တိမ်ပန်းချီ တို့ ပြောတဲ့ စကား

အဇဋာ ကောင်းကင်ပြာထက်က တိမ်ပန်းချီ တို့ကို ငေးမောဖူးသူတို့ ရှိကြ ပါလိမ့်မယ်။ တိမ် ပန်းချီ တို့ရဲ့ အဓိပ္ပာယ်ကို ဖတ်သူတို့ထဲတွင် အနုပညာသည် တို့သာမက မိုးလေ၀သနဲ့ ဇလ ဗေဒ ပညာရှင်တို့ အပြင် နောက်ပိုင်း သဘာဝ ပတ်ဝန်းကျင် လေ့လာ ထိန်းသိမ်းရေး သိပ္ပံ ပညာရှင် တို့ပါ ပါဝင် လာခဲ့ ကြပါတယ်။

အင်ဒိုနီးရှား နိုင်ငံက မီးတောင် ပေါက်ကွဲမှုကြောင့် ထွက်ပေါ်လာတဲ့ ပြာမှုန်များက တိမ်များကို ထိတွေ့တဲ့အခါ ညဘက်မှာတောင် ဒီလို လှပ ဆန်းကြယ်တဲ့ အပြာရောင် တောက်နေတဲ့ တိမ် များနဲ့ ည ရှုခင်းကို တွေ့မြင်ရတယ်လို့ ဆိုပါတယ်။


ဒီလို အပြာရောင် တောက်နေတဲ့ တိမ်မျိုး ကို Noctilucent clouds လို့ ခေါ်ပြီး ဖင်လန် နိုင်ငံ မှာလဲ ဒီလို တိမ်တွေနဲ့ ညနေ ဆည်းဆာ ကို ရှားရှားပါးပါး မြင်တွေ့ မှတ်တမ်းတင် နိုင်ခဲ့ကြ ပါတယ်။


တရုတ်နိုင်ငံ၊ ဟီနန် ပြည်နယ်၊ နန်ယန်တက္ကသိုလ်မှ ဘူမိရူပ ပညာရှင် ဂေါင်နဲ့ ၀မ်တို့ဟာ ၂၀၀၄ ဒီဇင်ဘာမှာ စက်တယ်လိုက် ဂြိုလ်တုက ဓာတ်ပုံတွေ လေ့လာရင်းနဲ့ တိမ်တွေကြားက ကွက်လပ်တွေကို ဂရုတစိုက် ကြည့်မိ ခဲ့ကြ ပါတယ်။ ဒီတိမ်တွေဟာ ကီလိုမီတာ ရာပေါင်း များစွာ အထိ သွယ်တန်းပေါ်ထွန်း နေတာ ဖြစ်ပြီး လေတိုက်နေ ပေမယ့် ဒီတိမ်တွေဟာ ရွေ့လျား ပျောက်ကွယ် မသွားဘဲ နာရီပေါင်း အတော်ကြာ ဆက်လက် တည်ရှိ နေခဲ့ တာကို တအံ့တသြ တွေ့ရပါတယ်တဲ့။ ဒီတိမ်တွေ ပေါ်ထွန်း ခဲ့တာရဲ့ အောက်မှာ တိုက်ဆိုင်စွာ အီရန် တောင်ပိုင်းက မြေလွှာ ပြတ်ရွေ့ကြော ရှိနေခဲ့ တာပါ။

အဲဒီ မြေလွှာ ပြတ်ရွေ့ကြော တလျှောက်မှာ မြေထုနဲ့ လေထု အပူချိန် မြင့်တက် နေတာကိုလဲ စစ်ဆေး တွေ့ရှိ ခဲ့တယ်လို့ ဆိုပါတယ်။ ၆၉ရက်အကြာ ဖြစ်တဲ့ ၂၀၀၅ ဖေဖော်ဝါရီမှာ ပြင်းအား ရစ်ချတ် တာ စကေး ၆.၄ အထိ ရှိတဲ့ ငလျင်လှုပ်ပြီး လူ၆၀၀ကျော် သေဆုံး ခဲ့ရ ပါတယ်။ ၂၀၀၅ ဒီဇင်ဘာ လမှာ ဒီလို တိမ်မျိုး နာရီ အတော်ကြာ ပေါ်လာခဲ့ပြီး နောက် ၆၄ ရက် အကြာမှာ တခါ ထပ်ပြီး ရစ်ချတ်တာ စကေး ၆ အထိ ရှိတဲ့ နောက်ထပ် ငလျင်တစ်ခု အဲဒီ ဒေသမှာ ဖြစ်ပေါ် ခဲ့တယ်လို့ ဆိုပါတယ်။ ဆက်လက် လေ့လာ စုံစမ်းချက် တွေအရ ပြတ်ရွေ့ကြောင်း တလျှောက်က ထွက်တဲ့ ဓာတ် ငွေ့ တွေရဲ့ အပူချိန်ကြောင့် တိမ်တွေမှာ အကွက်တွေ ဖြစ်ပေါ် လာခဲ့တာ ဖြစ်ပြီး ပြတ်ရွေ့ ကြောင်း တလျှောက်က ပထ၀ီ အနေအထား အရ ရေငွေ့ တွေလဲ ပို အငွေ့ပျံ တက်ပြီး တိမ် များလဲ ပိုမို ဖွဲ့စည်း ဖြစ်ပေါ် လာခဲ့တယ် လို့ ဆိုပါတယ်။
(International Journal of Remote Sensing, vol 29, p 1921)

မေလ ၁၂ရက်နေ့ က တရုတ် နိုင်ငံ စီချွမ်မှာ ရစ်ချတ်တာ စကေး ၈ အထိ ရှိတဲ့ ကမ္ဘာကျော် ငလျင်ကြီး လှုပ်ခဲ့ပါတယ်။ အဲဒီ ငလျင် လှုပ်ခဲ့တဲ့ နေရာရဲ့ ကီလိုမီတာ ၁၄၀၀ အကွာက ရှန်တုန်း မြို့ပေါ်မှာ မေလ ၉ရက် နေ့က တွေ့ရှိခဲ့ ရတဲ့ ငလျင် နိမိတ်ပြ မိုးတိမ်လို့ ခေါ်ဆို နိုင်လောက်တဲ့ ဖြစ်တောင့်ဖြစ်ခဲ တိမ်စိုင် များကို အောက်ပါ ဓာတ်ပုံ အတိုင်း လေ့လာ တွေ့ရှိရပါတယ်။ ဒီလိုဆို လူသားတွေဟာ ငလျင် လှုပ်တော့မယ် ဆိုတာကို ကြိုတင် ခန့်မှန်း သိရှိ နိုင်တာ သေချာပါပြီလား…


တကယ် ငလျင် လှုပ်ခဲ့တဲ့ နေရာနဲ့ ဒီလောက် အဝေးကြီးမှာ ပေါ်တဲ့ တိမ်နဲ့ ငလျင်ဟာ ဆက်စပ်မှု ရှိနိုင်ပါ့ မလားဆိုသူ များအတွက် မြေလွှာ ပြတ်ရွေ့ကြောပြ မြေပုံကိုပါ ပူးတွဲ ဖော်ပြ ပေးလိုက် ပါတယ်။



တကယ်တော့ ငလျင် လှုပ်တော့ မယ်လို့ တိတိကျကျ ခန့်မှန်း တိုင်းတာ နိုင်ပါပြီလို့ အာမခံ နိုင်တဲ့ သိပ္ပံ ပညာ မပေါ်သေး ပေမယ့် ခန့်မှန်း နိုင်ဖို့ နည်းလမ်းတွေ၊ သက်သေ ပြုချက်တွေ တဖြည်းဖြည်း နဲ့ ပေါ်ထွန်း လာနေပြီ ဖြစ်ပါတယ်။ မကြာမီ နှစ်များအတွင်းမှာ ငလျင် မလှုပ်မီ ကြိုတင် ခန့်မှန်း နိုင်တဲ့ ကမ္ဘာကြီးထဲမှာ ကျွန်မတို့ နေထိုင် နိုင်ကြဖို့ မျှော်လင့်ချက် များလာပြီလို့ ပြောနိုင် ပါပြီရှင်။