မြို့ရန်ကုန် ပြောင်ကတုံးကို သျှောင်ထုံးစို့လား (နောက်ဆုံးပိုင်း)

အမှုန်များ Particulate Matter (PM10 and PM2.5)

အမှုန်များ ဆိုတာ လေထု ထဲမှာ တွေ့ရသမျှ အမှုန်လေးများ ဖြစ်ပြီး ဖုန်မှုန့်၊ အမှိုက်မှုန့်၊ မီးခိုး၊ အရည်စက် ကလေးများ (ရေခိုး ရေငွေ့ မဟုတ်သော အကြောင်း အမျိုးမျိုး ကြောင့် အရည်ပျော်ကာ အရည်မှုန်စက် လေးများ ဖြစ်လာသော)၊ ဂျိုးကပ်မှု တခုခု ကြောင့် ဖြစ်ပေါ် လာသော ကာဗွန်မှုန့် ကဲ့သို့ မှိုင်းများမှ ဖြစ်လာသော အမှုန်များ စသည်တို့ ပါဝင် နိုင်ပါသည်။ ဒီလို အမှုန်တိုင်းသည် ချောင်းဆိုးခြင်း၊ အသက်ရှုရာတွင် နာကျင် ခက်ခဲခြင်းနဲ့ ပန်းနာ ရင်ကြပ် တို့ကို ဖြစ်ပေါ် စေနိုင် ပါသည်။ အချင်း ၂.၅ မိုက်ခရို မီတာ ရှိသော အမှုန် များကို PM 2.5 ဟု ခေါ်ပြီး အချင်း ၂.၅ ကနေ တစ်ဆယ် ထိ ရှိသော အမှုန် များကို PM10 ဟု ခေါ်ပါသည်။ ထိုအမှုန်များမှာ စက်ရုံမီးခိုးခေါင်းတိုင်များ၊ အင်ဂျင်ကျနေသော စက်များ၊ ကားဟောင်းများက ထွက်သော မီးခိုးများ၊ ကတ္တရာလမ်းနဲ့ ကား တာရာဘီးများ ပွတ်တိုက်မှု ကြောင့် ထွက်သော အခိုးအငွေ့များ ထဲတွင် အဆိုပါ အမှုန်များ ပါဝင် နေလေ့ ရှိပါသည်။ ထိုင်းနိုင်ငံ ဘန်ကောက်မြို့ တမြို့ထဲတွင် ကားဘီးနဲ့ လမ်း ပွတ်တိုက်မှုကြောင့် ထွက်သော အမှုန် ပမာဏ တစ်နှစ်လျှင် တန်ချိန် ၂၀ ဟုပင် ဖတ်ရှု မှတ်သား ဖူးပါသည်။

ဘန်ကောက်မြို့ လမ်းလယ်ခေါင်မှ အလှစိုက် ပန်းပင် သစ်ပင်များကို မကြာခဏ လဲလှယ် ရခြင်း အကြောင်းရင်းမှာ အဆိုပါ အမှုန်များက သစ်ရွက်များဧ။် ရွက်ပြား အောက်မှ stomata ခေါ် လေရှူပေါက် များကို ပိတ်ဆို့ ခြင်းကြောင့် သစ်ပင်များ အသက်ရှူ မရဘဲ သေကုန်လေ့ ရှိသောကြောင့် ဖြစ်ပါသည်။ အင်္ဂလန် နိုင်ငံရှိ မြေအောက် ဘူတာရုံ များတွင် သံလမ်းနဲ့ ရထားဘီး ကြိတ်ရာမှ ထွက်ပေါ် လာသော အမှုန် မှုန်မွှား သေးသေး များမှာ အဆုတ် အတွင်းပိုင်းအထိ ၀င်ရောက် ဒုက္ခ ပေးနိုင် သောကြောင့် သုတေသနပြု စာတမ်း ထုတ်ပြန် သတိပေး ရသည် အထိ ဖြစ်ခဲ့သည်။
အဆိုပါ အမှုန် ပမာဏ အတိုင်းအတာ ၂မျိုးလုံးမှာ ကျန်းမာရေး အတွက် သတိထားရသော အနေအထားမှာ ရှိနေပါသည်။ အဘယ်ကြောင့် ဆိုသော် အသက်ရှူသွင်းရာတွင် နှာခေါင်း၊ လေရှူပြွန်နှင့် အသက်ရှူ လမ်းကြောင်း စနစ်တို့ ထဲသို့ ၀င်ရောက် နိုင်လောက်အောင် သေးမှုန် ပေါ့ပါး သောကြောင့် ဖြစ်ပါသည်။
အမှုန် မွှားမွှား လေးများ ထွက်ပေါ် လာသော ရင်းမြစ် များမှာ ကားများ၊ လျှပ်စစ် ဓာတ်အားပေး စက်ရုံများ၊ သစ်သား နှင့် သစ်တောများ မီးလောင်ကျွမ်းခြင်းနှင့် တခြား စက်မှုဆိုင်ရာ ဖြစ်စဉ် များကြောင့် ဖြစ်နိုင်ပါသည်။ အမှုန်ကြမ်း၊ အမှုန်ကြီးများ ထွက်ပေါ်ရာ ရင်းမြစ် များမှာ အမှုန့် ကြိတ်ချေ ပြုလုပ်သောလုပ်ငန်းစဉ်များ (ဥပမာ- သတ္ထုတွင်း တူးဖော်ခြင်း) ပြုပြင် ထိန်းသိမ်းခြင်း မရှိသော/ ရှိသော လမ်းများ ဖြစ်ပါသည်။

ကျန်းမာရေးကို ဘယ်လို ထိခိုက်စေသလဲ ဘယ်သူတွေ ထိခိုက်မှု အများဆုံးလဲ

အမှုန်နုရော အမှုန်ကြမ်းပါ အသက်ရှု လမ်းကြောင်း အဖွဲ့အစည်းထဲကို ၀င်ရောက် နှောက်ယှက် နိုင်စွမ်းပြီး မြောက်များစွာ သော ကျန်းမာရေးဆိုင်ရာ ဆိုးကျိုးများကို ဆွဲခေါ် သယ်ဆောင် လာနိုင် ပါတယ်။ အမှုန်ကြမ်းဟာ အသက်ရှူ လမ်းကြောင်းကို ယားယံ စေပြီး ပန်းနာရင်ကြပ် ရောဂါကို ပိုဆိုးစေ ပါတယ်။ အမှုန်နု များ အသက်ရှူ လမ်းကြောင်းထဲ ၀င်ရောက်မှု ကတော့ ပိုမို ဆိုးရွားတဲ့ ကျန်းမာရေး ဆိုင်ရာ ဆိုးကျိုးများ သက်ရောက် စေပြီး အရွယ် မတိုင်ခင် သေဆုံးမှု ကိုတောင် ဖြစ်စေ နိုင် ပါတယ်။ အမှုန်ကြောင့် ဖြစ်ပေါ်တဲ့ ကျန်းမာရေး ဆိုင်ရာ ဆိုးကျိုးများဟာ ရေတိုမှာ ဖြစ်စေ (တစ်ရက် စသည်)၊ ရေရှည်မှာ ဖြစ်စေ (တစ်နှစ်ထက် ပိုတဲ့ အချိန်) သင့် ကျန်းမာရေးကို သက်ရောက် စေမှာ ဖြစ်ပါတယ်။
အမှုန်များ သင့်ကိုယ်ထဲ ၀င်ရောက်တဲ့အခါ သင့်မှာ နှလုံး သို့မဟုတ် အဆုတ် တို့နဲ့ ပတ်သက်မှု ရှိတဲ့ ရောဂါ (ဥပမာ- ပန်းနာ ရင်ကြပ်၊ နာတာရှည် အဆုတ် အားနည်း ယိုယွင်းရောဂါ၊ နှလုံးသွေးကြောကျဉ်း ရောဂါ၊ နှလုံး သွေးအားနည်းရောဂါ) တို့ ရှိခဲ့ ရင် အသက်တိုခြင်း သို့မဟုတ် ဆေးရုံသို့ အရေးပေါ် တင်ပို့ ရခြင်းများ ဖြစ်ပေါ် လာနိုင် ပါတယ်။
သက်ကြီး ရွယ်အို များမှာ ပိုပြီး အန္တရာယ် သင့်နိုင်ပါတယ်။ နှလုံးနဲ့ အဆုတ် ရောဂါ ရှိသူ သက်ကြီး ရွယ်အိုများ အမှုန် သိပ် များတဲ့ နေရာ တွေမှာ အမှုန် များစွာကို အသက် ရှူသွင်း မိရင် အမှုန်ကြောင့် ချည့်တင် ဆေးရုံသို့ အရေးပေါ် တင်ရခြင်း၊ ရုတ်တရက် အသက်ရှူ ရပ်ကာ သေဆုံးခြင်း များပင် ဖြစ်ပေါ် နိုင်ပါတယ်။
ကလေးများနဲ့ နှလုံး အဆုတ် ရောဂါ ဝေဒနာသည် များဟာ ဒီလို အမှုန် များကို ရှူမိရင် သာမန်လို အသက်ရှူနိုင်မှု မရှိတော့ ဘဲ အသက်ရှူ မြန်ခြင်းနဲ့ ချောင်းဆိုးခြင်း များကို ချက်ချင်း ခံစား ရလေ့ ရှိပါတယ်။ ဒီလို အမှုန် များဟာ အသက်ရှူ လမ်း ကြောင်း ဆိုင်ရာ ကူးစက် ရောဂါများနဲ့ လက်ရှိ ရှိပြီးသား အသက်ရှူ လမ်းကြောင်းဆိုင်ရာ ရောဂါများရဲ့ အခြေအနေကို ပိုဆိုး စေပါတယ်။ ဆေးသောက်ရမှု ပိုများ လာစေပြီး ဆရာဝန်ထံ သွားရောက် ပြသ ရမှု ပိုစိပ် လာစေ ပါတယ်။

သဘာဝ ပတ်ဝန်းကျင်ကို ထိခိုက်မှု ဆိုတာ ဘာတွေလဲ

အမှုန်များဟာ လေရဲ့ သယ်ဆောင် မှုကြောင့် အလွန်ဝေးသော နေရာ များထိ သယ်ဆောင် သွားခံရ နိုင်ပြီး မြေပေါ် ဖြစ်စေ ရေထဲ ဖြစ်စေ ပြန်လည် ကျရောက် နိုင်ပါတယ်။ ဒီလို ကျရောက် မှုကြောင့် ဖြစ်ပွား နိုင်တာ များကတော့
• ရေကန်များနဲ့ စမ်းချောင်း များကို အက်ဆစ်ပေါက်စေ နိုင်ခြင်း
• ကမ်းခြေနဲ့ မြစ်ဝ ကျွန်းပေါ် ဒေသ များတွင် ရေထဲရှိ ပျော်ဝင် ပစ္စည်းများ ဘက်ညီမှုကို ပြောင်းစေခြင်း
• မြေဆီ မြေသြဇာများကို အာနိသင် လျော့ကျ စေခြင်း
• သစ်တော များနှင့် လယ်ယာ စိုက်ခင်း များကို ပျက်စီးစေခြင်း
• သဘာဝ ဂေဟ စနစ် ထဲမှ သက်ရှိ မျိုးကွဲ များ မျိုးရိုး ကွဲပြားပြီး မျိုးဆန်း အသစ် ပေါ်ပေါ်က်ခြင်း အပေါ် ဆိုးကျိုး သက်ရောက် စေခြင်းတို့ ဖြစ်ပါသည်။

အခြား သက်ရောက်မှု များမှာ

အမှုန်များဟာ အမေရိကန်၊ ဘန်ကောက် နဲ့ ပီကင်းမှာ မြင်ကွင်းကို မှုံဝါးစေတဲ့ အဓိက အကြောင်းရင်း ဖြစ်ပြီး နဲ့ အခြား သဘာဝ ဥယျာဉ်များရဲ့ အလှအပ တွေကိုလဲ ဖျက်ဆီး ပါတယ်။ အက်ဆစ်ဓာတ် ပါတဲ့ အမှုန်နက် (မှိုင်း) များဟာ ကျောက်တုံး များနဲ့ အခြား ယဉ်ကျေးမှု ဆိုင်ရာ အရေးပါတဲ့ ရုပ်တုများ ကျောက်တိုင်များကို စွန်းထင်း တိုက်စား ပျက်စီး စေနိုင် ပါတယ်။
ဒါတွေကြောင့် ဖုန်များ အမှုန်များ ထူထပ် ပေါများ ချိန်တွေမှာ သတိလက်လွတ် မနေကြဘဲ နှာခေါင်းအုပ် အ၀တ်များကို ဂရုတစိုက် သုံးစွဲ ကြဖို့ လိုပါတယ်။ အထက်အညာ ဒေသ တွေမှာ နွေရောက်ရင် လမ်းတွေက ဖုန်ထူလို့ ဖုန်တွေ မျက်စိထဲ ၀င်တဲ့ အခါ မျက်ခမ်းစပ် ရောဂါ ဖြစ်တာဟာ လတ်တလော ချက်ချင်း သိသိ သာသာ ခံစား ရတဲ့ ဝေဒနာ ဖြစ်ပြီး အဆုတ်ထဲ အသက်ရှူ လမ်းကြောင်းထဲ ၀င်ရောက်ရင် ပိုဆိုးရွားတဲ့ ကျန်းမာရေး ထိခိုက်မှုတွေ ဖြစ်ပေါ် နိုင်ပါတယ်။ ဒါပေမယ့် စက်ရုံများ၊ မြို့ပြ လမ်းများက ထွက်တဲ့ ကတ္တရာမှုန်များ မှိုင်းများကတော့ ပိုမို ဆိုးရွား လှတဲ့ ကျန်းမာရေး ထိခိုက်မှု များ ဖြစ်ပေါ် နိုင်တာမို့ အထူးသဖြင့် စက်ရုံဇုန်များနဲ့ အနီးတ၀ိုက်မှာ နေထိုင်သူများ ပိုမို သတိထားကာ ကျန်းမာရေးဆိုင်ရာ အသိ၊ သတိ ရှိဖို့ လိုအပ်ကြောင်း နှိုးဆော် လိုက်ပါတယ်ရှင်။

စာရေးသူရဲ့ မှတ်ချက်။ ။ အရင် တပတ်ကပဲ ပြည်တွင်း ဂျာနယ် တစ်ခုမှာ ကြော်ငြာတာကို ဖတ်လိုက်မိတဲ့ အတွက် အလွန်အမင်း အံ့အားသင့်ရပါတယ်။ ကြော်ငြာလေးက ရိုးရိုးလေးပါ။ ရန်ကုန် မြို့တော် စည်ပင် သာယာရေး ကော်မတီ လက်အောက်ခံ ပန်းဥယျာဉ်နဲ့ သစ်ပင် ဌာနက အသင့်စိုက်ပျိုး နိုင်သော သစ်ပင်၊ ပျိုးပင်များ အဆင်သင့် ရှိကြောင်း၊ ၀ယ်ယူ စိုက်ပျိုး ကုသိုလ် ယူချင်ရင် ဆက်သွယ် ၀ယ်ယူ နိုင်ကြောင်းနဲ့ အိမ်တိုင်ယာရောက် စိုက်ပျိုး ပေးနိုင်ကြောင်း ကြော်ငြာ ထားပါတယ်။ ဒါဆိုရင် နာဂစ်အလွန် မြို့တော် ပြန်လည် စိမ်းလန်း စိုပြေရေး အတွက် မြို့တော် စည်ပင်မှာ သစ်ပင်နဲ့ ၀န်ထမ်းပါ အဆင်သင့် ရှိလျက်နဲ့ ဘာလို့ တာဝန် ကျေပွန်အောင် မထမ်းဆောင်ဘဲ သစ်ပင်ကိုရော ၀န်ဆောင်မှု ကိုပါ ရောင်းစားရ သလဲ ဆိုတဲ့ အတွေးလေး တွေးမိပါတယ်။
တဆက်တည်းမှာပဲ ဂျပန်နိုင်ငံက ကိုဘေး ငလျင်ကိုသတိရမိ ပါတယ်။ ကိုဘေးမှာ ငလျင်လှုပ်လို့ ရေနဲ့ လျှပ် စစ် လိုင်းတွေ ဆိုးဆိုးရွားရွား ပြတ်တောက် ကုန်တာကို ငလျင်ကြောင့် ပျက်စီးတဲ့ လမ်းပန်း ဆက်သွယ်ရေး အပြို အပျက် တွေကြောင့် အချိန်မီ အမြန်ဆုံး ပြန်လည် ပြုပြင် တပ်ဆင်ရေး မလုပ်နိုင်လို့ မြို့တော်ဝန် ခမျာ အရှက်ရပြီး သတ်သေ သွားခဲ့ပါတယ်။ မြန်မာနိုင်ငံက ရန်ကုန်မြို့မှာ နာဂစ် မုန်တိုင်းကြောင့် သစ်ပင်နဲ့ ပန်းပင် များ ပြန်လည် စိုက်ပျိုးရေး လုပ်ဖို့ အပင်ရော ၀န်ထမ်းပါ အလုံအလောက် ရှိလျက်နဲ့ မြို့တော်စည်ပင်ရဲ့ တာဝန်နဲ့ ၀တ္တရား ဖြစ်တဲ့ ပြန်လည် ထူထောင်ရေးကို လုပ်သင့်လျက် မလုပ်တဲ့ အပြင် မုန်တိုင်းကြောင့် နာလန် မထူနိုင်တဲ့ ပြည်သူကို သစ်ပင် ၀ယ်လှူဖို့ စီးပွားရေး ကြော်ငြာ ထည့်တာဟာ မလွန်လွန်း ဘူးလားလို့ စဉ်းစားမိ ပါရဲ့။ ဂျပန် နိုင်ငံက ကိုဘေး မြို့တော်ဝန်ကို ပြန်မရှက်ဘူးလားလို့ တွေးမိ ပါရဲ့။ တောမီးလောင်လို့ တောကြောင် လက်ခမောင်း ခတ်သလား လို့လဲ မေးချင်ပါရဲ့။ @#$%^

ရှက်တတ်ကြ သေးရဲ့လား။ အရှက်တရား ရှိကြ သေးရဲ့လား။ တော်ဧ။် မတော်ဧ။် ဒီလောက်လေးတောင် မစဉ်းစား တတ်ကြ တော့ဘူး လား လို့လဲ မေးလိုက်ချင် ပါဘိ။
(ပြီးပါပြီ)။