ကျွန်မရွတ်လေ့ရှိတဲ့ ဂါထာလေး ၂ပုဒ်

လူတိုင်းမှာ ရွတ်ဖတ် ပူဇော် နေကျ ဂါထာ မန္တာန်လေးတွေ ရှိတတ်ကြစမြဲပါ။ တချို့ တွေက အလွတ်ရွတ်လို့ ရတတ် ပေမယ့် တချို့ကတော့ ကျင့်စဉ်နဲ့ တွဲရွတ်မှ အစွမ်း ထက်ပြီး ကျင့်စဉ်ကို ဖောက်ဖျက်ရင် ဒုက္ခ ပြန်တွေ့တတ်ပါတယ်။ ဒုတိယနည်းက ပိုလည်း စွမ်းတတ်ပါတယ်။

လူတိုင်း မမှန်စကားနဲ့ စွပ်စွဲ ပြောဆို တာကို မခံချင် တတ်ကြပါဘူး။ အလွန် ရှားတဲ့ လူများ ကသာ ဂရု မစိုက်ဘဲ နေတတ် ကြပါတယ်။ ကျွန်မကတော့ မမှန် စကားနဲ့ စွပ်စွဲ ပြောဆို ခြင်းကို မကြိုက် တတ်တဲ့ လူစားထဲမှာ ပါပါတယ်။ မကြိုက်ရခြင်း အကြောင်းက သည်လိုအလေ့အထ ပြန့်ပွားလာရင် လူမှု အသိုင်း အ၀ိုင်း တစ်ရပ်လုံး အလိမ်အညာ ကောက်ကျစ်မှုတွေ ဖုံးလွှမ်းနေရင် လူဖြစ်ရတဲ့ အဓိပ္ပာယ် ပျောက်ဆုံးမှာ၊ သတ္တ၀ါတွေ သံသရာဘေးမှာ နစ်မွန်းမှု များလာမှာ မကြိုက် လို့ပဲ ဖြစ်ပါတယ်။ ကျွန်မ ကိုယ်တိုင် မှာလည်း ပျားရည်စားတာ နင့်ခွေးက မစစ်လို့လို့ မကြာ မကြာပဲ ပြောခံရတဲ့ ကိစ္စတွေ ကြုံခဲ့ဖူး ပါတယ်။ သိပ်တရား လွန်လာပြီး ဖြေရှင်းရ ခက်တဲ့အခါတွေမှာ ကျွန်မက အောက်ပါ ဂါထာလေးကို ရွတ်ဖတ်လိုက်ရင် မကြာခင် ပြေလည်သွားလေ့ရှိပါတယ်။ သည်ဂါထာကို ရွတ်ဖို့ကျင့်စဉ်က တခြားမဟုတ်ပါဘူး။ ကိုယ်တိုင်ကလည်း ဘယ်လို အခြေအနေ မျိုးနဲ့ ကြုံနေပါစေ သူတပါးကို မကောင်းတဲ့ ဒုက္ခရောက် စေချင်တဲ့စိတ်နဲ့ စွပ်စွဲပြောဆို အရှက်ခွဲခြင်း နဲ့ လိမ်ညာ ပြောဆိုခြင်း မပြုလုပ် ရတာပဲ ဖြစ်ပါတယ်။ သည်ကျင့်စဉ်က တသက်တာ ကျင့်စဉ် ဖြစ်ပါတယ်။ တခါကျင့်ထားပြီးရင် ဘယ်တော့မှ ဘွာတေး ခတ်လို့ မရတော့ပါဘူး။

ကတွာန ကဌမုဒရံ ဧ၀ ဂမ္ဘိနိယံ

စိဉ္စာယ ဒုဌ၀စနံ ဇန ကာယ မဇ္ဇေ

သံသေန သောမ္မ ၀ိဒိနာ ဇိတ၀ါ မုနိန္ဒော

တံတေဇသာ ဘ၀တုမေ ဇယ မင်္ဂလဂ္ဂံ။

အဓိပ္ပာယ်ကတော့ စိဉ္စာမာဏက တရားနာ ပရိသတ်ကြား လူကြားထဲမှာ မြတ်စွာဘုရားနဲ့ ရတဲ့ ကိုယ်ဝန်ကို မြတ်စွာဘုရားက မစောင့်ရှောက်ဘဲ လူကြားထဲမှာ သူတော်ကောင်း ယောင်ဆောင်ပြီး တရားဟောနေတယ် လို့ သားပုတ်လေလွင့် စွပ်စွဲ ပြောဆိုရာမှာ မြတ်စွာဘုရားက အေးချမ်းတဲ့စိတ်နဲ့ အမှန်တရားကို မြွက်ဆိုပြီး ဖြူစင်ခြင်း အကျင့်သီလ သိက္ခာမြတ် တို့ကြောင့် နတ်ကောင်း နတ်မြတ်များ လာရောက်ပြီး အမှန်တရားကို လှစ်ဟပြတဲ့ အနေနဲ့ ဗိုက်အတုကို ဖော်ထုတ် ခဲ့တာကြောင့် အောင်မြင် ခဲ့ပါတယ်။ သည်မှန်တဲ့ သစ္စာ စကား ကြောင့် တပည့်တော်လည်း ဤအတိုင်း အောင်မြင် ရပါလို၏ ဆိုတာပဲ ဖြစ်ပါတယ်။

နောက်ဂါထာကတော့ ကတ်တီး ကတ်ဖဲ့သမား များနဲ့ ဆုံရတဲ့အခါ ရွတ်လေ့ရှိတာပါ။ လူတိုင်း ငြင်းခုံရတတ် ဖူးပါတယ်။ အမှားအမှန်ကို သေချာမသိလို့ ငြင်းရတဲ့ ငြင်းခုံမှုဟာ တာရှည်မခံဘဲ အမှန်ကိုသိသွားတာနဲ့ ငြင်းခုံမှု ပျောက်လေ့ရှိပါတယ်။ ဒါပေမယ့် တချို့ လူကတ်များဟာ မိမိကိုယ်ကို မှားနေမှန်း သိသိနဲ့ အရှုံး မပေးချင်လို့ အတင်း မျက်စိမှိတ် ခြေစုံကန်ပြီး အလျော့ မပေးဘဲ ငြင်းတတ်ကြတာ တွေ့ဖူးကြမယ် ထင်ပါ တယ်။ သူတို့ကြောင့် အရေးကြီးတဲ့ ကိစ္စတချို့ မပြီးပြတ် နိုင်ဘဲ ကြန့်ကြာ ပျက်စီးရတတ်ပါတယ်။ သည်လို အခြေအတင် ဖြစ်နေတဲ့အခါ သည်ဂါထာကို ရွတ်လေ့ ရှိပါတယ်။ သည်ဂါထာကို မရွတ်ခင် ကျင့်ရတဲ့ ကျင့်စဉ် ကတော့ ဘယ်တော့မှ လိမ်မပြော ရတာပါပဲ။ တဖက်သား ကိုလဲ မကောင်းတဲ့စိတ်နဲ့ ဘယ်သော အခါမှ ပရိယာယ် မာယာ မသုံးရပါဘူး။ ကျင့်ချိန် ကတော့ တသက်စာပါပဲ။ စတင် ကျင့်ချိန်ကနေ သည် ဂါထာ ရွတ်ချိန် အကြား ကျင့်စဉ် မအောင်ဘဲနဲ့ ရွတ်ရင် ဘယ်တော့မှ ကိုယ့်စကား မအောင်ပါဘူး။ သည်ဂါထာ ရွတ်ပြီးမှ ကျင့်စဉ် ပြန်ဖြုတ် မှာပေါ့ ဆိုတဲ့ လူလည် လူကောက်ကျစ် များကတော့ အတိုးနဲ့ အရင်းပါ ပေါင်းပြီး ဒဏ်ခတ်ခံရမှာပါ။ သည်လို ကျင့်စဉ် ဖောက်ဖျက်မှု အတွက် တန်ပြန် ဒဏ်ခတ်ခြင်းမှာ ဂါထာ ၂ခုလုံး အတူတူ ပါပဲ။

သစ္စံဝိဟာရ အတိသစ္စက ၀ါဒကေတုံ

ဝါဒါပိရောပိတမန္တံ အတိအန္တဘူတံ

ပညာပ ဒီပဇလိတော ဇိတ၀ါမုနိန္ဒော

တံတေဇသာ ဘ၀တုမေ ဇယမင်္ဂလဂ္ဂံ။

အဓိပ္ပာယ်ကတော့ သစ္စက ပရဗိုဇ်ဟာ ၀ါဒငြင်းခုန် ဆွေးနွေးပွဲမှာ သူ့ဝါဒရှုံးမှန်း၊ မှားမှန်းသိလျက်နဲ့ ၀န်မခံ ဘဲ လူပုံအလယ်မှာ ပေကတ်နေခဲ့လို့ သိကြားမင်းဟာ ဘီလူးယောင်ဆောင်ကာ ခြိမ်းခြောက်ပြီး အမှန်ကို ၀န်ခံစေခဲ့ရပါတယ်။ သည်လိုအမှန်တရားဖြစ်တဲ့ ၀ါဒကိုကိုင်စွဲခဲ့တဲ့အတွက် မြတ်စွာဘုရားဟာ အောင်မြင်ခဲ့ပါတယ်။ သည်မှန်တဲ့သစ္စာစကားကြောင့် တပည့်တော်လည်း ဤအတိုင်း အောင်မြင်ရပါလို၏ ဆိုတာပဲ ဖြစ်ပါတယ်။

သည်လိုပါပဲ။ လောကမှာ နောက်ဆုံးတော့ အမှန်တရားသာ အမြဲနိုင်မြဲ ဖြစ်ပါတယ်။ တခုတော့ရှိပါတယ်။ အချိန်ဆိုတာတော့ စောင့်ရလေ့ရှိပါတယ်။ အမှန်တရားကတော့ ဘယ်တော့မှ မကွယ်ပျောက်နိုင်ပါဘူး။ ဘာကြောင့်လဲဆိုတော့ အမှန်တရားဖြစ်နေလို့ပါပဲ။ သစ္စာတရားဟာ ကျင့်သူကို ကာကွယ် စောင့်ရှောက် ပါတယ်။

သည်နေရာမှာ တခုပြောဖို့ ကျန်ပါသေးတယ်။ အဲဒါကတော့ သည်လိုကျင့်စဉ် ကျင့်ထားသူကို သွားပြီး အထက်ပါကိစ္စရပ်များနဲ့ သွားရောက်ပြစ်မှားခဲ့ရင် ဘယ်လိုအကျိုးရတတ်သလဲ ဆိုတာပါ။ ပြန်လည်တောင်းပန်သူ သစ္စကပရိဗိုဇ်ဟာ အပြစ်ကလွတ်ပြီး စိဉ္စမာဏ မြေမျိုခံရတာ မြတ်စွာဘုရားရဲ့ခေတ်ကပါ။ ခုခေတ်မှာတော့ လူမျိုခံရတတ်ပါတယ်။ လူသတင်းလူချင်းဆောင်ပြီး ပြစ်မှားသူဟာ လူ့လောကထဲမှာ ရှင်လျက်နဲ့ သေသူတစ်ယောက်လို ဘ၀သေတတ်ပါတယ်။ အသက်သေတာထက် ဘ၀သေတာက အပြန်တရာ ဆိုးလှပါတယ်။ ပြီးတော့ အချိန်ကာလအားဖြင့်လည်း အကြာဆုံး ၇နှစ်ကနေ အမြန်ဆုံး ရက်ပိုင်းအတွင်း ပြန်လည် အကျိုးပေးတတ်တာ ကြုံဖူးပါတယ်။ ဒီဂါထာတွေကို လက်စားချေလိုစိတ်နဲ့ အသုံးမချဘဲ ပြသနာပြေလည်စေလိုစိတ်နဲ့ ရွတ်ဖတ်ရင်း လိုရာအကျိုး ခံစားနိုင်ကြပါစေ။