Wednesday, January 23, 2008

ဘလော့ဂါတို့ရဲ့ တောင်ပံ

အပြင်မှာ မမြင်ဖူးကြပေမယ့်
စိတ်ချင်းနီးလို့ ခင်မင်
စကားလုံးနဲ့ ဖွဲ့တဲ့ ဘလော့ ကောင်းကင်မှာ
စိတ်ကူး တောင်ပံ ဆန့်လို့ ခရီးနှင်
ငါတို့ရင်ခုန်သံချင်း ပွင့်လင်း ခင်မင် ခဲ့ကြတယ်…

တိမ်ညစ်တို့ ဖရိုဖရဲ
မိုးခါးမိုးတွေ စဲတဲ့ တနေ့မှာပေါ့
လင်းလက် နွေးထွေးတဲ့ နေခြည်လှုံရင်း
လက်တွေ့လောက ကောင်းကင်ပြင်ပေါ်
ငါတို့ရဲ့ တောင်ပံများကို ဖြန့်ဝဲရင်း
လွတ်လပ်ရေးတေး သီကြူးနိုင်ဖို့ …

သူငယ်ချင်းတို့ရေ….
ငါတို့ကောင်းကင်ပေါ်က
တိမ်ညစ်တို့ ဝေးလွင့်စေဖို့
ငါတို့ တောင်ဟုန်နဲ့ ခတ်ထုတ်
ငါတို့ ခွန်အားနဲ့ မောင်းထုတ်ဖို့

တောင်ပံ သွေးဖို့ တွေးကြစို့ …
တောင်ပံ သန်ဖို့ မာန်မြှင့်စို့…
တောင်ဟုန်စွမ်းဖို့ အားမွေးစို့…

1 comment:

chaos said...

ဘလော့ဂါတို့ရဲ့ တောင်ပံခတ်သံလေးဖတ်သွားတယ်
အစ်မ ကဗျာတအားကောင်း၏