မြို့ ရန်ကုန် ပြောင်ကတုံးကို သျှောင်ထုံး စို့လား (စတုတ္ထပိုင်း)

ဆာလဖာဒိုင်အောင်ဆိုဒ် (Sulfur Dioxide (SO2))

ဆာလဖာဒိုင်အောင်ဆိုဒ်ဟာ အထူးသဖြင့် ကလေးသူငယ်နဲ့ သက်ကြီး ရွယ်အိုတွေကို အသက်ရှူလမ်းကြောင်းဆိုင်ရာ ကျန်းမာရေး ထိခိုက်မှုကို ဖြစ်ပေါ်စေပါတယ်။ အဆုတ်၊ နှလုံးနဲ့ ပန်းနာရင်ကြပ် ရောဂါတို့ကို ပိုမို ဆိုးရွားစေနိုင် ပါတယ်။ ရေမှာ လွယ်ကူစွာ ပျော်ဝင် နိုင်တာမို့ ဆာလဖာဒိုင်အောက်ဆိုဒ်ဟာ အက်စစ်မိုး ရွာသွန်းမှုကို ထည့်ဝင် အားပေးပါတယ်။ ဆာလဖာဒိုင် အောက်ဆိုဒ်ဟာ ဆာလဖာ အောက်ဆိုဒ် မိသားစု စာရင်းဝင် ဓာတ်ငွေ့ ဖြစ်ပါတယ်။ လောင်စာဆီ၊ ကျောက်မီးသွေး စတဲ့ ဆာလဖာ ပါဝင်တဲ့ လောင်စာတို့ လောင် ကျွမ်း ရာက ဆာလဖာဒိုင် အောက်ဆိုဒ် ဓာတ်ငွေ့ ထွက်ပေါ် လာတာ ဖြစ်ပါတယ်။ ဒါ့အပြင် ကျောက်မီးသွေးကို တွင်းထဲက ထုတ်နေ ချိန်နဲ့ ရေနံကနေ ဓာတ်ဆီ ထုတ်လုပ် နေချိန်တွေ မှာလဲ ထွက်ပေါ် လေ့ ရှိပါတယ်။

ကျောက်မီးသွေးလောင်စာသုံး လျှပ်စစ် ဓာတ်အားပေး စက်ရုံ များကနေ ဆာလဖာဒိုင်အောက်ဆိုဒ် ဓာတ်ငွေ့ အများဆုံး ထွက်ပြီး တခြား သတ္ထု ထုတ်လုပ်ရေး၊ ကျောက်မီးသွေးနဲ့ လောင်စာဆီသုံး စက်မှုလုပ်ငန်းများ ကနေလဲ ထွက်လေ့ ရှိပါတယ်။ ဥပမာ များကတော့ လောင်စာဆီ သန့်စင် စက်ရုံများ၊ ဘိလပ်မြေစက်ရုံများ၊ သတ္ထုလုပ်ငန်းများ၊ ရွေ့လျားစက်များ၊ သင်္ဘောကြီးများနဲ့ တခြား ဒီဇယ် အင်ဂျင်သုံးစက်များဟာ ဆာလဖာ လောင်စာကို အသုံးပြုပြီး ဆာလဖာဒိုင် အောက်ဆိုဒ် ဓာတ်ငွေ့ထုတ်လွှတ်မှုကို လေထုထဲကို ထုထည် အင်အား ကြီးမားစွာနဲ့ ထုတ်လွှတ်ပေး နေပါတယ်။ လွန်ခဲ့တဲ့ ခြောက်လ အတွင်းကပဲ ရန်ကုန်မြို့ တိုက်ခန်း တစ်ခု အတွင်းမှာ ညဘက် ဒီဇယ်ဆီသုံး မီးစက်နဲ့ လေအေးပေးစက်ကို ဖွင့်ပြီး အိပ်ရာက တအိမ်သားလုံး အဆိပ်ငွေ့သင့်ပြီး သေဆုံးတဲ့ သတင်းကို ကြားလိုက် မိပါ သေးတယ်။ တကယ်တော့ ခြင်နိုင်ဆေး များဟာလဲ ဆာလဖာဒိုင် အောက်ဆိုဒ် တို့လို မဟုတ် ပေမယ့် ဘယ်လို အငွေ့မျိုးကို ထုတ်လွှတ်သလဲ ဆိုတဲ့ သတင်းပေးချက် မပါရင် မသုံးသင့်တဲ့ အစားထဲမှာ ပါပါတယ်။ ကျွန်မရဲ့ ဦးလေး တစ်ဦးဟာ ၉ရက်သားမှာ သူ့အနားမှာ ခြင်ဆေးထွန်းပြီး သိပ်ထား ခဲ့မိလို့ အဆိပ်ငွေ့ သင့်ပြီး သေဆုံး ခဲ့ရ ဖူးပါတယ်။

ကျန်းမာရေး သက်ရောက်မှုနဲ့ အန္တရာယ် နဲ့ အနီးဆုံးသူများ

အိမ်ခန်းပြင်ပမှာ လှုပ်ရှားမှု လုပ်တဲ့ ရင်ကြပ်ပန်းနာ ဝေဒနာရှင်၊ ကလေးသူငယ်နဲ့ သက်ကြီးရွယ်အို များဟာ ဆာလဖာဒိုင် အောက်ဆိုဒ် ကြောင့် ကျန်းမာရေး ထိခိုက်မှု အဖြစ်နိုင်ဆုံးသူများ ဖြစ်ပါတယ်။ ပင်မ ဖြစ်လေ့ ရှိတဲ့ အတွေ့အကြုံကတော့ ပထမဆုံး သာမန် ဓာတ်ငွေ့ သင့်မှု မှာတောင် အသက်ရှူလေပြွန် ကျဉ်းတဲ့ ဝေဒနာကို ခံစားရမှာ ဖြစ်ပြီး လက္ခဏာ အနေနဲ့ သမ်းဝေခြင်း၊ ရင်ကြပ်ခြင်းနဲ့ ရင်ကြပ် ရောဂါ မရှိသူများပင် အသက်ရှူ မ၀ခြင်းတို့ကို ခံစားရမှာ ဖြစ်ပါတယ်။ အသက်ရှူ ပြင်းရင်ဖြစ်စေ လေထုအတွင်း ဆာလဖာ ဒိုင် အောက်ဆိုဒ် ပမာဏ များလာရင် ဖြစ်စေ ရောဂါ လက္ခဏာများ ပိုတိုးလာမှာ ဖြစ်ပါတယ်။ သက်ရောက်မှု ပြန်လျော့ သွားရင် အဆုတ်ရဲ့ လုပ်ဆောင်ချက်ဟာ တစ်နာရီ အတွင်း ပုံမှန် ပြန်ဖြစ် လာမှာ ဖြစ်ပါတယ်။

လေထု အတွင်း ဆာလဖာဒိုင် အောက်ဆိုဒ် သိပ်သည်းဆ သိပ်ကို များပြား လာတဲ့အခါ ရင်ကြပ် ရောဂါ မရှိသူများ အတွက်တောင် သမ်းဝေခြင်း၊ ရင်ကြပ်ခြင်း၊ အသက်ရှူ မ၀ခြင်း တို့ကို ဖြစ်ပေါ်စေပါတယ်။

ဆာလဖာဒိုင် အောက်ဆိုဒ်ရော အမှုန်များပါ ကြာရှည် ထိတွေ့ သက်ရောက် ခံရတဲ့ အခါ အသက်ရှူလမ်းကြောင်း ဆိုင်ရာ ရောဂါများ ဖြစ်ပေါ်စေပြီး အဆုတ်ရဲ့ ခုခံစွမ်းအား ကျဆင်းမှု ရောဂါနဲ့ နှလုံးရောဂါတို့ကို ဆက်လက် ဖြစ်ပေါ်စေမှာ ဖြစ်ပါတယ်။ ဒီဆာလဖာဒိုင် အောက်ဆိုဒ် သက်ရောက်မှုကို အဆိုးဆုံး ခံစားရမယ့် သူများ ကတော့ ကလေး သူငယ်များ သက်ကြီး ရွယ်အို များ၊ နှလုံးရောဂါရှင်နဲ့ အဆုတ် နဲ့ အသက်ရှူ လမ်းကြောင်း ဆိုင်ရာ ရောဂါရှင် များပဲ ဖြစ်ပါတယ်။

သဘာဝ ပတ်ဝန်းကျင်ကို ထိခိုက်စေမှု

အမြင်ဆိုင်ရာ ထိခိုက်မှု။ ။ လေထုထဲက ဓာတ်ငွေ့နဲ့ အမှုန်များက အလင်းကို စုပ်ယူတဲ့ အခါ မီးခိုးမြူများလို ပတ်ဝန်းကျင်ဟာ မှုန်မှိုင်းနေတာကို တွေ့ရမှာ ဖြစ်ပါတယ်။

အက်စစ်မိုး။ ။ ဆာလဖာဒိုင် အောက်ဆိုဒ်နဲ့ နိုက်ထရိုဂျင် အောက်ဆိုဒ်တို့ဟာ လေထုထဲက တခြား အရာတွေနဲ့ ဓာတ်ပြု ပြီးတဲ့ အခါ အက်စစ်များ ဖြစ်လာကြပြီး မြေပေါ်ကို မိုး၊ နှင်း၊ မြူ၊ ဒါမှမဟုတ် အမှုန်ခြောက် များ အဖြစ် ပြန်လည် ကျရောက် လေ့ ရှိပါတယ်။ သူတို့ တတွေဟာ လေတိုက်ခတ်မှု ကြောင့် မိုင်ပေါင်း ရာချီပြီး သယ်ဆောင် သွားခံရလေ့ ရှိပါတယ်။

အပင်နဲ့ ရေပျက်စီးမှု။ ။ အက်စစ်မိုးဟာ သစ်တောများ၊ ကောက်ပဲသီးနှံ စိုက်ခင်းများ၊ မြေဆီလွှာ ပြန်လည် ပြုပြင် ရေး လုပ်ငန်း များကို ဖျက်ဆီးပြီး ရေကန်များ၊ စမ်းချောင်းများကို အက်စစ်ရေနဲ့ ပြည့်စေပြီး ငါးများအတွက် ရှင်သန်ဖို့ ခက်ခဲ စေပါ တယ်။ ဆာလဖာဒိုင် အောက်ဆိုဒ် အချိန်ကြာမြင့်စွာ ဆက်တိုက် ထိတွေ့သက်ရောက် နေတဲ့ အခါ သူဟာ အပင်နဲ့ သတ္တ၀ါတို့ရဲ့ သဘာဝ သဟဇီဝန စနစ် အရ မျိုးရိုး ကွဲပြားမှုကို ပြောင်းလဲ စေပါတယ်။

ရုပ်ဝတ္ထု ဆိုင်ရာ ပျက်စီးမှု။ ။ ဒါ့အပြင် ဆာလဖာဒိုင် အောက်ဆိုဒ်ဟာ ဆောက်လုပ်ရေး ပစ္စည်းများ၊ သုတ်ဆေး များ၊ မရွှေ့ပြောင်းနိုင်သော ရုပ်တုများ၊ အထိမ်းအမှတ် ကျောက်တိုင်များနဲ့ ရုပ်လုံး ရုပ်ကြွများကို ပျက်စီးစေပါတယ်။
(ဆက်လက် ဖော်ပြပါမည်။)