ယောက်ျားဘသားဆိုသူများသို့ပေးစာ

အနာဂတ်တိုင်းပြည်ဧ။် ပုံသဏ္ဍာန်ကို ထုဆစ်ပုံဖော်ကြမည့် တိုင်းပြည် ခေါင်းဆောင်များ၊ ခေါင်းဆောင် လောင်းများ ဖြစ်ကြသော အဘိုးအရွယ်၊ အဖေအရွယ်၊ အစ်ကိုအရွယ်၊ မောင်အရွယ် ရှိကြသော ယောက်ျား ဘသား များကို မြေး အရွယ်၊ သမီးအရွယ်၊ နှမငယ် အရွယ်၊ အမကြီး အရွယ် ရှိသောကျွန်မက မိမိဧ။် ဆွေမျိုး ရင်းချာ သဖွယ် သဘော ထားကာ မိမိဧ။် မိသားစု ၀င်များကို မိမိမှ ဖြစ်စေ လိုသော အနေအထား၊ ရှိစေ လိုသော အရည်အချင်း များကို အကြံပြု ဆွေးနွေး လိုက်ရ ပါသည်ရှင့်။ စာရှု သူများ အနေဖြင့် မိမိဧ။် မိသားစုဝင် တစ်ဦးမှ အကြံ ပြုစာဟု သဘောထားပြီး ဖတ်ကြ စေလို ပါသည်။ မိန်းကလေး တစ်ယောက် အနေဖြင့် မြင်သမျှ၊ တွေးနိုင် သမျှ ကိုသာ တင်ပြခြင်း ဖြစ်ပါသည်ရှင့်။

ယောက်ျားဘသား ပြည့်ခွန်အား
မြန်မာနိုင်ငံတွင်ဖြစ်စေ၊ ကမ္ဘာတလွှားတွင်ဖြစ်စေ၊ တိုင်းပြည် တပြည်ဧ။် လုပ်ငန်း တာဝန် အရပ်ရပ်ကို ထမ်းရွက် နေကြ သည်မှာ ယောက်ျား များမှာ အများစု ဖြစ်နေ ကြပြီး မိန်းမ အများစု မှာမူ အိမ်တွင်း အလုပ် များကို လုပ်ကိုင်ရင်း ဘ၀ကို ရှင်သန် ကြရ လေသည်။ သို့ဖြစ်ရာ အမျိုးသမီး အခွင့် အရေးများ မည်မျှပင် တိုးတက် တောင်းဆို နေကြစေကာမူ လူ့ သမိုင်း သက်တမ်း တလျှောက်လုံး တွင်ကျယ်စွာ နေရာ ယူထား ကြသည့် ယောက်ျား များသည် တိုင်းပြည်ဧ။် အခန်း ကဏ္ဍ များကို မြင်နိုင်သော အနာဂတ် ကာလ များအထိ ရာခိုင်နှုန်း များစွာ တာဝန်ယူ ထမ်းဆောင် နေကြရ ဦးမည် ဖြစ်ပါသည်။ ထိုယောက်ျား သားများ လူရည် လူသွေး မြင့်မား ပါမှ တိုင်းပြည် သည် ခွန်အား ရှိပေမည်။ ပြည့်ခွန်အား ဖြစ်သော ယောက်ျား များသည် သာမန် မျှသာဘ၀ကို ရှင်သန် ရုန်းကန် သင့်ကြသည် မဟုတ်ပါ။ မိမိဧ။် လုပ်ပုံ ကိုင်ပုံနှင့် အရည်အသွေးများ အားလုံးသည် မိမိ တိုင်းပြည်ဧ။် တိုးတက်မှုကို ထည့်ဝင် ကိုယ်စားပြု နေသည်ကို သတိထား သင့်လေသည်။

ဆယ်ကျော်သက်ရွယ် မောင်ငယ်များသို့

လူဆိုသည်မှာ လူကြီးဘ၀ရောက်လျှင် အမှားလုပ်မိလျှင် ခွင့်လွှတ်ခံရနိုင်မှု အခွင့်အလမ်း နည်းသွားသည်။ လူကြီး ဖြစ်လျက် သည်လောက်တောင် မသိရ ကောင်းလား ဟု လူငယ် များမှပင် ပြစ်တင် ခံရတတ် ကြသည်။ ထို့ပြင် လူကြီး ဘ၀ ရောက်လျှင် အလုပ်များ ကိုသာ မလုပ်မဖြစ် လုပ်ကိုင် ကြရသည် ဖြစ်ရာ လေ့လာ သင်ယူ ရန်၊ အမှား အမှန်ကို ခွဲခြား ဝေဖန် သုံးသပ် တွေးခေါ်ရန် လူငယ် ဘ၀ မှာလောက် အချိန် မရနိုင်။ လူငယ် ဘ၀ ကပင် လေ့လာ သင်ယူပြီး ဖြစ်သည်ဟု ယူဆ ခံကြ ရသည်။ လူကြီး ဘ၀ ရောက်ပါက လူကြီး အဖြစ် အလုပ်အကိုင်များ လုပ်ကိုင် ချိန်တွင် အမှား နည်းအောင်၊ လူကြီး အလုပ် များကို ပြောင်မြောက်စွာ အောင်မြင်အောင် ထမ်းဆောင် နိုင်စေရေး အတွက် အရည်အချင်း များကို ဆယ်ကျော်သက် ရွယ်ပိုင်းမှ မောင်ငယ် များမှာ လူကြီးဖြစ်ရန် အားပျိုးကာစ အချိန်၊ လူငယ်များ ဘ၀ ကတည်းက ဖြည့်ဆည်း ထားသင့် ပါသည်။

သို့ဖြစ်ပါလျက် ငါတို့က လူငယ် များမို့ ဘာလုပ်လုပ် တင့်တယ်သည် ဆိုကာ ပျော်ပါး ပေါ့တန်စွာ နေထိုင်ခြင်း သည် လွန်စွာမှ မှားယွင်းသော အတွေးအခေါ် ဖြစ်လေသည်။ သည်အမှုသည် မိမိဧ။် ရှားပါး လှသည့် အပြင် ပြန်လည် အစားထိုး အသုံးချ မရ နိုင်သော အခွင့်အလမ်း များကို ဖြုန်းတီး ပစ်သည်နှင့် တူလေသည်။ တကယ် တော့ လူငယ် များသည် လူကြီး ဘ၀တွင် အောင်မြင်သော လူများ ဖြစ်လာ နိုင်စေရန်၊ လူကြီး အလုပ် များကို အားကြိုး မာန်တက် လုပ်ကိုင် နိုင်စေရန် အတွက် လူငယ် ဘ၀ကပင် ဗလငါးတန်နှင့် ပြည့်စုံ နေသင့်ပါသည်။ ဗလငါးတန် ဆိုသည်မှာ ကာယဗလ မောင်များ ပိုင်ဆိုင်သော ကြွက်သား များနှင့် ဗလကို ဆိုလိုသည် မဟုတ် ပါ။ ဗလ ဆိုသည်မှာ အားကို ဆိုလိုပါသည်။ ဗလငါးတန် တဖြစ်လဲ အားငါးပါး ဆိုသည်မှာ ကာယအား၊ ဉာဏ အား၊ စာရိတ္တအား၊ စစ်မှန်သော မိတ်စစ် ဆွေစစ် များဧ။် တိုင်ပင် ဆွေးနွေး ပံ့ပိုး အကြံပြု မှုအား၊ အမှားအမှန် ကို ခွဲခြား ဝေဖန် ပိုင်းဖြတ် နိုင်မှု အသိဉာဏ်နှင့် အမှန်ကို ရဲရဲဝံ့ဝံ့ လက်ခံ နိုင်လောက်သော၊ အမှား ကိုလည်း ရဲရဲဝံ့ဝံ့ ၀န်ခံကာ အမှန်ကို ပြန်ရောက် ပြုပြင် နိုင်လောက်သော စိတ်ဓာတ် ခွန်အား များကို ဆိုလို ပါသည်။ မိမိဧ။် မောင်ငယ် များကို ထိုဗလငါးတန်နှင့် ပြည့်ဝ နေစေ ချင်ပါသည်။ အတွေး အခေါ်ပိုင်း၊ စိတ်ဓာတ် ကြံ့ခိုင်မှု စွမ်းရည်ပိုင်း၊ အတတ် ပညာပိုင်း၊ အသိ ပညာ ပိုင်းနှင့် ဗဟုသုတ ပိုင်းတွင်ပါ အရည်အချင်း ပြည့်ဝ လှသော မောင်ငယ် များကို မြင်ချင်စမ်း ပါဘိ။

မောင်ငယ်များ သည်လိုဗလငါးတန်နှင့် ပြည့်စုံစေရန်ကြိုးစားအားထုတ်ရာတွင် အဓိပ္ပာယ်ကောက် မမှားရန် သတိပြုရပေမည်။ အထူးသဖြင့် စစ်မှန်သော မိတ်ဆွေ ဆိုသည်ကို သတိထား သင့်လေသည်။ သည်နေရာတွင် မိတ်ဆွေစစ် ဆိုသည်မှာ သည်ကိစ္စကို လုပ်လျှင် မိမိ ဒုက္မ္ခ ရောက်နိုင် သည်ကို သိလျက် မိမိ အလိုကို လိုက်သော သူကို မိတ်ဆွေစစ် ဟုမခေါ်၊ မိမိကို စေတနာ ထား ဟန်ဆောင်ကာ၊ ကူညီ ယောင်ပြု ကာ ချောက်တွန်း တတ်သူကို မိတ်ဆွေစစ် ဟုမခေါ်၊ မိမိဧ။် အမုန်း ကိုပင် ခံသင့်လျှင် ခံကာ မိမိကို အန္တရာယ် မှ လွတ်အောင် တားသူ ကိုသာ မိတ်ဆွေစစ် ဟုခေါ် လေသည်။ သို့ရာတွင် တခု သတိထား သင့်သည်မှာ အမုန်းခံကာ တားဟန်ဆောင်လျက် မိမိ အကျိုးကို ပျက်စီးအောင် လုပ်တတ်သော ဗဟုသုတ များသော ကောက်ကျစ်သူ ကိုပင် ဖြစ်လေသည်။ မိမိဧ။် ပတ်ဝန်းကျင်မှ အခြေအနေ မှန်ကို မြင်အောင် ကြည့်လျက် အဖြစ်မှန်ကို သုံးသပ် သင့်လေသည်။ သည်နေရာတွင် သူငယ်ချင်း များစွာ ရှိသည်ကို မိတ်ဆွေ အင်အား ကောင်းသည်ဟု သုံးသပ်လို့ မရနိုင်ပါ။ အများ ညီညွတ်စွာ ဤကို ကျွဲဟု ဖတ်နေသောကြောင့် ရောယောင်ကာ ကျွဲဟု ဖတ်ပေးရင်း များလာသော သူငယ်ချင်း မိတ်ဆွေ များကို ထည့်ရေတွက်ကာ မိတ်ဆွေ အင်အား များနေပြီဟု မထင်သင့် ပါချေ။ ထိုသူများနှင့် ရောကာ ပေါင်းရင်း အတုခိုး မမှားစေချင်၊ တလွဲ ဆံပင်ကောင်း မဖြစ်စေ ချင်ပါ။

ရှေးခေတ်ကပင်လျှင် မြန်မာအမျိုးသား လူငယ်များ အားလုံး တို့သည် အဌာရသ တစ်ဆယ့် ရှစ်ရပ် တို့ကို မဖြစ်မနေ တတ်မြောက် သင့်သည်ဟု ယုံကြည်ခြင်း ခံကြရ ပါသည်။ ဆင်စီး၊ မြင်းစီး၊ ဒါးရေး၊ လှံရေး၊ ဆေးကု၊ ဗေဒင် ဟောခြင်း၊ မျက်လှည့် ပြခြင်း မှအစ ပြုကာ သံရေး တမန်ရေး စကား ပြောဆိုခြင်း မှသည် အုပ်ချုပ်မှု နည်း ပညာ အထိ ပညာ ရပ်ပေါင်း တစ်ဆယ့် ရှစ်ရပ် တို့ကို သူ့ခေတ်နှင့် အညီ တတ်မြောက်ရ လေသည်။ ယနေ့ ခေတ်နှင့် ဆိုရသော် ယောက်ျား ပီပီ ကိုယ့်ကိုယ်ကို ကာကွယ်ရန် သင့်တော်ရာ သိုင်းပညာ တစ်ရပ်၊ ယာဉ်မောင်းခြင်း၊ မျက်လှည့် မပြ လျှင်တောင် သူတပါးက မိမိကို မျက်စိ လှည့်စား လိမ်ညာ မခံရဘဲ မျက်စိ လျင်အောင် လေ့ကျင့်ခြင်း မှစကာ ခေတ်ပညာရပ် များကို တတ်မြောက် ပါမှ တကယ် ယောက်ျား ပီသ သည်ဟု သတ်မှတ် ခံရ ပေမည်။ ယခုခေတ် သတ်မှတ်ချက် လွဲနေသလို အရက် သောက်ပြမှ၊ စီးကရက် တဖွာဖွာ၊ ဆိုင်ကယ် တဖုန်းဖုန်း၊ မော်တော်ကား တစ်ဝီ၀ီ၊ ဗလ တကားကား၊ ရှိုးတများများ လုပ်ပြ နေသည်ကို ယောက်ျား အစစ် ပီသသည်ဟု မခေါ်ဆို နိုင်ပါချေ။ ယင်းမှာ လမ်းသရဲ အစစ် ပီသခြင်းသာ ဖြစ်ပါသည်။ မောင်ငယ် များကို ယောက်ျား စင်စစ် အပီသကြီး ပီသစေချင် လှပါသည်။

လူပျိုပေါက်စ ပျော်ပျော်ပါးပါး မောင်ငယ်များသို့

တစ်ချိန်က မတော်တဆ ကြားခဲ့ရဖူးသော စကား တစ်ခွန်းကို မဟာ ယောက်ျား ကြီးများကို ပြန်ပြောရင်း စဉ်းစား စေချင်ပါသည်။ ကာလသား ခေါင်းက ကာလသား လူငယ် များကို သင်ပေး နေသော ပိုးပန်း နည်းများ မည်သို့ ရှိသည်ကို မိန်းမများ မသိဟု မထင်ပါနှင့်။ ထိုကာလသား ကြီးများသည် မကောင်း သည်ကို လူငယ် များအား သင်ကြား ပေးမည့် အစား လူငယ် များဧ။် ဘ၀ တိုးတက်ရာ တိုးတက်ကြောင်း သင်ခန်းစာ ကောင်း များကို ယင်းတို့ဧ။် အတွေ့ အကြုံနှင့် နှိုင်းယှဉ် သင်ကြား ပေးသင့် ပါလျက် မကောင်း သည်များ ကိုသာ သင်ကြား ပေးကြ ခြင်းမှာ ယင်းတို့ ကိုယ်တိုင်က မကောင်း သောကြောင့် ပတ်ဝန်းကျင်တွင် လူကောင်း များနေ ပါက သူတို့ တွင်ကျယ်ခွင့် မရမည်ကို စိုးရိမ် သောကြောင့် လူမိုက်ဂိုဏ်း အင်အား တောင့်အောင် တမင် လုပ်သည်ဟု ယူဆ ရလေသည်။ သည်လို လူမျိုးကို ဆရာ တင်သင့် မတင်သင့် ခွဲခြား သိရ လောက်အောင် မောင်ငယ်များ အသိဉာဏ် ရင့်စေ ချင်ပါသည်။ ယောက်ျားကြာဟု ဆိုသော ထိုကြာမျိုး ငါးပါးကား ကြာဖြူ ကြာနီ စသော ကြာပန်းတို့ မဟုတ်။ မိန်းကလေး များကို လိင်စိတ် ပေါ်လာအောင် သိမ်မွေ့စွာ ဆွဲဆောင် နည်းများ ပင်ဖြစ် ပါသည်။ မခို့ တရို့ကြာ၊ အုံ့ပုန်းကြာ၊ မျှော်တော် ယောင်ကြာ၊ သမာဓိကြာနှင့် အကြွားကြာ တို့ ဖြစ်လေသည်။ မိန်းကလေးများ ယင်းတို့ကို အားကိုးချင် လာအောင် အကြွားကြာ ကိုသုံး၊ ကိုယ့်ထက် ငယ်လို့ ကိုယ့် တပည့် ဖြစ်နေလို့ စသည်ဖြင့် ပွင့်ပွင့်လင်းလင်း ဖွင့်ပြောလို့ မရသည့် အခြေအနေတွင် သမာဓိကြီး တခွဲသားဖြင့် လူရှေ့ တွင်နေ ပြရင်း ရိပ်ခနဲ ရိပ်ခနဲ အချက်ပြ တတ်သည့် ကြာမျိုး သည်ကား သမာဓိကြာ၊ လူအေး လူရိုး အဖြစ် ဟန်ဆောင် နေထိုင် ပြနေခြင်း သည်ကား မခို့တရို့ကြာ၊ ချစ်လျက် အကြောင်း တစ်ခုခုကြောင့် ဖွင့်မပြော နိုင်ဟန် မိမိ ကိုယ်ကို မိန်းကလေးက မချင့်မရဲ ဖြစ်လာအောင် လုပ်သော ဟန်ကား အုံ့ပုန်းကြာ၊ မိမိတွင် ရည်းစား၊ အိမ်ထောင် ရှိလျက် နောက်အသစ် ရှာလိုသူ များမူကား မိမိဧ။် ရည်းစား အိမ်ထောင်ဘက် တို့က သူ့အပေါ် တွင် မကောင်းလွန်း သော်လည်း မိမိက ထိုသူ ကိုပင် ခွင့်လွှတ် ချစ်ဖြင့် လွန်မင်းစွာ ချစ်တတ်လေ ဟန်ဆောင်ကာ ကိုယ့်ကို သနားလာပြီး ကိုယ့်ကိုပင် အချစ် ကြီးသူ အဖြစ် လေးစား ချစ်ခင် လာအောင် လမ်းကြောင်းဟန် များသည်ကား မျှော်တော် ယောင်ကြာ တို့ဖြစ် လေသည်။ ထို့ပြင် အချို့သော မဟာ ယောက်ျားကြီး များဧ။် လွန်မင်းစွာ စက်ဆုပ် ရွံ့ရှာဖွယ် ကောင်းသော ပိုးပန်း ရခြင်း အကြောင်းရင်း များလည်း ရှိသေး သည်။ လမ်းကြုံပိုး၊ အပျော်ပိုး၊ လောင်းကြေးပိုး၊ မာန ချိုးချင်လို့ ပိုးပန်းခြင်း၊ အခွင့်အရေး လိုချင်လို့ ပိုးပန်းခြင်း၊ သတင်း နှိုက်ချင်လို့ ပိုးပန်းခြင်း၊ ထိုမိန်းကလေး ပိုင်ဆိုင်သော စည်းစိမ် ဥစ္စာ၊ ကျော်ကြားမှု တို့ကို မက်မော သောကြောင့် ပိုးပန်းခြင်း၊ ထိုမိန်းကလေးဧ။် နောက်ခံ ဆွေမျိုး သားချင်းဧ။် ရာထူး အာဏာကို မက်မော သောကြောင့် ပိုးပန်းခြင်း စသည့် ယောက်ျား မတန်မဲ့ အောက်တန်း ကျသော အလုပ် များကို လုပ်ကြ ချေရာ ထိုသို့ ယောက်ျား ဈေးဖျက် သူများကြောင့် မိန်းကလေးများ ကလည်း သူတို့တောင် မြင့်မြတ်တဲ့ ယောက်ျားလို့ နာမည်ခံ ထားလျက်နဲ့ သည်လို လုပ်သေးရင် သူတို့က ယုတ်နိမ့် တယ်လို့ နှိမ်ထား ခံရတဲ့ ငါတို့ မိန်းကလေး တွေက ဘာမှ စောင့်စည်း စရာ မလိုဟု တွေးခဲ့သည် ရှိသော်... ထိုသူမ တို့နှင့် ဆုံဆည်း ခဲ့သည် ရှိသော်... ယောက်ျား ဖြစ်နေသော ဘ၀မို့ မိမိ ရင်သွေး အစစ်ကို ချီပိုး ယုယ ခွင့်သည် ထိုသူမတို့ အပေါ်တွင် မူတည် ပေသည်။ သူတပါးကို ကိုယ်က ဖျက်ဆီးလျှင် ကိုယ်တိုင်လည်း ပျက်စီး တတ်လေသည်။ ထို့ပြင် မိန်းကလေး များကို ဖျက်ဆီး သူသည် လူမှု ပတ်ဝန်းကျင်ကို ဖျက်ဆီး ရာလည်း ရောက်ပါသည်။ လူမှု ပတ်ဝန်းကျင်တွင် မိန်းမဧ။် အခန်း ကဏ္ဍ သည်လည်း အရေးကြီးသော အခန်း ကဏ္ဍတွင် ပါဝင်ပါသည်။ အဆုံး ဆိုရသော် မိမိ တို့ဧ။် မိခင် တိုင်းသည် မိန်းမ ဖြစ်ပါသည်။ အမေ မရှိသော ဖန်ပြွန် သန္ဓေသား မပေါ်သေး ပါချေ။ မိန်းကလေးကို ဖျက်ဆီး ခြင်းသည် မိခင် လောင်းကို ဖျက်ဆီးခြင်း ဖြစ်ပါသည်။ သူတပါးဧ။် မိခင် လောင်းကို ဖျက်ဆီး သူများသည် ယင်းတို့ ကိုယ်တိုင်ဧ။် မိခင်ကို သူတပါးက ဖျက်ဆီး သည်ကို ခံရလျှင် မည်သို့ ခံစား ရမည်နည်း။ ကိုယ်ချင်း စာစိတ် တစ်ချက် ထားစေ ချင်ပါသည်။ မိမိဧ။် ဖခင် ကိုရော မည်သို့သော ဖခင်မျိုး ဖြစ်စေချင် ပါသနည်း။ မိမိ ကရော မိမိဧ။် ရင်သွေး အတွက် မည်သို့သော ဖခင် ဖြစ်ချင် ပါသနည်း။ မိမိရင်သွေးက မိမိကို မည်သို့ တွေးထင် အားကိုး ရိုသေ စေချင် ပါသနည်း။ ကြီးလာရင် လူပျိုကြီး လုပ်မယ်လို့ ကြွေးကြော် ကြီးပြင်း လာသော ယောက်ျား အလွန်ရှား ပါသည်။ ဖခင် လောင်းတို့ ကြပ်ကြပ် စဉ်းစား စေချင် ပါသည်။

ထို့ပြင်ယောက်ျားနှင့်မိန်းမ မာယာပြိုင်ရင်း အချိန်ကုန် ခံရမည့် အစား အချိန်ကို အကျိုး ရှိရှိ အသုံးချရင်း အရွယ် မတိုင်မီ ကိုယ့်ခြေထောက်ပေါ် မရပ်တည်နိုင်၊ အိမ်ထောင် တစ်ခု မတည်ထောင် နိုင်မီ ရည်းစား အပျော် ထားရင်း နယ်ကျော် စည်းကျော် မဖြစ်စေ ရန်လည်း စည်းစောင့်ရင်း ယောက်ျားမြတ် အဖြစ် မိမိ ကိုယ်ကို ဂုဏ်ယူ စေချင် ပါသည်။ တစ်ဗိုက်ပြီး တစ်ဗိုက် ဖျက်ချ နေရ သည်မှာ ဂုဏ်ယူ ရမည့် ကိစ္စ တစ်ရပ် မဟုတ်။ လွန်စွာ စက်ဆုပ် ရွံ့ရှာဖွယ် ကောင်းသော တာဝန် ယူစိတ် မရှိ လူမဆန်သော မိမိရင်သွေး ကို မိမိ ကိုယ်တိုင် သတ်သော အမှု ဖြစ်ပါသည်။ ငယ်လွန်း သေးလို့ အသက် မရှိပါဟု ဆိုလျှင် ခြင်မဖြစ်ခင် ပိုးလောက် လန်းပင် အသက်ရှိ သေးလျှင် ပိုးလောက်လမ်း အရွယ် သန္ဓေသား သည်လည်း အသက် ရှိမည် သာဖြစ် ပါသည်။ ငရဲမှာ အပ၊ ၀ဋ်မှာ အမြဲ ပါတည်း။ မြာစွံ ခြင်းသည် မက်မက် စက်စက် ဂုဏ်ယူစရာ ကောင်းသည့် အမှု မဟုတ် ပါချေ။ မိန်းကလေး ဖြစ်လျက် သိက္ခာ မစောင့်ဘဲ မိမိကို ကြာပေး အခွင့်အရေး ပေးသော မိန်းမသည် ဘာကြောင့် သည်လို လုပ်သည် ကိုဆက် စဉ်းစား စေချင်ပါသည်။ ထို့နောက် မိမိကို သည်လို လုပ်လျှင် ကျန်သူ များကိုရော မည်သို့ လုပ်မည်ကို ဆက်စပ် စဉ်းစား စေချင်ပါသည်

ဖခင်ပေါက်စ ပိတုများသို့

ကိုယ့်မိန်းမ ပထမဆုံး ကလေးမွေးတာနဲ့ နောက်မိန်းမ (မယားငယ်) လိုချင်တဲ့ရောဂါဟာ သည်နေ့ ဖခင်ပေါက်စတွေရဲ့ ကူးစက်ရောဂါတစ်ရပ် ဖြစ်လာနေပါတယ်။ ကိုယ်ရဲ့သားသမီးအပေါ် ဖခင်မေတ္တာနဲ့ လူလားမြောက်အောင် ဘယ်လို ပြုစု ပျိုးထောင် မလဲ ဆိုတာ မစဉ်းစားဘဲ မွေးကာစ ကလေး အမေမို့ အလှ မပြင်အား အောင် အလုပ် ရှုပ်နေတဲ့ မိန်းမကို မလှ တော့လို့၊ ဆွဲဆောင်မှု မရှိတော့လို့ မချစ်နိုင်တော့ဘဲ နောက်မိန်းမ လိုချင်တယ် ဆိုတာ လူမဆန်တဲ့ စိတ်ထားနဲ့ လုပ်ရပ်သာ ဖြစ်ပါတယ်။ မကောင်းမြစ်တာ၊ ကောင်းရာ ညွှန်လတ်၊ အတတ် သင်စေ၊ ပေးဝေနှီးရင်း၊ ထိမ်းမြားခြင်း ဆိုတဲ့ ဖခင် ကျင့်ဝတ်နဲ့ အညီ နေထိုင် ကျင့်ကြံဖို့ မကြိုးစားဘဲ အာရုံငါးပါး ကိုသာ ခံစား လိုပါလျှင် သည်လို ဖခင်များ အနန္တော အနန္တ ငါးပါးထဲ ပါဝင်မည် မထင်ပါနဲ့၊ ရတနာသုံးပါးနဲ့ တန်းတူ နေရာပေး ခံရတာ ဖခင်ဝတ္တရားကို ကျေပွန်သူ များသာ ဖြစ်ပါတယ်။ ဘုရားရှိခိုးတယ် ဆိုတာ ဘာကြောင့် ရှိခိုးရသလဲ ဆိုတော့ မိမိကို နိဗ္ဗာန်ရောက်ကြောင်း လမ်းကိုညွှန်ပြလို့ကျေးဇူးတင်လို့လို့ မိုးကုတ်ဆရာတော် ကဆိုပါတယ်။

အပြောကျယ်တဲ့လောကကြီးမှာ ဘယ်အရာကောင်းတယ်၊ ဆိုးတယ်ဆိုတာ နှိုင်းရသဘော ကိုကြည့်ပြီး ဆုံးဖြတ်ရ တနေ့တခြား ပိုခက်လာ နေတဲ့ လောကကြီးမှာ ကိုယ့်သားသမီး တွေကို အမှန်အတိုင်း မကောင်း မြစ်တာ၊ ကောင်းရာ ညွှန်တတ် ဖို့ဟာ မလွယ်လှပါဘူး။ သူတို့လေးတွေရဲ့ ဗီဇ၊ ၀ါသနာတွေနဲ့ရော၊ ခေတ်နဲ့ပါ ကိုက်ညီမယ့် ဘယ်လို အတတ်ပညာ မျိုးကို သင်ပေးရ မလဲ ဆိုတာဟာလည်း ခေါင်းရှုပ်အောင် စဉ်းစားရမယ့် ကိစ္စပါ။ သည်လို ရုန်းကန် လှုပ်ရှား နေရတဲ့ ခေတ်ကြီးထဲမှာ သူတို့အရွယ် ရောက်လာရင် အလုပ်အကိုင် လုပ်ကိုင် နိုင်စေဖို့ အရင်းအနှီး များကိုလည်း ပေးဝေ နှီးရင်း ဆိုတဲ့ ဖခင်ဝတ္တရား နဲ့အညီ ထုတ်ပေး ရဦးမှာ ဖြစ်ပါတယ်။ သည့်အပြင် ထိမ်းမြားခြင်း ဆိုတဲ့ ဖခင်ဝတ္တရားကို စိတ်ချမ်းသာစွာ ကျေပွန်နိုင် စေဖို့ ဘယ်လို အိမ်ထောင် ဖက်မျိုးကို ရွေးချယ်ပြီး အိမ်ထောင်ဦးစီး ဘယ်လို လုပ်ရတယ် ဆိုတဲ့ အသိပညာ များကိုလည်းသားများကို ယောက်ျားချင်း သင်ကြားပေးရ ဦးမှာ ဖြစ်ပါတယ်။ သည်လို မြောက်မြား လှစွာသော တာဝန်များကို ကျေပွန်အောင် ဆောင်ရွက် နိုင်ပါမှ ရတနာသုံးပါး နဲ့တစ်ဂိုဏ်းတည်း ဖြစ်ပြီး အနန္တော အနန္တငါးပါး ဂိုဏ်းဝင်ဖခင် ဖြစ်မှာပါ။

မိမိအာရုံငါးပါးခံစားလို့ ကလေးရလာတိုင်း မိဘအဖြစ်နဲ့ ရတနာသုံးပါးနဲ့ တစ်ဂိုဏ်းတည်း ဖြစ်ပြီ လို့ မထင်ပါနဲ့၊ ဘုရား ဟောတဲ့ အတိုင်း ဖခင်ဝတ္တရားနဲ့ ကျေပွန်ပါမှ အနန္တောအနန္တ ငါးပါး ဆိုတဲ့ ဂိုဏ်းဝင် ဖြစ်မှာပါ။ ဖခင်ဝတ္တရားနဲ့ ကျေပွန်ပါမှ သီတင်းဝါလ ကျွတ်တိုင်း ထိုက်ထိုက်တန်တန် အကန်တော့ ခံရမှာ ဖြစ်ပါတယ်။ မထိုက်တန်ဘဲ အကန်တော့ခံရင် လက်အုပ်ကျွေး တင်တတ် ပါတယ်။ ကိုယ်ကိုယ်တိုင်က သည်လိုအဖေမျိုး လိုချင်သလားဆိုတာစဉ်းစားပါ။ ကိုယ်ကိုယ်တိုင်က မယားငယ်ကမွေးတဲ့သား အဖြစ်ခံ ရရင် ကိုယ့်အဖေကိုဘယ်လောက်ကြည်ညိုနိုင်မလဲစဉ်းစားပါ။ ကိုယ်ကိုယ်တိုင်က မယားငယ်ကမွေးတဲ့ သားအဖြစ်ပတ်ဝန်းကျင်ရဲ့နှိမ့်ချဆက်ဆံမှုကိုခံနိုင်ရဲ့လား၊ သည်လိုအနေအထားကို ကိုယ့်ရင်သွေးကို နေစေသင့်သလား စဉ်းစားပါ။ မယားငယ်ရှိတဲ့ ကိုယ့်အဖေကို ကိုယ်ဘယ်လောက်ရိုသေနိုင်မလဲ၊ ကိုယ့်သားက ကိုယ့်ကိုမရိုသေရင် ဘယ်လို ခံစားရမလဲ၊ ခံစားနိုင်ပါ့ မလားဆိုတာ စဉ်းစားစေချင်ပါတယ်။

ဖခင်ဝတ္တရားကျေပွန်အောင် ဘယ်လိုနေထိုင်မလဲဆိုတာ မစဉ်းစား၊ မိမိဇနီး အလှမပြင်နိုင် လောက်အောင် ကလေးအတွက်၊ မိမိရဲ့ ကိုယ်ပွားလေး အတွက် အလုပ်ရှုပ် နေတာကိုမှ မျက်နှာ မထောက်၊ မလှတော့လို့ဟု အကြောင်းပြကာ မယားငယ်ရရေး အားထုတ်သည်မှ လူမှ ဆန်ပါ လေစ။ တစ်လင်တစ်မယားစနစ် ဘာကြောင့်အရေးကြီးသနည်း၊ တစ်သက်လုံး အပြန်အလှန် အကြွင်းမဲ့ ယုံကြည် ကိုးစားမှုကို တခဏတာ သာယာမှု စိတ်အလိုကိုလိုက်စားမှု နှင့် လဲနိုင် သည်လား။ မိမိဧ။် ဇနီးသည် လင်ငယ် နေလျှင် မည်သို့ ခံစားရ မည်နည်း၊ ကိုယ်ချင်း စာကြည့် ပါဦး။ မိမိရဲ့ သားသမီး၊ မိသားစု၊ ဆွေမျိုးများ အိမ်ထောင်ရေး ဖောက်ပြန်လျှင် မည်သို့ ခံစားရ မည်နည်း။အပူမီးမကူးသလော။ မိမိမယားငယ်ယူလျှင်ရော ၊ မိမိဧ။်ပတ်ဝန်းကျင်၊ မိဘ ဆွေမျိုး အသိုင်းအ၀ိုင်း တစ်ခုလုံး၊ ပြီးတော့ မိမိဧ။်ဇနီးမယားနှင့် သူဧ။်ပတ်ဝန်းကျင်၊ မိဘဆွေမျိုး အသိုင်းအ၀ိုင်း တစ်ခုလုံး အပူမီးများ ပွားကြမည်ကို စဉ်းစားမိစေလိုပါသည်။

မိမိအဖြစ်ကိုမိမိသူငယ်ချင်းများသိလျှင်ဟူသောအတွေး အတွက်ပူပင် သောက၊ မိမိဧ။်ဆွေမျိုး အသိုင်းအ၀ိုင်း၊ ဇနီးသည်ဧ။် ဆွေမျိုး အသိုင်းအ၀ိုင်းမှသိလျှင် နောက်ဆက်တွဲ ပေါ်လာ နိုင်သော ပြဿနာများကို ဖြေရှင်းရဦးမည်။ သည်အဖြစ်နှင့် ထိုက်တန်သော မယားငယ် ရှိရိုး ထုံးစံရှိသလား။ အငယ်အနှောင်းဆိုတာ ဟာမိမိရဲ့လက်ရှိစည်းစိမ်၊ ဂုဏ်နှင့်အာဏာကို မက်မောခံစား ချင်လွန်း လို့သာ ဒိုးတူပေါင်ဖက် အတူတကွ ရုန်းကန်ကြိုးစားနေရမယ့် လူပျိုလူလွတ် ကိုမရှာဘဲ (သို့မဟုတ်) မိမိရဲ့အကျင့် စာရိတ္တနှင့် ဘ၀ကြောင့် သည်လို လူပျိုလူလွတ်ကို မရှာနိုင်တော့လို့ လူတကာ အထင်သေးတဲ့ မယားငယ် အဖြစ်ခံကြတာပါ။ ကိုယ့် အတွက် သူတပါး (မယားကြီး) မျက်ရည်ပေါက်ကြီးငယ်ကျအောင်ခံစားရပါစေ၊ သားကြီးသမီးကြီးများ မည်မျှဂုဏ်သိက္မ္ခာ ကျဆင်း ပါစေ၊ ညှာတာမှုမရှိ ရက်စက်တတ်တဲ့ ကိုယ်ချင်းစာစိတ်မရှိသူတွေသာ မယား ငယ်ခံကြတာ ဖြစ်ပါတယ်။ တချိန်ကိုယ်ကျရှုံးခဲ့ရင် သည်မယားငယ်ဟာ ကိုယ်နဲ့အတူဆင်းရဲမှုကို မျှဝေ ခံစားမယ်မထင်ပါနဲ့။အဲသည်လိုကြုံခဲ့ရင်ကိုယ့်ကိုထားခဲ့ပြီး နောက်ယောက်ျား ရှာကြမယ့် သူများ ချည့် ဆိုတာ သတိထားပါ။မိမိရင်သွေးများက သီတင်းကျွတ်ချိန်တွင် လက်အုပ်ချီမိုး ရှိခိုး ထိုက်သော ရိုသေလေးမြတ် ထိုက်သောဖခင်အဖြစ်နေရာရလျှင်မည်မျှ ကြည်နူးဖွယ်ရာ ကောင်းမည်နည်း။ မိမိရဲ့ဇနီးသည်ဧ။် ယုံကြည် မြတ်နိုး ကိုးစားခြင်း ခံရသည်လောက် ကျေနပ်စရာ ဘာရှိမည်နည်း။ ထိုသို့ကောင်းမြတ်ကျက်သရေရှိသော အခြေအနေကို တန်ဖိုးမရှိသောမိန်းမ တစ်ယောက်အတွက်စွန့်လွှတ်နိုင်လောက်အောင် မစိတ်မွှန်မှုကိုမှ အချစ်လို့သတ် မှတ်လျှင် ထိုသူလောက် ရူးမိုက်သူရှိမည်မဟုတ်ပါချေ။

လူသားလောကကိုကြီးစိုးထားပါသည်ဆိုသောအိမ်ထောင်ဦးစီးဆိုသော အသင်တို့ ယောက်ျား ဘသား ဆိုသူများဟူသောအိမ်ခေါင်မိုးမှစပြီးမိုးယိုခဲ့သော် လူ့အဖွဲ့အစည်း တစ်ရပ်လုံး တည်းဟူသော အိမ်တစ်အိမ် လုံး မကောင်းမှုမိုးရွှဲစိုနေပါလိမ့်မည်။စိတ်ထားနူးညံ့ပျော့ပြောင်းကာ စိတ်ခိုင်မာမှုယောက်ျားများထက် နည်းပါးသည် ဆိုသောအိမ်ရှင်မများကရော အိမ်ထောင်ဦးစီးဧ။် မကောင်းမှုကြောင့်အပူမီးမွှေခံရပါက သည်အိမ်ထောင်ကို မည်သို့ထိန်းသိမ်းနိုင် ပါမည် နည်း။သည်လိုဆိုလျှင်ရင်သွေးငယ်များဖြစ်သောအနာဂတ်ဧ။် ခေါင်းဆောင်လောင်း ကလေးငယ် များ ကိုးကွယ်ရာ ရှိပါမည်လော။ သည်လိုကလေးငယ်များကို မည်သူ က မည်သည့်လောက ရေးရာများကို သင်ပေးကာ သည်ကလေးများက မည်သည့်အရာများကို ယင်းတို့ဧ။် မိခင်ဖခင် တို့ထံမှ သင်ယူပါမည် နည်း။ သည်ကလေးများကြီးပြင်းလာပါက သည်လိုကလေးများစုစည်း ထားသောအနာဂတ်နိုင်ငံတော်သည်မည်သို့ဖြစ်မည်နည်း။ သည်အိမ်ထောင်နှင့်တကွပတ်သက်ရာ ဆွေမျိုးအသိုင်းအ၀ိုင်းတစ်ခုလုံးတွင်ရော မည်သို့ဂယက်ရိုက်ခတ်ပါမည်နည်း။ အိမ်ထောင် ဦးစီးဖြစ်သူ တစ်ဦးဧ။် စိတ်အလိုလိုက်မှုသည် မည်မျှအထိ တာသွားသည်ကို ခန့်မှန်း ကြည့်နိုင်ပါသည်။

မဟာယောက်ျားကြီးအဖြစ်ကိုယ့်ကိုယ်ကို လိမ်ညာကြွားဝါနေမည့်အစား ထိုအမှုများကို ရှောင်ကြဉ် ကာ တကယ်လေးစားထိုက်သော မဟာယောက်ျားကောင်းများ ဖြစ်အောင် ကြိုးစားစေချင်ပါသည်။ ထိုသို့ မဟုတ်ဘဲ နောက်မိန်းမအငယ်အနှောင်းများကို မှိုလိုပေါက်နေအောင်ထားရင်း မွေးစားသမီး အဖြစ် ကြေငြာထားသောမိန်းကလေးများကိုမွေးထားပြီးခိုင်းစားခြင်း၊ မြေးမလေးဟု ကြေညာကာ အပျိုကလေးဧ။် အရသာကိုမြည်းစမ်းခြင်း စသည်ဖြင့် မိန်းကလေးများကို လှည့်လည် ဖျက်ဆီး နေသူများသည် ၀ဋ်လည်သော အခါ သားသမီးအစစ်၊ မြေးအစစ် ချီရတော့မည် မဟုတ်ပေ။ ငရဲမှာအပ၊ ၀ဋ်မှာအမြဲပါတည်း။ သူတပါးဧ။် မိခင်လောင်းကို ဖျက်ဆီးလျှင် မိမိဧ။်မိခင်လည်း သည်လို ဖြစ်တတ်ပါသည်။ သည်လိုမိန်းမမျိုးရဲ့သား မိမိဖြစ်ခဲ့ပါလျှင်ဆိုသော စိတ်မျိုး ကိုယ်ချင်းစာ သင့်လှပါသည်။ မိမိကိုယ်မိမိ မြာစွံသည်ဆိုသည်ကိုသဘော ကျမည့်အစား လူ့လောက အလယ်တွင် လူသားများအချင်းချင်းက မိမိဧ။်ဂုဏ်ကျေးဇူးကို တန်ဖိုးထား လေးစားရသော တန်ဖိုးအစစ်ရှိသောယောက်ျား၊ မိမိကိုယ်မိမိယုံကြည်လိပ်ပြာသန့်နေရသော ယောက်ျားအဖြစ် ဂုဏ်ယူ သဘောကျ နေသင့်ပါသည်။

အထက်ပါအကြောင်းအချက်များမှာ မည်သူ့ကိုမျှ ရည်ရွယ်ရေးသား သည်မဟုတ်ဘဲ ယောက်ျား သား များအား မိမိဧ။်ဆွေမျိုးသားချင်းများသဖွယ် သဘောထားကာ ပညာရှိသတိဖြစ်ခဲ ဟူသော စကားနှင့်အညီ မိမိဧ။်ပတ်ဝန်းကျင်တွင် သတိလက်လွတ်ဖြစ်ပျက်နေကြသည်ကို တွေ့မြင် မိသည့် အတွက် သတိတရား လက်ကိုင်ထားနိုင်စေရန် မိန်းကလေးတစ်ဦးဧ။်အမြင်ဖြင့် တင်ပြ လိုက်ရခြင်းဖြစ်ပါသည်ရှင့်။