ဓာတ်ခဲတစ်လုံးရဲ့ ဘ၀
သူ့အတွက်နဲ့ ကိုယ့်အတွက်
ဘယ်သူ့ဖက်ကိုမှ မထိခိုက်စေချင်လွန်းတဲ့ငါ
ဖြစ်ချင်တာထက် ဖြစ်သင့်တာတွေကို
ဦးစားပေးတတ်လွန်းတဲ့ငါ
အလယ်လမ်းကိုလိုက်ဖို့
ချိန်ခွင်လျှာကိုရှာဖွေရင်း
ချစ်ချင်ရက်နဲ့ ချစ်ရကောင်းနိုး
လွမ်းချင်ရက်နဲ့ လွမ်းရကောင်းနိုး
မွတ်သိပ်ခြင်းအပြည့်နဲ့ ရင်တစ်ခွင်လုံးက
ခံစားချက်တွေ ဗလာကျင်းလို့
ဆိုးလိုက်တဲ့ဝေဒနာရယ်…
အချိန်တွေကုန်လွန်ခဲ့ကာမှ
ရဲရဲကြီး မချစ်မိ၊ မလွမ်းမိတာကို
နောင်တများရနေမလား
သက်သာရာရနေမလား
မရေရာတဲ့လောကအလယ်
မသေချာတဲ့လမ်းတွေပေါ်
ဖြစ်ချင်မှုဆန္ဒတွေ တနင့်တပိုးနဲ့
ခံစားရဲဖို့ မဆုံးဖြတ်ရဲသူ
တဇွတ်ထိုးနာမည်ရှင်တစ်ယောက်ကတော့
လေးကန်ကန် လျှောက်လှမ်းဆဲ…
No comments:
Post a Comment