သွေးလှိုင်းဆူလျှံ အာဇာနည် ဗိမာန်

တကယ်တော့ သည်ပို့စ်လေးကို ရေးဖြစ်တာ ကိုကဒေါင်းနဲ့ လေးမ တို့ကြောင့်ပါ။ လေးမက သူ့စီဘောက် မှာ အာဇာနည် ဗိမာန်ရဲ့ ဗိသုကာ လက်ရာနဲ့ သည်ပုံစံ ဆောက်ရခြင်း အကြောင်းကို လေ့လာဖို့ ပြောပါ တယ်။ ကလေးဘ၀ အရွယ် ငယ်ကတည်း က ဘာလို့ ဒီပုံကြီးကို ထူးထူးခြားခြား ဆောက်ရသလဲလို့ တွေးဖူးလို့ စိတ်ဝင်စားပြီး သားအခြေခံမှာ အဲဒီ စကားလေးက စိတ်ထဲ ပိုစွဲနေပြီး ကိုကဒေါင်းက အာဇာနည်နေ့တစ်နေ့လုံး ငြိမ်ခိုင်း ရာက ငြိမ်နေသောလူ လျှောက်တွေး သောစိတ် ဖြစ်သွား ပါတော့တယ်။ ဒီမှာတင် ဖြစ်လာတဲ့ အတွေးလေး တွေကို ချရေးလိုက်တာပါ။

ရှေ့တည့်တည့်ကနေ အာဇာနည် ဗိမာန်ကို ကြည့်တဲ့အခါ မြေပေါ်က အာဇာနည် ကိုးဦး ကိုယ်စားပြု သွေးရောင် ဘလော့တုံး၉တုံးဟာ မိုး ကောင်းကင် ပေါ်ကို ပျံတက် သွားဟန် မြင်ရ ပါတယ်။ အာဇာနည် မျိုးရိုးဟာ တကယ့်ကို သေသော် ငရဲမလားဘဲ ကောင်းကင်ဘုံ နဲ့ နတ်ပြည် ကိုသာ သွားမယ်လို့ ဆိုလို ရည်ညွှန်း ထားသလို ပါပဲ။

သည်လို ဘေးတိုက် မကျတကျ ကနေ အာဇာနည် ဗိမာန်ကို ကြည့်တဲ့ အခါ လှိုင်းလုံးကြီး တစ်လုံး တက်လာတာ မြင်ရသလို ခံစားရပါတယ်။ အာဇာနည် စိတ်ဓာတ်တွေ လှိုင်းတံပိုးလို ဆူဝေ တက်ကြွ လာပါစေ လို့ပဲ ဆိုလိုသလား၊ အာဇာနည် မှန်သမျှ သွေးမြေကျပြီး အာဇာနည် သွေးတွေ လှိုင်းလို ဆူဝေဦး မယ်လို့ ဆိုလို သလား နှစ် ၆၀စာ သမိုင်းက အဖြေပေးပြီး ဖြစ်နေ သလိုပါပဲ။

Photo Source: from http://layma-layma.blogspot.com/ နဲ့ yanaung.blogspot.com

အာဇာနည်ခေါင်းဆောင်ကြီး ၉ဦးကတော့ သွေးခင်းလမ်းကို လျှောက်လှမ်းဖြတ်ကျော်ပြီး အာဇာနည်တို့ စံမြန်းရာ ဘုံဗိမာန်ဆီကို သွားနှင့်ကြပါပြီ။ သူတို့ရဲ့ နောက်ကလဲ အာဇာနည် မျိုးဆက်သစ် များက သေ တစ်နေ့ မွေးတစ်နေ့ ဆိုတဲ့စကား လက်ကိုင်ထားရင်း တစ်ဘ၀စာ အချိန်တာလေးထဲမှာ တစ်သံသရာလုံး စာရင်းဝင်မယ့် သမိုင်းမော်ကွန်းကို အသက်နဲ့ရင်းပြီး ၀ံ့ဝံ့စားစား လျှောက်လှမ်းရင်း သူတို့ရဲ့ ပန်းတိုင်ကို ဆက်လက် ချီတက် နေကြဦး မှာပါ။ သည်အာဇာနည် ခေါင်းဆောင်ကြီး များကို လုပ်ကြံခဲ့တဲ့ လူမိုက်များနဲ့ အာဇာနည် မျိုးဆက်သစ် တွေကို လုပ်ကြံခဲ့တဲ့ ခေတ်သစ် လူမိုက်များ ကတော့ တစ်ဘ၀စာလေး သာယာ မော်ကြွားဖို့အတွက် မိုက်ကြွေးယူပြီး တစ်သံသရာစာ သမိုင်းဆိုးကို ရေးထိုးမှတ်တမ်းတင်နေကြပါတယ်။

သူတို့ရဲ့စိတ်ထဲမှာ ရုပ်ဝတ္ထု တစ်ခုကို မကြိုက်ရင် ဖျက်ပစ် လိုက်လို့ ရသလိုမျိုး သူတို့ရဲ့ လိုချင်တပ်မက်မှု တွေရဲ့ ရှေ့မှာ အတားအဆီးလို ဖြစ်နေတဲ့ အာဇာနည်ကြီးတွေကို ရှင်းထုတ် လိုက်ရင် ရမယ်လို့ ထင်ထား ကြတာ အမှားဆုံးပါပဲ။ အာဇာနည်ကြီးတွေရဲ့ အရိပ်လွှမ်းမိုးမှုကို မခံချင်ရင်၊ သူတို့လို လူလေးစားတာ ခံချင် ရင် သူတို့လို စိတ်ထားကို ကြိုးစားမွေးမြူပြီး စိတ်စေတနာ သန့်သန့်နဲ့ တိုင်းကျိုးပြည်ပြု လုပ်ငန်းတွေကို ထမ်းရွက်သင့်တာ ဖြစ်ပါတယ်။ ဘာကြောင့်လဲဆိုတော့ အာဇာနည်ကြီးတွေကို လူတွေ လေးစားစေတဲ့ အဓိက အကြောင်းရင်းခံက သူတို့ရဲ့ ရုပ်ခန္ဓာတွေ မဟုတ်ဘဲ အာဇာနည် စိတ်ဓာတ်နဲ့ အာဇာနည်လုပ်ရပ် ဖြစ်နေတာပါပဲ။ ဒါပေမယ့် ဦးစောဟာ လူတော် တစ်ယောက် ဖြစ်ပါလျက် သည်နေရာမှာ အတွေးအခေါ် တစ်ရပ် လိုသွားခဲ့တာ ဖြစ်လို့ အာဇာနည်တို့ရဲ့ ရုပ်ခန္ဓာကို လုပ်ကြံခဲ့တာပါ။ အာဇာနည်တို့ရဲ့ စိတ်ဓာတ်နဲ့ လုပ်ရပ်ကတော့ ဆက်လက်ရှင်သန် ပြန့်ပွားဆဲပဲ ဖြစ်ပါတယ်။ အာဇာနည် စိတ်ဓာတ်နဲ့ လုပ်ရပ်တို့ရဲ့ ပြန့်ပွားမှု ကိုတော့ စိတ်ဓာတ် စစ်ဆင်ရေး နဲ့ပဲ လုပ်ကြံလို့ ရနိုင်ပါတယ်။ ဒါပေမယ့် ပြန့်ပွားမှုကိုသာ လုပ်ကြံလို့ ရရင်ရနိုင်မယ်၊ မူလအမြုတေ ဖြစ်တဲ့ အာဇာနည် စိတ်ဓာတ်နဲ့ လုပ်ရပ်တို့ကိုတော့ ဘယ်လိုမှ ဖောက်ဖျက်လို့ မရနိုင်တာ သေချာပါတယ်။ လူသားတစ်ရပ်လုံးရဲ့ အထွဋ်အမြတ်ဆုံး အာဇာနည် ဖြစ်တဲ့ မြတ်စွာဘုရားသာ ပရိနိဗ္ဗာန် ၀င်စံခဲ့ပေမယ့် အသင်္ခတဓာတ် နိဗ္ဗာန်မြတ်ကတော့ ဘယ်တော့မှ မသေဆုံးဘဲ အမြဲတည်ရှိနေသလို အာဇာနည်ကြီးများ တစ်ဘ၀စာ သေဆုံးခဲ့ ကြပေမယ့် သူတို့ရဲ့ အာဇာနည် စိတ်ဓာတ် ကတော့ အသင်္ခတ ဓာတ်လို အမြဲ တည်ရှိနေမှာ အမှန်ပဲ ဖြစ်ပါတယ်။ ကျွန်မတို့လည်း သည်အဖြစ်ကို နမူနာယူပြီး ကျွန်မတို့ရဲ့ ဘ၀မှာ အရိပ်မိုးစေတဲ့ ဖြစ်ရပ်များ ရှိခဲ့ရင် သည်လို အရိပ်မိုး နေသူတွေကို ဦးစောလို ဣသာ မစ္ဆေရိယစိတ် မပွားစေဘဲ၊ သူ့လို အရိပ်ပေးတဲ့ သစ်ပင်ကို ခုတ်ပစ်သလို ဖယ်ရှားဖို့မကြိုးစားဘဲ မှန်ကန်တဲ့ နည်းလမ်းနဲ့ပဲ လောင်းရိပ် အောက်ကနေ လွတ်မြောက်အောင် ကြိုးစားကြပါစို့…

သည်လိုအာဇာနည် စိတ်ဓာတ်ကို ကိုယ့်စိတ်ဓာတ် ထဲမှာ ပူးဝင် နေထိုင်ခွင့် ပေးခြင်းဖြင့် တနည်း ပြောရရင် သူတို့လို စိတ်မျိုး တတ်အား သရွေ့ ကိုယ်တိုင် မွေးခြင်းဖြင့်၊ ဒါ့အပြင် လက်ဆင့်ကမ်း အတုယူစေခြင်းဖြင့် သူတို့လို အာဇာနည်တွေ မွေးထုတ်ကြ ပါစို့ .. လို့သာ တိုက်တွန်းလိုက်ရပါတယ်။

(သံလွင် အိပ်မက် အင်တာနက် မဂ္ဂဇင်း အမှတ်စဉ် (၁၁) တွင် ဖော်ပြပြီး ဖြစ်ပါသည်။)