နေဘုန်းလတ်ရဲ့ Valentines’ Day
ဒီနေ့ ချစ်သူများနေ့ ပါတဲ့ သူငယ်ချင်းများက ဆုတောင်း ပေးနေကြ ပါတယ်။ ကျွန်မက ပြောတဲ့ စကားကို သဘောကျတဲ့ သူငယ်ချင်း တစ်ယောက်က စီဘောက်စ်မှာ ပြန်နောက် သွားပါတယ်။ ဟုတ်ပါတယ် .. ကျွန်မ ပြောတဲ့ စကားက
ချစ်သူကို သတိရနေတဲ့ အချိန်တိုင်း Valentines
ချစ်သူကို သတိရနေတဲ့ နေရာတိုင်း Honeymoon ပါလို့..
သူများတွေ ပျော်နေချိန်၊ တချို့လဲ ၀မ်းနည်းနေမှာပေါ့လေ.. ဘလော့ဂါ တွေက ပျော်လျက် တဖုံ၊ ၀မ်းနည်း လျက် တနည်း၊ သံဝေဂတွေ တလီနဲ့ သူ့နည်းနဲ့သူ ကိုယ်ပိုင် ဘလော့လေး တွေမှာ ချစ်သူများနေ့ကို ဆင်နွှဲနေကြ ပါတယ်။ ဒါပေမယ့် အားလုံးထဲမှာ စိတ်မကောင်း ဖြစ်ရဆုံးက လွတ်ကျခဲ့တဲ့ မြို့တော် ပိုင်ရှင် အနုပညာကို ရူးသွပ်စွာ ခုံမင် မြတ်နိုးတဲ့ စာရေးဆရာ၊ ကဗျာဆရာ၊ တေးရေးဆရာ ဘလော့ဂါ နေဘုန်းလတ် တစ်ယောက် သူ့ချစ်သူ အတွက် ချစ်သူများနေ့မှာ ဘာ အမှတ်တရမှ ဘလော့ပေါ် မတင်နိုင်ခဲ့ရှာပါဘူး။
သူ့ချစ်သူကို သူ တမ်းတ နေမလား
သူချစ်တဲ့ ဘလော့လေးကို မှန်းဆ နေမလား
သူချစ်တဲ့ ဘလော့ဂါ ရပ်ဝန်းကို လွမ်းဆ နေမလား
ဘာပဲဖြစ်ဖြစ် သူချစ်တဲ့ အရာအားလုံးကို သူ အိပ်မက် နေမှာတော့ သေချာပါတယ်
သူကိုယ်တိုင် ရေးစပ် သီကုံးပြီး သူ့ညီလေး ကိုသူ ကိုယ်တိုင်တီး၊ ကိုယ်တိုင် ဆိုထားတဲ့ ဒီ သီချင်းလေးထဲက အတိုင်း သူချစ်တဲ့ သူတွေ၊ သူချစ်တဲ့ အရာတွေကို တမ်းတ နေမယ့် နေဘုန်းလတ် ကိုယ်စား သူ့ကို ချစ်တဲ့ သူ့ သူငယ်ချင်း များကပဲ သူ့သီချင်းလေးကို ချစ်သူများနေ့ အမှတ်တရ အဖြစ် စာဖတ်သူများနဲ့ မျှဝေ လိုက်ပါ တယ်။ သူ့ဘလော့က အိပ်မက် နံပါတ် ၅ ဆိုတဲ့ ပို့စ်လေးကို ခံစား သီကုံး ထားတဲ့ သူရေးတဲ့ သီချင်း လေးကို စာဖတ်သူ အားလုံး ခံစား နားလည် နိုင်ကြ ပါစေနော်။
နေဘုန်းလတ် ရေးတဲ့ သီချင်း = အိပ်မက် နံပါတ် ၅
1 comment:
စိတ်မကောင်းဖြစ်ရပါတယ်
Post a Comment