Thursday, August 19, 2010

ကျွန်မ ဆိုးခဲ့ဖူးပါသည်

အမှားအမှန်နဲ့ အဆိုးအကောင်း ဆိုတာ ကွဲပြားတယ် လို့ ကျွန်မ ထင်ပါတယ်။ ကျွန်မ ဆိုးခဲ့တာတွေ ထဲမှာ မှန်တာလဲ ရှိနိုင် သလို မှားတာလဲ များမှာပါပဲ။ ဒါပေမယ့် ဘာပဲ ပြောပြော ကျွန်မကတော့ ဆိုးခဲ့တုန်းကလဲ သိသိနဲ့ ဆိုးခဲ့တာ ရှိသလို ခုမှ အဲ့ဒီ တုန်းက ဆိုးခဲ့ပါလားလို့ သိတာတွေလဲ ရှိတာပေါ့နော်။ ဘာပဲ ပြောပြောပါ။ ကျွန်မ ဆိုးခဲ့တာတွေ အတွက် ခုချိန် မှာ ၀န်ခံ သင့် တာတွေ ရှိသလို ပြင်သင့်တာတွေလဲ ရှိတယ်လို့ ထင်လို့ အဆိုးသမိုင်းကို ဖွင့်ချပါတော့မယ်။ (ကောင်းတယ် ထင်ပြီး သွေးတိုး မစမ်းနဲ့ မိဆိုးတဲ့ကွနော်…) :P အဲဒီသဘောမျိုးနဲ့ ဖွင့်ချတာ မဟုတ်ရပါဘူးနော်။ နောက်တာပါ အတည်။ ဆိုးတာ တွေချည့် ၀န်ခံ ထားတာ ဖြစ်တဲ့အတွက် ကောင်းကွက် မရှိဘူးလို့ တရှူးထိုးကြီး မထင်လိုက်ကြပါနဲ့နော်။ ပြောမယ့်သာ ပြောရတာ ထင်ချင်ချင် တွေက ထင်ဖြစ်အောင်ကို ထင်ပစ်လိုက်ကြမှာ သိနေပါတယ်လေ :P



ငယ်တုန်းက ကိုယ်ဆိုးခဲ့တာကို ပထမဆုံး မှတ်မိတာကတော့ သူငယ်တန်းပေါ့။ ကိုယ့်ထက် ၂နှစ်ကြီးတဲ့ အတန်းဖော် ဘေးချင်း ကပ် ထိုင်ရတဲ့ သူငယ်ချင်းက ကျွန်မရဲ့ စာအုပ်တွေကို ဖြဲ ခဲတံတွေကိုချိုး ကွန်ပါဗူးကို ဖျက်တာတွေ နေ့တိုင်း လုပ်ပါ တယ်။ ပထမ တပတ်တော့ မိဘက မဆူသေးပါဘူး။ ကိုယ့်ပစ္စည်းကို သူများ မဖျက်ဆီးနိုင်အောင် ဘယ်လိုကာကွယ် ရ တယ် ဆိုတာ သင်ပေးတယ် ထင်ပါတယ် သေချာ မမှတ်မိပါဘူး နောက်ပိုင်းတော့ ကိုယ့်ပစ္စည်းကို မထိန်းသိမ်းနိုင်ဘူး ဆို ပြီး ဆော်ပလော် တီးတော့ တာပါပဲ။ ဒီတော့ ကျွန်မလဲ ကလေးပီပီ ငါအရိုက်ခံရတာ နင့်ကြောင့် ဆိုပြီး သူ့ကို ထပ်မဖျက် ဆီးဖို့ ပြောပါတယ်။ ဒါပေမယ့် မရပါဘူး။ အဲဒီ သူငယ်ချင်းမ နောက်တခါ စာအုပ်အဖြဲမှာ သူ့လက် ကို ခဲတံ ချွန်တဲ့ဓားနဲ့ လှီးလိုက်တာပါပဲ။ သူ့ လက် ဓားရှသွားရုံ ပါပဲ။ ဒါနဲ့ ၂ယောက်သား ရုံးခန်း ရောက်ပါရော။ မိဘတွေ ခံဝန်ကတိ ထိုးလိုက် ရတယ် ထင်ပါတယ်။ နောက်ထပ် သူလဲ ကျွန်မရဲ့ ပစ္စည်းတွေကို မဖျက်ဆီးတော့သလို ကျွန်မလဲ အရိုက်မခံရတော့ ဘူး ပေါ့။ နောက်နှစ် သူကျောင်း ထွက်သွား ပါတယ်။ ဘာကြောင့်ရယ် မသိခဲ့ရပဲ အသက်တွေ ကြီးလို့ ပြန်ဆုံကြတော့ မယုံနိုင် လောက်အောင်ပါပဲ။ သူဟာ မူလတန်း ကျောင်းသူ အရွယ်ထက် ပိုပြီးကိုယ်ကာယရော စိတ်နဲ့ အသိဥာဏ်ပါ ဖွံ့ဖြိုး မလာခဲ့ တော့ပါဘူး။ လက်စသတ်တော့ သူဟာ ဖွံ့ဖြိုးမှု ချို့ယွင်းသူပါ။ ကျွန်မ သူ့ကို ဓားနဲ့ လှီးမိခဲ့တာ အတွက် ခုချိန်ထိ စိတ် မကောင်းနိုင်ပါဘူး။ သူကတော့ ဘာမှ မှတ်မိပုံမရဘဲ ကလေးတယောက်ရဲ့ ဖြူစင်တဲ့ အပြုံးနဲ့ ကျွန်မကို မှတ်မိ နှုတ်ဆက် ဆဲပါ။ ဒါနဲ့ပဲ ကျွန်မတို့ သူငယ်ချင်း တွေ ပြန်ဖြစ်ခဲ့ကြပါတယ်။
နောက်တခေါက်ကတော့ အလယ်တန်းကျောင်းသူဖြစ်စ။ ကျွန်မဟာ ငယ်စဉ်တည်းက ကျွန်မကို တခုခု ပစ်ပေးရင် ခါးခါး သီးသီး မုန်းတတ်တဲ့ ဆိုက်ကို ရှိပါတယ်။ ပေးရင် ရိုးရိုးတန်းတန်း ကမ်းပေးတာကိုပဲ လက်ခံပါတယ်။ ငါးတန်းနှစ်မှာ ကျောင်းသား တယောက် က ဆရာမ ဝေခိုင်းတဲ့ လေ့ကျင့်ခန်းစာအုပ်ကို ကျွန်မဆီကို ပစ်ပေးပါတယ်။ အရှိန်လွဲပြီး သမံ တလင်းပေါ် ပြုတ်ကျ လို့ စာအုပ် အဖုံး ပြဲပါလေရော။ နင်ငါ့ကို ပစ်မပေးနဲ့ ပြန်ကောက်ပေး ဆိုတဲ့စကားဟာ ကျွန်မ တသက်မှာ သူစိမ်း ယောက်ျား လေးကို ပထမဆုံး စပြီးပြောဖူးတဲ့ စကားပါပဲ။ သူက ပြန်ကောက်ပြီးရိုးရိုး မပေးဘဲ ကျွန်မဆီ စာအုပ်ကို လှမ်းလိုက် ကျွန်မက လက်ကမ်းမှ ဖျတ်ခနဲ ပြန်ရုတ်လိုက်နဲ့ စနောက်ပါတယ်။ ဒီမှာတင် ပစ်အပေးခံရလို့ ဒေါကန်နေတဲ့ ကျွန်မ မျက်စိပြာပြီး အနားက သံပေတံနဲ့ မှီရာ လှမ်းရိုက်လိုက်တာ လက်ကျိုးပါလေရော။ ကျိုးတဲ့လက်က ညာလက်။ ကျွန်မ လက်ချက် ကြောင့် စာမေးပွဲကို နှုတ်ဖြေပဲ ဖြေလိုက်ရတဲ့ ကျောင်းသားပါပဲ။ ဆရာမက မေးတော့ သူ့ဟာသူ ချော်လဲပြီး ခုံစောင်းနဲ့ ထိလို့ ကျိုးပါတယ်လို့ လိမ် ဖြေခဲ့တဲ့ အတွက် ကျွန်မတို့ ရုံးခန်းကို မရောက်ခဲ့ပါဘူး။ ကိုယ့်လက်ဆပြင်းတာကို ကိုယ် သိသွားတဲ့ နောက်ပိုင်းမှာ စိတ်ဆိုးရင် လက်မပါဖို့ သတိထားခဲ့ပါတယ်။ ဒါတောင် ရှစ်တန်းနှစ်မှာ ဒီလို အဖြစ်မျိုး ထပ်ကြုံလို့ အတန်းမှူးရဲ့သားလဲဖြစ်တဲ့ အတန်းဖော် ကောင်လေးကို ထပ် ရိုက်မိတာ ခေါင်းပေါက် သွားပါ သေးတယ်။ ကျွန်မ အဲလောက်ကြီးကို ဆိုးခဲ့ဖူးပါတယ်။

အဲဒီ ၈တန်းနှစ်မှာပါပဲ။ ပြည်ထောင်စုကြံ့ခိုင်ရေးနဲ့ ဖွံ့ဖြိုးရေး အသင်းကြီး စဖွဲ့ပါတယ်။ ကျွန်မတို့ ကျောင်းသူ ကျောင်း သား အားလုံး လူထုအင်အားပြပွဲကို မတက်မနေရ။ မတက်ခဲ့ရင် အတန်းတင် စာမေးပွဲ ပေးမဖြေဘူး ဆိုလို့ကျောင်းကို မနက် ငါးနာရီအရောက် သွားရပါတယ် ကျောင်းမှာ လူရေတွက်ပြီး ၆နာရီ သာသာလောက်မှာ တန်းစီရပါတယ် အဲဒီနောက် ဘယ်ဆီမှန်းမသိ သူများနောက် လူတန်းကြီးနဲ့ အတူ လိုက်ရင်း မိုင်နာကွင်းကိုရောက်ပါရော။ အဲဒီကမှ တဆင့် ဆက်လမ်း လျှောက်တာမှာ မနက် ၈နာရီဝန်းကျင်မှာ အောင်ဆန်းကွင်းကို ရောက်ပါတယ်။ စိတ်ဆိုးလိုက်တဲ့ ဖြစ်ခြင်း။ ကျောင်းနဲ့ အောင်ဆန်းကွင်းက ခြေတပေါင် ကျိုး ခုန်ရင်တောင် ဆယ့်ငါးမိနစ်နဲ့ ရောက်တဲ့ အကွာအဝေးပါ။ ခုတော့ မိုးရွာထဲ ကြွက် စုတ်ဖြစ်အောင် ရွှဲရွှဲစိုခံပြီး အဝေးကြီး လမ်းလျှောက် လိုက်ရပါရော။ နောက်ပြီး မိုးရွာပြီးစ မို့ ခြေကျင်းဝတ်အထိရေမြုပ်တဲ့ မြက်ခင်းပြင်ပေါ်မှာ ဆောင့်ကြောင့်ထိုင်ပြီး အပေါ်က ကြဲနေအောင် ပူတဲ့ နေရောင်အောက်မှာ နေခြောက်လှမ်းခံရင်း မ ကြားရတဲ့ မိန့်ခွန်းခြွေမှုတွေကို စောင့်ရပါတယ်။

အမယ်… မိန့်ခွန်းခြွေတာကိုသာ မကြားရတယ် သဘောတူကြပါသလားခင်ဗျာ ဆိုတဲ့ စကားသံကျ အကျယ်ကြီး ထွက်လာပါတယ်။ ပြီးတော့ ဘယ်က လာမှန်းမသိတဲ့ သဘောတူပါတယ် ဆိုတဲ့ ပြိုင်တူ အသံကြီးကလဲ လော်စပီကာကနေ ဟိန်းလို့ ထွက်လာ တာ ပါ။ ကျွန်မတို့ အူလည်လည် ဖြစ်နေချိန်မှာပဲ အားလုံး ကသဘောတူတဲ့ အတွက် ဒီအဆို ၆ရပ်ကို အတည်ပြုလိုက် ပါတယ် ခင်ဗျားတဲ့။ လက်ခုပ်သံ ဝေါကနဲ ကြားမှာ ကိုယ့် လက် ခုပ်သံ လဲပါပါတယ်။ အခမ်းအနား ပြီးလို့ ပြန်ရတော့မှာမို့ပါ။ ကျောင်း ကို ပြန်ရောက်တော့လား။ ဟုတ်ကဲ့ ကောက်ညှင်းပေါင်း နဲ့ စမူဆာကြော် တယောက်တထုပ် လာဝေပါတယ်။ အဲဒီနေ့က ကျောင်း မှာ သန့်ရှင်းရေး လုပ်တဲ့ ကုလားမကြီး အတော် ပွသွားပါတယ်။ သူ့စေတနာ အကျိုးပေး ပေ့ါလေ။ ကောက်ညှင်း ပေါင်း နဲ့ စမူဆာ ထုပ်တွေ ကြွပ်ကြွပ်အိတ်တောင် မဖြည် ဘဲနဲ့ သူပြောင်အောင် ဆေးထားတဲ့ အမှိုက်ပုံးထဲမှာ ပြည့်လို့။ စီကနဲ ညံကနဲ စီခန်း လို့ ဒဂုံတစ် တခွင် ပြဲပြဲစင် ကျော် ကြားတဲ့ ကျွန်မတို့ အတန်းသားတွေ ဘာလုပ်ရမှန်း မသိ ဒေါပွနေရာက ခုံ တွေကို အတန်းထောင့်မှာ သွားစီကြပါတယ်။ အဲဒီနောက် စီထားတဲ့ စာသင်ခုံ စင်မြင့်ပေါ် ကျောင်းသားတွေ တယောက်ပြီး တယောက် တက်ရင်း ကြံ့ဖွံ့ လူထု ဆန္ဒ ခံယူပွဲ လုပ်တမ်း ကစားကြပါရော။ တ၀ါးဝါး တဟားဟားနဲ့ လောင်စိန်ကျနေလိုက်တာ စီအိုင်ဒီ ခင်မာကြည် လာပြီဟေ့ ဆိုမှ မျက်နှာပိုးသတ်ကြပါတော့တယ်။ ကျွန်မတို့ စီတန်းက စာတော်တဲ့ နေရာမှာ အထူးတန်း လို့ ခေါ်တဲ့ (S) တန်းကို ယှဉ်နိုင်သလောက် ဆော့တဲ့နေရာမှာ လူညီပြီး ၀က်ဝက်ကွဲ သောင်းကျန်းလို့ ဆရာ ဆရာမတွေ ချစ် ကြောက် ဆူပူရတဲ့ အတန်းပါ။ ဒါပေမယ့် သမိုင်းဆရာ ဒေါ်ကြည်မာခင်ကိုတော့ စီအိုင်ဒီ ခင်မာကြည် လို့ ကွယ်ရာမှာ ခေါ်ရင်း ကြောက်ကြ ပါတယ်။

အတန်းတင် စာမေးပွဲကြီး နီးလို့ (S) တန်းက ကျောင်းသားတွေ လမ်းသွားရင်းတောင် စာဖတ်လို့ နဖူးနဲ့ ဓာတ်တိုင် ဆောင့် နေချိန်မှာ ကျွန်မတို့က နဖူးချင်း တိုက်နေကြပါတယ်။ နှုတ်ဆက်ပွဲ ပျော်ပွဲ ရွှင်ပွဲ လုပ်ဖို့ပါ။ ဆရာ ဆရာမတွေဆီ ခွင့်တောင်း တော့ ထင်ထားသလိုပါပဲ ဟင့်အင်း တဲ့။ ခွင့်တောင်းတုန်း ခွင့်မပေးတော့ ထပ်ပြီး ခွင့်မတိုင်ဘူးပေါ့။ လေးထပ် ဆောင် အပေါ်ဆုံး ထပ် ထောင့်စွန်းခန်း ဖြစ်တဲ့ ၈တန်းစီကို ရောက်ဖို့ လှေကားထစ်ပေါင်း ၇၂ ထစ်ကို တက်ပြီးမှ ရောက် သလို ကျောင်းဂိတ် ပေါက်ဝ ကနေ အခန်းကိုရောက်ဖို့ ကျောင်းသားတယောက်ဟာအနည်းဆုံး ဆယ်မိနစ် အပြေးတပိုင်း လျှောက်လှမ်းရတာကို မှတ်မိနေပါသေးတယ်။ ဒီအချက်ကို အခွင့်ကောင်းယူပြီး ကျွန်မတို့ နည်း ကျွန်မတို့ ဟန်နဲ့ အတန်း ထဲမှာ နှုတ်ဆက်ပွဲ တိတ် တိတ် ခိုးလုပ်ဖို့ ကျိတ်ဆုံးဖြတ် လိုက်ကြတယ်။ စားဖို့ ရွေးလိုက် တာက လက်သုပ်စုံ (ဟီဟိ)။ အတန်းသား ၆၀ကျော် စားဖို့ လက်သုပ်စုံ နဲ့ အအေး စီစဉ်ရာမှာလက်သုပ်စုံ ခိုးသယ်ဖို့ မိန်းကလေးတွေ တာဝန်၊ အအေးနဲ့ (ပါဆယ်ဂိမ်း ခိုးဆော့ဖို့) ကက်ဆက် ခိုးသယ်ရမှာက ယောက်ျားလေးတွေ တာဝန်ပါ။ လက်သုပ်စုံ သုပ်စားဖို့ ခွက်နဲ့ ဒန်အိုးကြီး အတန်းထဲကို ခိုးသွင်းဖို့ ကတော့ အမှိုက်သိမ်းတဲ့ ကုလားမကြီး တာဝန်ပေါ့။

အိမ်ကနေသယ်လာတဲ့ သောက်ရေဗူးတွေ ထဲမှာတကယ်ပါတာ ဆီချက် ငံပြာရည် ငရုတ်ဆီဖျော်ရည် တွေပေါ့။ တယောက် တမျိုး စီ တာဝန်ယူကြတာပါ မိန်းကလေးက အတန်းထဲမှာ ၂၈ ယောက်တောင်မှပဲ။ အေးဆေးပေါ့။ ထမင်းချိုင့်တွေ ထဲမှာ တော့ လက် သုပ်စုံ အတွက် လိုတဲ့ ပိစိပွစ တွေပေါ့။ လူညီတယ်လေ။ စီတန်း ပါဆို။ ဆောင်းတွင်း ဇန်န၀ါရီလကြီးမှာ ယောက်ျား လေးတွေ ဂျာကင်ကြီးတွေ တဖားဖားနဲ့ ခိုက်ခိုက်တုန်ပြီး အတန်းထဲ အပြေးတပိုင်း ၀င်လာနေကြတယ်။ ဂျာ ကင်အောက် အင်္ကျီထဲမှာ အအေးဗူးတွေ အပြည့် ပါတယ်လေ။ အတွင်းခံတီရှပ်ကို ဘောင်းဘီထဲ အကြပ်ညှပ်ပြီး ၀တ်လာ တာကိုး ကျောင်းစိမ်းအင်္ကျီ ကျောင်းစိမ်း ပုဆိုးနဲ့ ဂျာကင်က အပေါ်က ထပ်ဝတ်လာတာပါလေ။ ဒီတော့ ချမ်းတာပေါ့။ ဒီလို နဲ့ ကျောင်းပေါက်ဝကနေ အတန်းထဲ ရောက်သည်အထိ အထပ်ထပ်စောင့်တဲ့ ဂိတ်ပေါင်း ၆ဂိတ်ကို အောင်မြင်စွာ ဖြတ် ကျော်ပြီး လက်သုပ်စုံ သုပ်အပြီးမှာ ကျောင်းတက်ခေါင်းလောင်း ထိုးပါတယ်။ ဟီးဟီး။ ခုပြန်တွေးရင် ခု ရင်ခုန် ပျော်ရွှင်ရ ပါတယ်။ အတန်းထဲ ၀င်လာတဲ့ ဆရာမ တွေလဲ ရင်ဘတ်ဖိလို့။ သူတို့ကို ကြိုဆိုနေတာက “အသည်းလေး” လို့ နာမည် ပြောင် ပေးထားတဲ့ သူငယ်ချင်းလေးရဲ့ လက်ရာ ဧရာမ အသုပ်စုံအိုးကြီး။ အအေးဗူးတွေက စီရီလို့။ ဒါနဲ့ သူတို့မိအောင် မစစ်ဆေးနိုင်လို့ တာဝန်မကင်းတဲ့ အတူတူ မထူး ဇာတ်ခင်းပြီး ဆရာမတွေပါ ပါဝင်ဆင်နွဲ ပါတော့ တယ်။ အသံမကျယ် စေနဲ့ တဲ့။ ပါဆယ်ဂိမ်း ကစားတာမှာ ခုချိန်ထိ မှတ်မိနေတာက သူငယ်ချင်း ခွေးဖင်ရဲ့ ကြံတော ဟိုတယ် ကြော်ငြာပါ။ မှတ်မိတယ်နော် ရွှေခြူး ဆိုတဲ့ ကြော်ငြာနဲ့ မေသန်းနု တအားပေါက်နေတဲ့ အချိန်မှာ သူမဲကျလို့ ကြော်ငြာတဲ့ စာသားက

ကျွန်တော်တို့ရဲ့ ကြံတော ဟိုတယ်မှာ လာရောက် တည်းခိုသူတွေအတွက် အအေးခန်းတွေ အလုံအလောက် စီစဉ် ထား ပါတယ် သယ်ယူပို့ဆောင်ရေး အတွက်လဲ အသုဘ ယာဉ်တွေကို စီစဉ်ထားရှိပါတယ်။ အလှထိုးပန်းခြင်းတွေ လွမ်းသူ့ ပန်းခွေ တွေ အတွက်လဲ ၀န်ဆောင်မှု လုပ်ငန်းတွေ စိတ်ကြိုက် ရွေးချယ်နိုင်ပါတယ်။ မှတ်မိတယ်နော် ကြံတော တဲ့။ လက်ခုပ်သံတွေ အစဲမှာ နင်ပဲ တည်း ဆိုတဲ့ ရယ်မောသံတွေနဲ့ လှိုင်လှိုင်ဝေလို့။ သူများတွေ စာမေးပွဲ နီးနေလို့ စာအုပ်နဲ့ မျက်နှာနဲ့ မခွာရဲ ဖြစ်နေချိန်မှာ ကျွန်မတို့ ဒီလို ဆိုးခဲ့ကြပါတယ်။


ဒီလိုနဲ့ ဆယ်တန်းအောင်ပြီး ကျောင်းတွေ ပိတ်ထားတဲ့ အချိန်မှာ စီးပွားရေး တက္ကသိုလ်ထဲမှာ ဖွင့်တဲ့ လက်မှတ်ရ စာရင်း ကိုင် သင်တန်း တက်ခဲ့ပါတယ်။ အဲဒီတုန်းကဆိုးသွမ်းခဲ့ပုံကိုတော့ သင်ခန်းစာ ပေးရာဝယ် ဆိုတဲ့ ပို့စ်မှာ သုံးပိုင်းခွဲပြီးကို ဆိုးခဲ့တော့ တာပါပဲ။

တက္ကသိုလ်တွေ ပြန်ဖွင့်တော့ တိုင်ကြီး၁၈လုံးနဲ့ ကျောင်းကြီး ရှိလျက်နဲ့ ပိတ်ထားပြီး လယ်တောမြက်တောထဲက ဂျီတီအိုင် ကျောင်းထဲက နွားတင်းကုပ်သာသာ စာသင်ခန်း ဆိုတာတွေထဲမှာ စာသင်ဖို့ အပို့ခံရပါတော့တယ်။ ဒါတောင် ဂျီတီအိုင် ကျောင်းသားကဒ်တွေ ထုတ်အပေးမှာ ငါတို့ လျှောက်ခဲ့တာ ၀ိုင်တီယူလို့ ရဲရဲကြီး ကြွေးကြော်ပြီး ကိုယ်တက်ရမယ့် တက္က သိုလ် ကို ကိုယ်တိုက်ယူခဲ့ရပါသေးတယ်။ ကျောင်းသားဆိုတာ ကျောင်းက သင်ပေးတာကိုပဲ တက်ရုံပဲ အထွန့် မတက်နဲ့ တဲ့။ ကျွန်တော်ကျွန်မတို့ လျှောက်ခဲ့တာ ၉၆ထုတ် တက္ကသိုလ်ဝင်တန်းလမ်းညွှန်ရဲ့ စည်းမျဉ်းအောက်မှာ လျှောက်ခဲ့တာ ခင်ဗျားတို့က စည်းမျဉ်းကို ချိုးဖောက်ပြီး ပါးစပ်အမိန့်နဲ့ ဒီလိုမျိုး ကျောင်းလွှဲပစ်တာ ဥပဒေနဲ့ ညီရဲ့လား စသဖြင့် အခြေ အတင် စကားတွေနဲ့ တိုက်ရင်း နောက်ဆုံးတော့ မြန်မြန် ကျောင်းပြီး နားအေး သင်ရိုးနဲ့ အင်ဂျင်နီယာ ကျောင်းသူ ဖြစ် လာပါရော။
စတည်းက သင်းသကို ဆိုတဲ့ အတိုင်း ပထမနှစ်ရဲ့ အင်္ဂလိပ်စာ သင်ခန်းစာမှာ ရေးတင်ရမယ့် စာစီစာကုံးက “My University” တဲ့။ ကိုယ်နေခဲ့တဲ့ အခြေခံ ပညာသင်ကျောင်းလောက်တောင်မှ ကျောင်းမပီသတဲ့ ဟာကြီးကို တက္ကသိုလ် အမှတ်နဲ့ စိတ်လျှော့ပြီး လာတက်နေရတဲ့ဟာကို။ မကျေချမ်းနိုင်တဲ့ ဒေါသတွေက စာမျက်နှာပေါ်ကို စကားလုံးတွေ အဖြစ်နဲ့ ခုန်ပေါက် ကျဆင်းလာပါရော…

မြို့ထဲမှာ မွန်းကြပ်နေပြီး စိတ်ညစ်ညူးမှု မဖြစ်ရအောင် မြစိမ်းရောင် လယ်တောမှာ အောက်စီဂျင် အပြည့်ရှူရစေချင်တဲ့ နိုင်ငံတော်ရဲ့ စေတနာကြောင့် မြစိမ်းရောင်စို အမိတက္ကသိုလ်မှာ တက်ရောက်ရလို့ ကောင်းကြောင်း

မြို့ထဲမှာ ဆိုရင် ကိုယ်လက် ကြံ့ခိုင်ရေး လေ့ကျင့်ခန်း မလုပ်ဖြစ်မှာ စိုးလို့ မြို့ပြင်ထိ မနက်စောစော ထွက် အသွား ၃နာရီ အပြန်၃နာရီ ကားစီးပြီး ကျောင်း တက်ရလို့ ကျောင်းသူကျောင်းသားတွေ သက်လုံနဲ့ ကြံ့ခိုင်ရေး ကောင်းစေဖို့ ဖြစ် ကြောင်း

စာသင်ခုံ မလုံလောက်လို့ ခပ်တောင့်တောင့် မတ်တပ်ရပ်ရခြင်း၊ ဆောင်းဆို လေကာမဲ့ နွေဆို အရိပ်မဲ့ မြစိမ်းရွှေတော ပြောင်းလဲတတ်လှတဲ့ လယ်တောတခွင်မှာ စာသင်ရခြင်းဖြင့် သက်လုံ ကြံ့ခိုင်ရေး ပိုမို ကောင်းမွန်စေကြောင်း

ကျောင်းကားမရှိဘဲ မြို့ပြင်မောင်း ဒေ့ါဂျစ်ဘတ်စ်ကားတွေကိုသာ နာရီများစွာ မတ်တပ် တဖုံ တွယ်လျက် တနည်း ခေါင်မိုး စီး တသွယ် စီးနင်း ကျောင်းတက်ရတဲ့ အတွက် ကိုယ်လက်အင်္ဂါတွေကိုကျွမ်းကျင် ခိုင်မြဲစွာ အသုံးချနည်းတွေ တတ်လာ ကြောင်း

ကြံ့ခိုင်သော နိုင်ငံသားကောင်းများကို မွေးထုတ်ရာ ဖြစ်သည်နှင့်အညီ ဆောင်းတွင်း ကားခေါင်မိုးပေါ် တွယ်စီး ရသောကြောင့် လေဖြတ်ပြီး လည်းကောင်း၊ နွေတွင် ကားမြီးမှ တွယ်စီးရလို့ အပူရှပ် သွေးအန်ပြီး လည်းကောင်း၊ နဂို သွေးအားနည်း ဓာတ်ခံ တွင် ပင်ပန်းမှုဝင်ပြီး သွေးကင်ဆာဖြင့် စာသင် နှစ် တ၀က်တွင် ကျဆုံးကြသည့် ကျောင်းသားများ ရှိသော်လည်း အနည်းစု ဖြစ်ပြီး ကျန်အများစုမှာမူ သန်မာ ကြံ့ခိုင်သော နိုင်ငံ့သားကောင်းများ ဖြစ်လာသည့် အတွက် အားတက်မိကြောင်း

စာသင်ဆောင် ကဲင်တင်း လမ်းမ မရှောင် မြက်လျှော မြွေစိမ်း ငန်းပုပ် ငန်းစောင်းမကျန် အခွေခွေ အစင်းစင်း ပေါများတော် မူပေထသော အကောင်ရှည်တို့ကို ရှောင်ရှား ထွက်ပြေး မျက်စိရှင်စေသော လေ့ကျင့်ခန်းများကိုလဲ ရပါကြောင်း

စသဖြင့် စာမျက်နှာ ၈မျက်နှာကျော်အောင် လက်စွမ်းပြတာမှာ (များလွန်းလို့ အချက်အလက် အကုန်တောင် မမှတ်မိတော့ဘူး) ဆရာက ကျွန်မရဲ့ စာစီစာကုံးကို တကယ်ကြိုက်လို့လား ပြန်ရွဲ့ သလား မသိ တကျောင်းလုံး ဒုတိယ အမှတ်အများဆုံး ဖြစ်ခဲ့ တာကို မှတ်မိ ပါသေး။ တွေ့လား ခွန်မြလှိုင်တို့က ဆိုးပေမယ့် အကောင်းမြင်စိတ် ရှိပါတယ် @#$%

ကျောင်းသူ ဘ၀ ကြုံတွေ့ခဲ့ရတဲ့ ဘ၀မုန်တိုင်းတွေကိုတော့ မုန်တိုင်းထဲက သူငယ်ချင်းများ အကူအညီနဲ့ ရင်ဆိုင် ကျော် ဖြတ် ခဲ့ရတာ ပေါ့။ မုန်းလို့တော့ မဟုတ်လောက်ပါဘူး။ သူတို့ ချစ်ပုံချစ်နည်းကို ကိုယ်ကမခံနိုင် ကိုယ့်အချစ် တွေကလဲ သူတို့ လက်မခံနိုင်တဲ့ အချစ်မျိုး ဖြစ်နေလို့ နေမှာပါလေ။ ဒါကြောင့် ခုချိန်ထိ လွမ်းနေမိသေးတယ် တကယ်!!!

နောက်ဆုံးနှစ် စာမေးပွဲ အပြီး လုပ်ငန်းခွင် ၀င်တော့ သုတေသန စီမံကိန်း သေးသေးလေး တခု စလုပ်ခဲ့ရတယ်။ မတတ် တတတ် ရမ်းလုပ်တာ မိကန်းကြေးအိုးတိုး သွားတော့ ခံတွင်းမြိန်တာပေါ့။ ဒီလိုနဲ့ ပရောဂျက် မန်နေဂျာ ပေါက်စ ဖြစ်ခဲ့ရ။ အက်ဒမင်က မမကြီးများက မကြည်ပါဘူး။ သူတို့အသက်ထက် ခေါက်ချိုးငယ်ပြီး ခုမှဝင်တဲ့ ကန္တာရပင်က နေရာရခဲ့ တာကိုးး။ ဒီတော့ ကျွန်မကို ပေးထားတဲ့ အခန်းထဲ သူတို့ အင်တာဗျူးမယ့် လူတွေ ခေါ်သွင်းထားတာ ကျွန်မ သုံးရမယ့် ကွန်ပြူတာကို ယူသုံးနေတာ စသဖြင့် ပညာ မျိုးစုံ ပြလာပါရော… ဟုတ်ကဲ့ ကျွန်မ ရန်မလိုတတ်ပါ။ ကိစ္စမရှိပါ လို့ တခွန်း ပြောပြီး အိမ်ပြန်သွားရုံလေးပါ။ အိမ်မှာ အလုပ် ဆက်လုပ်ပါတယ်။ နောက်မှာ ပွက်လောရိုက်ပြီး ကျန်ခဲ့ပါရော။ နောက်နေ့ လူကြီးက ခေါ်မေး ပါတယ် ရုံးမတက်တာ ဘာကြောင့်လဲတဲ့။ ထိုင်စရာ နေရာနဲ့ သုံးစရာ ကွန်ပြူတာမှ မရှိတာလို့။ ပညာ သည်တွေ သူတို့အတတ် သူတို့ ပြန်စူးကုန်ပါရော။ နောက်တမျိုး လာပြန်ပါတယ်။ ဖုန်းဆက် အင်တာဗျူးဖို့ ကျွန်မက ဖုန်းကို ကိုင်ရင် ပါစင်နယ် မသုံးရ တဲ့။ ဒါဆို ဖုန်းခေါ်ရမယ့် စာရင်းက ဒီမှာ။ ဖုန်းခေါ်ပေး ပြီးရင်ကျွန်မ အခန်းကို လွှဲလိုက် ဒါဆို ကျွန်မက ပါစင်နယ် မသုံးတာ သေချာရောပေါ့ ဆိုတော့ မျက်နှာတွေ နီရဲလို့ ဟီဟိ။ ခွန်မြလှိုင် မဆိုးပါဘူးနော်။ ပြသနာကို အငြိမ်းချမ်းဆုံး ဖြေရှင်းတာပါ။ အဲလို အဲလိုလေးတွေ လုပ်တတ်ပါတယ်။

ခုတော့ ခွန်မြလှိုင် မဆိုးတော့ပါ။ အထူးသဖြင့် အဲဒီလို မဆိုးတော့ပါ။ သိပ်ကို သေချာပါတယ်။ ဒါကြောင့် အရင်တုန်းက ဆိုးခဲ့ သမျှကို ၀န်ခံလိုက်ပါတယ်။ ဟုတ်ကဲ့ ကျွန်မ ဆိုးခဲ့ဖူးပါတယ်။ ဒီပို့စ်ကို လာဖတ်ကြ သူတွေထဲက ကိုယ်ဆိုးခဲ့ ဖူးတာကို ၀န်ခံရဲတဲ့ သတ္တိရှိသူ ဘယ်သူမဆို အားလုံးကို ပြန်တဂ်ပါတယ်။ ဆိုးခဲ့ဖူးတာလေးတွေ ရေးပေးပါလို့။ တခါမှ မဆိုးခဲ့ ဖူးဘူး ဆိုသူများလဲ လိမ်မာ ခဲ့ပုံလေးတွေ ရေးနိုင်ပါတယ်။ ပျော်ပျော်ပါးပါးပေါ့။

4 comments:

Anonymous said...

အဲဒါဆိုးပါဘူးဟ

ဟီးးး

မြတ်နိုး

Anonymous said...

ကိုယ့်ညီမက ဆိုးခဲ့တာကိုး သမိုင်းဟောင်းတွေ မှတ်တမ်းတင်နေတယ်ပေါ့ သမိုင်းသစ်ကိုပဲရေးပါ..
သမီးတို့အမေဖြစ်နေပီနော်..ဟား၂၂

ur bro.

ကောင်းကင်ကို said...

ကြီးလာမှ သူငယ်ချင်းဖြစ်တာ ကံကောင်းတာပေါ့ ဟီးဟီး :D

unknown said...

မဆိုးပါဘူး လို့ပြောရုံနဲ့လုံလောက်ပါ့မလား--ကျေးဇူး