ဝါခေါင်လပြည့် မေတ္တာ အခါတော်နေ့ကျင်းပရခြင်း အကြောင်းရင်းများ

ကြွရောက်တော် မူလာကြသော ဓမ္မမိတ်ဆွေ အပေါင်း သူတော်ကောင်း တို့ရှင်။

ဂေါတမ မြတ်စွာဘုရား လက်ထက်တော် အခါက ရဟန်းတော် ငါးရာတို့ မြတ်စွာဘုရားထံမှ ကမ္မဌာန်းတရားကို ယူဆောင် ၍ တောအုပ်တခုတွင် ၀ါဆို ၀ါကပ် ပြုတော်မူကြပါတယ်။ ရဟန်းတော်များ၏ သီလတန်ခိုးကြောင့် နေရာ ဖယ်ပေးကြရတဲ့ နတ်အချို့က အမျိုးမျိုး ခြောက်လှန့် ကြသောကြောင့် တရားကို ဖြောင့်အောင် နှလုံး မသွင်းနိုင်ဘဲ စိတ်ဓာတ်တွေ ခြောက်ခြားပြီး ၀ါတွင်း ကာလမှာပင် မြတ်စွာဘုရား ရှိရာ သာဝတ္ထိပြည် ဇေတ၀န် ကျောင်းတော်သို့ ပြန်သွားကြပါတယ်။


မြတ်စွာဘုရားက မေတ္တာလက်နက်ကို ယူဆောင်ပြီးတောအုပ်သို့ ပြန်သွားကြရန်တိုက်တွန်းပြီး မေတ္တာသုတ် ဒေသနာ ကို ဟောကြားပေးလိုက်ပါတယ်။ ရဟန်းတော်တို့၏ မေတ္တာဓာတ်ကြောင့် နတ်များက ချစ်ခင် လာ ကြပြီး ငြိမ်းအေးစွာ နေတော်မူကြရပါတယ်။
ရဟန်းတော် ငါးရာတို့ဟာ ထိုတောအုပ်မှာပင် ၀ါခေါင်လအတွင်း ဒုတိယ၀ါ ကပ်တော်မူကြပြီး မေတ္တာတရားကို ပွားများ ၍ ၀ိပဿနာ တရားကို ဆက်လက် အားထုတ်ကြရာ ၀ါမကျွတ်မီ အားလုံး ရဟန္တာ ဖြစ်တော်မူကြ ပါတယ်။

(က) ရဟန်းတော် ငါးရာကို အကြောင်းပြု၍ မေတ္တာသုတ်ကို ၀ါတွင်းကာလ၌ ဟောတော်မူခြင်း
(ခ) ရဟန်းတော် ငါးရာတို့ တောအုပ်သို့ ပြန်၍ ၀ါခေါင်လ၌ ပစ္ဆိမ၀ါ ကပ်တော်မူခြင်း

ဤအကြောင်းများကို ထောက်၍ ၀ါခေါင်လပြည့်နေ့ကို မေတ္တာအခါတော်နေ့ အထိမ်းအမှတ်အဖြစ် ကျင်းပရခြင်း ဖြစ်ကြောင်း တင်ပြရင်း နိဂုံးချုပ် ပါတယ်။

ကျမ်းကိုး။ ဓမ္မပဒ အဋ္ဌကထာ၊ ပ၊ နှာ၊ ၁၉၉၊ ၂၀၁။
ခုဒ္ဒကပါဋ္ဌ အဋ္ဌကထာ၊ နှာ၊ ၁၉၇၊ ၂၁၅။
သုတ္တနိပါတ အဋ္ဌကထာ၊ နှာ၊ ၁၇၅၊ ၁၉၂။

ဝါခေါင်လပြည့် မေတ္တာ အခါတော်နေ့ မေတ္တာအကြောင်း သိကောင်းဖွယ်ရာ များ

ဝါခေါင်လပြည့်နေ့ ကို မေတ္တာအခါတော်နေ့ အထိမ်းအမှတ်အဖြစ် ကျင်းပရခြင်းမှာ မေတ္တာသုတ် ဖြစ်ပေါ်လာပုံ သမိုင်း ကြောင်းနှင့် ဆက်စပ်၍ ကျင်းပခြင်း ဖြစ်ပါတယ်။

၁။ မေတ္တာသည် ပါဠိဝေါဟာရ ဖြစ်၍ မြန်မာလို ချစ်ခြင်းဟု အဓိပ္ပာယ်ရ၏။
၂။ မေတ္တာဓာတ်သည် ကြည်လင်အေးမြ၍ ငြိမ်းချမ်းသော သဘောကို ဆောင်၏။ တဏှာကဲ့သို့ နောက်ကျု ပူလောင် သော သဘောမျိုး မဟုတ်ချေ။
၃။ မေတ္တာသည် ဗြဟ္မ၀ိဟာရ တရားလေးပါးတွင်း တပါး အပါအ၀င် ဖြစ်၏။
၎။ မေတ္တာသည် အတိုင်းမသိသော သတ္တ၀ါတို့ အပေါ် အာရုံ ကျရောက်၍ အပ္ပမညာ တရားဟု တွင်၏။
၅။ မေတ္တာသည် ဈာန်ကို ရစေနိုင်သော ဗြဟ္မ၀ိဟာရ တရားထူး ဖြစ်၏။
၆။ မေတ္တာဗြဟ္မစိုရ်ကို ပွားများနေလျှင် ကမ္ဘာလောကကြီး ထာဝရ ငြိမ်းချမ်းနိုင်၏။
၇။ မေတ္တာအကျိုး ၁၁ မျိုးကို အင်္ဂုတ္တရပါဠိတွင် မြတ်စွာဘုရား ဟောကြားထားပါသည်။
၈။ မေတ္တာပွားနည်း ၁၁နည်းကို မေတ္တာသုတ်၌ မြတ်စွာဘုရား ဟောကြားထားပါသည်။
၉။ မေတ္တသုတ်မှာ ခုဒ္ဒက ပါဌနှင့် သုတ္တနိပါတ ပါဠိတွင် လာရှိပါသည်။
၁၀။ ၅၂၈သွယ် မေတ္တာပွားနည်းကို ပဋိသမ္ဘိဒါမဂ် တွင် ပြည့်စုံစွာ ဟောကြားထားပါသည်။
၁၁။ မေတ္တာကို အဒေါသ၏ ပရိယာယ် အဖြစ် ပိဋကတ်ကျမ်းဂန်တို့၌ ဟောကြားထားပါသည်။
၁၂။ မေတ္တာ၏ အဝေးရန်သူမှာ ဒေါသဖြစ်ပြီး အနီးရန်သူမှာ တဏှာလောဘ ဖြစ်လေသည်။
၁၃။ တဏှာရာဂသည် မေတ္တာအယောင်ဆောင်၍ သတ္တ၀ါကို လှည့်စားတတ်လေသည်။
၁၄။ မေတ္တာသည် ဒေါသ၏ ဆန့်ကျင်ဘက် ဖြစ်၍ ဒေါသဖက်သူက ကြမ်းတမ်းသလောက် မေတ္တာ ဖက်သူက ယဉ်ကျေး သိမ်မွေ့ လေသည်။
၁၅။ မေတ္တာဓာတ်သည် သီတာရေနှင့် လရောင်တမျှ အေးမြပြီး ဒေါသမှာမူ နေနှင့် မီးပမာ အပူဓာတ်ကိုသာ ပေးမြဲ ဖြစ်လေသည်။
၁၆။ ရေမြေခြား၍ ဝေးကွာနေသော်လည်း မေတ္တာဖြင့် ဆက်သွယ်လျှင် အနီးကလေးဟု ဆိုရ၏။
၁၇။ မေတ္တာကို အလျားအနံ မရှိသော်လည်း အသွားအပြန် ရှိသော တရားဟု ဆိုကြ၏။
၁၈။ စောင်ခြုံ၍မလုံနိုင်၊ မေတ္တာခြုံမှ လုံနိုင်၏။
၁၉။ ငွေဖြင့် ဆက်ဆံရုံဖြင့် မမြဲ၊ မေတ္တာဖြင့် ဆက်ဆံမှ တသက်ပန် မြဲနိုင်၏။
၂၀။ စက်၊ ဗုံး၊ အမြောက်မက ထက်မြက်ထိရောက်ပြီး တသက်လုံး အောက်ကျနိုင်သော လက်နက်မှာ သည်းခံခြင်း ဆိုသော မေတ္တာလက်နက်ပင် ဖြစ်လေသည်။
၂၁။ မေတ္တာစွမ်းရည်ကြောင့် ဆန့်ကျင်ဘက် ပြုသူတို့ အပေါ် အနိုင်ရရှိပုံကို သာမာဝတီ မိဖုရား၊ ဥတ္တရာ အမျိုးသမီးနှင့် မာဃ လုလင် တို့ကို သာဓက အဖြစ် ကြည့်သင့်၏။
၂၂။ အိုးအလုံး တရာဖြင့် တနေ့လျှင် သုံးကြိမ်ချက်၍လှူဒါန်းသော ဒါနထက် နို့တညှစ်စာ တခဏတာမျှ ပွားများသော မေတ္တာ ဘာဝနာက ပို၍အကျိုါ်ကြီးမားကြောင်း မြတ်စွာဘုရားက ဟောကြားထားလေသည်။

မေတ္တာစွမ်းအား အကျိုးများ

မေတ္တာသက်ဝင် သူတော်စင် အပေါင်းတို့ရှင့်

ဤကမ္ဘာလောကကြီးမှာ စွမ်းအား အထက်မြက်ဆုံး တရား အင်အားအကြီးမားဆုံး တရားကို ပြပါ ဆိုလျှင် မေတ္တာတရား ကို ပြရမှာ ဖြစ်ပါတယ်။
ကျွန်မတို့ ကိုးကွယ်ရာ မြတ်စွာဘုရား က မေတ္တာစွမ်းအား ကြီးမားပုံ အကျိုးများကို အဆင့် ၁၀ဆင့် ခွဲခြားပြီး ဟောကြား ထားခဲ့ပါတယ်။
၁။ ထမင်းရည် ချောင်းစီးအောင် လှူဒါန်းခဲ့တဲ့ ဘုရားအလောင်း ဝေလာမ ပုဏ္ဏားကြီး၏ အလှူဒါန မျိုးထက် သောတာပန် တဦးကို လှူဒါန်းရခြင်းက သာလွန်၍ အကျိုးကြီးပါတယ်။
၂။ သောတာပန် ၁၀၀ကို လှူရခြင်းထက် သကဒါဂါမ် တဦးကို လှူရခြင်းက သာလွန်၍ အကျိုးကြီးပါတယ်။
၃။ သကဒါဂါမ် ၁၀၀ကို လှူရခြင်းထက် အနာဂါမ် တဦးကို လှူရခြင်းက သာလွန်၍ အကျိုးကြီးပါတယ်။
၎။ အနာဂါမ် ၁၀၀ကို လှူရခြင်းထက် ရဟန္တာ တပါး ကို လှူရခြင်းက သာလွန်၍ အကျိုးကြီးပါတယ်။
၅။ ရဟန္တာ ၁၀၀ကို လှူရခြင်းထက် ပစ္စေကဗုဒ္ဓါ တပါး ကို လှူရခြင်းက သာလွန်၍ အကျိုးကြီးပါတယ်။
၆။ ပစ္စေကဗုဒ္ဓါ ၁၀၀ကို လှူရခြင်းထက် သမ္မာသမ္ဗုဒ္ဓ ဘုရား တဆူ ကို လှူရခြင်းက သာလွန်၍ အကျိုးကြီး ပါတယ်။
၇။ သမ္မာသမ္ဗုဒ္ဓ ဘုရား တဆူ ကို လှူရခြင်းထက် ဘုရား အမှူးပြုသော သံဃာတော် များကို လှူရခြင်းက သာလွန်၍ အကျိုးကြီးပါတယ်။
၈။ ဘုရား အမှူးပြုသော သံဃာတော် များကို လှူရခြင်းထက် စတုဒိသ သံဃာတော်ကို ရည်စူး၍ ကျောင်းဆောက် လှူရခြင်းက သာလွန်၍ အကျိုးကြီးပါတယ်။
၉။ စတုဒိသ သံဃာတော်ကို ရည်စူး၍ ကျောင်းဆောက် လှူရခြင်း ထက် သရဏဂုံ ၃ပါးကို ဆောက်တည်ခြင်း၊ ငါးပါး သီလ သိက္ခာပုဒ်ကို စောင့်ထိန်းခြင်းက သာလွန်၍ အကျိုးကြီးပါတယ်။
၁၀။ သရဏဂုံ ၃ပါးကို ဆောက်တည်ခြင်း၊ ငါးပါးသီလ သိက္ခာပုဒ်ကို စောင့်ထိန်းခြင်း ထက် နံ့သာ တရှူခန့်မျှ အချိန် ပိုင်းလောက် မေတ္တာ ပွားများခြင်းက သာလွန်၍ အကျိုးကြီးပါတယ်။ (ဝေလာမသုတ်)
ဤကဲ့သို့ စွမ်းအား ကြီးမား၍ အကျိုးများသော မေတ္တာတရားကို ကြိုးစားပွားများကြရန် တိုက်တွန်းရင်း နိဂုံးချုပ် ပါတယ်ရှင့်...

(မှတ်ချက်။ နိုင်ငံတော် ပိဋိကတ်တိုက်မှူး၊ အခြေခံဗုဒ္ဓဘာသာ ယဉ်ကျေးမှုသင်တန်း နည်းပြ ဆရာတော် ဘန္ဒန္တ ပညာသာမိ၊ ကလောင်အမည် မာဂဓီ-သာစည် ဆရာတော်ဘုရား ရေးသား စီရင်တော် မူသော အခါတော်နေ့ များ စာအုပ်မှ ကူးယူ ရိုက်နှိပ်ပါသည်။ ဤစာအုပ်ကို မောင်ငယ် မင်းယွန်းသစ်မှ ဓမ္မဒါန ပြုပါသည်။ )