သတို့ သမီး သတို့သား နေမယ့် အိမ်အသစ် ရှေ့မှာ ပုဆိုး ထွက်လှန်း လိုက်ရင် ရှေ့ ခုနှစ်အိမ် နောက် ခုနှစ်အိမ် အသိအမှတ် ပြုလိုက်ရင် လင်မယား အရာ မြောက်ပြီလို့ အားလုံးက လက်ခံပါသတဲ့။ ဆိုလို တာက လင်မယား အဖြစ် အသိ အမှတ် ပြုဖို့ရာ ပတ်ဝန်းကျင်သာ အခရာ ဆိုတဲ့ သဘောပါ။ လူ့အဖွဲ့ အစည်းကို လေးစား အသိအမှတ် ပြုတဲ့ သဘော လေးပါ။ အင်း ခုခေတ်တော့ ဒီလို လုပ်ဖို့ မလွယ်.. အလကားနေရင်း အားနေရင်း အတင်း ပြောတတ် သူတွေ သမုတ်တိုင်း သာဆို ခက်ကုန်ရချည့်။ ဒါက ခုခေတ်သာ အိမ်ထောင်စု စာရင်းတွေ ဘာတွေနဲ့မို့ လက်ထပ်စာချုပ် ချုပ်နေကြရတာပါ။ စက္ကူ ပေါ်က ဆိုင်းလေး တစ်ခုက တကယ်တော့ အိမ်ထောင်ရေး အတွက် ဘာမှ အထောက်အကူ ပြုလှ တယ်ရယ် မဟုတ်ပါဘူး။ အိမ်ထောင် ကွဲတဲ့ အခါ မှသာ အမွေဆိုင် ပစည်း ခွဲတော့မှ အသုံးဝင် တာပါ။ ဒါတောင် ဒီခေတ်မှ ဒါမျိုးတွေ ဖြစ်လာ တာပါ။ အရင်ခေတ် ကတော့ တော်ရုံနဲ့ အ်ိမ်ထောင် ကွဲကြတာမှ မဟုတ် ဘဲနော်… ကြည့်ရတာ အုန်းပွဲ ငှက်ပျော ပွဲနဲ့ တင်မတောင်း လို့လား… ခေတ်ပဲ ပြောင်းလာ လို့လား တော့ မသိတော့ ပါဘူးရှင်။ အိမ်ထောင် ပြုတာနဲ့ ပတ်သက် လို့ မြန်မာ့ ရိုးရာ အကြောင်း ကြားဖူး မှတ်သား ဖူးတာ လေးတွေ ဝေငှ တာပါ။ သီတင်းကျွတ် အမှတ်တရ ပေါ့နော…

Read More...

Summary only...

အဓိပ္ပာယ်ပြည့်ဝလှတဲ့ မြန်မာ့စကားလုံး အသုံးအနှုံး များနဲ့ မြန်မာ့ဓလေ့ထုံး

အိမ်သာ။ ။ ၀မ်းတစ်လုံး ကောင်းရင် ခေါင်းမခဲ ဆိုတဲ့ အတိုင်း ၀မ်းမှန်မှန် သွားသူတိုင်း ဇက်ကြောတက်၊ ခေါင်းကိုက်နာ ဖြစ်ခဲကြပါတယ်။ သည်လို အခင်းကြီး ကောင်းကောင်း သွားနိုင်ဖို့က အိမ်သာ ကောင်းကောင်း သန့်သန့် တစ်လုံးက အိမ်တိုင်းမှာ မရှိမဖြစ် လိုတာပါ။ အိမ်တိုင်းမှာ ဧည့်ခန်းနဲ့ အိပ်ခန်းသာ ပေါင်းထားရင် ထားမယ်။ အိမ်သာ တစ်လုံး ကတော့ မရှိမဖြစ် သီးသန့် လိုတာပါ။ ၀မ်းကိုက် ၀မ်းလျှော ရောဂါကို ကာကွယ်ဖို့ ယင်လုံအိမ်သာ ရှိဖို့ သိပ်အရေးကြီး ကြောင်းလည်း ပညာပေး လုပ်ငန်းများစွာ လုပ်နေတာ သတိထား မိကြ ပါလိမ့်မယ်။ အိမ်သာမှာ မပြောကောင်း မဆိုကောင်း ချော်လဲခဲ့ရင်တော့ နာရီပိုင်းအတွင်း အသက်ဆုံးလေ့ ရှိကြပါတယ်။ ရောဂါပိုး ပေါင်းစုံက အိမ်သာ မသန့်လို့ ကတော့ ပျော်ပျော်ကြီး နေရာယူလေ့ ရှိလို့ ဖြစ်ပါတယ်။ အိမ်တစ်အိမ်မှာ သာသာ ယာယာ ရှိနိုင်ဖို့ အရေး အကြီးဆုံး နေရာ ဖြစ်တဲ့ အတွက် အိမ်သာလို့ ခေါ်တာ ဖြစ်ပါ တယ်။ ရှေးမြန်မာ တွေဟာ အိမ်သာကို ဘယ်လောက် တောင် အရေးထားလဲ ဆိုရင် သားအတွက် ချွေးမလောင်း ရှာချိန်မှာ မိန်းကလေးရှင်ရဲ့ အိမ်က အိမ်သာကို တက်ချင် ယောင်ဆောင်ပြီး အိမ်သာ သန့်ရှင်းမှု ကနေ တဆင့် မိန်းကလေးရဲ့ အရည်အချင်း ကို အကဲခတ် လေ့ရှိပါတယ်။ အိမ်သာကို သန့်ရှင်းအောင် ထားတတ်တဲ့ အိမ်ရှင်မ ဟာ အနည်းဆုံးတော့ သည် အိမ်သားတွေ ကျန်းမာရေး ကောင်းအောင်တော့ တော်တော် သတိထား လိမ့်မယ် ဆိုတဲ့ မျှော်လင့်ချက် နဲ့ပါ။

အမှိုက်ပုံး။ ။ အိမ်တစ်အိမ်ရဲ့ အသုံးစာရင်းနဲ့ အိမ်သားများရဲ့ အကျင့်စရိုက်နဲ့ စည်းစနစ် တို့ကို အလွယ်ဆုံးနဲ့ အမြန်ဆုံး သိနိုင်ဖို့ အမှိုက်ပုံးကို ကြည့်နိုင် ပါတယ်။ ဘယ်လို အမှိုက်မျိုးကို ပစ်လေ့ရှိလဲ ဆိုတာကို ကြည့်ပြီး ဘာပစည်းမျိုးကို ဘယ်လိုသုံးသလဲ ဆိုတာ အိပ်ခန်းထဲထိ စပ်စုစရာ မလိုပေမယ့် အိပ်ခန်းထဲ က အမူအကျင့် ကိုပါ သိနိုင်တာပါ။

စင်လေးစင်။ ။ ဘုရားစင်၊ စာအုပ်စင်၊ ပန်းကန်စင်နဲ့ ဖိနပ်စင်တို့ကို ဆိုလိုတာ ဖြစ်ပါတယ်။ အိမ်တစ်အိမ်မှာ သည်စင် လေးစင်ဟာ သန့်ရှင်း သပ်ရပ်စွာ ရှိနေမယ် ဆိုရင် သည်အိမ်ရှင်မ သို့မဟုတ် သည်အိမ်က လူတွေ စည်းကမ်း ရှိတယ်။ အလုပ်တိုင်းကို သေသပ်စွာ လုပ်တတ် တယ်လို့ အကြမ်းဖျင်း ယူဆတတ် ကြပါတယ်။ အိမ်ဖော် ရှိရင်တောင် အိမ်ဖော်ကို ထောင့်စေ့ အောင် ကောင်းကောင်း စီမံခန့်ခွဲ နိုင်တယ်လို့ ယူဆကြပါတယ်။

သည်လို မိန်းကလေးကို ယောက်ျားလေးရှင်က အကဲခတ် လေ့ရှိသလို မိန်းကလေးရှင် ကလဲ ယောက်ျားလေးကို သည်လို ပြန်အကဲခတ် လေ့ရှိပါတယ်။ နဖူးရေ ဒူးရေ ကတော့ မဆိုးပါဘူး ဆိုတဲ့စကားကို ကြားတိုင်းလည်း ပြုံးမိ ရပါတယ်။ နဖူးရေဆိုတာ ဥာဏ်စွမ်း ဥာဏ်စ၊ ဒူးရေဆိုတာ ကြိုးစား အားထုတ်မှုလို့  ယူဆပါတယ်။ ကိုယ့်ဒူး ကိုယ်ချွန် ဆိုတာမျိုးပေါ့။ သည့်အပြင် နောက်တနည်းမှာ နဖူးရေ ကတော့ လူရည် လူသွေးကို အင်္ဂ၀ိဇ္ဇာ နည်းပညာနဲ့ နဖူးကောင်း မကောင်း အကဲဖြတ်တာ ဖြစ်ပါတယ်။ နဖူးပြင် အရောင် အဆင်း မွဲခြင်း၊ နဖူးပြင် နိမ့်ချိုင့်ခြင်း၊ မညီညာခြင်း တို့ဟာ ဘ၀မှာ မအောင်မြင်မှု ကိုပြဆို ထားတာ ဖြစ်တယ်လို့ ယုံကြည် ကြပါတယ်။ နဖူး ကျဉ်းသူကို ဉာဏ်နည်း သူလို့ သတ်မှတ်ကြပါတယ်။ သည်နေရာမှာ နဖူးပြောင်သူကို ဉာဏ်ကြီးသူ လို့တော့ တိုက်ရိုက် မယုံတတ် ကြပါဘူး။ သို့သော် စဉ်းစားတာ များရင်တော့ ဆံပင် ကျွတ်ပြီး နဖူးပြောင် ထိပ်ပြောင်လေ့ ရှိတာ သေချာပါတယ်။ ဒူးရေ ကတော့ ပြုံးချင်စရာပါ။ အပျော်အပါး လိုက်စားသူ၊ အိမ်ထောင် ရှိဖူးသူ ဟုတ်မဟုတ်ကို ဒူးက အရေပြားကို ကြည့်ရင် သိပါသတဲ့။

ယနေ့ခေတ် မြန်မာ အမျိုးသား အများစုက ဘောင်းဘီတိုနဲ့နေခဲ ပေမယ့် သည်စကားပုံက ရှေးစကားပုံ ဆိုတော့ ရှေးမြန်မာ အမျိုးသား တွေက ညနေ ရောက်ရင် ခါးတောင်း ကျိုက်ပြီး ခြင်းခတ်လေ့ ရှိကြတော့ ဒူးအကြောင်း သိနိုင်တာပေါ့။ အိမ်ထောင်သည် သို့မဟုတ် အပျော်အပါး လိုက်စားသူ များဟာ လူပျို လူကောင်းတွေလို ကျန်းမာရေး ကောင်းတာချင်း တူနိုင်ပေမယ့် ဒူးမှာ အသားမာပြင် ရှိတာမျိုး၊ အားကစားသမားများ အကြော ပြတ်သလို ဒူးပတ်ဝန်းကျင်မှာ အကြောပြတ်တဲ့ အရာတွေ ရှိနေတာမျိုး၊ ထိုင်ထအခါ ၃၀ထက် ကျော်အောင် မလုပ်နိုင်တာမျိုး၊ စသည်ဖြင့် စမ်းသပ်နည်း များစွာရှိပါသတဲ့။ ယောက်ျားလေး အချင်းချင်း ဆိုရင် ပိုသိကြမယ် ထင်ပါတယ်။

Read More...

Summary only...

ရိုးရာအမွေ (၃)

မြန်မာ့နောင်ရေး စိတ်အေးဖို့ ကလေးများကို ပေးဆော့စို့

နိုင်ငံခြားမှာမဟာဘွဲ့လေး ရမလားလို့ သွားသင်မိပါတယ်။ စကားရည် လုနည်းနဲ့ ရန်တွေ့နည်းကို မဟာ မြောက်အောင် တတ်လာခဲ့ပါတယ်။ အိမ်နီးချင်း နိုင်ငံများက နိုင်ငံသားများဟာ မြန်မာကို တော်တော် ချစ်ပုံရ ပါတယ်။ အိန္ဒိယ နိုင်ငံသား အတန်းသား တစ်ယောက်က မြန်မာဟာ သိပ်ဗိုလ်ကျ ချင်ပါသတဲ့။ သူတို့ရဲ့ အာသံ၊ မဏိပူရ၊ ကချာနယ် တွေကို နှစ်ရာချီပြီး အခါခါ သိမ်းဖူးသတဲ့။ တရုတ် ကျောင်းသားကလည်း တရုတ်နိုင်ငံ တောင်ပိုင်းကို ၃ခါ အသိမ်းခံ ရဖူးကြောင်း ပြောရင်းဆိုရင်း ထောက်ခံပါတယ်။ ကျန်တဲ့ထိုင်း ကျောင်းသူများက ကက်ကက်လန် သွားအောင် ပြောလိုက်တာ ကတော့ သူတို့ ထိုင်းမင်းဆက် ခေတ်ကလေး ၃ခေတ်ရှိတာ (လန်းနခေတ်၊ ဆူခိုထိုင်း ခေတ်နဲ့ အယုဒ္ဓယ ခေတ်) ရှိသမျှ မြန်မာ ကြောင့်ချည့် ပျက် ရသတဲ့။ အဲ..

ခုလို မြန်မာပြည် ဒုက္ခပင်လယ် ဝေနေချိန်မှာ သူတို့၃နိုင်ငံ ပေါင်းတိုက်ရင် မြန်မာ ဘာခံနိုင်မလဲ တဲ့လေ။ စိတ်ဆိုး လွန်းလို့ အသားများတောင် ဆတ်ဆတ် တုန်ပါရဲ့။ သူ့ဘိုးဘေး ညံ့လို့ တို့ဘိုးဘေးက သိမ်းတာ ခံရတာကို သည်ခေတ် ရောက်မှ ဆိုးမွေခံရ တော့မှာပါလား လို့တွေး မိတော့ မခံချင်ဘူးပေါ့။ သည်တော့ ဟန်ကိုယ့်ဖို့ ဆိုတဲ့အတိုင်း မြန်မာကို လွယ်လွယ် တိုက်လို့ မရနိုင်ကြောင်း ပြန်ချေပ ပါတော့တယ်။ ဘာကြောင့် လဲတဲ့။ အနုမြူ လက်နက် ပိုင်နေပြီ မို့လို့လားတဲ့။ အနုမြူ လက်နက် မပိုင်ရင်တောင် မင်းတို့ ၃နိုင်ငံလုံး ပေါင်းတိုက်တောင် မနိုင်အောင် တို့လူမျိုး ကိုယ်တိုင်က တော်ပြီးသားလို့ ပိတ်ပြောလိုက် တာပေါ့။ ဘယ်လိုအကြောင်း ကြောင့်လဲတဲ့။ အင်း.. သက်သေပြ ရတော့မှာပေါ့။ မှတ်လောက် သားလောက် တစ်ခွန်း ပြောလိုက်တယ်… တို့မြန်မာလူမျိုးတွေရဲ့ အက မှန်သမျှ သိုင်းကွက်… တို့ မြန်မာ ကလေးတွေရဲ့ ရိုးရာ ကစားနည်း မှန်သမျှ အခြေခံ စစ်ဗျူဟာ… လို့ယောအတွင်းဝန် ဦးဘိုးလှိုင်ဟာ အင်္ဂလိပ်တို့ရဲ့ ဘေးရန်ကို ကြိုတွက်ပြီး အကောင်းဆုံးကို မျှော်လင့် ပေမယ့် အဆိုးဆုံးကို ပြင်ဆင်တဲ့ အနေနဲ့ မြန်မာ့ရိုးရာ ကိုယ်ခံပညာကို ကဗျာလွတ် အကအဖြစ်ရော၊ နန်းတွင်း အကတွေ အဖြစ်ပါ တီထွင် မြုပ်နှံပြီး သမိုင်းမှာ သည်လိုရှားပါး အဖိုးတန်တဲ့ ပညာတွေ ပပျောက် မသွားအောင် ထိန်းသိမ်း ခဲ့ပါတယ်။ တရုတ် ဇာတ်လမ်းတွဲ တွေမှာ မြင်ဖူးကြ ပါလိမ့်မယ်။ မိဖုရားနဲ့ သမီးတော် တွေနားမှာ ခစား စောင့်ရှောက်ရတဲ့ အထိန်းတော် တွေဟာ သင်းကွပ်ထားတဲ့ ယောက်ျားတွေ ဖြစ်ပြီး သူတို့တွေဟာ တော်ဝင် မိသားစုကို ကာကွယ်ဖို့ ကိုယ်ခံ သိုင်းပညာရပ်ကို ထူးချွန်အဆင့် ထိ တတ်မြောက် ကြပါတယ်။ မြန်မာ နန်း တွင်းမှာလဲ သည်လို ကိုယ်ရံတော် တွေရှိပေမယ့် သင်းကွပ် ယောက်ျားတွေကို ကိုယ်ရံတော် အဖြစ် မထားဘဲ မိန်းမစိုးလို့ ခေါ်တဲ့ စွယ်စုံ ပညာရှင် အမျိုးကောင်း သမီးကြီးတွေကို ထားလေ့ရှိပြီး သူတို့ ရဲ့ ၂ဖက်စုံချ ပ၀ါ ရှည် ကြီးများဟာ အဆင့်မြင့်ဆုံး လက်နက်ပျော့များ အဖြစ် အသုံးချနိုင်ပြီး လည်ပင်းက ပုတီးကုံး များထဲက ပုတီးလုံးများနဲ့ ခေါင်းပေါ်မှာ ထိုးစိုက်ထားတဲ့ ဆံထိုးများကတော့ လက်နက်ပုန်းများ ဖြစ်ကြပါတယ်။ သည်လောက်ဆိုရင် ရှေးမြန်မာ အမျိုးသမီးတွေ ညံ့မညံ့ သိသာလောက်ပြီ ဖြစ်ပါတယ်။ သည့်အပြင် မြန်မာ့ရိုးရာ ကကွက် များဟာ ခေါင်း၊ ခါး၊ ခြေ၊ လက် အားလုံးကို အချိုးကျကျ ဘက်စုံပတ် လည် လှုပ်ရှားပြီးမှ ကလို့ရတဲ့ ကကွက် အရှင်များ ဖြစ်တာကို တရုတ်နဲ့ အိန္ဒိယနိုင်ငံ ကလွဲလို့ ကျန်တဲ့ ပတ်ဝန်းကျင် နိုင်ငံတွေက ရိုးရာ အကများရဲ့ ကကွက် အသေ များနဲ့ နှိုင်းယှဉ် ကြည့်ရင် ပညာသည်များက ရှင်းရှင်း လင်းလင်း သိမြင်နိုင် ကြပါတယ်။ တော်တော် မြန်တဲ့ ကကွက်အရှင်ကို တည်ငြိမ်စွာ ကတဲ့ ဆီမီးခွက်အက တစ်မျိုးကိုပဲ နမူနာ ကြည့်ပါဦးစို့။ အခြေခံစစ်ဗျူဟာများ ကိန်းအောင်း နေသော မြန်မာ့ရိုးရာ ကလေး ကစားနည်း များကိုလည်း စေ့စေ့စပ်စပ် လေ့လာကြည့် ကြပါဦးစို့…
1. ကာကွယ်ရေးပညာရပ်များ၊ တာဝန်ယူမှု နဲ့ ကြံ့ခိုင်ရေး လေ့ကျင့်ခန်း များကို ရောမွှေထားတဲ့ ကစား နည်းများ ကတော့ အရူးမကြီး မစာဥနဲ့ ရွှေစွန်ညို၊ ကျောက်ရုပ် ကျောက်ဖျက် စိန်ပြေးတမ်း အစရှိတဲ့ ကစားနည်းများ၊
2. စိန်ခေါ်ပြီးရင် ဘွာမခတ်ကြေး ဆိုတဲ့ စိတ်ဓာတ်ကို သင်ပေးတဲ့ ရိုးရိုး စိန်ပြေးတမ်း အစရှိတဲ့ ကစားနည်းများ၊
3. မျက်စိလျင်မှုကို ဦးစားပေးတဲ့ လိပ်ဥ ဖွက်တမ်း၊ တူတူ ပုန်းတမ်း အစရှိတဲ့ ကစားနည်းများ၊4. လူ့လောကရဲ့ စည်းကမ်းများနဲ့ လူ့စည်း၊ ဘီလူးစည်း တို့ကို စည်းမကျော် မိအောင် သတိပေး သင်ပေးတဲ့ ထုပ်စည်းတိုးတမ်း အစရှိတဲ့ ကစားနည်းများ
5. အကင်းပါးမှု၊ လျင်မြန် ဖျတ်လတ်မှု၊ တဖက်သားရဲ့ အားနည်းချက်ကို မြင်အောင် ကြည့်တတ်ပြီး အမြန်ဆုံး အနိုင်ယူနိုင်တဲ့ အခွင့်အရေးတို့ကို ရယူ အပိုင်ဆုပ်နည်း တို့ကို လေ့ကျင့်ပေးနိုင်တဲ့ စစ်တိုက်တမ်း၊ ခေါင်းအုံးရိုက်၊ အုန်းသီးလု၊ မျက်စိ အ၀တ်စည်း သံပုံးရိုက်ခြင်း အစရှိတဲ့ ကစားနည်းများ
6. အုပ်စုလိုက် စည်းလုံး ညီညွတ်မှုကို အခြေခံပြီး အဖွဲ့ ၂ဖွဲ့ ယှဉ်ပြိုင် အနိုင်ယူရတဲ့ ဂုံနီအိတ် စွပ်ပြိုင်ပွဲ၊ ကုန်းတွင်း လှေလှော်ပွဲ၊ လွန်ဆွဲပွဲ အစရှိတဲ့ ကစားနည်းများ
7. ဇွဲကြီးမှုကို လေ့ကျင့်ပေးတဲ့ ကြက်ဖခွပ် ပြိုင်ပွဲ၊ ချောတိုင်တက်ပွဲ အစရှိတဲ့ကစားနည်းများ
8. ကာယဆိုင်ရာ အပစ်အခတ် လေ့ကျင့်ခန်းများကို ပျော်ပျော်ကြီး ပေးနိုင်တဲ့ ဂူလီရိုက်ခြင်း၊ ကျည်းသား ရိုက်ခြင်း၊ ထွေပစ်ခြင်း၊ ဖန်ခုန်ခြင်း၊ ဇယ်တောက်ခြင်း၊ ဂျင်ပေါက်ခြင်း၊ ဂေါ်လီရိုက်ခြင်း အစရှိတဲ့ ကစားနည်းများ၊
9. ဖြတ်ထိုးဉာဏ်၊ ဗဟုသုတနဲ့ အကင်းပါးစွာ တွက်ချက်ခြင်း တို့ကို ဦးစားပေးတဲ့ ကြွေပစ်ခြင်း၊ နာမည်ဖွက်ခြင်း၊ စကားထာဖွက်ခြင်း၊ သံချပ်ထိုးခြင်း အစရှိတဲ့ကစားနည်းများ၊စသည်စသည်ဖြင့် ကလေးများအတွက် ဘ၀တွင် လူ့လောကနှင့် အသားတကျ နေထိုင် ကြီးပြင်း နိုင်စေဖို့ အခြေခံ ဗျူဟာများ စိမ့်ဝင်နေသော ကစားနည်းများကို အမြော်အမြင် ကြီးလှသော ရှေး မြန်မာကြီးများက စီစဉ်ထား ရှိခဲ့လေသည်။ သုတေသနကြီး တစ်ခု ပြုလို့ရ လောက်အောင်ပင် အမြော်အမြင် ကြီးမားစွာ စီစဉ် ထားရှိသော မြန်မာ့ရိုးရာ ကလေး ကစားနည်း များကြောင့် အဆော့ သန်သော မြန်မာကလေးများ အားလုံး လိုလို ဉာဏ်ကောင်း အကင်းပါးကာ နိုင်ငံတကာ နယ်ပယ်တွင် လူသူ ၀င်ဆံ့လျက် လူတော်များ ဖြစ်နေကြခြင်း ဖြစ်ပါသည်။ ဒါ့ပြင် မိဘလက်ဖျားခါ လောက်အောင် အဆော့သန်သော မြန်မာ ကလေးငယ်များ အားလုံးသည် လွန်ခဲ့တဲ့ နှစ်ထောင်ချီ ကြာတဲ့ ရှေးခေတ် ကတည်းက ယနေ့တိုင် တွင်ကျယ်စွာ အသုံးပြုနေတဲ့ ကြိုးမဲ့ ဆက်သွယ်ရေး (၀ိုင်ယာလက်စ်) နည်းပညာလို့ နောက်ပြောင် ပြောဆိုကြ တဲ့အထိ အသုံးပြုကြတဲ့ အသံတိတ်၊ အသံထွက် ဆက်သွယ် အချက်ပေးနည်း များကိုလည်း ရှာရှာဖွေဖွေ တီထွင် အသုံးပြုကာ အချင်းချင်း ချိန်းဆို ကစားကြပါ သေးသည်။ သည်လိုနည်း များကတော့ ရေတွက် စာရင်းပြုလို့ ကုန်နိုင်မည်ပင် မထင်ပါချေ။ ဥပမာ အသံတိတ် ဆက်သွယ်ရေး အတွက် ကြက်ဥ၊ ဘဲဥခွံထဲ မီးဖိုပြာ၊ ဖုန်၊ သဲတို့ ထည့်ကာ ပစ်ခတ်ခြင်း၊ မီးခိုးထည့်ခြင်း၊ ခြေဟန်လက်ဟန် မျက်စမျက်န ပစ်ခြင်း၊ သစ်ရွက်ခြွေချ အချက်ပြ ခြင်း၊ ၀ါးရုံတော နှင့် ခြုံပုတ်တို့ကို ခါခြင်း အစရှိသည် တို့ဖြစ်ပြီး အသံထွက် အချက်ပြခြင်း အတွက် လက် ခေါက်မှုတ်ခြင်း၊ ၀ါးပိုးလုံးကို အချက် ရေတွက် ရိုက်နှက်ခြင်း၊ ၀ါးပိုးလုံး ခေါင်းထဲ ကျောက်ခဲထည့်ပြီး ခလောက်ခြင်း အစရှိသည်တို့ ဖြစ်ပါသည်။ လူကြီးများ ဗဟိုစည် တီးခြင်း၊ ဘုန်းကြီးကျောင်းမှ အုန်းမောင်း နှင့် သူကြီးအိမ်မှ တုံးမောင်း (အုန်းမောင်း နှင့် တုံးမောင်း မတူပါ) ခေါက်ခြင်း၊ စစ်တပ်မှ ခရာမှုတ်ခြင်း တို့ကို ကလေးများက သူတို့နည်း သူတို့ဟန်ဖြင့် တကယ် မတူအောင် အတုခိုးထားခြင်း ဖြစ်ဟန် တူပါ သည်။ သို့သော် မြန်မာ လူမျိုးတို့ရဲ့ အမျိုးသား ကိုယ်လုံပညာခေါ် သည်လို အဆင့်မြင့် ရိုးရာ ယဉ်ကျေးမှုများ ကို တန်ဖိုးထားရ ကောင်းမှန်း သိသူ နည်းပါးလာ ကြသောကြောင့် တဖြည်းဖြည်း တိမ်ကောလာပြီး နိုင်ငံရပ်ခြား တိုင်းတပါးကို အထင်ကြီး စိတ်ဖြင့် တိုင်းတပါး ရိုးရာ ယဉ်ကျေးမှု အကများနှင့် ကစားနည်းများ လွှမ်းမိုး ခံရမည်ကို စိုးရိမ်သောကြောင့် သည်ဆောင်းပါးကို ရေးသား လှုံ့ဆော် လိုက်ရခြင်း ဖြစ်ပါသည်။ အထက်ပါ ကစားနည်း များကိုလည်း သေသေချာချာ တစ်နည်းချင်း တင်ပြပါဦးမည်။ မြန်မာ ကလေးငယ်များ လွတ်လပ် ပျော်ရွှင် ငြိမ်းချမ်းစွာ ပွေပွေလီလီ၊ တီတီထွင်ထွင် ဆော့ကစား နိုင်ကြပါစေ။ သည်လို ကစားခြင်း ဖြင့် ကာယ၊ ဉာဏ အစချီကာ ဗလငါးတန် ပြည့်စုံ လိမ္မာသော နိုင်ငံသားကောင်း လေးများ ဖြစ်လာပြီး နိုင်ငံအကျိုး သယ်ပိုး နိုင်ကြပါစေ။

Read More...

Summary only...

ကိုယ့်ကိုယ်ကိုချစ် လူအစစ်

ကျွန်မသည် ပတ္တမြားမြို့သစ်၊ ရွှေဥမင်တောရ ဓမသုခရိပ်သာ အတွင်းတွင် မကြာသေးမီကမှ ဘ၀နတ်ထံ ပျံလွန်တော် မူသွားပြီဖြစ်သော ရွှေဥမင်ဆရာတော် ဘုရားကြီး၏ ကြွင်းကျန်တော် မူခဲ့သော သုံးမျိုး၊ သုံးစား သော ဓါတ်တော်များကို ဖူးမြော်ကြည်ညိုရင်း လွန်ခဲ့သော အတိတ်ကာလက ဆရာတော်ဘုရားကြီး မိန့်ကြားတော်မူခဲ့သော သြ၀ါဒစကားများကို ပြန်လည်ကြားယောင်လာခဲ့မိပါသည်။

တန်ဆောင်မုန်းလပြည့်နေ့တွင် ကျွန်မသည်သူငယ်ချင်းဖြစ်သူ နှင့်အတူ ရွှေဥမင်တောရသို့ သွားရောက်ပြီး ကထိန်လျာ သင်္ကန်းများနှင့် လှူဖွယ်ဝတ္တုများကို ဆရာတော် ဘုရားကြီးအား ကပ်လှူခဲ့ပါသည်။ “တပည့်တော်တို့နှင့် သင့်လျော် သော တရားတော်များကို ချီးမြှင့် ပေးသနား တော်မူပါဘုရား” ဟု လျောက်ထားရာ ဆရာတော်ဘုရားကြီးက ကျွန်မတို့ အား ကြည့်ရှု အကဲခတ်ရင်း...

“အင်း..ပညာတတ် လူငယ်တွေပဲ၊ အရိပ်ပြရင် အကောင် ထင်မှာပါ။ ပုံပြင်လို့ပဲ ထားပါ တော့။ လူနှစ်ယောက်ရှိတယ်။ တစ်ယောက်က ပျားရည်သည်၊ နောက်တစ်ယောက်က ပျားရည် ၀ယ်မယ့်သူ ဖြစ်တယ်။ ပျားရည်သည်က သူ့ပျားရည်စစ်လို့ ဈေးကြီးတယ်တဲ့။ ပျားရည် ၀ယ်မယ့်သူက ဈေးကြီးပါစေ၊ ပျားရည်သာ စစ်ရင် ၀ယ်မယ်၊ ပျားရည်စစ်မစစ် စမ်းတဲ့နည်းတွေ အများကြီးရှိတယ်။ အလွယ်ဆုံးနည်းက ခွေးကို ကျွေးကြည့် မယ်။ ပျားရည်ကချိုပေမယ့် သိပ်ပူလို့ပျားရည်စစ်ရင် ခွေးမစားနိုင်ပါဘူး။ ပျားရည်သည် ကလည်း ကြိုက်တဲ့နည်း နဲ့ စမ်းပါတဲ့။ ဒါကြောင့် ပျားရည်ဝယ်မယ့် သူက သူ့ခွေးကို ပျားရည် ကျွေးကြည့်ပါတယ်။ခွေးကလည်း စားပါတယ်။ သည်တော့ ပျားရည်ဝယ်မယ့်သူက ပျားရည်သည်ကို မင်းပျားရည်က မစစ်လို့ခွေးစားတယ်။ ဒါကြောင့်မ၀ယ်နိုင်ဘူး လို့ပြောပါတယ်။ သည်တော့ ပျားရည်သည်က ငါ့ပျားရည်ကစစ်တယ်။ မင်းရဲ့ခွေးက မစစ်တာ လို့ပြန်ပြောပါတယ်။ သည်တော့ ပျားရည် ၀ယ်မယ့်သူဟာ ပျားရည်သည်နဲ့ကိုယ့်ခွေး စစ်ကြောင်း ဖက်ပြိုင်ငြင်းပြီး နေစရာ လိုပါဦးမလား။ ပျားရည်မစစ်ရင် မ၀ယ်တော့ရုံပါပဲ။ ကိုယ့်ခွေးက ခွေးစစ်ကြောင်း ဖက်ပြိုင်ငြင်းနေစရာ မလိုတော့ပါဘူး။ အများညီရင် ဤကိုကျွဲလို့ ဖတ်လို့ရတယ် ဆိုပေမယ့်လည်း ကျွဲကြီးကို ဤ လို့ပြောတိုင်း ကျွဲကြီးကတော့ ပုံပြောင်းမသွားနိုင်ပါဘူး။ ပျားရည်သည် များကစုပြီး မင်းရဲ့ခွေးက မစစ်တာလို့ ၀ိုင်းပြောတိုင်းလည်း သက်ရှိခွေးက အစစ်ကနေ အတု ဖြစ်မသွား နိုင်တဲ့အတွက် ပျားရည်ဝယ်မည့်သူဟာ ဘာမှ ကြောက်ရွံ့ အားငယ်နေစရာ မလိုပါဘူး။ ဒါပေမယ့် ပျားရည်ကတော့ မစစ်ရင် ခွေးစားခံရပါမယ်။ လူဆိုတာလည်း လူမစစ်ရင် ငရဲခွေး စားခံရပါလိမ့်မယ်။ လူစစ်မစစ် သိချင်ရင် ကိုယ့်ကိုယ်ကို ချစ်မချစ် ကြည့်ရုံပါပဲ။ ကိုယ့်ကိုယ်ကိုချစ် လူအစစ်တဲ့။ အဲဒါဟာ အတ္တကြီးတာကို ဆိုလိုတာ မဟုတ်ပါဘူး။ လူတွေဟာ ကိုယ့်ကိုယ်ကို အချစ်ဆုံးလို့ ဆိုကြပေမယ့် တကယ်တော့ ခံစားစရာအာရုံ ငါးပါးကိုပဲ ချစ်နေကြတာပါ။ ကိုယ့်ရောဂါနဲ့ မတည့်တာ တွေကို စားတယ်။ အန္တရာယ်ရှိတဲ့ ခရီးကို သွားတယ်။ လတ်တလော အဆင်ပြေရင် ပြီးရော သံသရာ နစ်မွန်းကြောင်း မကောင်းမှုတွေကို လုပ်တယ်ဆိုရင် ကိုယ့်ကိုယ်ကို ချစ်ရာမရောက်ဘဲ နှစ်ရာ ရောက်ပါတယ်။ ကိုယ့်ကိုယ်ကို မချစ်လို့လူမစစ်ရင် ငရဲခွေးစားပါလိမ့်မယ်။ ကိုယ့်ကိုယ်ကိုချစ်ရင် လူကောင်း လူတော် ဖြစ်အောင် ကြိုးစားရမယ်။ သက်ရှည်ကျန်းမာအောင် နေထိုင်ရမယ်။ နောင်ဘ၀မှာ သုံးဆယ့်တစ် ဘုံရဲ့ အောက်ဆုံးဘုံများဖြစ်တဲ့ အပါယ်လေးပါး မကျရောက်အောင် ငါးပါး သီလကို စောင့်ထိန်းရမယ်။ သံသရာ ၀ဋ်ဆင်းရဲမှ လွတ်မြောက်ရာမှန် မြတ်နိဗ္ဗာန်ကို ဧကန်ရောက်ဖို့ ၀ိပဿနာ ဘာဝနာများ ပွားများ အားထုတ် ကြရမယ်” ဟု ဆိုဆုံးမတော် မူခဲ့ပါသည်။

အနည်းငယ်မျှသော ကိန်းဂဏန်းဖြစ်သည့် ငါးပါးတည်းဟူသော သီလတွင် မုသာဝါဒကံကိုချိုးဖောက်ခြင်း ခေါ် လိမ်ညာခြင်းသည် အပြင်းထန်ဆုံး၊ အပြစ်အကြီးဆုံး သီလပင် ဖြစ်ပါသည်။ ကျွန်မတို့ဧ။် မြတ်စွာဘုရားရှင် သည် ဘုရားဖြစ်ရန် ပါရမီဖြည့် ကျင့်ခဲ့ရသော လေးသင်္ချေနှင့် ကမ္ဘာတစ်သိန်း ကာလပတ်လုံးတွင် ငါးပါး သီလတွင် မုသာ ၀ါဒမှတပါး ကျန်သီလလေးပါးကို ရံဖန်ရံခါ ချိုးဖောက်ခဲ့ဖူးပါသည်။ သူရာ မေရယကံကို သေသောက်ကြူးဘ၀က ကျူးလွန်ရင်း ကာမေသု မိစ္ဆာစာရကံကို ကျူးလွန်ခဲ့သဖြင့် စိဉ္ဇမာဏ၀ိကာ ပရဗိုဇ်မ လောင်းလျာဧ။် ရန်ကြွေး ဆုတောင်းကြောင့် ကလဲ့စားချေ ခံခဲ့ရခြင်းဖြင့် ၀ဋ်လည်တော်မူခဲ့ရပါသည်။ ပြုသူအသစ်၊ ဖြစ်သူအဟောင်း ပေတည်း။ ပါဏာတိ ပါတကံနှင့် အဒိန ဒါနကံ တို့ကိုလည်း ခိုးသူကြီး ဘ၀ နက္ခတ် ကြုံသောကြောင့် ဖြစ်ခဲ့ပြီး ကျူးလွန်ခဲ့ သော်လည်း လေးသင်္ချေနှင့် ကမ္ဘာတစ်သိန်း ကာလပတ်လုံး မုသာဝါဒကံကို စိုးစဉ်းမှ မကျူးလွန်ခဲ့ပါ။ ဗုဒ္ဓ၀ါဒသည် သစ္စာလေးပါး အမှန်တရားကို ရှာဖွေသောဝါဒ ဖြစ်သောကြောင့် အမှန်တရားကို ဖုံးကွယ်သော မုသာဝါဒကို ကျူးလွန်ခဲ့ပါလျှင် နိဗ္ဗာန်နှင့် ဖြောင့်ဖြောင့်ကြီး ဆန့်ကျင်သော သံသာရ၀ဋ ဒုက္ခတောဟု ဆိုအပ်သော သံသရာဝဲ စုပ်သောကြောင့် ဒုက္ခ ဆင်းရဲ အပေါင်း စုစည်းရာ အပါယ်ဘုံမှ မလွတ်တော့ဘဲ ၀ဲစုပ်ရာ နောက်သို့ လိုက်ပါသွားရလျှင် နောင်တဖန် ဘုရားဖြစ်အောင် ကြိုးစားဖို့ အခွင့်မသာနိုင်တော့ပါ။ ထို့ကြောင့် ဗျာဒိတ်ခံယူတော် မူသောဘ၀ မှစပြီး ဘုရားဖြစ်တော်မူပြီး ပရိနိဗ္ဗာန် ပြုပြီးချိန်အထိ မုသာဝါဒကံကို လုံးဝ ကျူးလွန်တော် မမူခဲ့ပါချေ။

မုသာဝါဒဆိုသည်မှာ လိမ်ညာ ပြောဆိုခြင်း ဟူသော ရိုးစင်းလွန်းသော အဓိပ္ပာယ် တစ်ခုတည်း မဟုတ်ပါ။ လှည့်ဖျား ခြင်း၊ သွေးဆောင် ဖြားယောင်းခြင်း၊ သွေးထိုးခြင်း၊ သူတပါး နာမည် ဂုဏ်သတင်း ထိခိုက်အောင်၊ ပျက်စီးအောင် ကြိုးစားခြင်း၊ စော်ကား စောင်းမြောင်း ပြောဆိုခြင်း၊ သူတပါးဧ။် ဂုဏ်သိက္ခာနှင့် အကျင့် စာရိတ္တကို အခြားလူများ အထင်လွဲအောင် ပြောဆိုခြင်း စသည်ဖြင့် များစွာ အကျုံးဝင်ပေသည်။ ကျေးဇူးတော်ရှင် မြတ်စွာ ဘုရားရှင်သည် ဘုရားအဖြစ်သို့ ခံယူတော်မူပြီး ချိန်မှစပြီး သုဂတော ဂုဏ်တော် နှင့်အညီ "ကျိုးရှိဟုတ်မှန် သူခံသာသော စကားနှင့် ကျိုးရှိဟုတ်မှန် သူမခံသာသော စကား" နှစ်ပါးတည်း ကိုသာ မိန့်ကြားတော် မူခဲ့ပါသည်။ အရယ်အရွှမ်း စကား တစ်ခွန်းတစ်လေ မျှပင် မိန့်ကြားတော်မမူခဲ့ပါပေ။ ဘုရားဟူသော ဝေါဟာရဧ။် အဓိပ္ပာယ်မှာ "တစ်ခွန်းတည်းသော အမှန်စကားကိုသာ မိန့်ကြားတော်မူသော သူ" ဟုဖြစ်ပါသည်။ သို့ဖြစ်သောကြောင့် သံသရာ ၀ဲစုပ်ခံရမည့် ဘေးမှ ကင်းဝေးစေရန် သီလလုံခြုံပါမှ ကိုယ့်ကိုယ်ကို ချစ်ရာရောက်ပါမည်။

ရွှေဥမင်ဆရာတော်ဘုရားကြီးသည် 2002ခုနှစ် နိုဝင်ဘာ 21ရက်နေ့တွင် ပရိနိဗ္ဗာန် ၀င်စံ တော်မူပြီး ဖြစ်သောကြောင့် နိုဝင်ဘာ 26ရက်နေ့ အန္တိမအဂ္ဂိ ဈာပန သဘင် ဆင်ယင် ကျင်းပရာတွင် သုံးမျိုးသော ဓာတ်တော်များ ကြွင်းကျန်တော် မူခဲ့ပါသည်။ ဆရာတော် ဘုရားကြီးဧ။် ဆုံးမသြ၀ါဒ တရားများကို နောင်တွင် နာကြားရ တော့မည် မဟုတ်သည်ကို တွေးမိသောကြောင့် ၀မ်းနည်းကြေကွဲစွာ ကျလာရသော မျက်ရည်တို့ဖြင့် စိုရွှဲနေသော လက်ဆယ်ဖြာ ထိပ်မှာ မိုးကာ ရှိခိုး ကန်တော့ရင်း ၀ဋ်ဆင်းရဲ အဖြာဖြာ ဆင်းရဲ အဖုံဖုံမှ ကင်းငြိမ်းရာမှန် မြတ်နိဗ္ဗာန်သို့ ကြွလှမ်းတော် မူသွားပြီဖြစ် သော ဆရာတော် ဘုရားကြီးဧ။် ဓာတ်တော် မွေတော်များကို ပူဇော်ရင်း ဆရာတော် ဘုရားကြီး ပျံလွန်တော် မမူမီ အချိန်လေးတွင် ကပ်ပြီး တရားအားထုတ်ခွင့် ရလိုက်သည်မှာ တော်ပါသေးရဲ့ဟု ဖြေသိမ့်လျက် ဆရာတော် ဘုရားကြီး ဧ။် သြ၀ါဒကို ခံယူလျက် ကိုယ့်ကိုယ်ကိုချစ် လူအစစ်ဖြစ်အောင် ကြိုးစားပါမည်။ ဆရာတော် ဘုရားဧ။် နောက်သို့ မကွေ့မကောက် ဖြောင့်ဖြောင့် လိုက်ခဲ့ပါမည် ဘုရား ဟုဝန်ခံရင်း ကြွင်း ကျန်ရစ်သော ဓာတ်တော်တို့ကို ရှိခိုးကန်တော့ ခဲ့ကြရပါတော့သည်။

(၀န်ခံချက်။ ။ ဆရာတော်ဘုရားကြီးဧ။် သြ၀ါဒများကို အပိုအလို မရှိ မူရင်းအတိုင်း ရေးသား ပူဇော် အပ်ပါသည်။ စာရေးသူဧ။် ကြံစည် တွေးတော ဖြည့်စွက် ရေးသားမှု မပါရှိပါ။)
၂၀၀၃ခုနှစ် သီလ၀ဘာသာရေးမဂ္ဂဇင်းတွင် ဖော်ပြခံရသော ဆောင်းပါးကို ပြန်လည်မျှဝေပါသည်။

Read More...

Summary only...

သီတင်းကျွတ်မှာတမ်း သို့မဟုတ် ချိန်ခွင်တစ်လက်ရဲ့ မှတ်တမ်း

သီတင်းကျွတ်လကို နက္မ္ခတ် တာရာများကို လေ့လာ လိုက်စားသူများက တူရာသီလို့ ခေါ်ဆိုပြီး နက္မ္ခတ် ရာသီ၏ ရုပ်ပုံကို သည်ရာသီတွင် ထွန်းလင်း တောက်ပဆုံး ကြယ်စု၏ ပုံအတိုင်း ချိန်ခွင်တစ်ခု ၏ ပုံသဏ္ဍာန်ဖြင့် ဖော်ကျူးကြလေသည်။ ဆယ့်နှစ်လ ရာသီရှိသည့်အနက် ကျန် တစ်ဆယ့်တစ် ရာသီ တို့သည် လူ သို့မဟုတ် တိရစ္ဆာန် ရုပ်ပုံများနဲ့ကိုယ်စားပြု ခံရသော်လည်း တူရာသီ သီတင်းကျွတ်လ တစ်ခုတည်းသာ တမူထူးခြားစွာ သက်မဲ့ ချိန်ခွင်တစ်ခု၏ ပုံသဏ္ဍာန်ဖြင့် ကိုယ်စားပြု ဖော်ပြခြင်း ခံရလေသည်။ သည်နေရာမှာ သတိထား ရမှာက တူရာသီကို ကိုယ်စားပြု သူမှာ ချိန်ခွင်ကို ကိုင်ဆောင် ထားသောလူ မဟုတ်ဘဲ ချိန်ခွင်သက်သက် ကသာ ကိုယ်စားပြုတာ ဖြစ်လေသည်။ ထို့အတူ ချိန်ခွင်ရုပ်ကို ကိုယ်စားပြုခံရတဲ့ တူရာသီဖွား များသည် မျှတမှု၊ ဘက်မလိုက်မှု၊ တရားစီရင် ဆုံးဖြတ်ရာတွင် တိကျ ပြတ်သား မှန်ကန်စွာ လုပ်ဆောင်တတ်မှု တို့နှင့် ပြည့်စုံသည်ဟု နက္မ္ခတ် ဗေဒင်ကျမ်းများက ပြဆိုထားသည် ကို စာရှုသူတို့ ဖတ်ရှုဖူးကြမည်ဟု မျှော်လင့်ပါသည်။ သို့သော် စာရေးသူကတော့ နက္မ္ခတ်ကျမ်း များထက် ချိန်ခွင်တစ်လက်၏ တန်ဖိုးကိုသာ ပိုမို စိတ်ဝင်စား မိပါသည်။ သို့သော် တလောက Online Forum တစ်ခုတွင် တစုံတယောက်ကို မကျေနပ်ရုံမျှဖြင့် ကျန်လူများကိုပါ သိမ်းကျုံးကာ ပုတ်ခတ် စော်ကားရာ ကျသော "တူရာသီဖွား များဟာ ချိန်ခွင်ကိုင်လျက် အလေးခိုးသူတွေ " လို့ ရေးသားထားတဲ့ စာတစ်ကြောင်းကို ဖတ်လိုက်ရတဲ့အတွက် အကျိုးအကြောင်း ဂဃနဏ မသိဘဲ ရမ်းသမ်း စွပ်စွဲကာ ၀ါးလုံးရှည်နှင့် သိမ်းကျုံး ရမ်းတတ်သော အဆိုပါ စာရေးသူု နောက်နောင် သတိထားမိစေဖို့ ရည်ရွယ်ရင်း ပေါ်ပေါက် လာသော အတွေးတစ်စကို ဝေမျှဖို့သည်ဆောင်းပါးကို ရေးမိခြင်း ဖြစ်ပါသည်။

ချိန်ခွင် တစ်လက်ကို လူသားတို့ မည်သည့် ခေတ်က စတင်တီထွင် သုံးဆောင်ခဲ့ ကြတယ်ဆိုတာ စာရေးသူ မသိပေမယ့် သည်ချိန်ခွင်ဟာ ဘာအတွက် သုံးတယ်၊ ဘယ်လို အသုံးကျတယ် ဆိုတာကိုတော့ ဈေးသည် မဟုတ် ပေမယ့် ဈေးဝယ်ဖူးတဲ့ အမျိုးသမီး တစ်ဦးပီပီ ကျွန်မ ကောင်းကောင်း သိပါသည်။ သူ့ဘက် ကိုယ့်ဘက် ညီညီမျှမျှ ဖြစ်အောင်၊ တန်ရာတန်ကြေး ဈေးဖြတ်နိုင်အောင် ဆုံးဖြတ်တဲ့ နေရာမှာ တရားမျှတမှုနဲ့ ဘက် မလိုက်မှုကို ကိုယ်စားပြုကာ မှန်မှန်ကန်ကန် ဆုံးဖြတ်ပေးတတ်တဲ့၊ ငွေကြေးနဲ့ နှိုင်းလို့မရတဲ့ ယုံကြည်မှု တန်ဖိုးကို ဆောင်နေတဲ့ ချိန်ခွင်ကို ကျွန်မအလွန်ပဲ တန်ဖိုးထားပါသည်။ ချိန်ခွင်ကို ပြုလုပ်သူရော၊ သုံးစွဲသူ များဟာ လူသားများ ဖြစ်ပါတယ်။ ထို့ပြင် ချိန်ခွင်ရဲ့ ချိန်ခွက်ထဲမှာ ထည့်သွင်း အသုံးပြုရတဲ့ အလေးများကို ပြုလုပ်သူ ဟာလည်း လူသားပဲဖြစ်ပါသည်။ အလေး ချိန်ခွင်ကို မမှန်မကန် လုပ်ပြီး လိမ်လည်ကာ စီးပွားရေး လုပ်စားသူများဟာ ချိန်ခွင်ကို ခိုးလို့မရပါဘူး၊ ချိန်ခွင်ဟာ စံပြအဖြစ် တန်းလန်းချိတ် ခံထားရရင်း ဘက်ညီမှုကို တာဝန်ကျေစွာ ထမ်းဆောင် နေရတာ ဖြစ်ပါသည်။ ချိန်ခွင်ရဲ့ ချိန်ခွက်ထဲမှာ ထည့်သွင်း အသုံးပြုရတဲ့ အလေးများရဲ့ ပမာဏ ကသာ ဈေးရောင်းသူ အကြိုက် စီစဉ်ထားတာ ဖြစ်ပြီး အလေးကိုသာ ခိုးလို့ရပါတယ်။

တန်ရာတန်ကြေးနဲ့ ညီမျှစွာ ရသင့်တာကို မရနိုင်ဘဲ လျော့နည်းစွာ ရတဲ့အတွက် အသင် ဈေးဝယ်သူဟာ မည်သူ့ကို အပြစ်တင်ချင် ပါသလဲ။ ချိန်ခွင်ကိုလား၊ အလေးကိုလား၊ ဈေးရောင်းသူကိုလား။ ဈေးရောင်း သူရဲ့ စာရိတ္တကို သိသိချည်းနဲ့ ပြန်မပြောရဲ ထောက်မပြရဲလို့ မလွှဲမရှောင်သာ ဆက်ဆံကာ ဈေးဝယ်ရင်း အလေးခိုးမှု ကို ချိန်ခွင် မကောင်းလို့လို့ လွှဲချနေတဲ့ ဇာတ်လမ်းများကို ကြားရတာ များလာကြောင့် ပုဂံခေတ်က ဒဏ္ဍာရီ တစ်ပုဒ်ကို ပြန်ပြောင်း သတိရရင်း ဖောက်သည် ချလိုက်ရပါတယ်။

ပျူများအဖြစ် အာရှတလွှား တရုတ်နိုင်ငံ တောင်ပိုင်းမှ အင်ဒိုနီးရှား နိုင်ငံ ဆူမတြား ကျွန်းဆွယ် ထိ ဖိန့်ဖိန့်တုန် ကျော်ကြားခဲ့တဲ့ သရေခေတ္တရာ ပြည်ကြီးမှာ သိကြားမင်းက ပုဂံဘုရင်ကို ဆက်သထားတဲ့၊ နတ်မျက်စိ ရှိတဲ့ ညှပ်ကြီးတစ်ချောင်း ရှိပါသတဲ့။ လိမ်ညာမှုအတွက် အငြင်းပွားသူတွေဟာညှပ်ကြီးရှေ့မှာ သစာဆို ကာ မိမိရဲ့ လက်ကို ညှပ်ကြီးထဲမှာထားရပါသတဲ့။ နတ်မျက်စိ ရှိတဲ့အတွက် လူလိမ်ကိုသိတဲ့ ညှပ်ကြီးက လိမ်ညာ သစာ ဆိုသူရဲ့ လက်ကို ဖြတ်ပစ်ပါသတဲ့။ တစ်ရက်မှာတော့ ဒါယကာ တစ်ယောက်နဲ့ ထိုသူ က ယုံကြည် စိတ်ချလို့ အပ်နှံထားတဲ့ ပစည်းကို လိုချင်စိတ် ကြောင့် ပြန်ပေးပြီးပြီလို့ လိမ်ညာ ပြောဆိုတဲ့ ရသေ့လိမ် တစ်ယောက်တို့ ညှပ်ကြီးဆီကို သစာဆိုပြီး အဆုံးအဖြတ် ခံဖို့ အတူတူ ရောက်ရှိလာပါသတဲ့။ ဒါယကာက သစာဆိုပြီး လက်ကို ညှပ်ကြီးထဲမှာ ထားတဲ့အခါမှာ သူ့ရဲ့သစ္နာ မှန်တဲ့အတွက် လက်အဖြတ် မခံရပါဘူးတဲ့။ သည်အခါမှာ ရသေ့လိမ်က "ငါသစ္နာဆိုခိုက် ငါ့တောင်ဝှေးကို သင်ခဏယူထား " လို့ပြောပြီး ဒါယကာရဲ့ ပစ္နည်းကို ထည့်ဖွက်ထားတဲ့ တောင်ဝှေးကို ဒါယကာထံ ခဏ လှမ်းပေးပါသတဲ့။ ပြီးမှ ငါ့ဒါယကာထံ သူ့ရဲ့ပစည်းကို ပြန်ပေးပြီးပါပြီ။ သစ္နာ မှန်ခဲ့ရင် လက်အဖြတ် မခံရပါစေ သတည်းလို့ လူကြား ကောင်းအောင် ကြွေးကြော် ပါသတဲ့။ ကလိမ်ကကျစ် လက်တလုံးခြား လုပ်တဲ့ ရသေ့ကြောင့် နတ်မျက်စိရော ညှပ်ကြီးမျက်စိပါ လည်သွားပါ တော့တယ်။ ဒါယကာရဲ့သစာရော၊ လက်ကို ညှပ်ကြီးထဲမှာ မထားခင် တောင်ဝှေးကို ပေးထားတာကရော အမှန်ဖြစ် နေတဲ့အတွက် သည်လို ကလိမ်ကကျစ် ဒဏ်ကို ယိုသူမရှက်၊ မြင်သူရှက်ပြီး သည်လိုလူမျိုး ရှေ့မှောက်မှာ မနေလိုတော့တဲ့ ဟာ ချက်ချင်းပဲ သရေခေတ္တရာ ပြည်ကပျောက်ကွယ်သွားပါတော့သတဲ့။ ညှပ်ကြီး ပျောက်ပြီး မကြာခင်ပဲ ပုဂံပြည်မှာ ငါ့ဆန်ကော ဆိုတဲ့ အော်သံနက်ကြီး ကြောင့် လူတွေ ထိတ်လန့်တကြား ပြေးလွှားကြ ရင်း သရေခေတ္တရာ ပြည်ပျက်တယ်လို့ သည် ဒဏ္ဍာရီကဆိုပါတယ်။

သည်ဇာတ်လမ်းကို ယုတ္တိ ရှိအောင် စဉ်းစား ကြည့်ရင် အချက်သုံးချက်ကို အခြေခံပြီး စဉ်းစား ကြည့်ရမှာ ဖြစ်ပါတယ်။ သည်အချက်များ ကတော့ မြန်မာ့အကျင့် လို့တောင် ပြောရင် ရနိုင်မယ့်
၁. မြန်မာတို့ရဲ့ နာမည်ပြောင် ပေးတတ်လွန်းတဲ့ အကျင့်
၂. သွယ်ဝိုက်ပြီး ပြောတတ် ဆိုတတ် စောင်းမြောင်း ပြောတတ်တဲ့ အကျင့်
၃.ငါတကော ကောကာ လုပ်ချင်ရာ ထင်ရာစိုင်းပြီး လုပ်တတ် ကိုင်တတ်တဲ့ အကျင့်တို့ ဖြစ်ပါတယ်။

သိကြားမင်းကပေးတဲ့၊ နတ်မျက်စိရှိတဲ့ ညှပ်ကြီး ဆိုတာဟာ သမာသမတ်ရှိပြီး လူလိမ်လူညာ ခွဲခြား သတ်မှတ် ဆုံးဖြတ်ကာ သက်သေပြတဲ့ နေရာမှာ အမှုလိုက် တော်လွန်းတဲ့ ဉာဏ်အမြင် စူးရှသူ တရားသူကြီး ကို တင်စား ပြောဆိုတာ ဖြစ်နိုင်ပြီး ညှပ်ကြီး ဆိုတာကတော့ အကွပ်အညှပ် အပြစ်ပေး ကြမ်းတမ်းလို့ သူ့ကွယ်ရာမှာ သည်တရားသူကြီးကို နာမည်ပြောင်နဲ့ ခေါ်တာ ဖြစ်နိုင်တယ် လို့စဉ်းစားလို့ ရနိုင်ပါတယ်။ သည်ဒဏ္ဍာရီ ဟာ တိုင်းပြည် တပြည်မှာ တရားဥပဒေက မနိုင်တော့ လောက်အောင် ကလိမ်ကကျစ် လုပ်သူ များလာရင် တိုင်းပြည် ပျက်တတ်တာကို ရည်ညွှန်းတာ ဖြစ်တယ်လို့ ကောက်ချက်ချနိုင်ပါတယ်။ ညှပ်ကြီး ပျောက်ပြီး မကြာခင်ပဲ သရေ ခေတ္တရာ ပြည်မှာ ငါ့ဆန်ကော ဆိုတဲ့ အော်သံနက်ကြီးကြောင့် လူတွေ ထိတ်လန့်တကြား ပြေးလွှားကြတယ် ဆိုတဲ့နေရာမှာ ငါ့ဆန်ကော ဆိုတာဟာ ငါတကော ဆိုတဲ့ မြန်မာစကားကို ဆိုလိုဟန် ရှိတယ်လို့ ယူဆရပါတယ်။ ညှပ်ကြီးဆိုတဲ့ တရားဥပဒေ မရှိတော့ သို့မဟုတ် မစိုးမိုးနိုင်တော့တဲ့ နောက်ပိုင်း မှာ ငါတကော ကောကာ ကိုယ့်တရား ကိုယ်စီရင်သူ များလာတဲ့အခါ လူအများဟာ ထိတ်လန့်တကြား ပြေးလွှားကြရမှာလည်း အမှန်တကယ် ဖြစ်တာကြောင့် လူဆိုး သူပုန်များလို့ တိုင်းပြည်ပျက်တယ် လို့ယူဆ နိုင်ပါတယ်။ ဒါကြောင့် သည်ဒဏ္ဍာရီဟာ တိုင်းပြည်ပျက်ခါနီး အခြေအနေကို သတိပေးတဲ့ ပုံပြင်တစ်ပုဒ်လို့ ယူဆမိပါတယ်။ အခုအချိန်မှာလည်း ဗုဒ္မ္ဓဘာသာ ထွန်းကားတဲ့ မြန်မာပြည်မှာ ဗုဒ္မ္ဓဘာသာ ကိုးကွယ်သူ မြန်မာလူမျိုး ဖြစ်လျက်နဲ့ ခိုးမှုလိမ်မှု ဆိုတဲ့ မတရားမှုများကို ကျူးလွန်ရင်း တရားခံအတုကို ရှာရာမှာ "ချိန်ခွင်က အလေးခိုးတယ် "ဆိုသလို တစ်ယောက်က အဆိုတင်သွင်း၊ အဂတိလေးပါး လိုက်စားသူများက တစ်ယောက် တစ်ပေါက် ထောက်ခံကာ ကျန်သူများကပါ အတည်ပြု ပေးနေကြလျှင်ဖြင့် မကြာခင် အမှန်တရား မှေးမှိန် ပျောက်ကွယ်ကာ လူ့အသိုင်းအ၀ိုင်း တစ်ခုလုံး အကျင့်ပျက်မှု ခြစားရင်းလက်ရှိ မြန်မာ ပြည်ဟာ သရေ ခေတ္တရာ ပြည်ကြီး ပျက်စီးသလို ပျက်စီးဖို့ ရှိနေပါကြောင်း သတိပေးလိုက် ရပါတော့သည်။

Read More...

Summary only...

ရိုးရာအမွေ (၁)

တူ..တူ..တူ
မနက်စောစော ဖုန်းသံကြောင့် အိပ်ချင်မူးတူးနဲ့ ဖုန်းပြန်ထူးရတာ နိုင်ငံခြားရောက် မြန်မာတွေ အတွက် ဇိမ်အပျက်ဆုံး လို့ထင်ပါတယ်။
"ဟဲလို"
"ဟဲလို.. သမီး.. မေမေပါ"
"သြော်.. မေမေလား .. မေမေနေကောင်းလား"
"အိပ်ပုတ်လေး .. လာမဖားနဲ့ .. အိပ်ရာထတော့ .. ကျောင်းမမီမှာ စိုးပြီး ဘုရားရှိခိုး မပျက်စေနဲ့"
"အင်.. အင်းပါမေမေရဲ့"
"သမီးတို့ နိုင်ငံခြားမှာ ကုသိုလ်ရေး အတွက် ဘုရားသွား၊ ကျောင်းတက် ဥပုသ်ယူ ပုံမှန် လုပ်နိုင် ကြတာ မဟုတ်ဘူး .. ကုသိုလ်လေး ပုံမှန်ရဖို့ မနက်တိုင်း မှန်မှန် ဘုရား ဆွမ်းတော်ကပ်၊ ဘုရားရှိခိုး၊ ငါးပါးသီလယူ၊ မေတ္တာပို့နော်.. ဗုဒ္မ္ဓဘာသာ ၀င်တွေရဲ့ ပန်းတိုင် ဖြစ်တဲ့ နိဗ္ဗာန်ကို ရောက်ဖို့ လိုအပ်တဲ့ ပါရမီဆယ်ပါး တပြိုင်တည်း ဖြည့်ပြီးသား ဖြစ်တယ် သမီးရဲ့"

"ဟင်..ဒါလေး လုပ်တာနဲ့ ပါရမီဆယ်ပါးလုံး တပြိုင်တည်း ပြည့်ရောလား မေမေရဲ့ ..သည်အတိုင်းဆို မလွယ်လွန်း ဘူးလား" "သာမန် ပြီးစလွယ် လုပ်ရင်တော့ ဘယ်ပြည့်မလဲ သမီးရယ် .. စိတ်ထားတတ်ဖို့တော့ လိုသေးတာပေါ့ ... ဘယ်နေရာ မှာမဆို စိတ်ထား တတ်ဖို့က အရေးကြီးဆုံးပဲလေ.."
"ဘယ်လို စိတ်ထားပြီး ဘယ်လိုလုပ်မှ ပါရမီဆယ်ပါး ဖြည့်ပြီးသား ဖြစ်မလဲမေမေ"
(၁) ဘုရား ဆွမ်းတော် ကပ်တဲ့အတွက် ဒါန ပါရမီ
(၂) သီလခံယူ ဆောက်တည်တဲ့ အတွက် သီလ ပါရမီ
(၃) မေတ္တာ ပွားများတဲ့ အတွက် မေတ္တာ ပါရမီ
(၄) နေ့စဉ်ပုံမှန် ပြုလုပ်သွားတာ ဖြစ်တဲ့အတွက် အဓိဋ္ဌာန် ပါရမီ
(၅) အဓိဋ္ဌာန် ပေါက်မြောက်အောင် အားထုတ် လုပ်ဆောင်မှုကြောင့် ၀ီရိယ ပါရမီ
(၆) ၀ီရိယ၊ ဇွဲနဲ့ တရားအမှန် တွေကို တကယ် ပြီးမြောက်အောင် အားထုတ်တာမို့ သစ္စာပါရမီ
(၇) ညောင်းညာမှု၊ ပျင်းရိမှုတွေကို သည်းခံပြီး ၀တ္တရား မပျက် အားထုတ်မှုကြောင့် ခန္နီ ပါရမီ
(၈) မေတ္တာပွားရာ၊ အာရုံရှိရာကို ဥာဏ်ရောက်အောင် ပို့လွှတ်ပြီး ဥာဏ်ထဲမှာ ထင်မြင်လာအောင် ပွားများရတာမို့ ပညာပါရမီ
(၉) မေတ္တာ ဘာဝနာကို စူးစူးစိုက်စိုက် ပွားများ နေတဲ့အခါ မိမိစိတ်ဟာ ကာမဂုဏ် အာရုံတို့မှ လွန်မြောက်နေတဲ့ အတွက် နိက္မ္ခမပါရမီ
(၁၀) မေတ္တာ ပို့တဲ့အခါ ချစ်သူ၊ မုန်းသူ၊ သူ့လူမျိုး၊ ကိုယ့်လူမျိုး မခွဲခြားဘဲ တသားတည်း မေတ္တာ ပွားတဲ့အတွက် ဥပေက္မ္ခာ ပါရမီ
"ကဲ.. သည်လို ဆိုရင် လက်တွေ့ ကျကျ၊ ရှင်းရှင်းလင်းလင်း သိရတော့ လွယ်မသွားဘူးလား။ ပြီးတော့ တကယ်ရော ဖြစ်မြောက်အောင် လုပ်ဖို့ မခဲယဉ်းတာ တွေ့ပြီလား.."
"အင်း ..ဟုတ်တယ်နော်။ နေ့စဉ် အမှတ်တမဲ့ လုပ်နေတတ်တဲ့ မြန်မာရိုးရာ ဓလေ့ထုံးစံ တွေဟာ သည်လောက် အဓိပ္ပါယ် ပြည့်ဝနေလိမ့်မယ်လို့ မတွေးမိခဲ့ဖူးဘူး"
"ရှေးမြန်မာ ကြီးတွေသာ အမှုမဲ့ အမှတ်မဲ့ လုပ်တတ်ရင် မြန်မာ့ သမိုင်းကြောင်းကြီး လွယ်လွယ် ဘယ် ထွန်းပြောင် ခဲ့ပါ့မလဲကွယ်။ခက်တာကို နောင်လာ နောင်သားတွေ လွယ်လင့်တကူ လိုက်နာနိုင်အောင် ရိုးရာအဖြစ် အကျင့်လုပ် ပေးခဲ့တာကိုးကွဲ့။ သို့ပေမယ့် အနှစ်ကို နားလည်သိရှိ လိုက်နာ ကျင့်သုံးနိုင်မှ အကျိုးများ မှာပေါ့။ ရိုးရာအမွေကို ထိန်းသိမ်းတယ် ဆိုတာ သည်လို အနှစ်ကိုပါ ထိန်းသိမ်းမှ တကယ် ထိန်းသိမ်းရာ ရောက်တယ် သမီးရဲ့။ အမွေကို ဆက်ခံတယ် ဆိုရာမှာလည်း ဆက်ခံရုံနဲ့ မပြီးဘဲ သည် အမွေ အရှည် တည်တံ့ ပွားများအောင် ကြိုးပမ်းရမယ့် တာဝန်ကိုပါ ဆက်ခံရမယ့် ၀တ္တရားဟာ အမွေ ဆက်ခံသူရဲ့ မရှိမဖြစ် ရှိရမယ့် ၀တ္တရားပဲသမီးရဲ့"
"ဟုတ်ကဲ့ပါ မေမေ .. သမီး ရှေးရိုးတွေကို လွယ်လွယ် အထင်မသေး တော့ပါဘူး။ပြီးတော့ မေမေ သည်နေ့ ဆုံးမတာတွေ ကိုလည်း သမီး နားထောင် လိုက်နာပါ့မယ်"
"သမီးစကားကြားရတာ မေမေ၀မ်းသာပါတယ် ..ကဲ.. ကျောင်းမနောက်ကျအောင် လုပ်စရာရှိတာလုပ်တော့ .. မေမေ ဖုန်းချလိုက်တော့မယ် .. လိမ်လိမ်မာမာ နေနော်သမီး။ လိမ်မာတယ် ဆိုတာ လူကြီး ပြောသမျှ နားထောင်တာကို ပြောတာမဟုတ်ဘူး။ လိမ်မာပါးနပ်စွာ နေတာကို ပြောတာနော်။ မေမေ ဖုန်းချလိုက်တော့မယ်"
"ဟုတ်ကဲ့ပါမေမေ..စိတ်ချပါ"
တူ..တူ..တူ

Read More...

Summary only...

ရိုးရာအမွေ (၂) သို့မဟုတ် ဘုန်းကံတက်အောင်

ရှေးမြန်မာ့ယဉ်ကျေးမှု ထုံးတမ်းစဉ်လာများဟာ ဗုဒ္ဓဘာသာ ယဉ်ကျေးမှုကို အခြေခံပြီး ချမှတ်ကာ ဆွေစဉ် မျိုးဆက်လိုက် လိုက်နာခဲ့ကြရတဲ့ ထုံးတမ်း စဉ်လာများ ဖြစ်ပါတယ်။ သို့သော် ကိုလိုနီခေတ်မှာ မြန်မာ့ ထုံးတမ်း စဉ်လာ များကို နှိပ်ကွပ်မည် စိုးသောကြောင့် ဖြစ်စေ၊ တိုင်းတပါးသားများ ရရှိသွားမည် စိုးသောကြောင့် ဖြစ်စေ ဖုံးကွယ်လျှို့ဝှက် ထားခဲ့ကြရာမှ အချို့ထုံးတမ်းစဉ်လာ များ မှေးမှိန် ပျောက်ကွယ် သွားခဲ့ရပါတယ်။ ပုဂံရာဇ၀င်မှာ ထင်ရှားတဲ့ အနော်ရ ထာ မင်းရဲ့ ဖခမည်းတော် ကွမ်းဆော် ကြောင်ဖြူမင်းဟာ ရုက္ခစိုးနတ်မင်းက အကြံပေးတဲ့ အတိုင်း အနုဿတိ ၁၀ပါးကို နေ့စဉ် ပုံမှန်ပွားများခဲ့လို့ ဘုန်းကံ တက်လာပြီး တောင်သူကြီးမင်း အလိုလိုနန်းကျချိန်မှာ အဖိုးအိုဟန်ဆောင်သူ သိကြားမင်း ဆက်သတဲ့ မင်းဝတ်တန်ဆာကို ဆင်မြန်းပြီး နန်းသိမ်းပွဲခံကာ မင်း အဖြစ်ကို ရခဲ့တယ်လို့ ဆိုပါတယ်။ နောင်မင်း အဆက်ဆက်ကလည်း အနုဿတိ ၁၀ပါးကို ပွားများခဲ့ကြတယ်လို့ ဆိုပါတယ်။ မြန်မာ့သမိုင်းကို ပြန် ကြည့်ရင် မင်းဆက်တိုင်းက မင်းများဟာ သူတို့ယုံကြည်စွာ ရွတ်ဆိုတဲ့ ဂါထာ သို့မဟုတ် ကျင့်စဉ်တစ်မျိုးစီ ရှိကြပါတယ်ဆိုတာ တွေ့ရပါလိမ့်မယ်။ မင်း အဖြစ်ကို မရည်မှန်းရင်တောင် သည်အနုဿတိ ၁၀ပါးကို ပုံမှန်နေ့စဉ် ပွားများ ရင် ဘုန်းကံတက်ခြင်း၊ နတ်များချစ်ခင်ခြင်းနဲ့ အန္တရာယ်ရှိခါနီးခဲ့ရင် နတ်များက သတိပေးတားမြစ်ခြင်း စတဲ့အကျိုးများကို လက်တွေ့ ခံစားရ တတ်ပါတယ်။ ပါဠိ စကားကြီးနဲ့မို့ ခက်မယ် ထင်သူများအတွက် သည်လိုပွားများဖို့ ဘယ် လောက် လွယ်တယ် ဆိုတာကို ပြောပြပါမယ်။ အနုဿတိ ရဲ့အဓိပ္ပာယ်ဟာ ပွားများခြင်းဖြစ်ပါတယ်။

၁. ဗုဒ္ဓါနုဿတိ ----ဘုရားဂုဏ်တော်ကို ပွားများခြင်း

၂. ဓမ္မာနုဿတိ----တရားဂုဏ်တော်ကို ပွားများခြင်း

၃.သံဃာနုဿတိ----သံဃာဂုဏ်တော်ကို ပွားများခြင်း

၎.မေတ္တာနုဿတိ----မေတ္တာကို ပွားများခြင်း

၅.ဒေ၀တာနုဿတိ----နတ်တို့ဧ။်အကျင့်နှင့် တူသောအကျင့်ကို ပွားများခြင်း

၆.ခန္ဓာနုဿတိ----မိမိခန္ဓာကိုယ်ဧ။် အပြစ်ကိုရှုခြင်းကို ပွားများခြင်း

၇.ဝေဒနာနုဿတိ----အေးမှုပူမှုစသော ခံစားမှုတို့ကို သတိမူခြင်းကို ပွားများခြင်း

၈.မရဏာနုဿတိ----သေခြင်းတရား မိမိနှင့်နီးကပ်မှုကို သိခြင်းကို ပွားများခြင်း

၉.စာဂါနုဿတိ----မိမိဧ။် ကောင်းသောအကျင့်ကို ပွားများခြင်း

၁၀.ဥပဿနာနုဿတိ----နိဗ္ဗာန်ဧ။် ဂုဏ်ကျေးဇူးကို အဖန်တလဲလဲ ပွားများခြင်း တို့ဖြစ်ပါတယ်။ သည် အနုဿတိ ဆယ်ပါးကို မျက်နှာသစ်ရင်းနဲ့ ပြီးမြောက်အောင် ပွားများပုံကတော့မျက်နှာသစ်မယ့်ရေခွက်ကို ရေအပြည့်နဲ့ခပ်ယူ ကိုင်မြှောက်ရင်း မြတ်စွာဘုရား ကို မျက်နှာသစ်တော်ရေ ဆက်ကပ် လှူဒါန်းနေဟန် အာရုံမှာ ရည်မှန်းပြီး ဗုဒ္ဓံ သရဏံ ဂစ္ဆာမိ၊ ဓမ္မံ သရဏံ ဂစ္ဆာမိ၊ သံဃံသရဏံ ဂစ္ဆာမိ၊ လို့သုံးကြိမ် ရွတ်ဆို ပါ။ ပြီးရင် မြတ်စွာဘုရားထံက ရေတော်ပြန်စွန့်ဟန် အာရုံယူပါ။ သည်အချိန် မှာ ဗုဒ္ဓါနုဿတိ ---- ဘုရားဂုဏ်တော်ကို ပွားများခြင်း၊ ဓမ္မာနုဿတိ ----တရားဂုဏ်တော်ကို ပွားများခြင်းနဲ့ သံဃာနုဿတိ ---- သံဃာဂုဏ်တော်ကို ပွားများခြင်း ဆိုတဲ့ အနုဿတိ ၃ပါးပွားပြီးဖြစ်ပါပြီ။ ထို့နောက် မျက်နှာသစ်ဖို့ ရေကိုလက်ပေါ် အနည်းငယ်လောင်းချရင်းနဲ့ သည်ရေ သန့်ရှင်းကြည်လင် အေးမြသလို သတ္တ၀ါခပ်သိမ်းတို့ရဲ့ နှလုံးစိတ်ဝမ်း သန့်ရှင်းကြည်လင် အေးမြကြပါစေလို့ မေတ္တာပို့ပါ။ ဝေဒနာနုဿတိ ---- အေးမှု ပူမှု စသော ခံစားမှုတို့ကို သတိမူခြင်းကို ပွားများခြင်းနဲ့ မေတ္တာ နုဿတိ ---- မေတ္တာကို ပွားများခြင်း ဆိုတဲ့ အနုဿတိ နှစ်ပါး ထပ်မံ ပွားများပြီး ဖြစ်ပါလိမ့်မယ်။ အနုဿတိ ငါးပါး ပွားရတာ ဘယ်လောက် များ လွယ်ကူလိုက် ပါသလဲနော်။ သည့် နောက်တော့ မနက်တိုင်း နေ့စဉ်နဲ့အမျှ သန့်စင်ဆေးကြော နေသော် လည်း မိမိရဲ့ခန္ဓာဟာ အမြဲပြန်လည် ညစ်ပေလာလို့ နေ့စဉ်မျက်နှာသစ် နေရတာကိုသတိရပြီး ငါ့ခန္ဓာ ဟာ မမြဲပါလား လို့ ရှုပွား သုံးသပ် လိုက်တာနဲ့ခန္ဓာနုဿတိ---- မိမိခန္ဓာကိုယ်ဧ။် အပြစ်ကိုရှုခြင်း ကိုပွားများခြင်း တစ်ရပ် ပြီးမြောက်ပြီ ဖြစ်ပါတယ်။ သည့်နောက် မိမိသက်ရှိထင်ရှား ရှိနေလို့သာ မျက်နှာသစ်ဖို့ လိုတာဖြစ်ကြောင်း သတိရပြီး အသက်ဆိုတာ ကွေးသောလက် မဆန့်မီ ဆန့်သောလက်မကွေးမီ သေဆုံးတတ်တာမို့ လက်ရှိအချိန်လေးကို သတိနဲ့နေပြီး ကုသိုလ်ကောင်းမှု ပြုသင့်ကြောင်း ဆင်ခြင်စဉ်းစားလိုက်ရုံနဲ့ မရဏာ နုဿတိ--- သေခြင်းတရား မိမိနှင့်နီးကပ်မှုကို သိခြင်းကိုပွားများခြင်းနဲ့ စာဂါနုဿတိ--- မိမိဧ။် ကောင်းသော အကျင့်ကို ပွားများခြင်း တို့ ပြီးမြောက်ပြီ ဖြစ်ပါတယ်။ ထို့နောက် မြတ်စွာဘုရားကို မျက်နှာသစ်တော်ရေ ကပ်လှူလိုက် ရတဲ့ မိမိရဲ့ ကုသိုလ်ကိုထပ်မံ အာရုံပြုပြီး နတ်ဒေ၀တာများကို ၀မ်းမြောက် ၀မ်းသာ အမျှပေးဝေလိုက်တဲ့အခါ ဒေ၀တာနုဿတိ ---- နတ်တို့ဧ။်အကျင့်နှင့် တူသောအကျင့်ကို ပွားများခြင်း ပြီးမြောက်ကာ သည်လို ပွားများခြင်း ကြောင့် နိဗ္ဗာန် ရောက်သည့် ကိုယ် ဖြစ်ပါစေလို့ ဆုတောင်းရင်း သံသရာ ငြိမ်းကြောင်း ဖြစ်ရာ နိဗ္ဗာန်ကို အာရုံပြုလိုက်ပါက ဥပဿနာနုဿတိ ---- နိဗ္ဗာန်ကို အာရုံ ပြုကာ အဖန်တလဲလဲ ဖြစ်အောင် ပွားများခြင်း တို့ပြီးမြောက်ကာ အနုဿတိ ဆယ်ပါး ပွားများခြင်း ပြီးမြောက်ပါတော့တယ်။ အနုဿတိ ဆယ်ပါးပွားမှု ကြောင့် စိတ်ချမ်းသာ လုံခြုံသွားတာကြောင့် ကြည်လင်တဲ့ မျက်နှာပေးနဲ့တင် လူချစ်လူခင်များတာ ပြောစရာမလိုအောင်ပါပဲ။ ကိုယ့်ကိုယ်ကိုလည်း မကောင်း မှု မလုပ်ဖြစ်အောင် သတိပေးပြီးသား ဖြစ်သွားတာကြောင့် ကုသိုလ်အကျိုး ပေးဖို့လည်း သိပ်လွယ်သွားပါတယ်။ ဒါကြောင့် မနက်တိုင်း မျက်နှာသစ်တိုင်း သတိလေးတစ်ချက် ထားလိုက်ရုံနဲ့ ကုသိုလ်ဆယ်မျိုး ဆယ်ခါရပြီးဖြစ်တာမို့ သတိလေး တစ်ချက် ထားကြရအောင်လားရှင်။ ကျွန်မရဲ့ ရေချိုးခန်းကို စာရှုသူတို့ လာကြည့်နိုင်မယ်ဆိုရင် မျက်နှာသစ်တဲ့ ကြွေခွက်ရှေ့က မှန်မှာ စီဒီပြားပေါ်မှာ စာရေးတဲ့ မှင်မပျက်နိုင်တဲ့ ဆော့ပင်နဲ့ အနုဿတိ ဆယ်ပါး ပွားရန်လို့ ရေးထားတာ တွေ့ရပါလိမ့်မယ်ရှင်။ နှစ်သစ်မှာ ရွှင်လန်းတိုးတက် အောင်မြင်ကြပါစေ။

Read More...

Summary only...