မြန်မာ အသိုင်းအ၀ိုင်းမှ လက်ကိုင်ဖုန်း အသုံးပြု ရာဇ၀တ် မှုများ

စိတ်ထဲ အချဉ်ပေါက် နေတာ တော်တော် ကြာပါပြီ။ ခိုင်လုံတဲ့ သက်သေများ မစုံသေးလို့ အောင့်ထားတာ ကြာပေါ့။ ခုတော့ လာလေရော့။
ကျွန်မတို့ ဇနီးမောင်နှံ ဒီကိစ္စနဲ့ ပတ်သက်လို့ နှောင့်ယှက် ခံနေရတာ ၂နှစ်ကျော် ပါပြီ။ လက်ကိုင်ဖုန်းက တစ် မိနစ်ခြား တစ်ခါ တူခနဲ မြည်နေတာ ဆယ့်ငါးမိနစ်ခြား တစ်ခါ ကရစ်ခနဲ သံရှည် ဆွဲနေတာ၊ ဘယ်လက်ကိုင်ဖုန်း၊ လိုင်းဖုန်း ကိုမှ forward call မလုပ်ထားဘဲ လင်မယားချင်း ဖုန်းခေါ်တာ ဖြစ်စေ၊ အပြင်ကို ဖုန်းခေါ်တာ ဖြစ်စေ မှာ “သင့် ခေါ်ဆိုမှုကို တခြား ဖုန်းနံပါတ် တစ်ခုထဲ forward လုပ်ပေး နေပါတယ်” ဆိုတဲ့ သတိပေးချက် ထွက် လာတာ စသဖြင့် မသင်္ကာ ဖြစ်လို့ ဖုန်းနံပါတ် ပြောင်းတာ ခဏခဏ ပါ။ ကုန်ကုန် ပြောရရင် တော့ ကျွန်မက လမ်းထွက်ရင် ဘယ်တော့မှ ပစ္စည်း မပျောက်၊ ခါးပိုက်နှိုက် မခံရ သမျှ အိမ်ထဲမှာ ဆိုရင်တော့ တွေ့ကရာ နေရာ မှာ ဖုန်းကို ကောက်တင် ထားတတ် ပါတယ်။ ဖုန်း ပျောက်လို့ ရှာရမှာ ပျင်းတဲ့ အတွက် လိုင်းဖုန်း ကနေ လက် ကိုင်ဖုန်း ကို လှမ်းခေါ်ပြီး missed call လုပ်ပါတယ်။ အသံကြားတဲ့ နေရာမှာ ဖုန်း ရှိတာ သေချာတာပေါ့။ မပိုင် ဘူးလား။ အဲ.. တခါတော့ ကိုယ့်မျက်စိ ရှေ့တင် မြည်နေတဲ့ လက်ကိုင်ဖုန်းကြောင့် လိုင်းဖုန်းကို ချခါနီး တဖက် က မိန်းမ အသံနဲ့ ဖုန်းထူး လာပါ လေရော.. ဟာဟ… လင်မယား ၂ယောက်သား မျက်လုံး အပြူးသားနဲ့ အသံ မထွက် နိုင်ဘဲ လက်ကိုင်ဖုန်းကို တစ်ယောက် တလှည့် နားထောင် ကြည့်ရင်း မျက်စိ မှိတ်ပြပြီး စပီကာ ဖွင့်လို့ ကျွန်မက စကားပြော ပါတယ်… ဟဲဟဲ … ဘယ်သူ့ စနက် ထင်ပါသလဲ… ဘယ်လို ပြောမယ် ထင်လဲဟင်

နောက်တကြိမ်က ကျွန်မရဲ့ ဟန်းဖုန်းကို ခေါ်တာပါ။ ဒီနံပါတ်ကို ခေါ်တာကျ ယောက်ျားရှင့်… ဖြစ်ချင်တော့ ကျွန်မက ဖုန်းနားထောင်ရ သိပ် ပျင်းကြော ထူပါတယ်။ ကျွန်မဖုန်း ဖြစ်နေစေဦး.. အနားမှာ အမျိုးသား ရှိနေရင် သူ့ကိုပဲ ကိုင်ခိုင်းပါတယ်။ ပြောချင်စိတ် ရှိမှ ကျွန်မက လက်လှမ်းယူပါတယ်။ ဗိုလ်ကျတယ်လို့ အမျိုးသားက ပြောလာရင် ရီဖြဲဖြဲနဲ့ ပြောင်ပြဆဲပါ။ ဖုန်းထဲက လူက “ကိုယ် သီဟလေ” တဲ့.. အဟ.. ကျွန်မရဲ့ သူငယ်ချင်း နာမည်ထဲ သီဟ ဆိုတာ မရှိပါ။ သီသီ ဆိုရင်တော့ နီးစပ်မည်။ နံပါတ်က လင်မယား နှစ်ယောက်လုံး မသိတဲ့ နံပါတ်။ နောက်တစ်ခုက ကျွန်မရဲ့ သူငယ်ချင်း ယောက်ျားလေးများ အားလုံးနဲ့ ကျွန်မရဲ့ အမျိုးသားကို မိတ် ဆက် ပေးထားသည်မို့ ကျွန်မ ပုံမှန် ချတ်တင် ထိုင်နေကျ လူ ၂၅၀ကျော် ထဲက ယောက်ျား ၁၀၀ ကျော်လုံးနဲ့ အမျိုးသားနဲ့ပါ ချတ်တင် ထိုင်နေကျပါ။ နှစ်ယောက်လုံးရဲ့ အီးမေးလ်ကို ကြုံသူက ကောက်စစ် ပေးသလို ဖုန်း ကိုလဲ ကိုင်ချင်တဲ့ လက်ကိုင်ဖုန်းကို ကိုင်ချင်သလို လင်မယား နှစ်ယောက်သား တူတူ တလှည့်စီ ကိုင်နေတာမို့ ဒီ၂ယောက်ကြားမှာ ဘာလျှို့ဝှက်ချက်မှ မရှိ။ စပီကာ ဖွင့်ပြီး ဖုန်းကိုင်တာမို့ ဘယ်က သီဟလဲလို့ ကျွန်မ ပြန် မေး နေတုန်း “ကိုယ့်ကို ပြန်ခေါ်” ဆိုပြီး ဖုန်းချ သွားလေသည်။ တင်စီးပ။ “ခေါက်ထားလိုက်” လို့ အမျိုးသားက ပြောပြီး ၂ယောက်သား ဂိမ်းဆက် ကစားကြသည်။ ခဏ နေတော့ ဖုန်း message တွေ လှိမ့်ဝင် လာပါရော။ ဟားဟား။ ဆက်ခေါက် ထားပြီး ဆက် ဂိမ်းဆော့ နေကြသည်။ ခဏနေတော့ ဖုန်းထပ် ဆက်လာ ပြန်သည်။ ဒီ တခါတော့ အမျိုးသားက ကောက်ကိုင်ပါသည်။ ဂိမ်းဆော့ ရတာ ဇိမ်ပျက်လို့ စိတ်တို နေပါပြီ။

“ဘယ်ကကောင်လဲကွာ၊ နားလည်မှု မရှိဘူးလား ညသန်းခေါင်ကျော်နေပြီ” လို့ ကြိမ်းလွှတ်တော့ “မင့်ဦးလေး” လို့ ပြောပြီး ဖုန်းချ သွားပါသည်။ နောက်ထပ် ဖုန်းပြန် မဆက်ပေမယ့် လင်မယား ၂ယောက် တူတူ သုံးသော အီးမေးလ်ထဲ အီစီကလီ မေးလ်တွေ သီဟ နာမည်နဲ့ တလှေကြီး ၀င်လာ လေသည်။ ဒီမေးလ် လိပ်စာနဲ့ ဒီဖုန်း နံပါတ်ကို သိသော လူထဲမှာ ဒီလို နှောင့်ယှက် ချင်စိတ် ရှိသော၊ မင်းတို့ကို စီးပွားပျက်အောင် လင်မယား ကွဲအောင် လုပ်ပြမယ်လို့ ကြိမ်းမောင်း ဖူးသော လူတစ်ဦးသာ ရှိပါသည်။ ထိုညက လင်မယား ၂ယောက်လုံး Red Alert II ကို ရွှေတံဆိပ်နဲ့ နိုင်ပါသည်။ ဂိမ်းဆော့လို့ ကောင်းလိုက်သည့် ဖြစ်ချင်း..

ကိုဘလာဂေါက် ဘန်ကောက်ကို လာတုန်းက အမျိုးသားနဲ့ အတူ ရှိနေစဉ် အပြင် ရောက်နေတဲ့ ကျွန်မက အမျိုးသားထံ ဖုန်းဆက် ပါ တယ်။ မိန်းမ သံ နောက်ကနေ ကြားနေ ရပါတယ်။ အပီအပြင် ညုနေ တာပါ။ ဒါနဲ့ ကိုဘလာဂေါက်နဲ့ ချက်ချင်း ဖုန်း ပြောတော့ ဘာ နောက်ခံ အသံမှ ရှိမနေ ပါဘူး။ သူတို့ ၂ယောက်က အတူ တူ ရှိနေ ပါတယ်။ ရီရသားနော်။ ဒါနဲ့ အမျိုးသားရဲ့ ဖုန်းကို ပြန်ခေါ်တော့ ညုတုတု မိန်းမသံက ထွက်နေဆဲ.. လက်ကိုင်ဖုန်းကို ကိုဘလာဂေါက်ထံ လက်ဆင့်ကမ်းဖို့ အမျိုးသားကို ပြောပြီး ကိုဘလာဂေါက်နဲ့ ဆက်ပြော ပါတယ်... ပြီးတော့ ကိုဘလာဂေါက်က အမျိုးသားကို လက်ကိုင်ဖုန်းကို ပြန် လက်ဆင့် ကမ်းလိုက် ပါတယ်။ ဒီလောက်ဆို ခိုင်လုံ ပြီလေ။ "ယောက်ျားရေ.. မိန်းမ အပြင် သွား နေတုန်း ယောက်ျားကို ပြုစုဖို့ ငှားပေး ထားတဲ့ မိန်းမက အပြုစု ကောင်းရဲ့ လား။ မကောင်းရင် ဖြုတ်ပစ်ပြီး နောက်တစ်ယောက် အသစ် ခန့်လိုက်နော်" လို့ အငေါ်တူး ပြောလိုက်တော့ ချက်ချင်း မိန်းမ သံ တိတ်သွား ပါ ရော။ လက်ကိုင်ဖုန်း လိုင်းချင်း ပူးတာ ဆိုရင် ဒီလို အသံ ချက်ချင်း တိတ်စရာ အကြောင်း မရှိ ပါဘူး။ အမျိုးသား ခမျာ ကျွန်မ ဘာသံ ကြားနေတယ် ဆိုတာ မသိရှာလို့ အူကြောင်ကြောင် နဲ့လေ။ ကျွန်မ ဒီလို checking လိုက်နေတယ် ဆိုတာ ကိုလဲ ကိုဘလာဂေါက်ရော အမျိုးသားပါ မသိလိုက် ပါဘူး။ နောက်မှ ပြန်ပြော ပြရ ပါတယ်။ လာလည် သွားတာ ကျေးဇူးပါ ကိုဘလာဂေါက်ရေ… ခင်ဗျား တစ် ယောက်လုံး အနားမှာ သက်သေ ရှိနေ ပေလို့ပဲဗျို့။ အဲဒီ အချိန် "နင့်ယောက်ျားဆီ ဖုန်းဆက်တာ နောက်က မိန်းမသံ ကြားရသဟ"လို့ လာပြော နေတဲ့ အနားက သူငယ်ချင်းများ တခါတည်း သံသယ ရှင်းသွားလို့ပါ။ စပီကာ ဖွင့်ပြီး ပြောသလေ။ ကိုယ့်ယောက်ျား အကြောင်း တော့ ကိုယ်သိတာပေါ့နော။ ကိုယ်သိရုံနဲ့ မပြီး၊ သူများ သံသယ ရှင်းဖို့လဲ လိုသေးတာကိုး။

ဖုန်းခေါ်ခ မတတ်နိုင်လို့ ကျွန်မတို့ simcard ကို ပွားယူ ခိုးသုံး တာလားလို့ သနားမိလို့ ပြသနာ မလုပ်ဘဲ ဖုန်းကဒ်ထဲ ကျန်သမျှ ငွေ ကုန်ရင် နံပါတ် အသစ် ပြောင်းမယ်လို့ ဆုံးဖြတ်ပြီး အရေးမကြီးတဲ့ ခေါ်ဆိုမှုများ အတွက် အဲဒီ နံပါတ်ကို ဆက်သုံး ပါတယ်။ ဟဲဟဲ.. ပိုက်ပိုက် ဖြည့်ပေးသဗျ… သက်တမ်း မကုန် စေချင်ဘူး ထင်ပါ့။ ဒါမှ ဆက်လက် ခိုးနားထောင်လို့ ရမယ် ထင်ပုံ ရတယ်။

ဒီလို လုပ်လို့ ရရိုးလားလို့ သိချင်စိတ် ပြင်းပြ လာတာနဲ့ ဆက်သွယ်ရေး ကုမ္ပဏီ များမှာ လုပ်နေတဲ့ သူငယ် ချင်း နိုင်ငံခြားသားများနဲ့ မြန်မာ များထံ စနည်း နာပါတယ်။ ဟုတ်ကဲ့။ မြန်မာပြည်ထဲက ကျေးဇူးရှင် အဖျက် သမား က သူ့ဝန်ထမ်းကို Thai Telecom မှာ အလုပ်ဝင်ခိုင်း ထားပါသတဲ့။ တာမွေ ပလာဇာ အောက်က ကုလားဆိုင်မှာ simcard ကော်ပီ ပွားတာ တစ်ချပ်မှ ကျပ် တစ်သောင်းသာ ပေးရပြီး နေ့ချင်းပြီး ပါတယ်တဲ့။ အဲဒီ ဘိုးတော်ကို ဘန်ကောက် ခေါ်လာပြီး ပွားခိုင်းရင် အဲဒီ ဘိုးတော်က ပျော်ပျော်ကြီးလုပ်ပေးမှာ သေချာ သပ။ ဒီလိုနဲ့ ဆက်ပြီး တမင်သက်သက် မဟုတ်ပေမယ့် ခရီးသွား ဟန်လွှဲ ကြုံလို့ စပ်စုရင်း မေးရင်း မြန်းရင်း သိလာ သမျှကို ဘလော့ဖတ်သူ များနဲ့ ဘော်ဘော် များကို ဝေမျှ ပါမယ်။

ပထမဆုံး ဖုန်းကုမ္ပဏီများရဲ့ ဆက်သွယ်ရေး ကွန်ယက်များ အလုပ်လုပ်ပုံကို ပြောပါမယ်။ ဒုတိယ အနေနဲ့ sim card ခေါ် လက်ကိုင်ဖုန်းများ ဆက်သွယ် အသုံးပြု နိုင်တဲ့ ဆားကစ် ပြားလေးများရဲ့ အလုပ်လုပ်ပုံကို ပြောပါ မယ်။ တတိယ အနေနဲ့ ဘယ်လို ဘယ်ပုံ နံပါတ် ခိုးယူ ပုံတူပွားတယ် ဆိုတာ ပြောပါမယ်။ နောက်ဆုံး အနေနဲ့ မြန်မာ နိုင်ငံက ယုဇန ပလာဇာနဲ့ တာမွေ ပလာဇာ အောက်ရယ်၊ ထိုင်းနိုင်ငံက MBK Shopping Mall က Myanmar Corner နဲ့ ထိုင်းနိုင်ငံတွင်း မြန်မာ အများဆုံး တည်ရှိရာ မဟာချိုင်မှာ အခြေစိုက်တဲ့ မြန်မာ စစ်တပ်၊ ဆက်သွယ်ရေး တပ်က စစ်ပြေးဟောင်း ဆိုသူများ ထူထောင် ထားတဲ့ လက်ကိုင်ဖုန်းက simcard များ ပုံတူကူး ပွားယူ နှောင့်ယှက် စီးပွားဖြစ် နေကြပုံများကို တင်ပြ ပါမယ်။
(ဆက်လက် တင်ပြ ပါဦးမည်)