မုန်းတယ်
မုန်းတယ်
မျက်လုံးလေး ပေကလပ်နဲ့ မသိတတ် ယောင်ဆောင်ရင်း
ရှိသမျှ အရာအားလုံးကို hack သွားတတ်သူတွေကို…
မုန်းတယ်
ပေးဆပ်နေပါတယ်လို့ တဖွဖွပြောရင်း
မသင့်တော်တာတွေ တောင်မှ မတရားသဖြင့် ရယူသွားတတ်သူတွေကို…
မုန်းတယ်
ကူညီပါရစေလို့ တဖွဖွပြောရင်း
မတန်တဆ ချောက်ချတတ် သူတွေကို…
မုန်းတယ်
ကယ်တင်နေပါတယ်လို့ တဖွဖွပြောရင်း
မသေမချင်း အထပ်ထပ် ညှင်းပန်း နှိပ်စက်ရက် သူတွေကို…
မုန်းတယ်
ပျိုးထောင်ပေးနေတာပါလို့ တဖွဖွပြောရင်း
နာလန်မထူနိုင်အောင် အညွန့်ချိုးတတ်သူတွေကို…
မုန်းတယ်
ပုခုံးနဲ့ ထမ်းလို့ ရှာကျွေးနေပါတယ် ပြောရင်းနဲ့
ပါးစပ်ဖျားက ထမင်းလုတ်ကို ပုတ်ချလုစားတတ်သူတွေကို…
မုန်းတယ်
ကာကွယ်ပေးနေပါတယ် ပြောရင်းနဲ့
လောကစစ်တုရင်ခုံပေါ်မှာ ထိုးကျွေးသွားတတ်သူတွေကို…
တစ်ခုတော့ ဖြေသာပါတယ်လေ
လုပ်တိုင်းမဖြစ်တဲ့ အနတ္တသဘောက
သူတို့ကိုပါ ပြန်လည်စောကြောသွားလေရဲ့
အကြွေးဆိုတာ ဂိတ်ဆုံးယူပြီးရင်
အတိုးကြီးကြီးနဲ့ ပြန်ဆပ်ရမြဲမို့…..
No comments:
Post a Comment