အောင်ခြင်းရှစ်ပါး၊ သည်းခံခြင်းတရားနဲ့ ပြည်သူများ

မကြာခင်မှာ နှစ်ဟောင်းကုန်ဆုံးလို့နှစ်သစ်ကိုကူးပြောင်းတဲ့သည်လိုအချိန်မှာ ဘလော့ဂါ လောကမှ မောင်နှမ ညီအစ်မ များအားလုံးကို မင်္ဂလာပါ လို့နှုတ်ခွန်းဆက်ရင်း နှစ်သစ်မှာ အောင်မြင်မှု အပေါင်း ခညောင်း ပါစေလို့ ဆုမွန် တောင်းပေး ချင်ခဲ့ပါတယ်။ အခုလိုနှစ်သစ်မှာ အောင်မြင်ကြောင်း ဆုမွန် တောင်းပေး တာထက် ပိုကောင်းတဲ့ လက်ဆောင် ကိုပါ ပေးချင်တဲ့ ကျွန်မဟာ အောင်မြင်ခြင်းရဲ့ အကြောင်း ရင်းများကို ဒီ ဘလော့ ကနေ ဖောက်သည် ချချင် လာခဲ့ ပါတယ်။ အောင်မြင်ခြင်းရဲ့ အကြောင်းရင်းတွေ များစွာ ရှိတဲ့ အထဲက မြတ်စွာ ဘုရားရဲ့ အကြီးကျယ်ဆုံး အောင်ခြင်း ရှစ်ပါး ထဲက မြတ်စွာဘုရား ကျင့်သုံး တော်မူတဲ့ အောင်ခြင်းရဲ့ အနှစ်တရား များကို ရေးသား ဝေမျှဖို့ ရွေးချယ် မိပါတယ်။

အောင်ခြင်းရှစ်ပါးဟာ မြန်မာတို့နဲ့ မစိမ်း လှတဲ့ အပြင် သီချင်း အနေ နဲ့ပါ ရှိတာမို့ ပိုမို ရင်းနှီး နေတာ ဖြစ်ပါတယ်။ သို့ပေမယ့် သည်အောင်ခြင်း ရှစ်ပါး သီချင်း ထဲမှာ ကျွန်မ ငြင်းချင်တဲ့ စာသား တစ်ချို့ လည်း ရှိပါတယ်။ ဗုဒ္ဓ ဘာသာ ပီပီ မေတ္တာတရား၊ သည်းခံခြင်း တရား လက်ကိုင် ထားပါလို့ မြန်မာ များ ပြောဆိုလေ့ ရှိကြတာ စိတ်ချမ်းသာ စရာပါ။ မြတ်စွာဘုရား လက်ကိုင် ထားတဲ့ တရားက မေတ္တာ တရားလို့ မြန်မာ အများစု သိထား ကြပေမယ့်၊ အောင်ခြင်း ရှစ်ပါး သီချင်းမှာ ထည့်သွင်း သီကျူး ထားပေမယ့် တကယ် မြတ်စွာ ဘုရား လက်ကိုင် ထားတာ သတိပဌာန် တရားနဲ့ မဂ္ဂင်ရှစ်ပါး လမ်း ကြောင်း ရှစ်သွယ်ပါ။ မဂ္ဂင် ရှစ်ပါး ဆိုတာ ကောင်းသော အမြင်၊ အားထုတ်မှု၊ အလုပ်အကိုင်၊ အပြော အဆို၊ အကြံအစည်၊ အသက်မွေးမှု၊ သတိ၊ သမာဓိ တို့ဖြစ် ပါတယ်။ မြတ်စွာဘုရားရဲ့ သည်းခံခြင်း မှာလည်း စိတ်ခံစား မှုများ ကိုသာ သည်းခံတာ ဖြစ်ပြီး သူတပါး မတရားတာ လုပ်နေတာ၊ မမှန်တာ ပြောဆို လုပ်ကိုင် ဆောင်ရွက် နေတာကို လုပ်ပါ စေလို့ ခွင့်ပေး ထားတဲ့ သည်းခံ ခြင်းမျိုး မဟုတ် တာကို အောင်ခြင်း ရှစ်ပါးက သက်သေခံ နေပါတယ်။

သည်နေရာမှာ သည်းခံခြင်း နဲ့ မနိုင် သောကြောင့် ငုံ့ခံခြင်း တို့ရဲ့ အဓိပ္ပာယ် ကွာခြား လွန်းကြောင်း သတိထား ရမှာ ဖြစ်ပါတယ်။ မဟာ မေတ္တာ၊ ကရုဏာရှင် ဖြစ်တော် မူသော မြတ်စွာဘုရားဟာ သည်း ခံတော် မူသော်လည်း မည်သည့် အခါမှ ငုံ့ခံတော် မမူတာကို မဟာ ဗုဒ္ဓ၀င်မှာ အထင်အရှား တွေ့ရမှာ ဖြစ်ပါတယ်။ သတ္တ၀ါ တို့ရဲ့ ကောင်းကျိုးကို လိုလား တော်မူတဲ့ အနန္တ မေတ္တာရှင် မြတ်စွာဘုရား ရှင်သာ အမြဲ သည်းခံ တော်မူ နေခဲ့ရင် အောင်ခြင်း ရှစ်ပါး ပေါ်ပေါက် လာစရာ အကြောင်း ရှိမှာ မဟုတ်ပါဘူး။ ဘယ်လို အောင်နိုင် ခဲ့တယ် ဆိုတာ ဟာလည်း တကယ်တော့ အလွန် စိတ်ဝင်စား စရာ ကောင်းလှ ပါတယ်။

ပထမအောင်ခြင်းဖြစ်တဲ့ မာရ်နတ်မင်းကိုအောင်နိုင်ခြင်းမှာ ဘုရားအဆူဆူ အစဉ်အဆက် သဗ္ဗညုတ ဉာဏ်တော်ကို ရရာ နေရာ ဖြစ်တဲ့ ပလ္လင်ကို မာရ်နတ်က လုပါတယ်။ မာရ်နတ် စစ်သည် များရဲ့ စစ်တပ် နဲ့ကို ချီပြီး အကြီး အကျယ် ဗိုလ်ကျ လုယက်တာ ဖြစ်သော် ငြားလည်း တရားမင်း ဖြစ်တော် မူတဲ့ မြတ်စွာဘုရား အလောင်းတော်က ကြောက်စိတ်နဲ့ ထွက်မပြေးပါ။ သည်ပလ္လင် နေရာ သင်္ကေတ ဆောင်တဲ့ ဘုရား အဖြစ်ကို ရဖို့ လေးသင်္ချေနဲ့ ကမ္ဘာတစ်သိန်း ပါရမီ ဖြည့်လာ ခဲ့တာမို့ သည်ပလ္လင် နေရာဟာ မာရ်နတ်ရဲ့ နေရာ မဟုတ်။ မိမိရဲ့ နေရာသာ ဖြစ်တာ မှန်ရင် မဟာပထ၀ီ မြေကြီးက တုန် ဟီးပြီး သက်သေ ပြပါလို့ သစ္စာ ဆိုတော် မူခဲ့ ပါတယ်။သည်အချိန်မှာ သစ္စာ တန်ခိုးကြောင့် အကြီး အကျယ် ငလျင် လှုပ်တဲ့ အတွက် မြေကြီးရဲ့ ငလျင် လှုပ်အားကြောင့် တောင်ပြို မြေပြို ရာက အသံ လှိုင်းများ ထွက်ပေါ် လာပြီး လေထုပါ သွက်သွက် ခါအောင် တုန်လှုပ်တဲ့ အတွက် လေထဲမှာ ရပ်တည် နေရတဲ့ မာရ်နတ် စစ်တပ် လေထဲမှာ ရပ်တည်လို့ မရ တော့ဘဲ ကျွမ်းထိုး မှောက်ခုံ ဖြစ်ကုန် တဲ့အ တွက် ကြောက်လန့် တကြား ထွက်ပြေးလို့ စစ်တပ် ပျက်ပါတယ်။သည်တော့မှ ဘုရား အလောင်းဟာ မာရ်နတ်မင်းရဲ့ မတရားမှုကို သစ္စာ တရားနဲ့(တနည်း ပြောရရင်) သစ္စာ ဆိုခြင်း နည်းနဲ့ အောင်မြင် တော်မူ ပါတယ်။

သည်လို နေရာလေး တစ်ခု အတွက်နဲ့ စကားပြော မနေချင်လို့ ဆိုပြီး သည်းခံပြီး နေရာ ဖယ်မပေး ပါဘူး။ သတိတရား လက်ကိုင် ထားတော် မူတဲ့ ဘုရား အလောင်းဟာ မာရ်နတ်ရဲ့ ရည်ရွယ်ရင်း ကို သိတော် မူပါတယ်။ မာရ်နတ်ဟာ သည်နေရာကို တကယ် လိုချင်တာ မဟုတ် ပါဘူး။ မြတ်စွာဘုရား အလောင်းတော်ဟာ အဓိဌာန် ပါရမီ အတွက် နောက်ဆုံး အဓိဌာန် ပြုခြင်း ဖြစ်တဲ့ ဘုရား မဖြစ်သမျှ ကာလ ပတ်လုံး သည်နေရာက မထ တော့လို့ အဓိဌာန် ပြုခြင်းကြောင့် တကယ် ဘုရား ဖြစ်တော့ မယ်လို့ မာရ်နတ်က သိတဲ့ အတွက် အဓိဌာန် ပျက်အောင် တမင် နှောင့်ယှက်တာ ဖြစ်ပါတယ်။ ဘုရား အလောင်းက နေရာ ဖယ်ပေး ခဲ့ရင် လည်း ရောက်လေ ရာမှာ တရား မထိုင် ဖြစ်အောင် လိုက်လံ နှောင့်ယှက် နေဦးမှာ ဖြစ်ပါတယ်။ သည်အဖြစ်ကို သိလို့ ဘုရား အလောင်းတော်က တမင် ဖယ်မပေး တာ ဖြစ်ပါတယ်။ သည်အပြု အမူဟာ အင်အား ကြီးသူကို ကြောက်ရွံ့ပြီး မတရားမှုကို ခေါင်းငုံ့ ခံခြင်း မပြုအောင် သတိတရား လက်ကိုင် ထားပြီး အရှုံး မပေးဘဲ ရင်ဆိုင်ဖို့ နောင်လာ နောင်သား များကို နည်းလမ်း ပြတာ ဖြစ်ပါတယ်။ သည်တော့သည်နေရာမှာအဆိုတော် မေရှင် သီဆိုတဲ့ အောင်ခြင်း ရှစ်ပါး သီချင်း မှာပါတဲ့ အတိုင်း မေတ္တာ ဓာတ်နဲ့အောင်မြင်တာ မဟုတ်ဘဲ သတိ၊ သစ္စာနဲ့ သတ္တိ တို့ကြောင့် အောင်မြင်တာ ဖြစ်ပါတယ်။

ဒုတိယအောင်ခြင်းဖြစ်တဲ့ အာဠာဝကဘီလူးကို အောင်တော် မူခန်းမှာ တညလုံး နည်းမျိုးစုံဖြင့် သတ် ဖြတ်ဖို့ ကြိုးစား နေတဲ့ အလွန် အမင်း ဒေါသ ထွက်နေတဲ့ ဘီလူး သတ်မရလို့ ဒေါကန်ပြီး ခိုင်းသမျှ မညည်း မညူဘဲ စံအိမ် တော်ထဲကို ၀င်လိုက် ထွက်လိုက် လုပ်ကာ ကိုယ် တော်ရဲ့ စိတ်ကို စမ်းသပ် လိုတဲ့ ဘီလူး စိတ်ပြေ အောင် လိုက်လျော ပါတယ်။ သည့်နောက် ၀င်ထွက် ခိုင်းရင်း အမော ဆိုက်မှ အသေ သတ်ဖို့ ဘီလူး က ကြံစည်တဲ့ အခါ မှာတော့ သည်းခံတော် မမူ တော့ဘဲ သည်စိတ်ကို သိပြီမို့ ခိုင်းတိုင်း မလုပ်နိုင် တော့ဘူး လို့အပြတ် ပြောတော် မူပါတယ်။ သည်နောက် ဘီလူး မေးသမျှ ပြဿနာ တို့ကို အမှန် အတိုင်း ပြေပြစ်အောင် ဖြေရှင်း ဟောပြော တော်မူ နိုင်ခဲ့လို့ ဘီလူးရဲ့ တပည့် ခံခြင်းကို လက်ခံ ရရှိ ခဲ့ပါတယ်။ သည်အောင်ခြင်းမှာ မြတ်စွာဘုရားရဲ့ သည်းခံခြင်း အပိုင်းအခြားကို တွေ့မြင် နိုင်ပါတယ်။ အခြေအနေ အချိန်အခါကို လိုက်ပြီး ချိန်သားကိုက် တုန့်ပြန် ဆုံးမ တော်မူ တတ်တဲ့ မြတ်စွာဘုရားရဲ့ ဆုံးမနည်း ကိုလည်း တွေ့မြင် နိုင်ပါတယ်။ သည်အောင်ခြင်းဟာ သည်းခံပုံ သည်းခံ နည်းကြောင့် အောင်နိုင်တဲ့ အောင်ခြင်း လို့ စာရေးသူက သုံးသပ် မိပါတယ်။

စိဉ္ဇာမာဏပရိဗိုဇ်မကိုအောင်တော်မူခန်းမှာလည်း မဟုတ် မတရား လီဆယ် အရှက်ခွဲ နေတဲ့ မိန်းမကို အကုသိုလ်ကြောင့် ငရဲ ကျမှာ စိုးရိမ်တဲ့ မဟာ ကရုဏာဖြင့် ချစ်သမီး၊ သင်ဧ။် စကား မှန်မမှန်ကို သင်နဲ့ ငါသာ သိဧ။် လို့ သတိပေး စကား မိန့်ကြား တော်မူ ခဲ့ပါ သေးတယ်။ သို့သော် ရှေးဘ၀က ရန်ငြိုး ကြောင့် သတိတရား မရနိုင်တဲ့ သူမဟာ ဆက်လက် စွပ်စွဲ ပြောဆို နေတဲ့ အခါမှာ ပြည်သူများ ဘုရားရှင် အပေါ် အထင် လွဲမှာ စိုးရိမ် လာတဲ့ သိကြားမင်းနဲ့ နတ်သား လေးပါး တို့က ကြွက်ယောင် ဆောင်ပြီး ဗိုက်အတု ဖြစ်တဲ့ သစ်သား ၀န်းကို ကိုက်ဖြတ်ကာ အဖြစ်မှန်ကို ဖော်ထုတ် ခဲ့ရ ပါတယ်။ သူမရဲ့ အကုသိုလ်ကြောင့် မြေမြိုခံ နေရစဉ် မှာတော့ သူမရဲ့ အကုသိုလ်က ကြီးမား လွန်းတဲ့ အတွက် မြတ်စွာ ဘုရားဟာ သနား တော်မူလို့ ဆိုပြီး ၀င်ရောက် တားဆီးခြင်း မပြု နိုင်ခဲ့ပါ။ သတ္တ၀ါ အများ အကုသိုလ် အမှုကို နောက်နောင် မပြုအောင် နောင်ကြဉ် စေဖို့သာ ဥပမာ ယူစေ နိုင်ခဲ့ ပါတယ်။ စိဉ္ဇာမာဏက စွပ်စွဲ ပြောဆို နေစဉ် မှာတော့ စိတ်ဆိုး ဒေါသ ထွက်မှု အလျဉ်း မရှိ တော့တဲ့ မြတ်စွာ ဘုရားဟာ တည်ငြိမ် အေးချမ်းသော သမာဓိ အားအစွမ်းဖြင့်၊ မဟာ ကရုဏာ တော်ဖြင့်သာ အောင် တော် မူခဲ့ ပါတယ်။ မေတ္တာ ဓာတ်နဲ့ အောင်တော်မူ ခဲ့တာ မဟုတ်ပါဘူး။ ဒီအောင်ခြင်းကို နမူနာ ယူပြီး ဘုရားနဲ့ သူ့သာသနာကို လူများ ထင်ယောင် ထင်မှား ဖြစ်အောင် လုပ်သူကို နတ် သိကြား များက သည်းမခံဘဲ အပြစ်ပေးလေ့ ရှိတယ် ဆိုတာ သတိ ချပ်စေချင် ပါတယ်။

သစ္စကပရိဗိုဇ်ကိုအောင်တော်မူခန်းမှာ အတ္တ၀ါဒီ ဖြစ်သူ များကို အတ္တ၀ါဒကို စွန့်လွှတ် စေပြီး အနတ္တ ၀ါဒကို လက်ခံ နိုင်စေဖို့ ပညာဖြင့် ပိုင်းခြား ဝေဖန် ပြပြီး ဟောကြား ဆုံးမ တော်မူ ပါတယ်။ အတ္တ အယူ မှားပြီး အနတ္တ အယူ မှန်မှန်း သိလျက်နဲ့ ခေါင်းမာပြီး ၀န်မခံ ရုံသာ မက ဘုရားရှင် မေးသော မေးခွန်း ကိုပင် ပြန်မဖြေ ခဲ့သော သစ္စက ပရိဗိုဇ်မှာ သိကြား မင်းက ဘီလူး ယောင်ဆောင်ကာ ဘုရားရှင်ဧ။် မေးခွန်းကို မဖြေ ပါက ခေါင်းကို ခွဲမည်ဟု ခြိမ်းခြောက်တာ ခံရသော အခါမှ အမှန်ကို ဖြေကာ ၀န်ခံ လေသည်။ သည်နေရာတွင် မြတ်စွာ ဘုရားဧ။် အောင်မြင်ခြင်းသည် ပညာဖြင့် အောင်ခြင်းဟု သုံးသပ် နိုင်ပါသည်။ သည်နေရာမှာ ခေါင်းမာ သူများကို အကျိုး အကြောင်း ပြကာ ရှင်းလင်း ဟောပြလို့ နားလည် ပါလျက် ဆက်လက် ခေါင်းမာကာ တင်းခံ နေသူ များကို နတ်ကောင်း နတ်မြတ် များက မနှစ်သက်ဘဲ လာရောက် ဆုံးမလေ့ ရှိတာကို တွေ့မြင် ရမှာ ဖြစ်ပါတယ်။ မြတ်စွာ ဘုရားက အပြစ် မယူဘဲ ခွင့်လွှတ် ထားသော်လည်း နတ်ကောင်း နတ်မြတ် များက ခွင့်မလွှတ်ဘဲ အကုသိုလ် ကလည်း မည်သူ ကမျှ ကယ်တင်ခြင်း မပြုနိုင် လောက်အောင် အကျိုးပေး တတ်တာကို ခေါင်းမာ သူများ သတိထား သင့်လှ ပါတယ်။

နာဠာဂီရိဆင်ကိုအောင်တော်မူခန်းမှာတော့ အရက် မူးပြီး မုန်ယို နေတဲ့ ဆင်ကို အရက် အမူး ပြေ အောင် အဖြူရောင် ဖြစ်တဲ့ ရောင်ခြည် တော်ကို ထုတ်လွှတ် နိုင်ဖို့ မေတ္တာ ပွားများ ရပါတယ်။ မေတ္တာ အထူး လွှတ်ပြီး ဆင်အမူး ပြေအောင် လုပ်ပါတယ်။ ပြီးတော့မှ ဆင်ကို တရားဟော ပါတယ်။ သည် နေရာမှာ အသိဉာဏ် မရှိတဲ့ တိရိစ္ဆာန်ကို ဘယ်လို တရား ဟောမလဲလို့ ဘာသာခြားများ မေးခွန်း ထုတ်စရာ ရှိပါတယ်။ သည်ခေတ်မှာ တိရိစ္ဆာန် များကို အသုံးပြုတဲ့ ဆက်ကပ် တွေမှာ သည်တိရိစ္ဆာန် တွေ မိမိ ပြောစကား နားထောင်အောင် သာမက လုပ်ဆောင်ချက် များကိုပါ စွမ်းဆောင် နိုင်အောင် သင်ကြား ပြသ နေနိုင် တာကို သက်သေပြ နိုင်ပါတယ်။ သည့်အပြင် အိမ်မွေး တိရိစ္ဆာန် များဟာ လူ့ စိတ်ကို အင်မတန် သိနားလည် တတ်ပါတယ်။ နာဠာဂီရိ ဆင်ဟာ မင်းစီးဆင် ဖြစ်လို့ အရက်မူး ပြေ ချိန်မှာ မြတ်စွာဘုရားရဲ့ တရားတော်ကို နားလည် ပါလိမ့်မယ်။ သည်အောင်ခြင်း မှာတော့ မေတ္တာဖြင့် အောင်တော် မူတယ်လို့ ပြောလို့ ရပါပြီ။

တာဝတံသာ နတ်ပြည်မှာ နတ်များကို တရားဟောဖို့ ကြွလာတဲ့ မြတ်စွာဘုရားကို လမ်းကနေ နှောင့် ယှက်တဲ့ နန္ဒောပနန္ဒနဂါးကို အောင်တော် မူခန်း မှာတော့ အကြမ်း မဖက်ရေး မူဝါဒကို ထိုက်တန်သူ အတွက်သာ သုံးသင့်ကြောင်း ဥပမာနဲ့ ခေါင်းဆောင်ကောင်း ပီသစွာ နောက်လိုက် ရွေးတတ်တဲ့ မြတ်စွာဘုရားရဲ့ အကြီးအကဲ ပီသမှုကို မြင်တွေ့ ရမှာ ဖြစ်ပါတယ်။ နာဠာဂီရိ ဆင် လောက်မှ မေတ္တာ ကို နားမလည် ပြောလို့ ဟောလို့ မရဘဲ အလွန် အမင်း မာန်တက် ဒေါသ ထွက်နေတဲ့ နန္ဒောပနန္ဒ နဂါးကို “တိရိစ္ဆာန် မျှသာ ဖြစ်လို့ မြတ်စွာဘုရားရှင် ကိုယ်တော်တိုင် ဆုံးမတော် မမူပါနဲ့။ တပည့် ရဟန်း များကိုသာ ဆုံးမပါ စေ”လို့ ငယ်သား များရဲ့ ၀ိုင်းဝန်း တောင်းပန် မှုကြောင့် သည်နဂါး ကို ကိုယ်တော်တိုင် မဆုံးမ ပေမယ့် တိရိစ္ဆာန် ဖြစ်တဲ့ သည်နဂါးကို လျှော့တွက် တော်မမူ ပါဘူး။ သည် နဂါးရဲ့ တန်ခိုး အနှိုင်းအဆကို သိရှိတော် မူတဲ့ အတွက် မိမိရဲ့ လက်ဝဲတော်ရံ အဂ္ဂ သာဝက ဖြစ် တော် မူတဲ့ တန်ခိုး အရာမှာ အသာဆုံး ဧတဒဂ် ရတော် မူတဲ့ ရှင်မဟာ မောဂ္ဂလာန် ကိုသာ ဆုံးမခွင့် ပေးတော် မူပါတယ်။ သည်နေရာမှာ မျက်နှာလွဲ ခဲပစ် တာဝန် ပေးခြင်း မဟုတ်ဘဲ သည်နဂါးဟာ ပရိယာယ် သုံးလိမ့်မယ်၊ သင်ချစ်သား သတိထား ပါလို့ သတိပေး တော်မူ ပါသေး တယ်။ မာန်ယစ် နေတဲ့ သည်နဂါးကို မာန်စွယ် ကျိုးအောင် အရင် ဆုံးမ ပြီးမှ တရား ဟောတော်မူ ရမယ် ဆိုတာ (ဆုံးမ နည်း) ကိုလည်း သိတော် မူပါတယ်။ မြတ်စွာဘုရား တွေးမြင်တော် မူတဲ့ အတိုင်း နဂါးကိုတောင်နဲ့ ညှပ်ဖိပြီး အရှုံးပေး စေတဲ့ အခါ နဂါး ကြီးဟာ အရှုံး ပေးချင် ယောင်ဆောင်ပြီး သာမန် အရွယ် အစားနဲ့ ရှိခိုးရင်း ရပ်လာ ပါတယ်။ သည်အခါ ရှင်မဟာ မောဂ္ဂလာန် ဟာ တန်ခိုးအတွက် ဈာန် သမာပတ် ၀င်စား မှုကို ရပ်တော် မူပါတယ်။ သည်အချိန်ကို အခွင့်ကောင်း ယူပြီး နဂါးဟာ သူ့နှာခေါင်း လေကို မှုတ်ထုတ် ပါတယ်။ သည် အဆိပ် ငွေ့ဟာ မြေပြင်ကို ကျရင် ၁၂နှစ် သစ်ပင် မပေါက် နိုင်လောက် အောင် ပြင်းပါတယ်။အဏုမြူ ငွေ့နဲ့ နှိုင်းလို့ ရနိုင် လောက်ပါတယ်။ ရှင်မဟာ မောဂ္ဂလာန် ဟာ တန်ခိုး အကြီးဆုံး တပည့် ရဟန်း ဖြစ်တဲ့ အတွက် ကြောင့်သာ ဈာန် သမာပတ်ကို မြန်ဆန်စွာ ၀င်စား နိုင်မှုကို လေ့ကျင့် ပွားများ ထားလေ့ ရှိသူ ဖြစ်သော ကြောင့်သာ ချက်ချင်း အချိန်မီ ဈာန်ဝင်စား နိုင်တဲ့ အတွက် အသက် မသေတာ ဖြစ်ပါတယ်။ ဒုတိယ အကြိမ် တန်ခိုး ပြိုင်ပြီး နဂါးကို အပေါ်က ဖိညှစ်ကာ တောင်နဲ့ ညှပ်ပစ်ပြီး သူ့ထက် ပိုပြင်းတဲ့ အဆိပ်ငွေ့နဲ့ မီးတောက်ကို မှုတ်ထုတ်ပြီး ပင်ပန်းကာ တန်ခိုးခြင်း မယှဉ် နိုင်မှန်း သိစေပြီး ပင်ပန်းစေပြီး တကယ့်ကို နဂါး မာန်စွယ် ကျိုးတဲ့ အခါ မှသာ တရား ဟောကာ နဂါးကို ယဉ်ကျေးအောင် ဆုံးမ နိုင်တာ ဖြစ်ပါတယ်။ ဒါကြောင့် နန္ဒောပ နန္ဒ နဂါးကို အောင်တော် မူတာဟာ မေတ္တာနဲ့ အောင်တာ မဟုတ်ဘဲ အကြမ်းဖက် ဆုံးမမှ ရမယ့် သတ္တ၀ါကို အကြမ်းဖက် ဆုံးမ ပြီးမှ နာခံ ယဉ်ကျေး စေပြီးမှ ခေါင်းဆောင်ကောင်း ပီသစွာ အမြော် အမြင် ကြီးမှုနဲ့ နောင်ရေးကို မျှော်တွေး တတ်မှု၊ တပည့် သားများကို နေရာ ပေးရာမှာ လူရွေး မှန်မှု တို့ကြောင့်သာ ဖြစ်ပါတယ်။

အင်္ဂုလိမာလကိုအောင်တော်မူခြင်းမှာလည်း သာမန် လူဆိုး တောပုန်း ဓားပြ တစ်ဦးလို့ လျစ်လျူရှု တော်မမူတဲ့ မဟာ ကရုဏာ တော်ကို တွေ့မြင် ရမှာ ဖြစ်ပါတယ်။ တကယ့် လူဆိုး မဟုတ် ရှာဘဲ ဆရာ အတင်မှားကာ ဆရာရဲ့ ရက်စက်တဲ့ အမိန့်ကို နာခံ လွန်းတဲ့ တပည့် လိမ္မာ ရာဇ၀င် လူဆိုး တစ်ဦး ဖြစ်ရှာသူ အင်္ဂုလိမာလမှာ ထိုအချိန်တွင် နောက်ဆုံး လိုအပ် နေတဲ့ လက်ညှိုး တစ်ချောင်း အတွက် မိခင်ရင်း ကိုပင် သတ်ကာ လက်ဖြတ် ယူဖို့ ပြေးလိုက် နေပြီ ဖြစ်လေသည်။ ယခု ဘ၀ တွင်ပင် တရား ရကာ ရဟန္တာ အဖြစ် နိဗ္ဗာန် ၀င်ရမည့် တစ်သင်္ချေနှင့် ကမ္ဘာ တစ်သိန်း ပတ်လုံး ပါရမီ ဖြည့်လာ ခဲ့ပြီးသူ ဖြစ်ပါလျက် အမေကို သတ်မိ ပါလျှင် တစ်ကမ္ဘာ ငရဲကျကာ နိဗ္ဗာန်နှင့် အဝေးကြီး ဝေးရ တော့မည်ကို သနားလို့ ကယ်တင် တရား ဟောတော် မူရာမှာ အချိန်မီ ရောက်ရှိ ဆုံးမနိုင် လောက်အောင် သတိ၊ ၀ီရိယ တရား မြဲမြံတော် မူပါ ပေသည်။ ချက်ကျ လက်ကျ ပြန်လှန် မေးခွန်း ထုတ်ခြင်း၊ အလွန်အမင်း စိတ်အား တက်ကြွ နေတဲ့ သူကို စိတ်ငြိမ် သွားအောင် ကိုယ်တော်ဧ။် နောက်သို့ ယူဇနာ ၃၀မျှ ပြေးကာ လိုက်စေခြင်း စသည့် သည်ဆုံးမနည်း များနှင့် သတ္တ၀ါ တို့ဧ။် စိတ်နေ စိတ်ထားကို ကျွမ်းကျင် ပိုင်နိုင်မှု တို့က သည်အောင်ခြင်း အဖြစ် သက်သေပြ နေပါသည်။ သည်အောင်ခြင်းက ပြဆိုသော ဥပမာ ကြောင့် ဆရာတိုင်း ဆရာကောင်း မဟုတ်သလို ကျေးဇူးရှင် ဆိုသူက ခိုင်းတိုင်း နာခံပါက သံသရာတွင် နစ်မွန်း တတ်ကြောင်း ဘုရားရှင်ဧ။် သည်အောင်ခြင်းက သက်သေပြ ဆုံးမတော် မူလေသည်။

ဗကဗြဟ္မာကိုအောင်တော်မူခန်းမှာတော့တန်ခိုးအစွမ်းကိုပြသပြီး ချေချွတ်တော် မူရ ပါတယ်။ အသက် အလွန် ရှည်တဲ့ ဗကဗြဟ္မာ ကြီးဟာ သူ့ကိုယ်သူ အမြဲ ရှိတယ်လို့ ထင်လာ ပါတယ်။ မြတ်စွာဘုရားရဲ့ ဇာတိဿရ ဉာဏ်ကလွဲလို့ ဒုတိယ အဆင့် အမြင့်ဆုံး ဖြစ်တဲ့ ပစ္စေကဗုဒ္ဓ ဘုရားငယ် များရဲ့ ဇာတိ ဿရ ဉာဏ်ပင်လျှင် ယခုဘ၀ မှစကာ နောက်ကြောင်း ပြန်လျှင် နှစ်သင်္ချေနဲ့ ကမ္ဘာ တစ်သိန်း ကာလ မျှသာ ရှေးဘ၀ များကို ပြန်သိ နိုင်တာ ဖြစ်ပါတယ်။ ဗြဟ္မာ မျိုးဟာ အသက် ရှည်ရတဲ့ အထဲ ဗြဟ္မာ ဘ၀ ကိုသာ ဆက်ကာ ဆက်ကာ ရရှိ လာခဲ့တဲ့ သည်ဗြဟ္မာ ကြီးဟာ သူ့ရဲ့ ရှေးဘ၀ များကို ပြန်သိ နိုင်တဲ့ ဇာတိဿရ ဉာဏ်ကလည်း အစဆုံး ဘ၀ကို ဗြဟ္မာ အဖြစ် နဲ့ပဲ ပြနိုင် ပါလိမ့်မယ်။ ဒီအပြင် ဗြဟ္မာတို့ရဲ့ သေဆုံးခြင်း ဖြစ်တဲ့ စုတိစိတ် ကျခြင်းဟာလဲ အလွန် သိမ်မွေ့ တဲ့အပြင် အလောင်း ကောင် ကျန်ခြင်းလဲ မရှိဘဲ စုတိစိတ် ကျပြီး ချက်ချင်း ဗြဟ္မာ ပြန်ဖြစ်တဲ့ ဗက ဗြဟ္မာဟာ သူသေလို့ သေလိုက်မှန်း သေပြီးမှ ဒီမူလ ဘ၀ကိုသာ ပြန်ရမှန်းလဲ မသိပါဘူး။ ဗြဟ္မာ မင်းလည်း ဖြစ်တဲ့ သူဟာ လောကကို ဖန်ဆင်းသူ၊ ဘယ်တော့မှ မသေဘဲ အမြဲ တည်ရှိ နေသူ မဟာ ဗြဟ္မာကြီး အဖြစ် သူ့ ကိုယ်သူ ထင်လာပြီး အတ္တ၀ါဒကို မှန်တယ် ထင်လာ ပါတော့တယ်။ ပြဿနာက သူဟာ ဗြဟ္မာမင်း ဖြစ်တဲ့ အတွက် ငယ်သား ဗြဟ္မာ များက သူပြော တာကို ယုံလာ ကြတာ ပါပဲ။ တရားမှန် ဖြစ်တဲ့ အနတ္တ ၀ါဒ တိမ်ကော ပျောက်ကွယ်ပြီး အတ္တ၀ါဒ ပိုမို အမြစ်တွယ် လာရင် သတ္တ၀ါ အများ သံသရာ ရှည်မှာ ဆင်းရဲမှာ စိုးရိမ်တော် မူတဲ့ မြတ်စွာ ဘုရားဟာ ရေရှည်ကို မျှော်ကိုးပြီး ဗြဟ္မာပြည် အထိ ကြွရောက်ကာ ဗက ဗြဟ္မာ မင်းကြီးကို ချေချွတ် တော်မူ ရပါတယ်။ သည်ဗြဟ္မာ ဘယ်အရာ ကိုမှီပြီး မာန်တက် နေတာလဲ ဆိုတာကို သိတော် မူတဲ့ မြတ်စွာ ဘုရားဟာ သတ္တ လောကမှာ မြတ်စွာ ဘုရား ပြီးရင် တန်ခိုး အကြီးဆုံး၊ ဗြဟ္မာ လောက မှာလည်း မင်းဖြစ်တဲ့ သည် ဗကဗြဟ္မာ ကြီးကို တန်ခိုး ယှဉ်ပြိုင် အနိုင် ယူကာ မာန်မာန အရင် ဖျောက်ပြီး တရား ရေအေး အမြိုက်ဆေးကို တိုက်ကျွေး ရပါတယ်။ တန်ခိုး ပြိုင်ရတဲ့ အချိန်မှာ ဗကဗြဟ္မာ တန်ခိုး မပြနိုင်အောင် မိမိရဲ့ တန်ခိုး အစွမ်းနဲ့ တားဆီး ထားခဲ့ပါတယ်။ သည်နေရာမှာ တခု တော့ ရှိပါတယ်။ လောကီ ဈာန်နဲ့လောကုတ္တရာ ဈာန် နှစ်မျိုး ရှိရာမှာ ၀ိဇ္ဇာ လမ်းစဉ် ဖြစ်တဲ့ လောကီဈာန် ကြောင့် ရရှိတဲ့ တန်ခိုး များဟာ ၀ိပဿနာ တရား တော်ကြောင့် ဖြစ်ပေါ် လာတဲ့ လောကုတ္တရာ ဈာန်ကြောင့် ရရှိ လာတဲ့ တန်ခိုးရှင်ရဲ့ ရှေ့မှောက်မှာ အစွမ်း ပျောက်ကုန် လေ့ရှိ ပါတယ်။ အမှောင်ဟာ အလင်းကို အမြဲ နေရာဖယ် ပေးရ သလို ပါပဲ။ သည်တော့ မြတ်စွာ ဘုရားရဲ့ ဗကဗြဟ္မာကို အောင်တော် မူခြင်းဟာ လောကုတ္တရာဈာန် တန်ခိုး တော်ကြောင့် အောင်တော် မူခြင်းလို့ ပြောနိုင် ပါတယ်။ သည်နေရာမှာ မြတ်စွာဘုရားလောင်း ဖွားတော် မူစဉ်က ဗြဟ္မာ လေးပါး လာရောက်ကာ ဇာပ၀ါဖြင့် ခံလာတယ် ဆိုပေမယ့် ထိုလေးပါးဟာ အနာဂါမ် ဖြစ်ပြီးသား နိဗ္ဗာန် ရောက်ကာနီး ဗြဟ္မာ များသာ နေထိုင်တဲ့ သုဒ္ဓ၀ါသ ဗြဟ္မာ ဘုံက လာတာ ဖြစ်ပါတယ်။ သာမန် ဗြဟ္မာ ဘုံက ဗြဟ္မာများ မဟုတ် ကြတဲ့ အတွက် ဗကဗြဟ္မာ နဲ့အလှမ်း ဝေးကြတာ ဖြစ်ပါတယ်။

ဗုဒ္ဓဘာသာဝင်မြန်မာလူမျိုးများသည် မြတ်စွာဘုရားကို တနေ့ ဦးသုံးကြိမ် ချကာ ရှိခိုး ကန်တော့ကာ ပူဇော် ကိုးကွယ်ရင်း အောင်မြင်ရေး အတွက် ဆုတောင်း နေကြမည့် အစား ဆုပေးခြင်းမှ လွန်မြောက် တော်မူပြီ ဟု အပြတ် မိန့်ကြားကာ ဖခင်ရင်း ကိုပင် ဆုမပေးသော မြတ်စွာ ဘုရားဧ။် ကိုယ်တော်တိုင် ကျင့်သုံး ခဲ့သော အောင်မြင်ကြောင်း အကျင့်တရား များကို ကျင့်ကြံ ပွားများ ကြိုးစား အားထုတ် ခြင်းဖြင့် ဘ၀တွင် အောင်မြင်သော သူများ ဖြစ်နိုင် ကြပါစေ။

သည်အောင်ခြင်း ရှစ်ပါး အကြောင်းကို ရေးသား ပူဇော် ရတဲ့ ကုသိုလ် စေတနာကြောင့် လည်း ကောင်း၊ မြတ်စွာဘုရားဧ။် အောင်နိုင်ခြင်း အကြောင်း တရား တို့ဧ။် စစ်မှန်မှု သစ္စာ တို့ကြောင့် လည်းကောင်း၊ မြန်မာ ပြည်သူ ပြည်သား အပေါင်း တို့သည် မြတ်စွာဘုရားဧ။် အောင်မြင်ခြင်း အကြောင်း တရား တို့ကို လိုက်နာ ကျင့်သုံး နိုင်ကြ သဖြင့် လက်ရှိ ခံစား နေရသော ဆင်းရဲ ဒုက္ခ အဖြာဖြာ တို့မှ လွတ်မြောက် ကြပြီး စိတ်ဧ။် ချမ်းသာခြင်း၊ ကိုယ်ဧ။် ကျန်းမာခြင်း တို့နှင့် ပြည့်စုံ ကြသည် ဖြစ်၍ သံသရာ ၀ဋ်ဆင်းရဲ အပေါင်း တို့မှ လွတ်မြောက် ရာမှန် မြတ်နိဗ္ဗာန်ကို ဧကန် ဆိုက်ရောက် နိုင်ကြ ပါစေ ကုန်သတည်း။ သံသရာမှ လွတ်မြောက်ရာ လမ်းကို ညွှန်ပြသော ဗုဒ္ဓ မြတ်စွာဘုရားရဲ့ သာသနာတော်လည်း နေလို လလို ထွန်းလင်း တောက်ပ နိုင်ပါ စေသတည်း။