Thursday, October 25, 2007

သီတင်းကျွတ် လပြည့် အဘိဓမ္မာ အခါတော်နေ့ အထိမ်းအမှတ် အမှတ်တရ

မြတ်ဘုရား အစစ် ပွင့်ဖို့မျှော်

စိတ်ပျက်တယ်
ငါဘုရားဖြစ်မှ ချွတ်မယ်ဆိုတဲ့ ရည်ရွယ်ချက်နဲ့
သတ္တ၀ါတွေကို သံသရာက မကျွတ်အောင်
တားဆီးရင်း လိုက်နှောင့်ယှက်နေတဲ့
မဟာကရုဏာထက် ဘုရားဆိုတဲ့ဂုဏ်ကို ပိုမက်တဲ့
မာရ်နတ်ကို…

ဘုရားဖြစ်ဖို့ မကျင့်ကြံဘဲ
ဘုရားဖြစ်တဲ့အခါ ချွတ်ဖို့ သတ္တ၀ါ ကျန်ဖို့
သံသရာနွံမှာ နှစ်ကာ ချန်ချင်သူဟာ
မာရ်နတ်ပဲ ဖြစ်လာမယ် ဘုရားတော့ ဖြစ်မှာ မဟုတ်…

သံသရာမှ လွတ်မြောက်ကြောင်း တရားကို
ကိုယ်တိုင်ရှာဖွေ၊ ကိုယ်တိုင် ကျင့်သုံးလို့ အောင်မြင်တော့မှ
အောင်မြင်မှု အသီးအပွင့်တွေကို သတ္တ၀ါတွေကို ဝေငှ
အဲဒါကမှ မြတ်စွာဘုရားအစစ်…


ဒုက္ခဆင်းရဲ နွံတွင်းကြီးထဲမှာ ဘီလူးသဘက်တွေ ကိုက်ခဲခံနေရတဲ့ သတ္တ၀ါတွေ
ငါ့ခေါင်းဆောင်မှုရမှ နင်တို့အေးချမ်းမှာ ဆိုတဲ့ အကြောင်းပြချက်တွေနဲ့
ခေါင်းဆောင်နေရာကို အပြိုင်လုနေလိုက်တာ
သတ္တ၀ါတွေ ဘီလူးစားလို့ ကုန်တော့မယ်
ခေါင်းဆောင် နေရာ လုပွဲက မပြီးသေး…

စိတ်ပျက်တယ်
ခေါင်းဆောင်နေရာ ငါမရမချင်း
သတ္တ၀ါတွေကို ပေး မအေးချမ်းတဲ့
ခေတ်သစ် မာရ်နတ်တွေကို…

ကိုယ်တိုင် မကျင့်သုံးနိုင်တဲ့ စနစ်တခုကို
လှလှပပ စကားလုံးတွေနဲ့ ထုပ်ပိုး
အကြိုက်တွေကို လိုက်လျောမှုနဲ့ လဲလှယ်
မာယာချိုချိုတွေနဲ့ မဲဆွယ်ရင်း
ငါ့ကို မညွတ်တဲ့ခေါင်းဟာ ပြတ်ရမဟဲ့လို့ အပြင်းအထန်ချေမှုန်း
မာရ်နတ်ရဲ့ အကျင့်ကို ကျင့်ရင်း ဘုရားဖြစ်ဖို့မျှော်ကိုး
ဒါဟာ သတ္တ၀ါတွေရဲ့ အကျိုးဆောင် တကယ်ဖြစ်နိုင်မှာမို့လား…

ဒုက္ခဆင်းရဲ နွံတွင်းကြီးထဲမှာ ဘီလူးသဘက်တွေ ကိုက်ခဲခံနေရတဲ့
သတ္တ၀ါတွေ အားကိုးတကြီး မျှော်နေတယ်
ကိုယ့်ကိုယ်ကို တကယ် ကြည်ညိုနိုင်လောက်မယ့် ခေါင်းဆောင်
သတ္တ၀ါများရဲ့ တကယ်ကြည်ညို ခံနိုင်လောက်မယ့် အကျင့်တရားနဲ့
ဆင်းရဲတွင်းထဲက တကယ်ထွက်မြောက်နိုင်မယ့်လမ်းကို
ကိုယ်တိုင်ရှာဖွေ ကိုယ်တိုင်ကျင့်သုံးနိုင်မယ့် နည်းလမ်း
ကိုယ်တိုင် အောင်မြင်မှာ သေချာတယ်လို့ တကယ် ယုံတဲ့နည်းလမ်းတို့နဲ့
ဇွဲ၊ လုံ့လ၊ ၀ီရိယ တို့နဲ့ တကယ် ရှေ့ထွက်ရဲမယ့် ခေါင်းဆောင်
ခေတ်သစ် မာရ်နတ် မဟုတ်တဲ့ တကယ့်ခေါင်းဆောင် အစစ်ကို…

1 comment:

မျှားပြာ said...

ကျွန်တော်လည်း ခေါင်းဆောင်အစစ်ကို မျှောနေတယ်
အစ်မရေ ...
ဒီကဗျာလေးကို အရမ်းကြိုက်တယ်
အဆင်ပြေပါစေဗျာ