မုန်တိုင်းက ပေးသော ဘာသာရေး အတွေး

နာဂစ် မုန်တိုင်း ၀င်အပြီး လူတွေ တော်တော်များများ တွေဝေ ကုန်ပါတယ်.. ဘာသာရေး နဲ့ သဘောတရားရေး အရပါ.. တော်တော် များများက ချတ်တင်မှာ လာပြောကြတာကို ဘ၀င် မကျလို့ “လုပ်တာ နအဖ ထိတာ ပြည်သူ မို့ ဗုဒ္ဓ ဘာသာကို မယုံချင်ဘူး”လို့ လာထိခိုက် ပြောနေလို့ ခု ပို့စ်ကို ရေးဖြစ်တာပါ။

မြန်မာ နိုင်ငံဟာ ဗုဒ္ဓဘာသာ ထွန်းကားတဲ့ နိုင်ငံမို့ သဘာဝ ကပ်ဘေး နည်းပါးတယ်လို့ အမြဲ ဂုဏ်ယူနေကျ နိုင်ငံပါ။ ခါတိုင်းနှစ်တွေ မုန်တိုင်းလာရင် မုန်တိုင်းဟာ မြန်မာ နိုင်ငံကို အဖျားသာ ခတ်လေ့ ရှိပြီး အိန္ဒိယနဲ့ အထူး သဖြင့် ဘင်္ဂလားဒေ့ရှ် နိုင်ငံထဲ ကိုပဲ ၀င်သွားလေ့ ရှိပါတယ်။ ကျန်ခဲ့တဲ့ စက်တင်ဘာမှာ ရွှေဝါရောင် တော်လှန်ရေး မှာ သံဃာတော်တွေ နအဖရဲ့ အသတ်ခံ ရပြီး တဲ့နောက် အင်အား ကြီးလှတဲ့ နာဂစ် မုန်တိုင်း ကြီးဟာ မြန်မာနိုင်ငံကို ခါးလယ်က ဖြတ်တိုက်ပြီး တည့်တည့်ကြီး ၀င်သွားခဲ့ ပါတော့တယ်။ ဒီမှာတင် “သံဃာ ကို သတ်တာ နအဖ၊ မုန်တိုင်း ထိတာ ပြည်သူ” ဆိုတဲ့ အတွေးတွေ ၀င်ကုန် ပါတော့တယ်။

အဂတိ တရား လေးပါး ရှိပါတယ်။ မြန်မာလို ပြောရရင် ဘက်လိုက် ရခြင်း အကြောင်း လေးပါးပေါ့။ ဆန္ဒဂတိ= ကိုယ်တိုင်က ဖြစ်စေ ချင်လို့ ဘက်လိုက်ခြင်း၊ ဘယာဂတိ= ကြောက်လို့ ဘက်လိုက်ခြင်း၊ မောဟဂတိ= တွေဝေ မိုက်မဲ သောကြောင့် ဘယ်ဟာက အမှား၊ ဘယ်ဟာက အမှန်မှန်း မသိလို့ ဘက်လိုက်ခြင်း၊ ဒေါသ ဂတိ= စိတ်ဆိုး ဒေါသထွက် ခြင်းကြောင့် ဘက်လိုက်ခြင်း ပါတဲ့။ ကျန်ခဲ့တဲ့ စက်တင်ဘာ တော်လှန်ရေးမှာ သံဃာကို နအဖက သတ်တော့ ပြည်သူ တွေက သံဃာတော် တွေကို ရွပ်ရွပ်ချွံချွံ ကာကွယ် ခဲ့ပါသလား။ သံဃာတော်တွေ ဘက်က လိုက်ခဲ့သလား။ နအဖ ဘက်က လိုက်ခဲ့သလား။ ပြည်သူတွေရဲ့ လုပ်ရပ်ဟာ သံဃာတော် တွေဘက်က လိုက်ခဲ့ရာ ရောက်သလား။ နအဖ ဘက်က လိုက်ခဲ့ရာ ရောက်သလား။

ဆိတ်ဆိတ် နေခြင်းသည် ၀န်ခံရာ ရောက်တယ် … ကိုယ်တိုင်၊ တိုက်တွန်း၊ ချီးမွမ်း၊ စိတ်တူ သည်လေးဟူ တူတူ အကျိုး ရသည် ဆိုတော့ ဆိတ်ဆိတ် နေတာဟာ စိတ်တူ သဘောတူ တာနဲ့ သွားညိ နေတာပေါ့။ ဘာလို့ ပြည်သူက ဆိတ်ဆိတ် နေခဲ့တာလဲ.. ကြောက်လို့လား။ ဒါဆို ဘယာဂတိပေါ့.. ဒါပေမယ့် ကြံ့ဖွံ့၊ စွမ်းအားရှင် နဲ့ တချို့ စစ်သားတွေက ဆန္ဒဂတိလဲ ပါပါ လိမ့်မယ်.. ခိုင်းတာ လုပ်လို့ ရာထူး တက်ရင် ငါနဲ့ ငါ့ဆွေမျိုး ကောင်းစားရေး အတွက် ဆိုပြီး တော့လေ.. ပြည်သူ တချို့ တွေက သူများ နောက်က လိုက်လိုက် တာပေါ့ ဆိုတဲ့ မောဟဂတိနဲ့ နေခဲ့ ကြတယ်။ ဒီလိုနဲ့ ဘုန်းကြီးကို သတ်တဲ့ နအဖရဲ့ လုပ်ရပ်ကို ဆိတ်ဆိတ် နေခြင်းဖြင့် စိတ်တူ နေလို့ (သို့မဟုတ်) စိတ်တူရာ ရောက်နေလို့ ဒီလို ကပ်ဘေး ထိတာလို့ ကောက်ချက် ချမိ ပါတယ်။

ဒီနေရာမှာ စိတ်မတူ ဘဲနဲ့ တော်လှန် နေလျက်နဲ့ ကပ်ဘေး ထိတာကို ထည့်ပြောချင် ပါတယ်။ ကျွန်မက ဗုဒ္ဓဘာသာဝင်မို့ သံသရာမှာ ဘ၀ အဆက်ဆက် ရှိတယ်လို့ ယုံပါတယ်။ အတိတ်ဘ၀က ၀ဋ်ကြောင်း ပါလာ လို့ ကတော့ မြတ်စွာ ဘုရား သက်တော် ထင်ရှား ရှိလျက် နဲ့တောင် မျက်ကွယ်ပြုရတဲ့ အဖြစ်တွေ ရှိပါ တယ်။ အတိတ်ဘ၀က ငှက်သတ်သမား မုဆိုးများ ခုဘ၀မှာ ရဟန်း ဖြစ်တော့ ၀ဋ်ဆပ်ချိန် ရောက်တော့ ရဟန်း တပါး က စိတ်ဖောက် လာပြီး တခြား ရဟန်း တွေကို လိုက်သတ် ပါတယ်။ အသတ် ခံမယ့် ရဟန်း များကလဲ လိုလို လားလား အသတ်ခံ ကြပြီး ဝေဒနာကို ကမဌာန်း ရှုလို့ ရဟန္တာ အဖြစ် ပရိနိဗ္ဗာန် ၀င်စံ ကြပါတယ်။ သူတို့ ၀ဋ် ကြောင်း ကြီးလို့ မြတ်စွာဘုရားက ဘယ်လိုမှ တားမရလို့ တပါးတည်း ဂန္ဓကုဋီ တိုက်ထဲမှာ တနေကုန် မျက်ကွယ်ပြု နေခဲ့ရ ဖူးပါတယ်။

ဒါဖြင့် ဘာကြောင့် သံဃာကို သတ်ဖို့ အမိန့်ပေးတဲ့ နအဖ ကိုယ်တိုင်ကျ ဘာမှ မဖြစ်သေး တာလဲ လို့ မေးစရာ ရှိလာပါတယ်။ မြတ်စွာဘုရား ကိုယ်တော်မြတ်ကြီး ကိုယ်တိုင်ကို အခါခါ သတ်ဖို့ ကြိုးစားခဲ့တဲ့ ဒေ၀ဒတ်ဟာ ချက်ချင်း မြေမမျိုပါဘူး။ ဗုဒ္ဓဘာသာ သာသနာ ဟာ အချိန်စောင့်ပါတယ်။ ပြင်ချိန်ပေး ပါတယ်။ ဒါပေမယ့် တရားလွန် လာတဲ့ အခါ သံဃာကို သင်းခွဲလို့ ပတ္ထုဇန သံဃာ့ ကံဆောင် သပိတ် မှောက်တာ ခံရပြီးတဲ့ အခါမှာ ရဟန်း၊ ရှင်၊ လူ အားလုံးက သူ့ကို ၀ိုင်းပယ် ကြဉ်ရှောင် လာတဲ့အခါ နောင်တ ရလို့ တောင်းပန်ဖို့ မြတ်စွာ ဘုရား ထံမှောက် ရောက်အောင် သွားတဲ့ အခါ တွေ့ခွင့်တောင် မရတော့ ပါဘူး။ တကမ္ဘာစာ ငရဲကျ ခံဖို့ စု ထားတဲ့ အကုသိုလ် ရိက္ခာထုပ် ပြည့်ပြီ ဖြစ်လို့ လမ်းခုလတ်တင် မြေမျိုခံရပြီး အ၀ီစိကို ကျရပါတယ်။ တကမ္ဘာ စာ ပြန်မပေါ် စတမ်း ငရဲ ကျခံ ရပါတယ်။ အဲလို ငရဲ ကျခံ နေရတုန်း အချိန်မှာ တသံသရာ လုံးက လုပ်ခဲ့တဲ့ ကုသိုလ် တွေဟာ လုံးဝ အကျိုး ပေးခွင့် မရတော့ ပါဘူး။ ငရဲက လွတ်တဲ့ အထိ စောင့်ရ ပါတော့တယ်။ ဒီတော့ လောဘတကြီး အကုသိုလ် ရိက္ခာစု နေတဲ့ သူတွေကို တသံသရာ လုံးက လုပ်လာတဲ့ ရှိစုမဲ့စု ကျန်သမျှ ကုသိုလ် ရိက္ခာတွေ ယတြာ အားကိုးနဲ့ ကုန်အောင် သုးံပါစေ… ၀ဋ်မှာ ရိက္ခာထုပ် မှားပြီး ၀ဋ်လည်တယ် ဆိုတာ မရှိပါဘူးနော်…

နောက်တစ်ချက်က ကျွန်မတို့ မြန်မာ နိုင်ငံဟာ ဗုဒ္ဓ ဘာသာ နိုင်ငံလို့သာ ဆိုပါတယ်.. ပြည်သူ ဘယ်လောက် ရာခိုင်နှုံးက ဗုဒ္ဓ ဘာသာ စစ်ပါသလဲ။ ကိုယ့်ကိုယ်ကို ဗုဒ္ဓ ဘာသာလို့ ခံယူ ထားသူများ ကိုယ်တိုင် ဖြေကြည့်ပါ။ မနက်တိုင်း ဘုရား ပုံမှန် ရှိခိုးတာ ကောင်းပါတယ်။ ဒါပေမယ့် ဘုရား ရှိခိုး ငါးပါး သီလ ခံပြီးရင် ဘုရားစင်က မျက်နှာ ကွယ်တာနဲ့ လိမ်ပြောတာ၊ ရုံးချိန် ခိုးတာ (ရုံးနောက်ကျတာ) ၊ အစချီလို့ ဘုရားရှေ့ ကတိခံ ထားသမျှ ချိုးဖောက် ပါတယ်။ စတည်းက မတည်နိုင်ရင် ဘုရားရှေ့မှာ လက်အုပ် ချီပြီး သွားမလိမ် ပါနဲ့။ ကိုယ့် အထက် လူကြီး ဆီကို ကတိ သွားပေးပြီး သူ့ကွယ်ရာ ထင်ရာ စိုင်းမှန်း အထက်လူကြီး သိရင် ဘာလုပ်မလဲ။ သူ့ပီအေ ကရော ဘာလုပ်မလဲ။ မြတ်စွာ ဘုရားဟာ အတုမဲ့ အနှိုင်းမဲ့ ဂုဏ်သရေ ရှိ လူသား ဘုရားပါ။ မြင်သာအောင် လွန်လွန် ကျူးကျူး နှိုင်းပြ တာပါ။ ဒီလိုဆို ဂျပန်၊ တရုတ် နိုင်ငံများ ဘယ်လိုလုပ် မလဲလို့ မေးစရာ ရှိလာ ပါတယ်။ သူတို့ရဲ့ ဗုဒ္ဓဘာသာ က ဘုန်းကြီးက အရက်သောက်၊ မိန်းမယူလို့ တောင် ရတယ် လို့ ဆိုလာ ပါတယ်။ ဒါဆိုရင် ကျွန်မက သာသနာချင်း နှိုင်းပြောပါမယ်။

မြန်မာ နိုင်ငံက ဗုဒ္ဓဘာသာဟာ ထေရ၀ါဒ သာသနာ (ဘုရား ဟောသမျှ တရားကို လုံးဝ ပြုပြင် စီရင်ခြင်း မရှိဘဲ အတိ အကျ နဂို မူလ အတိုင်း ထားပြီး ကျင့်ကြံတဲ့ သာသနာ) ပါ။ တရုတ်၊ ဂျပန်၊ ကိုရီးယားက မဟာယာန သာသနာ (ဘုရား ဟောသမျှကို နောက်ပိုင်း လူတွေက ပြင်ချင် သလို ပြင်၊ ထုတ်နှုတ် ဖြည့်စွက် စိတ်တိုင်းကျ လျှောက်လုပ် ထားတဲ့ သာသနာ) ပါ။ ဒီတော့ ဘယ်သူ့ တရားက မှန်ကန် ပြင်းထန် မလဲ။ ဆေးစစ် ကို တန် ဆေး၊ လွန်ဘေး စားရပါတယ်။ ဆေးစစ်ဟာ ပြင်းထန် ပါတယ်။ ဒီလိုပဲ တရားတော် အစစ်ဟာ တန်ခိုး သတ္တိ အာနိသင် ပြင်းထန် ပါတယ်။ မရိုသေ မလေးစားရင် ဒဏ်ပြန် ထိမှု ပြင်းထန် ပါတယ်။ ဒီတော့ ဘုရားကို လိမ် ရင်၊ တရားတော်ကို လိမ်ရင် ဆိုးဆိုးရွားရွား ဒဏ်ပြန် ထိပါတယ်။ ဒီတော့ မြန်မာ နိုင်ငံက ဗုဒ္ဓ ဘာသာ ၀င်များ ဘုရားရှိခိုးတာ ကောင်းပါတယ် ကုသိုလ် ရပါတယ်။ ဒါပေမယ့် ငါးပါးသီလ ခံပြီးမှ ချိုးဖောက်ရင် ချိုးဖောက် တာ တပြစ်၊ ခံယူ ပါမယ်လို့ လိမ်တာ တပြစ် ဖြစ်နေပါ့မယ်။

နောက်ဆုံး အနေနဲ့ ပြောချင် တာကတော့ ဒေါက်တာစိုးထက် ကောမန့် ပေးဖူးတဲ့ အတိုင်း ထေရ၀ါဒ ဗုဒ္ဓ ဘာသာ သာသနာဟာ အကျင့် တရားကို ဦးစားပေးတဲ့ သာသနာပါ။ တရားတော်အတိုင်း ကျင့်ကြံ နေထိုင်ရင် လူမျိုး၊ ဘာသာ မရွေး အကျိုးပေးပါတယ်။ ခရစ်ယာန် ဘုရားကို ရှိခိုးနေ ပေမယ့် ဗုဒ္ဓဘာသာရဲ့ တရားတော် နဲ့ အညီ ကျင့်ကြံ နေထိုင် သလို ဖြစ်နေ ရင်ကို ကောင်းကျိုး ချမ်းသာ ရစေပါတယ်။ နမူနာ အနေနဲ့ ပြောတာပါ။ အဓိကက အကျင့် တရား ဖြစ်ပါတယ်လို့ တွေးမိသမျှ ကလေးကို ပြောရင်း နိဂုံးချုပ် ပါရစေရှင်။

အမိမြန်မာ နိုင်ငံမှ နိုင်ငံသူ နိုင်ငံသားများ အမြင်မှန် အကျင့်မှန်ဖြင့် တရားကျင့်ရင်း ချမ်းသာ သုခ အစစ်ကို ရကြပါစေ။

သဗ္ဗေသတ္တာ .. သတ္တ၀ါ မှန်သမျှ .. ကမ္မသကာ .. မိမိရဲ့ ကောင်းမှု မကောင်းမှု သည်သာလျှင် ကိုယ်ပိုင် ဥစ္စာ ရှိကြပါတကား…

ရေးခဲ့ဖူးသော သက်ဆိုင်ရာ ပို့စ်များ။ ။
ဘလော့မှာ ပို့စ်တရာပြည့် အမှတ်တရ (အ၀ါရောင် ကတုံး အတုံးအရုံး)
ငရဲကို တိုက်ရိုက်ကျတဲ့ အကြီးဆုံး အကုသိုလ် ကံကြီးများ
ဘာသာတရား လိုက်စား သူများ အရွတ်အဖတ် ၀ါသနာ ကြီးသူများ ကပ်ကြီးသုံးပါး ဘေးက လွတ်အောင် ရတနသုတ်တော်ကို အချိန်မီ ရွတ်ဖတ်ကြပါစို့
ရတနသုတ် ပါဠိတော်နဲ့ မြန်မာ အသံထွက်