Saturday, November 14, 2009

ဂွစာမနဲ့ အတိတ်က တန်ဆောင်တိုင်

တန်ဆောင်တိုင် ပွဲတော် ပြီးခဲ့တာ ၂ပတ်လောက်ရှိပြီ ဖြစ်ပေမယ့် ချင်းမိုင်ကတော့ ဗျောက်အိုးဖောက် ကောင်းတုန်း။ မီးပန်းနဲ့ မီးပုံးပျံ ပစ်လို့ လွှတ်လို့ အရှိန် မသတ်နိုင်သေး။ မယ်တန်ဆောင်တိုင်လို့ ခေါ်ရလောက်တဲ့ လွိုင်ကထုံမယ် ရွေးပွဲကတော့ နှစ်တိုင်းကလို ခမ်းခမ်းနားနား ပြီးခဲ့ပြီ။ ဒီလိုအချိန်ရောက်ရင် ဂွစာမလေးကို လွမ်းမိတတ်တာ ဇာတ်လမ်း ရှိလို့ပါ။

နင်က ပွေလီမ ကိုပဲ လွမ်းသလား.. ငါ့ကိုရော ဆိုပြီး ကလေးမဟုတ်ဘဲ ခြေရာက တိုင်းသေး။ နင့်အလှည့် လာ တော့မှ ငါ့ကို ထပ် စကားနာ မထိုးနဲ့နော် ဆိုတော့ ရီဖြဲဖြဲ။ သူနဲ့ ဆက်ဆံရတာ တခြား မိန်းကလေးတွေနဲ့ ဆက်ဆံ ရတာနဲ့ နည်းနည်းမှ မတူ။ သူ့အတွေးက သူများနဲ့ မတူ။ သူ့ခံယူချက်က သူများတွေနဲ့ တော်တော် ကို ကွဲပြား ခြားနား နေခဲ့လို့ ဂွစာမ ဆိုတဲ့ နာမည် တလုံး ရခဲ့သည်။ သူနဲ့ တွေ့တာ တက္ကသိုလ်မှာပါပဲ။
*****************************************************

"ဟာ.. မိုက်တယ်ကွာ ဆံပင်ရှည်ကြီးနဲ့တင် ကွင်းဖြစ်လောက်တယ်.. ဒါပေမယ့် ကိုယ့်ရုပ်လေးမှ အားမနာ .. ၀တ်ထား လိုက်တာ တိုက်ဂေါကြီး"
"ဟဟ အဲဒါ ဂွစာမ ကွ.. ဖရက်ရှာ ၀ဲလ်ကမ်းမလုပ်ခင် သူ့ကို ကွင်းပေးမယ်ဆိုပြီး ပြောပြော နေကြတုန်းက သူ က သူ့ သူငယ်ချင်း ယောက်ျားလေးတွေကို ပြောသတဲ့။ သူ လူမသိသူမသိ အေးဆေးပဲ နေချင်တယ် သူ့ကို ခင်ရင် မဲ မပေးပါနဲ့ တဲ့လေ။ တချို့ ကောင်မလေးတွေက သူ့ကို ရှောက်ကွင်း သရက်ကွင်း မရမ်းကွင်း ဆိုပြီး တိုးတိုးလေး ကပ်ကပ် ပြောသွား ကြတာ စိတ်ပျက်လို့တဲ့။ အများကြားမှာ သီးခြားကြီး သပ်သပ် ကွဲထွက် မနေချင် ဘူးတဲ့။ သူငယ်ချင်းတွေနဲ့ သာမန် သူလို ကိုယ်လို သိုက်သိုက်ဝန်းဝန်းပဲ နေချင်ပါတယ်တဲ့လေ။"
"ဟေ.. အဲလိုတော့ ဟုတ်သား… ဒါပေမယ့် တကယ်က မိန်းကလေး တော်တော်များများက ကွင်းဖြစ်ချင်လိုက် ကြတာမှ… သူတို့ကို လူဂရုစိုက် ခံချင်လွန်းလို့"
"အဲဒါကြောင့် သူ့ကို ဂွစာမ လို့ ခေါ်တာပေါ့ကွ… နောက်ထပ် ဂွကျပေါက်တွေ လာဦးမယ်.. မင်းစောင့်ကြည့် ထား"

ယောက်ျားလေး ၂ယောက် ကော်ရစ်ဒါမှာ ဖြတ်လျှောက်သွားရင်း ပြောသွားတဲ့ စကားကို အခန်းလွတ်က ချောင်ထဲမှာ ၂ယောက် သား စာလုပ်ရင်း ကြားလိုက်တော့ ဂွစာမ က မျက်လုံးလေး ပြူးကာ နှုတ်ခမ်းကို မဲ့ပြသည်။ နောက်တော့ ၂ယောက်သား တဟားဟား ရယ်မိကြသည်။ ဂွစာမတို့များ လူကသာ ဂွကျတာ မဟုတ်။ ကံ ကလဲဂွကျသည်။ သူများ အတင်းပြောတာ ပက်ပင်းမိတဲ့ ကံ က သူ့မှာ သိပ်ကို ပါလေသည်။
****************************************************************

ထိုင်းကိုရောက်တော့ သူ ပိုပြီး သပ်သပ်ရပ်ရပ် ဖြစ်လာသည်။ အ၀တ်အစားကို ဂရုစိုက်လာပြီ။ အနေအထိုင် အသွားအလာက အစ မြင်သူတိုင်း ချီးကျူးရလောက်အောင် သေသပ် လာခဲ့သည်။
"ဟဲ့… ငါ့ကို မေးနေတဲ့ လူတွေ ရှိတယ် နင် အချိုးတွေ ပြောင်းလာတယ်နော်.. တွေ့နေပြီလားတဲ့"
"နင်ကရော ဘယ်လိုပြန်ဖြေလိုက်တုံး"
"အိုးး နင်က တွေ့နေရုံနဲ့ အချိုးပြောင်းမယ့် လူစားလား.. အကြောင်းတွေ မသိတာကျနေတာပဲ"
"ကျွတ်.. အဲဒါပဲ မိန်းကလေး အလှပြင်ရင် ရည်းစားရတယ် ချည့်ထင်နေ.. ဂရုစိုက်စရာ ရည်းစား တမျိုးတစားထဲ ရှိတာ ကျနေ တာပဲ။ နိုင်ငံရပ်ခြားမှာ လာကျောင်းတက်တဲ့ လူတိုင်း ကိုယ့်နိုင်ငံကို ကိုယ်စားပြုပြီး ကျောင်းတက် နေရတာတဲ့ဟာကို။ ကိုယ့်နိုင်ငံ တုန်းကထက် အစစ အရာရာ ပိုဂရုစိုက်ရမှာပေါ့။ ကိုယ့်နိုင်ငံမှာ ပစ်စလက်ခတ် နေလို့ ရတယ်လို့တော့ မဆိုလိုပါဘူး။ ဒါပေမယ့် ကိုယ့်အိမ်နဲ့ သူများအိမ်လို အစစ သတိထားရတာ ချင်းတော့ ကွာတာပေါ့ဟာ။ "
"အေး.. နင်က အရင်တုန်းက ရုပ်ဖျက် ထားတာကို။ ခုတော့ တော်တော်ကို လှလာတယ် သိလား။ နိုင်ငံတကာ ကျောင်းသားများ နေ့ ရောက်တော့မယ်နော်။ ကိုယ့်နိုင်ငံ အမျိုးသားဝတ်စုံနဲ့ကိုယ် တက်ရမယ်တဲ့။ နင် အ၀တ်အစား အသင့် ဖြစ်ပြီလား။ ဈေးဝယ် မထွက်ဘူးလား"
"ဟင့်အင်း။ စာအုပ်ဖိုး ငွေချန်ရဦးမယ်။"
"နင် ဒီကိုအလာ မြန်မာ ၀တ်စုံတွေ ၀ယ်လာသေးလား"
"၀ယ်ဖြစ်ပါဘူးဟာ.. ကုန်ကျစရာတွေ များလွန်းတာနဲ့ ပြီးတော့ အ၀တ်အစား ၀ယ်ဖို့လဲ မအားတာနဲ့။ ငါ့အမေရဲ့ ချိတ်ထမီ အနီကြီး သယ်လာတယ် ဟိဟိ"
"ဟယ် လုပ်ချလိုက်ပြန်ပြီ။ နင့်အမေနဲ့ နင် ကိုယ်လုံးချင်းက ၂ဆလောက် ကွာတာကို။ ထမီက ထားပါတော့။ အင်္ကျီရော"
"ငါ့မှာ ပန်းရောင် ၀မ်းဆက် ဇင်းမယ်ချိတ်က အင်္ကျီရှိတယ်လေ။ အင်္ကျီကျ အရောင်က ပြောင် ဆိုတော့ အဆင်မပါတော့ တွဲဝတ် လို့ ရပါတယ်"
"အီ… နင်ကလဲ အနီချိတ်နဲ့ ပန်းရောင်ပြောင် .. နည်းနည်းမှ မလိုက်ဖက်တာ"
"အနီရောင် ဇာနဲ့ ခြုံပုဝါ ရှိပါတယ်ဟ.. အဲဒါ အပေါ်က ခြုံလိုက်ရင်တော့ အမြင် ကိုးလို့ကန့်လန့် မဖြစ်လောက်တော့ပါဘူး
ကပ်စေးနဲမ.. ဂွစာမ.. တကယ့်နေ့ကျမှ ဖြစ်ကတတ်ဆန်း လုပ်တယ်"
"ပိုက်ပိုက်မှ မရှိတာ.. နင်ဝယ်ပေးမလား ပြော"
"ငါလဲ မ၀ယ်နိုင်ပေါင်.. မာစရိုက်ချိတ်ပဲ ၀တ်မှာ… ဟဲ့… အလှပြင်တာတော့ ဟုတ်ပါပြီ ဆံပင်.. ဆံပင် ထုံးဖို့ရော"
"ဒါလေးများ ငါ့ဆံပင်ကို ဒီလိုလေး လိမ်တင်ပြီး ဟော့လိုလေး ဆံညှပ်နဲ့ ထိုးလိုက်ရင် French roll ပုံလေး ဖြစ်သွားရော အဲဒါကို ဒေါင်လိုက် မဟုတ်ဘဲ ၀ိုင်းဝိုင်းခွေခွေလေး ဖြစ်အောင် ထွင်ပြီး လက်နဲ့ ဟော့လိုလေး လှည့်လှည့်ပြီး ဆံညှပ်လေး တွေနဲ့ ဟော့လို ထိုးလိုက်တော့ မြန်မာဆံထုံး ပုံစံ ၀ိုင်းဝိုင်းလေး ဖြစ်သွားရော ဟဲဟဲ.. ဆံပင်ဆိုင် သွားပြီး ငွေကုန် မခံပေါင်"

ထိုနေ့က နိုင်ငံတကာ မယ်အဖြစ် ဂွစာမပဲ အရွေးခံရလေသည်။ ဒါတောင် ၀တ်ထားတဲ့ အ၀တ်နဲ့ လိုက်ဖက်တဲ့ လက်မှာ ပတ်စရာ နာရီကို မ၀ယ်ဘဲ ဗလာကျင်းနေလို့ သူ့သူငယ်ချင်း ကောင်လေး တယောက်က အတင်း ၀ယ်ဆင် ပေးမှ ၀တ်သွား လေသည်။ ဒီလိုဒီလို ပေတေသော ဂွစာမ ပါ။
**************************************************************

"ဟဲ့… နင့်ကို လွိုင်ကထုံမယ် ရွေးလိုက်တယ်ဆို"
"နင်ကလဲ မေဂျာ မတူဘဲ ဒီလောက် စာတမ်းတွေနဲ့ နပမ်းလုံး နေတဲ့ကြားက ဒီအကြောင်း ဘယ်လိုသိလာလဲ။ ခုမေဂျာ မယူနဲ့ စာနယ်ဇင်း မေဂျာ ပြောင်းလျှောက်ပြီး သတင်းထောက် သွားလုပ်။"
"ဒီလောက် နာမည်ကြီးနေတာကို မသိဘဲနေမလားဟ။ ဒါတောင် အစည်းအဝေးမှာ ဟိုဘက် Campus က လူက ပြောတာနော်။ နိုင်ငံခြားသားကို လွိုင်ကထုံမယ် ရွေးတာ ဒါ ပထမဆုံးပဲတဲ့။ ဘက်စုံ ကောင်းနေ တော်နေမှ ရွေးတာတဲ့။ လှတာ တခုတည်းနဲ့ ရွေးတာ မဟုတ်ဘူးတဲ့။ ငါတို့ မြန်မာတွေအတွက် ဂုဏ်ယူစရာပဲဟ ။ နင်က ဒီလိုရွေးခံရတာ မပျော်ဘူးလား"
"မပျော်ပေါင်။ နေပူကြီးထဲ ထီးလေးတချောင်း ဟန်ပြ ဆောင်းပြီး ဟန်ရေးပြ ထိုင်ရမှာ ညောင်းလိုက်မယ့် ဖြစ်ခြင်း။ ၀တ်ကောင်း စားကောင်းတွေ အတောင့် သားကြီး ၀တ်ပြီး ဆံထုံးတွေ မိတ်ကပ်တွေနဲ့ ပူလိုက်မယ့် ဖြစ်ခြင်း။ ပြီးတော့ ပွဲ မပြီးမချင်း ပါးစပ်ကြီး ကလဲ ဟော့ဒီလို ပြုံးထားရဦးမှာ ပါးညောင်းလိုက်မယ့် အဖြစ်"
"ဟားဟားဟား"
"ရီနေပါ.. ငါ့မှာတော့ စိတ်ညစ်လိုက်တာဟာ… သူ့ထိုင်းမ ကို သူ ရွေးတာ မဟုတ်ဘူး။ တချို့ ထိုင်းဆရာမ တွေနဲ့ ထိုင်းကျောင်းသူ တော်တော်များများက မကျေနပ် ကြဘူး။ ငါက စာတမ်းဖတ်ရတော့မှာ… ဘယ်လို အတိမ်းအစောင်းမှ အဖြစ် မခံနိုင်ဘူး။ ပြီးတော့ ကထိန် လှည့်မယ့်နေ့က ငါ့စာတမ်းနဲ့ ဆိုင်တဲ့ ညီလာခံ တခု တနေကုန် တက်ဖို့ ရှိတယ်။ ဟူးးးးး ဘယ်လို ကြံရ ဖန်ရ ပ။ အချိန်ကလဲ တပတ်ပဲ လိုတော့တယ်။"

မကြာပါ။ ဂွစာမ တယောက် နှုတ်ခမ်းကြီး ဖူးယောင်လာလေသည်။
"ဟဲ့ နင့်နှုတ်ခမ်း ဘာဖြစ်တာလဲ"
"ရေယုန်ပေါက်တာလေ အဟဲ"
"ဟောတော့ သန်ဘက်ခါ ကထိန်လှည့်တော့မှာ နင်ဘယ်လိုလုပ်မလဲ ဒီနှုတ်ခမ်းနာကြီးနဲ့"
"ဌာနကို သွားအကြောင်းကြားထားပြီလေ။ ဒီလိုဖြစ်လို့ တခြားတယောက်ကို လွိုင်ကထုံမယ် ရွေးပါ ဆိုပြီး အဟီး။ ခုတော့ 1st runner up ရွေးထားတဲ့ ဆေးကျောင်းသူလေး ရသွားပြီ။"
"ဒီရေယုန်က တိုက်တိုက်ဆိုင်ဆိုင် ခုမှ ဘာလို့ ပေါက်ရတာတုံး.. နင့် အသားအရေက အထိအခိုက် မခံ sensitive ဖြစ်လွန်းလို့ နင် ဒီလောက် ဂရုစိုက်နေတဲ့ ကြားထဲက ဘယ်လိုဖြစ်ရတာတုံး"
"ဟဲဟဲ စာကြည့်တိုက်ရှေ့က အများသုံး ရေအိုးစင်က ရေလေး သောက်လိုက်ရုံပါ။ ခုတော့ ငါတက်ချင်တဲ့ ညီလာခံကို နှုတ်ခမ်းနီ အရောင်ရင့်ရင့်လေး ဆိုးပြီး သွားတက်လိုက်ဖို့ ပြင်လိုက် ဆင်လိုက်ဦးမယ် ဟိဟိ"
"ဟာာာာာာာာာ လက်စသတ်တော့ နင်တမင် လုပ်တာကိုးးး ဂွစာမရဲ့ ကန့်လန့်မရဲ့ လက်လန်ပါ့တော်"
****************************************************************
အနှီ ဂွစာမ တယောက် ထူးထူးခြားခြား အိမ်ထောင်ကျပြီး ပြန်တွေ့ကြတော့လဲ ဒီလို တန်ဆောင်တိုင် အချိန်ပါပေ။

"ဟဲ့ ဂွစာမ.. နင် ညနေဘက် ဂါဝန်ကြီးနဲ့ လမ်းလျှောက် မထွက်နဲ့နော်"
"ဘာလို့တုန်းဟဲ့ စပ်စုမရဲ့"
"နင့်ကို မီးပုံးပျံနဲ့ မှားပြီး မှိုင်းတိုက်မှာစိုးလို့"
((( ဟားဟားဟားဟား)))
"နင် အခု အစစပြည့်စုံနေပြီ ဆိုတော့တော်တော် စိတ်ချမ်းသာ နေမှာပဲနော် .. ၀လို့လှလို့.. အရင်က အပူတွေနဲ့ ဆိုတော့ ပိန်ပိန်လေးရယ်"
"အင်း.. မသိတဲ့ လူတွေကတော့အဲလို ထင်မှာပဲ"
"ဟင်.. နင်ဘာတွေဖြစ်နေလို့လဲ"
"ဘယ်ကောင် ချွန်လိုက်တယ် မသိပါဘူးဟာ… ငါ့ကို ထောက်လှမ်းရေးက အသိတယောက်က မေးနေတယ်။ ထိုင်းမှာ ရောက်နေ တုန်းက အဖွဲ့အစည်းတွေနဲ့ ပတ်သက်နေတယ် စံခလဘူရီမှာ ဖောက်ခွဲရေး သင်တန်း ပေးနေတယ်ဆိုပြီး ငါ့နာမည်က ညီလာခံ အထိ စာရောက်လာတယ်တဲ့"
"ဟယ်တော့ ဘုရားဘုရား သွားပါပြီ ဘယ်လိုပြန်ပြောလိုက်လဲ နင် ဘယ်လိုလုပ်မလဲ ဒီလိုဆို နင် မြန်မာပြည် ပြန်လို့ မရတော့ ဘူးပေါ့။ နင့်ဘက်က ဘယ်လို ဖြူစင်ဖြူစင်.. ရာထူးလိုချင်လို့ ချွန်တဲ့လူကတော့ အကွက်ဆင် ထားမှာနော်"
"အင်းး အဲဒီကောလဟလကို အခု မလွှင့်နဲ့ဦး ။ လူအထင်ကြီး ခံရ နည်းလား မဖြေရှင်းသေးဘူးလို့။ … နောက် ၃လ နေမှ လွှင့်လို့။ ခု ဗိုက်ကြီး ခုနှစ်လနဲ့ ဖောက်ခွဲရေး သင်တန်း ပေးနေတယ် ကြားရင် ဘယ်သူမှ မယုံဘဲနေမှာ စိုးလို့လို့ ပြောလိုက်တယ် အဟီး"
"ဟာာာ ဒီလောက် အရေးကြီး နေတဲ့ အချိန်မှာ နင်ကလဲ ဂေါက် အားသေးတယ်"
"ဟ… မတတ်နိုင်ဘူးလေ။ ငါလောက် ကင်းအောင် နေတာ ငါအသိဆုံးပေါ့။ ဒီကြားထဲက ဘယ်လိုမှ အစပ် အဆက် မရှိဘဲ ချွန်ရင် ငါ့နာမည် သူတို့ အစီရင်ခံစာထဲ တက်ပေ့စေ။ နောက်ဆုံးမှ ငါဘယ်သူလဲ ဆိုတာ ပေါ်မှာပဲ။ အဲဒီအခါမှ တာဝန်ကို အလွဲသုံးစား လုပ်မှုနဲ့ နိုင်ငံတော်ကို သတင်းမှား ပေးမှု၊ သစ္စာဖောက်မှုနဲ့ အရေးယူ ခံရပေ့စေ။"
"တကယ်လို့ သူတို့က သိပ်ပိရိ နေပြီး နင့်ကို အရေးယူလာရင် ဘယ်လိုလုပ်မလဲ။"
"တရားကို နတ်စောင့်ပါတယ်။ နတ်မစောင့်ရင်လဲ နပ်ကတော့ စောင့်ရမှာပဲ။ အဲဒီလို ဖြစ်လာခဲ့ရင် ပါးပါးနပ်နပ်နဲ့ မထူးဇာတ် ခင်းရမှာပဲ။ မတရားတဲ့ လူတွေ လုပ်သမျှတော့ ငါက ခေါင်းငုံ့ မခံဘူး။"

ဤသို့ ဤနှယ် ဂွကျသော အနှီ ဂွစာမ တယောက် ခုတော့ ဘယ်ဆီရောက်လို့ ဘာတွေ ဖြစ်နေသည် မသိ။ ဘေးကင်းပြီး အေးချမ်း သာယာသော ဘ၀မှာ ပြုံးပျော် နိုင်ပါစေကြောင်း တန်ဆောင်တိုင် မီးဖောင်လေး မျှောရင်း ဆုတောင်း လိုက်ရ ပါတော့တယ် ချစ်သူငယ်ချင်းလေး ဂွစာမရယ်။

2 comments:

တန်ခူး said...

ဖတ်ပြီး မျက်စိတွေလည်သွားတယ်လှိုင်ရေ… ဂွစာမက လှိုင်ကိုယ်တိုင်ပဲ မဟုတ်ဘူးလား…

သက်ဝေ said...

ညီမ လှိုင်...
လက်ရေးလေးတွေကို အမက စိတ်ဝင်စားရင်း သူများတွေရဲ့ လက်ရေးနဲ့ သူတို့တွေရဲ့ အမူ အကျင့်လေးတွေ၊ စိတ်နေသဘောထားလေးတွေကို တွဲကြည့်နေမိတာပါ။
ညီမလက်ရေးကို အမ တွေ့ပြီးပြီပါပြီ...။

အမ တွေ့သလောက်ပြောရရင် ညီမလက်ရေးက သပ်ရပ်ပြီး အဆင့်အတန်းရှိတဲ့ လက်ရေးလေးပါ။ ဒီထက်လှအောင် ရေးလို့ရပေမယ့် ညီမက လှဖို့ ပဖို့ တအားကြီး စိတ်ရှည်ပုံ မရဘူး..။ ရှင်းရှင်းလင်းလင်းနဲ့ ဖတ်လို့ ရအောင် စိတ်မြန်လက်မြန်နဲ့ သွက်သွက် လက်လက် ရေးချထားသလိုပါပဲ...။

ဒါကို အမတွေ့ရတော့ ညီမက စိတ်မြန်တဲ့သူ၊ ပြီးတော့ စိတ်လဲ ရှင်းတဲ့သူ၊ အရာရာမှာ Do or Die ဆုံးဖြတ်ချက် မြန်တဲ့သူ၊ လှုပ်ရှားမှု သွက်လက်တဲ့ သူတယောက် လို့ အမတွေးကြည့်မိပါတယ်...။ ကိုယ်နဲ့ အဝေးကြီးက သူတယောက်ကို လက်ရေးလေးကနေတဆင့် တွေးကြည့် မြင်ကြည့်ရတာမို့ အများကြီး လွဲချော်နိုင်ပါတယ်...။ လွဲနေရင် စိတ်မရှိပါနဲ့နော်...