သူတို့ပြောတဲ့စကားများ- ၁

ကျွန်မကိုးကွယ်တဲ့ဆရာတော်နဲ့ ကျွန်မရဲ့ ခင်ပွန်းသည်နဲ့ သူငယ်ချင်း၊ မိတ်ဆွေများရဲ့ စကားများထဲက ကျွန်မကြိုက်နှစ်သက်တဲ့ စကားလုံး လေးများကို စုစည်းဝေမျှလိုက်ပါတယ်…

ဘုရားတကယ်ပွင့်မပွင့် မိဂဒါဝုန်တောကနေ ထိုင်စောင့်ကြည့် နေမယ်။ (အန်တီခိုင်)

မီးဖိုထဲက လက်နှီးစုတ်ကို ညစ်ပတ်နေတယ်လို့ ဘယ်သူကမှ မပြောဘူး။ မျက်နှာသုတ်ပ၀ါကိုသာ ညစ်၊ မညစ် စောင့်ကြည့် လျှောက်ပြောနေကြတာ။ ကိုယ့်မျက်နှာ ကိုယ်သုတ်ရမယ့် ကိုယ့်မျက်နှာသုတ်ပ၀ါ တကယ်ဖြူစင်သန့်ရှင်းနေရင်ပြီးတာပဲ။ (မင်းသစာ)

ဘယ်လက်ကလုပ်တဲ့အလုပ်ကို ညာလက်နဲ့ပြန်စစ်ပြီးမှန်မှ သည်အလုပ်ကိုပြီးတယ်လို့အောက်မေ့တယ်။ (ကြော့သူဇာ)

မိုးထဲ၊ လေထဲ၊ မုန်တိုင်းထဲမှာ ငါ့ကိုလက်တွဲရဲတဲ့သူကို ပိုတန်ဖိုးထားတယ် (ကြော့သူဇာ)

မျှော်လင့်ချက်မထားဘဲ လုပ်သင့်လုပ်ထိုက်တာကို လုပ်စရာရှိတာကို ပြီးအောင် အကောင်းဆုံး လုပ်လိုက်ရင် ခံစားရသက်သာတယ် (မင်းသစာ၊ နေဘုန်းလတ်၊ အန်တီခိုင်)

ပါးစပ်ပါတဲ့သူချည့်ပဲ၊ ပြောတတ်ပါတယ် အမရယ်၊ မပြောချင်တော့တာမို့ သမီးက အတယ်လို့ပဲ ပေးထင် ထားလိုက်ပါတယ် (သဲစု)

လူချင်းပေါင်းတယ်ဆိုတာ ရေစီးကြောင်းတွေပေါင်းတာနဲ့သိပ်တူတာဟ… ရေစီးကြောင်းနှစ်ခု အတူတူ အရှိန်ပြင်းပြင်း ပေါင်းစည်းသွားနိုင်ဖို့ ဦးတည်ချက်နဲ့ အရှိန်ချင်းတူဖို့လိုတယ်။ ရေစီးကြောင်းနှစ်ခု စုဆုံချိန်မှာ အရှိန်တူပြီး ဦးတည်ချက်မတူရင် ၀ဲကတော့ ထမယ်။ ဦးတည်ချက်တူပြီး အရှိန်မတူရင် အသံထွက်ပြီး ပလုံစီထမယ်။ ရေလယ်ကျွန်းတို့၊ ရေစီးကြောင်းပြောင်းတာတို့ဖြစ်မယ်။ ဦးတည်ချက်နဲ့ အရှိန်ပါ မတူရင် အရှိန်ပျော့တဲ့ရေစီးက အရှိန်ပြင်းတဲ့ရေစီးရဲ့ ဦးဆောင်မှုနောက်လိုက်ပြီး ရေစီးကြောင်း တစ်ကြောင်းက ဦးတည်ချက်ပျောက်သွားနိုင်တယ်။ (အောင်မိုး)

အမြီးဆွဲလိုက်ရင် ခွာနဲ့ပေါက်ထုတ်မယ်။ (အောင်မိုး)

အများရဲ့ မျက်စိရှေ့မှာ ရှင်းရှင်းလေး နေတာမို့ ယုံရမယ်ဆိုရင် မျက်လှည့်ဆရာဆိုရင် ဘယ်လို လုပ်မလဲ။ မျက်လှည့်ပြသွားတာ ကိုယ့်မျက်စိရှေ့မှာတော့ ရှင်းနေတာပဲ။ (ဟိန်ဇော်)

ကိုယ်ကောင်းရင်ခေါင်းဘယ်မှမရွေ့ဘူးဆိုပြီး ကိုယ်ချည့်ပဲရွေ့သွားရင်ရော.. (ဟိန်ဇော်)

Top secret ဆိုတာ အပေါ်ဆုံးက လျှို့ဝှက်ချက်ဆိုတော့ သိပ်မလျှို့ဝှက်သေးဘူး။ Bottom Secret အောက်ဆုံးက လျှို့ဝှက်ချက်ဆိုမှ ပိုလျှို့ဝှက်တာ။ (ဟိန်ဇော်)

ယောက်ျားလေးဘယ်လောက်အေးအေး မျောက်လောက်တော့ ဆော့တတ်တယ် (ချောစု)

တစ်ဘ၀စာမှာသာ ကိုယ်နဲ့သူတပါးစာရင်းရှင်းနေကြရတာ။ သံသရာမှာတော့ ကိုယ်နဲ့ ကိုယ့်လုပ်ရပ်တွေ အချင်းချင်းပဲ စာရင်းရှင်းကြရတာပါ။ (ခွန်မြလှိုင်)

တရားကို သညာသိဖြင့်သိပြီး ငါစွဲမစင်သေးလို့ ငါစွဲကြောင့်မာန၀င်ပြီး မာနခံ လို့တရားကို ပညာနားနဲ့ ထောင်ဖို့ရာ နားမ၀င်နိုင်ဘဲ တရားကိုတကယ့် ပညာသိဖြင့် မသိပါဘဲ သိပြီထင်မှတ်လျက် ကိလေသာ အမိုက်မှောင်ထဲ နက်နက်နဲနဲကြီးဝင်တိုးလျက် အကုသိုလ်ကြီးများကို လွန်ကျူးရင်း တရားကို တကယ့် ပညာသိဖြင့် သိခြင်းနဲ့ လွဲရသည့်ကိုယ် မဖြစ်ရလိုပါ။ တရားကို ပညာသိဖြင့် ပိုင်းခြားဝေဖန် သိမြင်နိုင်ပြီး ထိုသိသော တရားအလင်းဖြင့် အမှောင်မိုက်ဆုံး ကိလေသာတို့ကို ပယ်ခွင်းနိုင်ကာ မဂ္ဂင်လမ်းကို တည့်တည့်ကြီး လျှောက်လှမ်းရင်း နိဗ္ဗာန်ရွှေပြည်ကို ဆိုက်ရောက်ရပါလို၏။ (ခွန်မြလှိုင်)

ကြွားလုံးထုတ်နေသေးသရွေ့ အပါယ်မျိုးစေ့ မကုန်သေး။ မာနခံနေသေးသရွေ့ ငါစွဲဒိဌိ မပြုတ်သေး။ (ဓမစေတီဆရာတော် အရှင်ကောသလ)

ဘ၀မှာ ကိုယ်ကစေတနာသိပ်ကောင်းနေရင် သူတပါးအတွက် လှေကားထစ်အဖြစ် အသုံးချခံချင်ခံပါ။ ငြမ်းတော့ မဖြစ်စေနဲ့ညီမလေး။ လှေကားဆိုတာ သည်အဆောက်အဦးရှိနေသေးသရွေ့ ကိုယ့်ကို ဖယ်ရှားတာ မခံရဘူး။ သည်တော့ ခံစားရတာ ခံသာသေးတယ်။ ငြမ်းဆိုတာကတော့ သည်အဆောက်အဦ မပြီးခင် အသုံးချခံရပြီး သည်အဆောက်အဦပြီးရင်အဖျက်ခံရတာ။ ခံစားရတာ သိပ်ဆိုးရွားတယ်။ (ကိုဇေဖြိုး)

ကိုယ်ချစ်ရတဲ့သူအတွက် ရှာကျွေးနေရတာ၊ ကျန်းမာရေးမကောင်းလို့ ပြုစုနေရတာကို ပင်ပန်းတယ်လို့ ၀န်ထုတ်ဝန်ပိုးလို့ မထင်ပါဘူး။ ချစ်ထုတ်ချစ်ပိုးကြီးရထားတယ်လို့ပဲထင်တော့ လုပ်ပေးခွင့်လေး ရနေသေးတဲ့အတွက် ပျော်တယ်။ (မင်းသစာ)

ဘ၀မှာ ကိုယ်ချစ်ရတဲ့သူနဲ့ အတူ လောကဓံကို ရင်ဆိုင်ဖြတ်သန်းရတဲ့အခါ ကိုယ့်ဘေးမှာသူရှိတယ် ဆို တဲ့ အားနဲ့ရင်ဆိုင်ရတာ ပိုအားရှိပြီး ပိုရင်ဆိုင်နိုင်တယ်။ ကိုယ့်ဘေးကလူက ကိုယ်ချစ်တဲ့သူ မဟုတ်ရင် လောကဓံကို ရင်ဆိုင်ရတာ အားမရှိဘူး။ (ဦးကိုကိုထွေး)

လမ်းမှာလေပွေမွှေ့လို့ (လေဆင်နှာမောင်း အသေးစား)

လမ်းပေါ်က ကျွတ်ကျွတ်အိတ်စုတ်၊ စကူ စုတ်တွေ၊ အမှိုက်တွေကို လေပွေကစုပြီးသယ်သွားလို့ ဘယ်သူ့အိမ်ရှေ့မှာ လေပွေရပ်မလဲလို့ ကျွန်တော် လမ်းလျှောက်ရင်း လိုက်ကြည့်တာဗျ။ အံ့စရာဗျာ၊ လေပွေက အမှိုက်ပုံမှာသွားရပ်တယ်။ စောစောက လေပွေမွှေ့တဲ့လမ်း တလျှောက်မှာ ပါလာတဲ့အမှိုက်တွေက အမှိုက်ပုံပေါ်ရောက်သွားရော… လောကကြီးတယ် ဆန်းကြယ်တယ် ဗျာ။ တူရာတူရာစုတာပဲဗျ။ (ဦးခင်မောင်ရွှေ)

မနှစ်ကထက် သည်နှစ်ဝင်ငွေ တိုးလာတာကို တိုးတက်တယ်လို့ မခေါ်ဘူးဗျ။ မနှစ်က၀င်ငွေနဲ့ ဘယ်လောက် ၀ယ်နိုင်စွမ်းရှိပြီး သည်နှစ်ဝင်ငွေနဲ့ ဘယ်လောက်ဝယ်နိုင်စွမ်းရှိတယ်ဆိုတာချင်း တိုင်းတာပြီးမှ ပိုနေမှ မနှစ် ကထက် သည်နှစ် ၀င်ငွေ တိုးတက်တယ်ခေါ်မယ်။ (ဒေါက်တာချစ်)

နိုင်ငံတစ်နိုင်ငံတိုးတက်တယ်ဆိုတာ နိုင်ငံရဲ့ ပြည်တွင်းထွက်ကုန် တိုးတက်တာကို တိုးတက်တယ် မခေါ်ဘူး။ ခင်ဗျားတိုင်းပြည်ရဲ့ အသစ်ပြန်ထုတ်ယူလို့ မရနိုင်တော့တဲ့ သယံဇာတ (ရေနံ၊ သဘာဝဓာတ်ငွေ့၊ ကျောက် မျက်ရတနာ)

တွေကို ရောင်းထုတ်လို့ရတဲ့ငွေတွေ များလာတာဟာ ဆုံးရှုံးမှုကို ပြတာပဲ။ နောင်အနာဂတ်မှာ သုံးစရာမရှိတော့လို့လေ။ တကယ်က တိုင်းပြည်မှာ ရှိတဲ့လူတွေက ပိုနည်း တဲ့ ပြန်လည်ထုတ်လုပ်ယူနိုင်တဲ့ သယံဇာတ (သစ်တော၊ ဇီဝဓာတ်ငွေ့၊ ထပ်တလဲလဲ ပြန်ပြင်အသုံးပြုနိုင်သော ရာဘာ၊ စကူ၊ ပလတ်စတစ်၊ ထပ်တလဲလဲ ထွက်ရှိအောင် မွေးမြူစိုက်ပျိုးနိုင်သော ရေထွက်ကုန်၊ စားသောက်ကုန်ကြမ်းများ)

တွေကို အနည်းဆုံးသုံးပြီး ပိုကောင်းတဲ့၊ ပိုများတဲ့ ထုတ်ကုန်တွေ ထုတ်လုပ်နိုင်စွမ်းအားတွေ တိုးတက်လာတာကိုမှ တိုးတက်မှုအစစ်လို့ ခေါ်တယ်။ (မစတာ ဂျွန်ဟိုက်)