Only in Japan
မြန်မာပြည်မှာ ဘတ်စ်ကား ကြပ်တယ်လို့ ညည်းတတ်သူများ အတွ့်... အဲ.. ကျန်သးတယ်.. ဂျပန်မှာ ဆွေမိုးသားချင်း မိသားစုဝင် အလုပ်လုပ် ငွေပို့ နေရင် အားရပါရ သုံးဖြုန်း တတ်သူများ ကိုယ်ချင်းစာ နိုင်စေဖို့ ...
Showing posts with label ဟာသ. Show all posts
Showing posts with label ဟာသ. Show all posts
Tuesday, August 11, 2009
Wednesday, July 15, 2009
မှတ်လောက် သားလောက် ရွှေမြန်မာ (၁)
တခါက မဲဆောက်မှာ ပတ်စပို့ မရှိ အလုပ်သမား လက်မှတ် မရှိတဲ့ မြန်မာ တစ်ယောက်ကို ထိုင်းရဲက ဖမ်းပါတယ်။ ကိုရွှေမြန်မာက ထိုင်းစကားက မွှတ်နေပြီး ထိုင်းစတိုင်လ် ဖမ်းထား ပေမယ့် ရဲမျက်စိက ထိုင်းမဟုတ်မှန်း သိသတဲ့။ ထိုင်းရဲတစ်ယောက်ကို ကျွန်မ စပ်စုပြီး မေးဖူးပါတယ် ဘယ်လို သိလဲ ဆိုတာ… ခိုးနေတဲ့ သူပီပီ ရဲကို မြင်ရင် ဘယ်လောက် ဟန်ဆောင် ထားထား ကြောက်နေ သတိထားနေတဲ့ အရိပ်အယောင် ဟန်ပန် ပေါ်ပါသတဲ့။ အဲဒါကို ကြည့်ပြီး ဖမ်းပါသတဲ့။
အဖမ်းခံရတဲ့ ကိုရွှေမြန်မာကလဲ ဟန်ကောင်းကောင်းနဲ့ သူ ထိုင်းလူမျိုး ဖြစ်ကြောင်း ပြောရှာတယ်။ ထိုင်းရဲက ထိုင်းမှတ်ပုံတင် ပြခိုင်းတော့ သူက အိမ်မှာ ကျန်ခဲ့လို့ ပြန်ယူပါရစေတဲ့။ မယုံရင် လိုက်ကြည့် ဆိုပဲ။ ရဲပဲ အဲလောက်တော့ နပ်တာပေါ့။ လိုက်ကြည့်ရအောင် ဂျူတီချိန်မှာ နေရာကို ပစ်ပြီး သွားလို့မှ မရဘဲ။ နောက်ဆုံးတော့ ရွှေမြန်မာက ဘယ်လိုမှ ပြောမရတဲ့ အဆုံး ထိုင်းရဲက အကြံထုတ်ပါတယ်။ ထိုင်း ဆိုရင် ထိုင်းနိုင်ငံရဲ့ အမျိုးသား သီချင်းနဲ့ ဘုရင့်သီချင်းကို ဆိုပြတဲ့လေ
ရွှေမြန်မာက ဘာလုပ်သလဲ သိလား… ဒီသီချင်းတွေက သူက မြတ်နိုး တန်ဖိုးထားလွန်းလို့ ဒီအတိုင်းတော့ မဆိုပြနိုင်ဘူး ဆိုပဲ။ သူသီချင်း ဆိုနေတုန်း ရဲက သတိဆွဲ အလေးပြု နေရမယ် ဆိုပဲ။ ရဲကလဲ သဘောတူပါတယ်။ ကဲ… အလေးပြု ဆိုတဲ့ စကား အဆုံး ရွှေမြန်မာရဲ့ ပါးစပ်က ထွက်လာတဲ့ အမျိုးသား သီချင်းက
“ကမ္ဘာမကြေ”
အစကတော့ မပီကလာနဲ့ ဆိုတယ် မှတ်လို့ ထိုင်းရဲက မျက်မှောင်ကြုတ် နားထောင် နေပေမယ့် နောက်တော့ သိသွားပြီး အင်မတန် စိတ်ဆိုး ဒေါသထွက်တဲ့ မျက်နှာနဲ့ ရွှေမြန်မာရဲ့ အင်္ကျီကော်လာကို နောက်က ဆွဲပြီး ရဲကားဆီ ဖမ်းခေါ် သွားပါတော့တယ်။ ကိုရွှေမြန်မာရဲ့ မျက်နှာ ပျက်မယ် ထင်လား … စပ်ဖြဲဖြဲနဲ့။
Friday, March 20, 2009
G-ရေးရာများ
Google မှတဆင့်သုံးသော mail ကို G-mail ဟုခေါ်သည်။
Google မှတဆင့်သုံးသော စကားပြောခြင်းကို G-talk ဟုခေါ်သည်။
Google ၏ ဝန်ဆောင်မှုများဖြစ်သောGmail နှင့်Gtalk များကိုhack ကာ G-mail ကိုခိုးဖတ်ခြင်း၊ ပိုင်ရှင်ဧ။် အဆက်အသွယ်များကြား နားလည်မှု လွဲမှားအောင် ပုန်းလျှိုးကွယ်လျှိုးနှင့် အယောင်ဆောင် မေးလ်များ ပို့ခြင်း၊ G-talk များကို ခိုးနားထောင်ခြင်း စသည့်များကို ပုန်းလျှိုးကွယ်လျှိုး လုပ်သူများကို G-ပုန်းများ ဟုခေါ်သည်။
Wednesday, November 26, 2008
တွေးစရာပေးတဲ့ ဟာသများ
ဖတ်ပြီးသားတွေ ဖြစ်နေရင် အချိန်ကုန်တဲ့ အတွက် ဆောရီးပါ.. မဖတ်ရသေးခင် ခံစားလို့ ရတာပေါ့နော်... လေယာဉ် ပြတင်းပေါက်ဘေးမှာ ထိုင်၍ လိုက်ပါလာသူ ခရီးသည်တစ်ယောက်သည် တရွေ့ရွေ့ သွားနေကြသော တိမ်စိုင်တိမ်ခဲကြီး များကို ကြည့်ရင်း အလွန်ကြည်နူးနေလေသည်။ ထိုစဉ် သူ့ပြတင်းပေါက်ရှေ့မှာ လေထီးသမားတစ်ဦးကို မြင်လိုက်ရ၏။ လေထီး သမားက
`ဘယ်လိုလဲ၊ ကျွန်တော်နဲ့ လိုက်ခဲ့မလား´ ဟုလှမ်းမေး၏။
ဒီတော့ ခရီးသည်က `ကျေးဇူးပဲ၊ မလိုက်တော့ပါဘူး။ တိမ်တွေကို ခုလိုကြည့်နေရတာ သိပ်အရသာ ရှိတယ်´
`ကောင်းပါလေ့ဗျာ။ ကျွန်တော်က တခြား လူမဟုတ်ပါဘူး။ ခင်ဗျားစီးနေတဲ့ လေယာဉ်ပျံကြီးရဲ့ လေယာဉ်မှူးပါ။ ကဲသွားပြီ၊ တာ့တာ´
...............................................................................................................................
ပထမ အလုပ်သမား ။ ။ `ခင်များသူဌေး ရဲ့ အသုဘကို သွားဦးမလား´
ဒုတိယ အလုပ်သမား ။ ။ `မသွားဘူးဗျာ…ကနေ့ ကျွန်တော် အလုပ်လုပ်လိုက်ဦးမယ်။ ကျွန်တော့်ဆောင်ပုဒ် က အလုပ်ပထမ၊
ပျော်စရာက ဒုတိယလေ´
.............................................................................................................
ဘ၀မှာ..အဆိုးရွားဆုံးအရာ
(ပြည့်ဖြိုး)
အမေ..သူ့သမီးအခန်းကိုဖြတ်သွားစဉ်..အိပ်ရာခင်းကို..သပ်သပ်ရပ်ရပ် ခေါက်ထားပြီး..အားလုံး သန့်သန့်ရှင်းရှင်း ဖြစ်နေတာ မြင်တော့ အံသြသွားသည်..အိပ်ရာဘေးက.. မှန်တင်ခုံပေါ်မှာ.. စာအိတ်တခုထောင်ထားတာတွေ့သွားသည်။ ..အမေသို့ ..လို့ ရေးထားသည်..။ သူမ..တုန်လှုပ်စွာဖြင့်..စာအိတ်ကိုဖောက်ပြီး..စာကိုဖွင့်ဖတ်လိုက်သည်...။
အမေ
သမီး..ဒီစာကိုရေးနေတဲ့အချိန်မှာ..အရမ်းလည်းနောင်တရတယ်..၀မ်းလည်းနည်းတယ်..။ သမီး.. သမီးရည်းစားနဲ့ ခိုးရာလိုက် သွားပြီ အမေ... သမီးတော့.. တကယ့်ကိုသမီးချစ်တဲ့လူကိုတွေ့ပြီ... သူက သူရဲ့နားကွင်း၊ ဆေးမင်ကြောင်နဲ့ သူဝတ်တဲ့ အ၀တ် အစားနဲ့ တကယ်ကိုပဲကြည့်လို့ကောင်းတယ်..။ ဒါပေမဲ့ သမီးသူ့နောက်လိုက်သွားတာ ဒါတခုတည်းကြောင့်မဟုတ်ဘူး အမေ..သမီးမှာ ကိုယ်ဝန်ရှိနေပြီ..။ သူကပြောတယ် သမီးတို့ပျော်ပျော်ရွင်ရွင်နေကြရမှာတဲ့။ တောထဲမှာ သူပိုင်တဲ့ တဲလေး ရှိတယ် တဲ့။ သူက..သမီးနဲ့အတူ.. ကလေးတွေ အများကြီး လိုချင်တယ်တဲ့။ .သူကသမီးတို့ ဆေးခြောက်တွေ၊ ကိုကင်း တွေ ကို စိုက်ပြီး အသက် မွေးကြမယ် တဲ့လေ..။ အဲဒီ့အချိန်အတွင်းမှာ သမီးတို့ အေအိုင်ဒီအက်စ်ကို ကုလို့ရမယ့် ဆေးပေါ် လာပါ စေလို့ ဆုတောင်းမယ်..ဒါမှ..သမီးရည်းစားမြန်မြန်သက်သာမှာ..။ သမီးတို့အတွက် စိတ်မပူပါနဲ့အမေ။ သမီးက အခုဆို ၁၅နှစ်တောင်ရောက်နေပြီ။ ကိုယ်ကိုယ့်ကို ဘယ်လိုဂရုစိုက်ရမယ်ဆိုတာ သမီးသိပါတယ်။ တနေ့နေ့ကြရင် အမေတို့ဆီ သမီးတို့ ပြန်လာပြီး အမေ့ မြေးလေး တွေကို..လာပြမှာပါ..
အမေ့ရဲ့..သမီး..
ဂျူလိုင်..
PS:
အမေ..အပေါ်မှာရေးထားတာတွေ..တခုမှ..မဟုတ်ဘူးသိလား။ သမီးအခု..သမီးသူငယ်ချင်းအိမ်မှာ။ ဘ၀မှာ သမီးမှန်တင်ခုံ ပေါ်က အံဆွဲထဲက report card ထက် ပိုပြီးဆိုးရွားတဲ့ အရာတွေရှိတယ်ဆိုတာ သိစေချင်လို့ပါ။ သမီးအိမ်ပြန်လို့ စိတ်ချရပြီး ဆိုရင်.. သမီးဆီဖုန်းဆက်လိုက်နော်......။
Wednesday, October 22, 2008
ဂြိုလ်သားတွေ ကြောက်တဲ့သူ
ဒီနေ့ ကျွန်မရဲ့ ဂျီတော့ခ်မှာ ကျွန်မ တွေ့ထားတဲ့ ပန်းကန်ပြားပျံ ဆိုင်ရာ သတင်းလင့်ခ်လေး တင်ထားပါတယ်။ ဒီအချိန် ကျွန်မရဲ့ သူငယ်ချင်းတစ်ယောက်က ကျွန်မကို လာမေးပါတယ်
သူငယ်ချင်း။ ။ နင့် ပန်းကန်ပြားပျံသတင်းက အမှန်လား
ခွန်မြလှိုင်။ ။ သိဘူးလေ။ ဒါပေမယ့် တူရကီ အာကာသ သိပ္ပံ စခန်းက အတည်ပြု ကြေညာ ထားတာပဲ။ ငါကတော့ စစ်ဘက် ထိပ်တန်း လျှို့ဝှက် စစ်လေယာဉ် များလားလို့ သံသယ ဖြစ်နေတာ။ အဲဒီ ဗီဒီယိုကို ငါရိုက်တာ မဟုတ်သလို အဲဒီ ကိစ္စ မှန်မမှန် ငါလိုက် စုံစမ်းနိုင်တာမှ မဟုတ်တာလေ။
သူငယ်ချင်း။ ။ အင်း ဟုတ်တယ်
ခွန်မြလှိုင်။ ။ နောက်ပြီး အမေရိကန်၊ အစ္စရေးနဲ့ ရုရှလို နိုင်ငံတွေက ဒါမျိုး လေယာဉ် တီထွင် နိုင်စွမ်း ရှိနေကြတာပဲဟာ
သူငယ်ချင်း။ ။ ဟုတ်တယ် ငါလဲ ပန်းကန်ပြားပျံတွေကို အယုံအကြည် မရှိချင်ဘူး
ခွန်မြလှိုင်။ ။ နောက်ပြီး အဲဒီ ပန်းကန်ပြားပျံ တွေက အမြဲတမ်း ကမ္ဘာ့ အင်အားကြီး နိုင်ငံတွေ သိပ္ပံ ပညာ တအား ထွန်းကားတဲ့ နိုင်ငံတွေမှာချည့် ပေါ်လာတာ ဘာလို့လဲ။ မထူးဆန်းဘူးလား။ ပန်းကန်ပြားပျံတွေက ဘာလို့ ဖွံဖြိုးမှု အနည်းဆုံး နိုင်ငံတွေ ပေါ်မှာ မပေါ်လာ ရတာလဲ
သူငယ်ချင်း။ ။ စစ်အာဏာရှင် တွေကို ကြောက်လို့ ဖြစ်မှာပေါ့
Tuesday, November 20, 2007
အချမ်းပြေနည်း
ဆောင်းတွင်းတစ်ခုမှာ သိပ်ချမ်းတဲ့နိုင်ငံမှာ ပညာသင်နေတဲ့ မြန်မာကျောင်းသား ဇနီးမောင်နှံ တစ်စုံဟာ ချမ်းလွန်းလို့ အိပ်မပျော် နိုင်ပါဘူး။ အစစ ချွေတာ နေရချိန်မှာ လျှပ်စစ်မီတာ တက်မှာ စိုးလို့ အပူငွေ့ပေး စက်လဲ မဖွင့် နိုင်ဘဲ အချမ်းခံ နေရင်းက သဘာဝ ပတ်ဝန်းကျင် ထိန်းသိမ်းရေး ဘာသာ ယူထားတဲ့ ဇနီးက ဖန်လုံအိမ် ဓာတ်ငွေ့ အကြောင်းကို စဉ်းစား မိပြီး ...
ဆောင်းတွင်းတစ်ခုမှာ သိပ်ချမ်းတဲ့နိုင်ငံမှာ ပညာသင်နေတဲ့ မြန်မာကျောင်းသား ဇနီးမောင်နှံ တစ်စုံ ဟာ ချမ်းလွန်းလို့ အိပ်မပျော် နိုင်ပါဘူး။ အစစ ချွေတာ နေရချိန်မှာ လျှပ်စစ် မီတာ တက်မှာ စိုးလို့ အပူ ငွေ့ပေး စက်လဲ မဖွင့် နိုင်ဘဲ အချမ်းခံ နေရင်းက သဘာဝ ပတ်ဝန်းကျင် ထိန်းသိမ်းရေး ဘာသာ ယူထားတဲ့ ဇနီးက ဖန်လုံအိမ် ဓာတ်ငွေ့ အကြောင်းကို စဉ်းစား မိပြီး နှစ်ယောက်သား အချမ်းပြေ စေဖို့ အပြန်အလှန် ပြောကြ ပါသတဲ့။
ကို.. အချမ်းပြေနည်း တွေ့ပြီ။ သည်မှာရော့.. ပဲကြီးလှော် စားပြီး သည် လေပုတ် ထုတ်ဆေး စားလိုက်.. ပြီးရင် ခေါင်းကို အပြင် ထုတ်ပြီး လည်ပင်းမှာ စောင်ကို အငွေ့ မလစ်အောင် တင်းတင်း ခြုံထား.. သည်တော့ လေလည် ရင် အငွေ့နဲ့ ခင်တို့ နွေးနေ လိမ့်မယ်
Monday, November 19, 2007
ကျွန်မ သူငယ်ချင်းနဲ့ ဘောသော၊ ဘောကျော်
ဖြိုးငယ်ကို နောက်ထားတာ ကြာပါပြီ။ ခုမှ သူ စီဘောက်စ်မှာ အော်မှ သူ့ကို နောက်ပြောင် ထားတဲ့ ဘောသော၊ ဘောကျော် ကို ပြန်သတိရပြီး ဟိုးးး တုန်းက သူငယ်ချင်း များနဲ့ နောက်ပြောင် ခဲ့တာတွေ ပြန်သတိ ရလို့ အတိတ်ကို လွမ်းမိပါတယ်။ သြော်.. အလွမ်းရယ် မပြေဘူး သူငယ်ချင်း များရယ်..
ကျောင်းမှာ ပရောဂျက်တွေ၊ group assignment တွေ များတဲ့ အတွက် သူငယ်ချင်းတွေ စာစု လုပ်ကြ ရာမှာ ကျောင်းတော်ကြီးက အခန်းလွတ် များကလဲ ဖဲဝိုင်းနဲ့ ဆူ (အဲလေ ဒါလဲ အားကစားနည်း တစ်ရပ် များလား မသိ)၊ စာသင်ချိန်ပြီး နာရီဝက် ကြာတာနဲ့ ကျောင်းကား မရှိရင် ကျောင်းကနေ အိမ်ကို ပြန် စရာ ကားကို မရှိအောင် သက်ဆိုင်ရာ များက စေတနာ ဗရပွနဲ့ စီမံ ပေးထား တဲ့အပြင် ကိုယ်ပိုင်ကားနဲ့ ပြန်မဟဲ့လို့ အားခဲ ထားသော် ငြားလဲ ကျောင်းက အထွက် တစ်ခု တည်းသော လမ်းထိပ်မှာ သင်္ချိုင်း ကုန်းက ငုတ်တုတ်မို့ ညနေ ၃နာရီ ကျောင်းဆင်း တာနဲ့ ကျောင်းကနေ မပြန်မဖြစ် ပြန်ကြ ရတာမို့ စာ စု လုပ်ချင်ရင် သဘော ကောင်းသော မိဘများ ရှိတဲ့ ကျောင်းသား ရဲ့ အိမ်မှာ စာစု လုပ်ကြ ရပါတယ်။ ကျောင်းမှာ စာစု လုပ်နေကျ သူငယ်ချင်း များထဲမှာ ဇော်က ကျောင်းမှာ နာမည်ကြီး မင်းသား ပေါ့လေ။ ဘိတ်သံ ၀ဲဝဲနဲ့ ရုပ်ပြေတဲ့ အတွက် သူက ကျောင်းမှာ စတားပေါ့။ သူ ရန်ကုန်မှာ ကျောင်းတက်ဖို့ သူ့ မိဘက တိုက်ခန်းနဲ့ ကား ၀ယ်ပေး ထားတယ် ဆိုတဲ့ သတင်း ကြောင့်လဲ စတားတာ ပါမှာပေါ့ .. (အဟဲ နင်သာ ဒီပို့စ်ကို ဖတ်ရင် ငါ့ကို တိတ်တိတ် ကျိန်ဆဲ နေမှာ မြင်ယောင် သေးတယ်ဟယ် … ငါကတော့ ရေးမှာပဲ .. မကျေနပ်ရင် မဖတ်နဲ့ ဟိဟိ .. နင် ကျိန်ဆဲတာ ရီတောင် ရီရသေး) သူ့ကို သူ့အဒေါ်နဲ့ သူ့ညီက လာအဖော် လုပ်နေ ပေးလေ့ ရှိသေး တယ်။ သူတို့ ညီအကို သိပ် အစေး မကပ်ပေမယ့် သူ့ ညီကို သူက သိပ်ချစ်တာ.. သူ့ညီကို နည်းနည်း မှ အပြော အဆို မခံ တာလေ။ ညီအကို နှစ်ယောက် လုံးက နာမည်မှာ ‘ဇော်’ ပါတာမို့ ဇော်ကြီးနဲ့ ဇော်လေး လို့ ခေါ်ပါတယ်။
ကျိန်ဆဲတဲ့ ကိစ လာပါပြီ။ သူတို့ ညီအကို တစ်ရက်ကျ ကွန်ပြူတာ သွားဝယ်ပါတယ်။ အဲဒါကို အထဲက ပစည်း တစ်ခုကို ဆိုင်က မသမာ လိုက်တယ်လို့ ထင်လို့ ပြန်သွား လဲပါတယ်။ အဲဒါကို တပ်တော့လဲ အဆင်မပြေ ပါဘူး။ ဒါနဲ့ ထပ်သွား ပြန်ပြီး လဲပြန်တယ်။ ဆိုင်က သူတို့ ဆိုင်ကဟာ မဟုတ်ဘူးလို့ ငြင်း ပါတယ်။ သူတို့ညီအကို ဒေါကန် သလို ကျွန်မတို့ သူငယ်ချင်း တစ်အုပ် လုံးလဲ ဒေါကန် ပါတယ်။ ဒေါ ကန်ပုံ ချင်းတော့ မတူပါဘူး။ ရန်ကုန်က ဆိုင်တွေက ဆိုတဲ့ ခေါင်းစဉ် အောက်မှာ ရန်ကုန်သူ ရန်ကုန် သား သိကာ ကျတယ် ဆိုပြီး တော့ပါ။ ဒီမှာတင် သူငယ်ချင်းက အရက်သောက် ရဲဆေး တင်ပြီး ဆိုင်ကို သွားလို့ ဆိုင်ရှင်ကို သွား ကျိန်ဆဲ ပါတယ်။ ကျွန်မ တို့ကို မလိုက်ခဲ့ ခိုင်းဘူးလေ။ ၃နာရီလောက် ကြာ တော့ အိမ်ပြန် ရောက်လာ ပါရော.. မျက်နှာကြီး နီရဲပြီး တအားကို စိတ်ဆိုး နေတာပါ။ သူက နဂိုက စကားသံ ၀ဲရတဲ့ အထဲ မူးနေတော့ ပိုဝဲ ပါတယ်။ သူပြော တာကို မနည်းကို နားထောင် နေရပါရော..
စိတ်ပူတာပေါ့ ဒီလောက်ကြီး ဒေါသတွေ ထွက်နေတာ မမြင်ဖူး ဘူးလေ။ ဒါနဲ့ သံပုရာရည် တိုက်ပြီး သူ့ ကို ချော့မေးရ ပါတယ်။ ဆိုင်ရှင်က ဘယ်လို ရိုင်းရိုင်း စိုင်းစိုင်း ပြောလွှတ် လိုက်လို့လဲ ဆိုတော့ သူက သူပြန် ရလာတဲ့ ကွန်ပြူတာ ပစည်း အကောင်း လေးကို ခုံပေါ် တင်ရင်း ဆိုင်ရှင်နဲ့ သူ ပြောခဲ့တဲ့ စကား ပြန်ပြော ပါတယ်။ သူ ပြန်ပေးတဲ့ ဘောက်ချာကို ကြည့်ရင်း သူ တအားမူးပြီး ပြောဆို သမျှ ပြုံးပြုံးလေး နားထောင်ပြီး ပစည်း အသစ် လဲပေးရင်း ခေါင်းလေး တညိတ်ညိတ်နဲ့ လုပ်ရင်းက ဆိုင်က အရောင်း မန်နေဂျာ မလေးက သူ့ကို ပြန်ပြောတဲ့ စကားက..
မောင်လေး နောက်လဲ အမြဲ လာအားပေးနော်တဲ့။
ကျွန်မတို့ သူငယ်ချင်းတွေ တ၀ိုင်းလုံး တအုန်းအုန်း ရီကြ ပါတော့တယ်။ သူပြောတဲ့ ဆဲတဲ့ စကားကို မန်နေဂျာ က နားကို မလည် ခဲ့တာ မို့ပါ။ ကျွန်မ တို့က ရီလေ၊ သူက ဒေါကန်လေ … ဒေါကန်လေ၊ စကား ပြောတာ ပိုဝဲလို့ မပီလေ နဲ့.. နောက်ဆုံး သူမော သွားပြီး စာစု လုပ်တဲ့ ဘုရားခန်းမှာ ဘုရားစင် ရှေ့က စာဖတ်ဝိုင်း မှာ ကုလားထိုင်ပေါ် စိတ်ဆိုးဆိုးနဲ့ ဆောင့်ကြောင့် တက်ထိုင်ရင်း ဒူးပေါ် တံတောင် ဆစ် တင်ရင်း ရှူးရှဲ လိုက်နေ ပါရော.. ဘုရားရှေ့မှာ လုပ်နေပုံလေ… အဲဒါကို ရခိုင် သူငယ်ချင်း မလေး တွေက မေးငေါ့ပြ ပါတယ်။ ဟိုမှာ .. ဇော်ကြီး လုပ်နေပုံ ကြည့်ပါဦး.. ဘုရားစင်အောက် ရင်ငွေ့တော် လှုံနေပြီ တဲ့လေ။
ဒီမှာတင် အထက်မြန်မာပြည် တခေါက် ဘုရားဖူး ပြန်လာတာ မကြာ သေးတဲ့ ကျွန်မ မကွေး မြသလွန် ဘုရားကို ချက်ချင်း သတိရသွားပါတယ်။ မြန်မာ ပြည်က ဘုရားတိုင်းရှေ့မှာ ခြင်္သေ့ ပုံတွေ ထုထားလေ့ ရှိသမျှ မကွေး မြသလွန် ဘုရားရှေ့မှာ တွေ့ရတာ ဘီလူး ညီနောင်ပါ။ မြတ်စွာဘုရား မြန်မာပြည် ဘက် ကို ကြွလာစဉ်က ဘောသော၊ ဘောကျော် ဘီလူး ညီနောင်က မြသလွန် စေတီ တည်ထားတဲ့ တောင် ကို စောင့်ပါသတဲ့။ ဘုရား ကြွလာတဲ့အခါ ဘုရားကို ကြည်ညိုလွန်းလို့ ဆွမ်းတွေ ဆက်ကပ် လှူဒါန်း သတဲ့။ မြတ်စွာဘုရားက အဲဒီ တောင်မှာ တည ကျိန်းစက် ပါသတဲ့။ ဘုရား ကျိန်းဖို့ မြသလွန်ကို လှူပါ သတဲ့။ မြတ်စွာဘုရား မဇျိမ ဒေသကို ပြန်ကြွတဲ့ အခါမှာ မြတ်စွာ ဘုရား ကျိန်းစက်ရာ မြသလွန်ကို ဌာပနာပြီး စေတီ တည်ထား ကိုးကွယ်လို့ မြသလွန် ဘုရားလို့ တွင်ပါသတဲ့။ ကျွန်မ လေ့လာ ဖူးတာ လေးကို မှတ်မိ သမျှ ပြန်ပြော တာပါ။ မတိကျတာ၊ လွဲနေ တာများ ရှိခဲ့ရင် မှတ်ချက်မှာ ၀င်ပြင်ပေး ခဲ့ကြ ပါနော်။ ကျေးဇူးပါ။
အဲဒါနဲ့ ကျွန်မလဲ ဘုရားရှေ့ ငုတ်တုတ် ထိုင် ဒေါသ ထွက်နေတဲ့ သူငယ်ချင်းကို နောက်ပြောင် ချင်လာ ပါတယ်။ ဟဲ့.. ဇော်ကြီး .. နင်ဘုရားရှေ့ ငုတ်တုတ် ထိုင်နေပုံ ကြည့်ရတာ ငါ မကွေး မြသလွန် ဘုရားကို သတိရ တယ်ဟယ် ဆိုတော့ အထာ သိတဲ့ သူက ချက်ချင်း ထရယ် ပါလေရော.. စိတ်ဆိုးလဲ မပြေ.. ရီ ကလဲ ရီချင်နေတဲ့ သူ့မျက်နှာက သိပ်ရီစရာ ကောင်းနေတော့ သူငယ်ချင်းတွေ ဆိုတာ တသောသော ပေါ့။ အဲဒါကို သူ့ညီက သူ့အကိုကို ၀ိုင်းရီ နေကြ တာကို နားစွန် နားဖျားနဲ့ မခံချင် ပါဘူး။ သူ့ညီပါ စူပုတ် လာပါရော… ကျွန်မ တို့ကို ထိန်းတဲ့ ဂိုက်အမက ၀င်ဖျန်ဖြေ ရှာပါတယ် .. ငါ့မောင်လေးကို သိပ်မစ ပါနဲ့ ဟယ် .. သူက ရုပ်မဆိုး ပါဘူး .. ကျောင်းမှာ မင်းသား ပဲဟာ ဆိုပြီး ဖော့ပြော ပေးပါတယ်. အဲဒီ တော့မှ ပိုဆိုး သွားပါရော.. ဟုတ်တယ် ဟုတ်တယ် မကွေး မြသလွန် ဘုရားသမိုင်း ဆိုတဲ့ ဇာတ်ကား ထဲမှာ တွေ့လိုက်တယ် ဆိုပြီးလေ.. ယောက်ျားလေး နည်းတဲ့ သူငယ်ချင်း အုပ်ထဲ သူတို့ကို ၀ိုင်းရီ နေသူ တွေက မိန်းကလေးတွေချည့်.. အဲဒီမှာ နည်းနည်း ရှက်ပြီး မခံချင် ဖြစ်လာတဲ့ သူက အဲဒီ တုန်းက နင်တို့လဲ ဘီလူးမ တွေလို့ အားကျ မခံ ပြန်ပြော ပါတယ်။ ပြောမနာ ဆိုမနာ သူငယ်ချင်း တွေ ပီပီ ဘယ်သူ့ ကိုမှ ဘယ်သူ ကမှ မနာနိုင် ကြဘူးလေ.. ဒါနဲ့ ရီရင်း မောရင်းနဲ့ ဟဲ့.. ဘောသော ဘောကျော် က လူပျိုကြီး ဘီလူး နှစ်ကောင်။ တောင် တစ်လုံးမှာ ညီအကို နှစ်ယောက်ထဲ နေတာဟဲ့ လို့ အတင်း စကားရည် ပြန်လု ကြပါတယ်။ ဒါနဲ့ သူတို့ ညီအစ်ကို နှစ်ယောက် ခမျာမှာ ဘောသော နဲ့ ဘောကျော် ဆိုတဲ့ ဘီလူး ညီနောင် နာမည် တွင်သွား ပါတော့တယ်။ ကွယ်ရာ မှာပေါ့နော.. ရှေ့တင်ကျ သူ့ညီကို မစ ဘူးလေ။ သူ့ကိုတော့ ရှေ့တင်ရော ကွယ်ရာပါ ဘောသောလို့ စပါတယ်။ သူက အဲလို စရင် စိတ်ဆိုးချင်ယောင် ဆောင်တတ်ပေမယ့် သူ ဟန်ဆောင်နေပုံက ပြုံးစိစိကို အတင်း ဆွဲတည် ထားတဲ့ ရုပ်မို့ ပိုရီရပါတယ်။
ခုလဲ ဘန် ကောက် မှာ မြဘုရားကို သွားဖူးတိုင်း ဘုရားဝင်းက ဘီလူးကြီး ၂ကောင်ကို မြင်တိုင်း သူငယ်ချင်းလေး ဘောသော နဲ့ သူ့ရဲ့ ချစ်စွာသော ညီလေး ဘောကျော်ရယ်၊ တူတူ အားဖြည့် နောက်ပြောင် ခဲ့ကြတဲ့ သူငယ်ချင်းများ ရယ်ကို သတိရလို့ ပြုံးရယ် မိဆဲပါ။ ဒါပေမယ့် ကျွန်မတို့ ၀ိုင်းပြော မိတဲ့ စကားက ပါးစပ် စီးပြီး နမိတ် ဖြစ်သွားလား မသိပါဘူး။ ခုတော့ သူတို့ ညီအကို နှစ်ယောက်လုံး မစွံကြဘဲ လူပျိုကြီးများ ဖြစ်နေကြ ရှာပါရော.. (ဟဲ့.. ဟိုနှစ်ယောက်… ငါပြန် ကြော်ငြာ ပေးတယ်နော်.. စိတ်မဆိုး နဲ့တော့နော် ဟိဟိ)
ကဲ.. ဖြိုးငယ်ရေ.. ဘောသော၊ ဘောကျော် က ဇာတ်ညွှန်း အရ မင်းသမီး မပါဘူးကွဲ့.. အမကို ဇာတ်ဆောင် မင်းသမီး နေရာမှာ ထားဖို့ အဆိုပြုပေမယ့် ဇာတ်ညွှန်း ဆရာက ခွင့်မပြုလို့ စိတ်မကောင်း ပါဘူးကွယ် ဟဲဟဲ)
Thursday, October 18, 2007
မှတ်လောက်သားလောက် အသံဝဲမှုများ
အီတလီ။ ။ အိုင် ၀မ့်ထ် နာတူရယ် ဂျမ်စတုန်း ယူရွတ်ဂျန့်တလီး (နေချရယ်=natural ကို နာတူရယ်လို့ အသံထွက်လိုက်တာပါ) (အားဂျန့်တလီး= urgently ကို ယူရွတ်ဂျန့်တလီး ပါတဲ့)
ထိုင်း။ ။ ၀မ်းပလိတ်အော့ဖ် စပါ… ဂတီးးး အန် မာကလို နီးးးးးး (one plate of spaghetti and Macaroni)
ကမ္ဘာပတ်နေတဲ့ သူတို့ရဲ့ အသံထွက် အလွဲတွေကြောင့် ကလေးဘ၀က အညာမှာ ဘုန်းကြီးကျောင်းသားလေး တစ်ယောက် အားရပါးရ စာအော်ကျက်သံလေးကို ပြန်သတိရပြီး ပြုံးမိပါတယ်။
မြန်မာ။ ။ စပယ်ရိုး စာကလေး၊ အောက်က ဆင်း နွား၊ ဘဖယ် လိုး ကျွဲ
မှားပါတယ် ကိုယ့်ဆရာတို့ ရယ်…
Subscribe to:
Posts (Atom)
