ရေခဲပြင်ထဲမှာပွင့်တဲ့ပန်း

Wednesday, October 15, 2014

ကောင်းကင် .. ကို အောင်အောင်မြင်မြင် ပြောင်းလဲခြင်း

အခု ဘန်ကောက်စံတော်ချိန် သန်းခေါင်ကျော်.. ခုလေးတင် အပြင်က ပြန်ရောက်တယ်။ လွန်ခဲ့တဲ့ လေးနှစ်က ဘန်ကောက်မှာ သာတဲ့လဟာ လိမ္မော်နီရောင်.. ဒါကြောင့်လဲ လရောင်ဖြူဖြူတွေ ရှိတဲ့တခြားမြို့ကို ပြောင်းခဲ့တယ်။ ဒါပေမယ့် အကြောင်းကြောင်းကြောင့် ဘန်ကောက်ကို စိတ်လက် လေးပင်စွာ ပြန်ရောက်ခဲ့ပြီး တအံ့တသြ ဖြစ်ရတာက ဘန်ကောက်ရဲ့ ကောင်းကင်... လရောင် ဖွေးလွ နေရုံမကဘူး ဘန်ကောက်မှာ အရင်က တခါမှ မမြင်ဖူးခဲ့တဲ့ ကြယ်ညီလာခံက ဖြိုးဖြိုးဖျောက်ဖျောက်။ လွန်ခဲ့တဲ့ ၈နှစ်ကနေ လွန်ခဲ့တဲ့ လေးနှစ်အထိ ဘန်ကောက်ဟာ ကြယ်ပျောက် ကောင်းကင် အောက်မှာ အက်ဆစ်မိုးတွေ ရွာချတတ်တဲ့ တိမ်မဲတို့ ကြီးစိုးမှုကြောင့် မွန်းမွန်း ကြပ်ကြပ်။ အပြင်တခါထွက်လို့ အိမ်ပြန်ရောက်ချိန် မျက်လုံးဆေးရည်နဲ့များ ဆေးလိုက်ရင် မျက်လုံးထဲက စက်ဆီငွေ့တွေ ဖုန်တွေက ဆေးရည်ခွက်ထဲမှာ ဝေ့လို့။ ၂မှတ်တိုင်လောက် အကွာအဝေးကို လမ်းလျှောက်ပြီးရင် လူက မွန်းကြပ်မူးနောက်လွန်းလို့ နီးရာ အဲကွန်းတပ် စတိုးဆိုင် ရှော့ပင်းစင်တာထဲ ၀င်နားရတဲ့ အထိ လေထု အခြေအနေ ဆိုးရွားခဲ့တဲ့ ဘန်ကောက်... ခုတော့ ဘန်ကောက်ရဲ့ ကောင်းကင်ကို ဘယ်အကြောင်း တရားတွေက ပြောင်းလဲ ပစ်ခဲ့သလဲ။ သိချင်စိတ်နဲ့ ဘန်ကောက်တမြို့လုံးကိုပတ်ရင်း ကားမောင်း လျှောက်ကြည့်လိုက်တော့ ဘန်ကောက်တမြို့လုံးက စိမ်းစိုလို့။ လမ်းဘေးတွေတလျှောက်မှာ နေရာလွတ် မြေလွတ် မကျန် ရတတ်သမျှ စိုက်ပျိုးထားတဲ့ သစ်ပင်တွေ။ ဘန်ကောက်ရဲ့ နာမည်ကျော် မိုးပျံရထား လမ်းတွေကို ထောက်မ ထားရာ တိုင်လုံးတွေမှာ စီရရီ ချိတ်ဆွဲထားတဲ့ သစ်ပင်အိုး ပန်းအိုးတွေ၊ ဘတ်စ်ကား မှတ်တိုင်တွေမှာ လှလှပပ ထောင်ထားတဲ့ သစ်ပင်စင်တွေ... မြို့လယ်ခေါင် နေရာကောင်းမို့ ရောင်းစား ငှားစား ဘယ်လိုလုပ်ပါစေ အင်မတန် ၀င်ငွေ ရနိုင် တဲ့ နေရာလွတ်တွေမှာလဲ အများပြည်သူ နားနေဖို့ လှလှပပ ပုံစံဖော် စိုက်ပျိုးထားတဲ့ ၀င်ကြေး အခမဲ့ ပြည်သူ့ဥယျာဉ်တွေ .. (ကိုယ့်နိုင်ငံမှာတော့ အများပြည်သူ အားကစားလေ့ ကျင့်ရာ ဘောလုံးကွင်းတွေကိုပါ မချန် အခွန်လွတ်ဈေးနဲ့ ဘယ်တော့မှ ပြန်မဖျက် တော့တဲ့ ယာယီဈေးတွေ၊ နေရာကောင်းမှန်သမျှ အသက်ရှူစရာ အောက်ဆီဂျင် ထုတ်ပေးတဲ့ သစ်ပင် စိုက်ဖို့ နေရာမချန်) ဒါတင်ပဲလားဆိုတော့ မကသေး။ ညနေစောင်းလို့ ယာဉ်ကြောပိတ်ဆို့မှု သက်သာပြီ ဆိုတာနဲ့ စတင် လှုပ်ရှား သန့်ရှင်းရေး လုပ်နေတဲ့ စည်ပင်ဝန်ထမ်းတွေ ဖုန်စုပ်ကားကြီးတွေ အမှိုက်သိမ်းကားတွေ လမ်းနဲ့ သစ်ပင် ရေလောင်းတဲ့ကားတွေ လုပ်ငန်းခွင် ၀င်နေကြတာ မခိုမကပ် တက်တက်ကြွကြွ။ ဘန်ကောက်မြို့တွင်း လမ်းတွေပေါ်မှာတော့ ကားသစ်တွေက အများစု။ ပြီးတော့ ကားအများစုက သဘာဝဓာတ်ငွေ့လောင်စာနဲ့ ဟိုက်ဘရစ် လောင်စာသုံး ကားတွေ ကြီးစိုးနေသည်။ ဒီဇယ်ကားက တွက်ကြည့်ရင် ရာခိုင်နှုံး ခပ်နည်းနည်း။ ဒီတော့ ယာဉ်ကြောပိတ်ဆို့မှု ဘယ်လောက် ရှိသည်ဖြစ်စေ ကားတွေက ထွက်တဲ့ အငွေ့တွေက လွန်ခဲ့တဲ့ ၈နှစ် လောက်ကလို မဆိုးရွားတော့။ နောက်ဆုံး ကျွန်မ သင်ယူလိုက်တာက ကောင်းကင်ကို ပြုပြင်ဖို့ ကိုယ်တိုင် ကောင်းကင်ပေါ် တက်စရာမလို။ အက်ဆစ်မိုးတွေ ရွာချနေတဲ့ တိမ်ညစ်တို့ကို ကောင်းကင်ကနေ ဆွဲဖယ်ထုတ်ပစ်ဖို့ ကောင်းကင်နဲ့ ပတ်သက်စရာ မလို။ မြေပေါ်မှာ နေထိုင်ရင်း ကောင်းကင်ကို ညစ်နွမ်းစေတဲ့ အရာတွေကို ကျွန်မတို့ သုတ်သင် ဖယ်ထုတ်လို့ ရနေတာပါပဲ။ ဒါဆိုရင် ကျွန်မတို့ရဲ့ အနာဂတ်ကောင်းကင် ပေါ်မှာ ဖုံးလွှမ်း အုပ်စိုးနေတဲ့ အက်ဆစ် တိမ်မည်းတွေကို ကျွန်မတို့ရဲ့ ကောင်းကင်ပေါ်ကနေ ဖယ်ထုတ်ပစ်ဖို့ ဆိုရင်ရော... နည်းလမ်းတွေကိုတော့ ကျွန်မ စိတ်ဝင်တစား ရှာဖွေနေဆဲ။ ကျွန်မရင်ထဲမှာတော့ ကျွန်မရဲ့ ကောင်းကင်ကို ရနိုင်သမျှ နည်းလမ်းပေါင်းစုံကို ရှာပြီး ကျွန်မ ပြုပြင်မယ်ဆိုတဲ့ သန္ဒိဌာန် တရပ်က ခိုင်ခိုင်မာမာ...

အမှိုက်ပစ်တော့မယ် ဆိုရင်

အိမ်တအိမ်က ထွက်တဲ့အမှိုက်ဟာ ဒီအိမ်သားတွေရဲ့ အပြုအမူ စရိုက်နဲ့ အိမ်ရဲ့ ၀င်ငွေထွက်ငွေ အကြမ်းဖျင်းကို သိနိုင်လို့ ကျွန်တော် မိန်းမ မပိုးခင်တုံးက မိန်းကလေးမိတ်ဆွေရဲ့ အိမ်မှာ အမှိုက်ကူ သွန်ပေးခဲ့တယ်လို့ ပြောတဲ့ ထိုင်းစီးပွားရေး လုပ်ငန်းရှင်ကြီး တယောက်နဲ့ ကျွန်မ ဆုံဖူးပါတယ်။ ဟုတ်ပါတယ်။ အမှိုက်ဆိုတာ အဲလောက် အဓိပ္ပာယ် ကောက်ယူလို့ရပါတယ်။ ခွန်ချာနာဝစ် လို့ခေါ်တဲ့ ထိုင်းဆောက်လုပ်ရေး လုပ်ငန်းရှင် သူဌေးကြီးအတွက်ကတော့ စွန့်ပစ်ပစ္စည်း ဆိုတာ အိမ်ထောင်ရေးအတွက် စည်းမျဉ်းပေတံ ဖြစ်ခဲ့ဖူးပါတယ်။ အမှိုက်လို့ အလွယ်တကူ ခေါ်တဲ့ စွန့်ပစ်ပစ္စည်းနဲ့ ပတ်သက်ပြီး ဘုရားဟော ဇာတ်လမ်း အထိ ရှိခဲ့ဖူးတာပါ။ တမနက်မှာ မြတ်စွာဘုရားက ကျွတ်ထိုက်သူတွေကို ဥာဏ်တော်နဲ့ ဆင်ခြင်ရာမှာ ရဟန်းတိဿ ကိုမြင်ပါတယ်။ တရားထူးရဖို့ အကြောင်းရင်းခံ တခြား အကုန်ရှိပေမယ့် တရားသိမြင်လောက်အောင် အားထုတ်နိုင်ဖို့ အဟာရ မပြည့်စုံတာကို မြင်ပါတယ်။ အင်မတန် ဆွမ်းကွမ်းရှားပါးလို့ အစာရေစာ မ၀လင်တဲ့ သူ့ရဲ့ ဘ၀ဇာတ်ကြောင်းကို မြတ်စွာဘုရားက ဆင်ခြင်ပါတယ်တဲ့။ ဒီတော့ ဘ၀ဆက်တိုင်း အလှူဒါန မလုပ်ခဲ့ဖူးပါဘူးတဲ့။ ဒါပေမယ့် တဘ၀ ရဟန်းဖြစ်စဉ်ကတော့ သပိတ်ကို ဆေးကြောတော့မယ် လုပ်တိုင်း သပိတ်ကိုရေကျင်းပြီး ဆွမ်းကျန်တွေကို ပိုးပုရွက်တွေ စားကြပါစေ ဆိုတဲ့ စိတ်နဲ့ ပုရွက်ဆိတ်တွေ သွားရာ အနီးအပါးမှာ သွန်လေ့ ရှိတာကို မြတ်စွာဘုရား က မြင်တော် မူပါတယ်။ ဒီတော့ အဲဒီအချိန်က ရဟန်းတိဿ အလောင်းအလျာ ရဟန်းရဲ့ ဆွမ်းကျန်ကို စားဖူးတဲ့ ပုရွက်ဆိတ်တွေ ခု ဘယ်ဘ၀ ရောက်နေတယ်ဆိုတာ မြတ်စွာဘုရားက ဥာဏ်တော်နဲ့ ဖြန့်ကျက် ကြည့်ရပါသတဲ့။ ဒီတော့မှ အဲဒီ ပုရွက်ဆိတ်တွေ က မြတ်စွာ ဘုရား လက်ထက်မှာ လူဖြစ်နေကြပြီး ပုရွက်ဆိတ်မြို့ ဆိုတဲ့ နာမည်နဲ့ပဲ မြို့တည်ပြီး အခြေကျနေတာ မြင်ပါသတဲ့။ ဒီတော့ ရဟန်းတိဿ ကို မြတ်စွာဘုရားက ခေါ်တော်မူပြီး ကမ္မဌာန်းကို အထူးသင်ပေးရင်း အဲဒီ ပုရွက်ဆိတ်မြို့ကို သာသနာပြုချေလို့ စေလွှတ်ပါတယ်။ ပုရွက်ဆိတ်မြို့ကိုရောက်တော့ တမြို့လုံးက ရဟန်းတိဿကို အထူးတလည် ချစ်ခင် လေးမြတ်စွာနဲ့ ဆွမ်းလောင်းလှူကြပါသတဲ့။ ဒါကြောင့် လိုအပ်နေတဲ့ အဟာရ ပြီးပြည့်စုံတဲ့ အတွက် တ၀ါတွင်း မှာတင် ရဟန်းကိစ္စ ပြီးစီးပြီး နိဗ္ဗာန်ကို မျက်မှောက် ပြုပါသတဲ့။ အဓိက ပြောချင်တာ ကတော့ ကိုယ် အသုံးမလိုတဲ့ စွန့်ပစ်တဲ့ စွန့်ပစ်ပစ္စည်းကို သူတပါး အသုံးကျပါစေဆိုတဲ့ စိတ်စေတနာနဲ့ စွန့်ပစ်ရင် နိဗ္ဗာန်ရောက်ကြောင်း အထောက်အပံ့ ထိ မြင့်မြတ်နိုင်တယ် ဆိုတဲ့ အချက်ပါ။ ဒီပုံဝတ္ထုသာဓကကို နမူနာယူပြီး ကျွန်မတို့ရဲ့ စွန့်ပစ်ပစ္စည်းတွေကို အသုံးအကျဆုံး ဖစ်အောင်စွန့်ပစ်နိုင်ပါတယ်။ စွန့်ပစ် ပစ္စည်း လျော့ နည်းစေချင်လို့ပါဆိုမှ အရောင်နဲ့ခွဲခြားထားတဲ့ ပလတ်စတစ်အိတ်တွေကို ငွေကုန်ခံ အမှိုက်အိတ် ပိုအများခံပြီး ၀ယ်ပစ်တဲ့ လူစားထဲမှာ ကျွန်မ မပါပါဘူး။ ဈေးဆိုင်က ထည့်ပေးလိုက်တဲ့ ပစ္စည်းထည့်တဲ့ ကြွပ်ကြွပ်အိတ်ကိုပဲ အမှိုက်အိတ်အဖြစ် အစားထိုးပြီး ကျွန်မသုံးပါတယ်။ ကျွန်မတို့ အမှိုက်ပစ်တော့မယ် ဆိုရင် အမှိုက်ကို အစင်ကြယ်ဆုံး ဖြစ်အောင် သတိထားပြီး ပစ်နိုင်တဲ့ နည်းလမ်းတွေ ရှိပါတယ်။ အမှိုက်ပါ ဆိုမှ သန့်ရှင်း မလား ညစ်ပတ်မှာပေါ့ လို့ တွေးနိုင်ပါတယ်။ ဘ၀ပေးကံ နိမ့်ပါးလို့ အမှိုက်ကောက်ပြီး အသက်မွေးနေရတဲ့လူတွေ အတတ်နိုင်ဆုံး သန့်သန့် ရှင်းရှင်း ကျန်းမာရေးအတွက် ထိခိုက်မှု နည်းနည်းနဲ့ ၀မ်းစာ ရှာနိုင်ကြပါစေ ဆိုတဲ့ စိတ်ကို မွေးထားလိုက် နိုင် ပါတယ်။ တခြား ညစ်ပတ်စရာတွေနဲ့ မပေကျံနေတဲ့ စက္ကူတွေ ပလတ်စတစ်အိတ်တွေကို သပ်သပ်၊ ပေရေညစ်ပတ်နေတဲ့ စက္ကူတွေ ပလတ်စတစ် အိတ်တွေ ကို သပ်သပ်ခွဲပြီး ကြွပ်ကြွပ်အိတ်နဲ့ ထုပ်ပိုးပြီး ပစ်နိုင် ပါတယ်။ သံဗူးခွံ၊ ပလတ်စတစ်ဗူးခွံနဲ့ ဖန်ပုလင်းအခွံတွေကို သီးသန့် တအိတ် ထုပ်ပိုး ပြီး အမှိုက်ပစ်နိုင် ပါတယ်။ သံတိုသံစ၊ လျှပ်စစ်ပစ္စည်းအဟောင်းအပျက်တွေနဲ့ ဘက်ထရီ အဟောင်းတွေကို သီးသန့် တထုပ် ထုပ်ပိုးပြီး အမှိုက်ပစ်နိုင်ပါတယ်။ မီးဖိုချောင်ထွက် ဟင်းသီးဟင်းရွက် အပယ်တွေနဲ့ ခြံထွက် သစ်ရွက်ခြောက် သစ်ကိုင်းခြောက်တွေကို သီးသန့် တအိတ်ထုပ်ပိုးပြီး အမှိုက်ပစ် နိုင်ပါတယ်။ စားကြွင်းစားကျန်နဲ့ ကလေး diaper တွေ အပါအ၀င် တခြား ညစ်ပတ်ပေရေနေတာတွေ အနံ့အသက် ထွက်နိုင်တာတွေ ကိုတော့ အိတ်၂ထပ် ၃ထပ်နဲ့ အနံ့တွေ ယိုဖိတ်စရာတွေ လုံအောင် ထုပ် ပိုးပြီး အမှိုက်ပစ်နိုင် ပါတယ်။ ဒါကြောင့် ကျွန်မအိမ်ရှေ့က အမှိုက်ပုံးထဲမှာ အထုပ်တွေ အရွယ်ရွယ် အစားစား အထုပ်လိုက် သပ်သပ်ရပ်ရပ် ရှိနေပါတယ်။ အမှိုက်ကောက် ၀မ်းစာ ရှာသူတွေအတွက် အနံ့အသက်ကင်းကင်း နဲ့ လိုချင်တာကို အထုပ်လိုက် ရွေးယူနိုင်သလို အမှိုက် သိမ်းသမားတွေ အတွက်လဲ အနံ့အသက်ကင်းကင်းနဲ့ အမှိုက်သိမ်းနိုင်ပါတယ်။ ဒီလို ခွဲခြားအမှိုက်ပစ်ရတာ ကျွန်မအတွက် ထူးခြားပြီး အပန်းမကြီးပေမယ့် စွန့်ပစ် ပစ္စည်းတွေနဲ့ ပတ်သက်ပြီး အသက်မွေးဝမ်းကျောင်းနေရသူတွေ အဖို့တော့ အတော် စိတ်သက်သာရာ ရမယ်လို့ ယူဆမိ ပါတယ်။ တကယ်လို့များ ရပ်ကွက်၊ မြို့နယ်၊ တိုင်းနဲ့ နိုင်ငံတော် အဆင့် အာဏာပိုင်တွေကသာ အမျိုးအစား ခွဲခြားထားတဲ့ အမှိုက်ပစ်စရာ အမှိုက်ပုံးတွေ အမှိုက်ကန်တွေ သတ်မှတ်ပေးထားမယ် ဆိုရင် စည်းစနစ်ကျနစွာနဲ့ တိတိကျကျ လိုက်နာနိုင်ကြရင် ဗုဒ္ဓဘာသာဝင် ကျွန်မတို့ အမှိုက်ပစ်ရင်း ကုသိုလ်တွေ ရနေမှာ မလွဲပါဘူး။ စီစဉ်ပေးသူ အာဏာပိုင်တွေလဲ ကုသိုလ်ရဲ့ အဖို့ဘာဂကို နေ့စဉ်နဲ့ အမျှ ရနေကြ မှာပါပဲ။ ကုသိုလ်၊ အကုသိုလ်ကို အယုံအကြည် မရှိသူနဲ့ ဗုဒ္ဓဘာသာဝင် မဟုတ်သူ မြန်မာနိုင်ငံသားတွေ အနေနဲ့လဲ ကိုယ့်ရဲ့ စနစ်တကျ သန့်ရှင်းစွာ အမှိုက်စွန့်ပစ်တဲ့အပြုအမူဟာ သက်ဆိုင်ရာ ပတ်ဝန်းကျင်က လူတွေကို စိတ်အနှောင့်အယှက် မဖြစ်စေဘဲ စိတ်ကြည်နူး ချမ်းသာမှုကို ပေးစွမ်းနိုင်ရင် ဂုဏ်ယူစရာပါ။ မြန်မာနိုင်ငံဟာ ခုချိ်န်မှာ ကမ္ဘာ့ အလယ်မှာ ခေတ်မီသူတိုင်း မြန်မာနိုင်ငံကို ရောက်ဖူးရမည် လို့ စာပြောင်ရေး ကာတွန်းဆွဲရလောက်အောင်ကို ကမ္ဘာ့ အကျော်အမော်တွေ မြန်မာနိုင်ငံကို လာရောက် နေကြပါပြီ။ မကြာခင်မှာ ကမ္ဘာ့ စီးပွားရေးဖိုရမ်နဲ့ အာဆီယံ ပွဲတွေ၊ ကမ္ဘာ့ အဆင့်နဲ့ အာရှအဆင့် ပွဲလမ်း ညီလာခံတွေ လက်ခံကျင်းပ ပါတော့မယ်။ လူရာဝင်ဆံ့တဲ့ နိုင်ငံတကာ ၀င်ဆံ့တဲ့ နိုင်ငံအဖြစ် နိုင်ငံတကာ ဧည့်သည်တွေကို လက်ခံ ကြိုဆို ရပါတော့မယ်။ ဒီလိုအချိန်မှာ တလမ်းဝင် တလမ်းထွက် ခြေဆန့်ကြမယ့် နိုင်ငံခြားသားတွေ ကို အမှိုက်တွေ ပွစာကျဲနေတဲ့ လမ်းထိပ်တွေနဲ့ ကြိုဆိုကြမလား၊ အမှိုက်တွေ ဆို့ပိတ်နေတဲ့ ရေမြောင်းတွေနဲ့ ကြိုဆိုကြမလား ဒါမှမဟုတ် ငါတို့မြန်မာဆိုတာ ဒီလို သန့်ရှင်းသပ်ယပ် စနစ်တကျ နေတတ်တဲ့ လူနေမှု အဆင့်မြင့်တဲ့ လူမျိုးဆိုတဲ့ ဂုဏ်ယူမှုမျိုးနဲ့ ကြိုဆိုကြမလား။ ရွေးချယ်ခွင့်က ကျွန်မတို့ လက်ထဲမှာ ရှိနေပါတယ်။ ပစ္စုပ္ပန် သံသရာ အကျိုးများစေမယ့် နည်းမျိုးကို ကျွန်မတို့ ရွေးချယ်ကြရအောင်လားးး

ဂွစာမရဲ့ အနိုင်နဲ့ အရှုံး

ဂွကျလှတဲ့ဇာတ်ကောင်စရိုက်နဲ့ ဂွစာမရဲ့ အမူအကျင့်လေးတွေ အကြောင်း ဘလော့ပေါ် တင်ဖူးပါတယ်။ ဖန်တီးထားတဲ့ ဇာတ်ကောင်မဟုတ်ဘဲ တကယ်အပြင်မှာ ရှိတဲ့ မိန်းကလေးတယောက်အကြောင်း ဖြစ်လို့ ချီးကျူးစောနေရင် ချီးကျူးခံရမှာ ရှက်လို့ ကြိုဝန်ခံထားတာပါ။ ခုလဲ သူနဲ့ ပတ်သက်တဲ့ သူ့ရဲ့ အနိုင်အရှုံး ဆိုင်ရာ အတွေးအခေါ်လေးတွေကို သတိရလို့ ဒီပို့စ်ကို ဖန်တီးဖြစ်ပါတယ်။ ++++++++++++++++++++++++++++++++++++++++++++ ဗိုက်ခွဲထားလို့ အလုပ်က ခွင့်ရက်ရှည်ယူ အိမ်မှာနားနေရင်း နှစ်ချီပြီး မကြည့်ဖြစ်ခဲ့တဲ့ မြန်မာ ရုပ်သံလိုင်းပေါင်းစုံ ကို ရီမုဒ်တခုကိုင်ရင်း လိုင်းပေါင်းစုံ ပြောင်းကြည့် နေမိသည်။ အစီအစဉ်ပေါင်းစုံကို စပ်စုရာက MRTV-4 က ထုတ်လွှင့်ပြသနေတဲ့ Minutes to win it အစီအစဉ်လေးကို ကြည့်မိသည်။ မူရင်းရည်ရွယ်ချက်ကတော့ ဖြတ်ထိုးဥာဏ် အားကောင်းဖို့ ရည်ရွယ်ပုံ ရပါသည်။ ဒါပေမယ့် ကိုယ်ကတော့ ပြိုင်ပွဲထက် ပြိုင်ပွဲဝင်တွေရဲ့ မျက်နှာပေး အမူအရာ ခံစားချက်တွေကို ပိုသတိထား မိသည်။ ပြိုင်ပွဲဝင်သူတိုင်းတော့ မဟုတ်နိုင်ပေမယ့် ကိုယ်ကြည့်မိတဲ့ အချိန်မှာမှ ပြိုင်ပွဲဝင်သူ တချို့ တွေရဲ့ ပြိုင်ပွဲ နဲ့ ပြိုင်ဖက်အပေါ် ထားတဲ့ သဘောထားနဲ့ ခံစားချက်တွေကို မျက်နှာပေးတွေ လေသံတွေကနေတဆင့် မြင်လိုက်ရသည်။ ဒီတော့ ကျောင်းတုံးက သူငယ်ချင်းလေး ဂွစာမကို သတိရမိပြန်တော့သည်။ ကျောင်းက စုပေါင်းကထိန်ပွဲအတွက် စုပြီးသွားကြဖို့ စီစဉ်ထားတဲ့ ကားကို စောင့်နေချိန်၊ သူငယ်ချင်းလေး ယောက်သား ပျင်းပျင်းနဲ့ မုန့်ဝယ်စားကြသည်။ မိန်းကလေးတွေ ပီပီ နေကြာစေ့နဲ့ ဇီးယိုဇီးထုပ်တွေပေါ့။ ဒီအတိုင်းစားရမှာ ပျင်းတော့ နေကြာစေ့ ပြိုင် စားမလား။ အရင်စားလို့ ကုန်တဲ့လူက နိုင်ကြေးလို့ တယောက်က အဆိုပြုပြီး လေးယောက်လုံး သဘောတူလိုက်ကြသည်။ နေ ကြာစေ့ ပြိုင်စားခန်း မရောက်မီ ဒီသူငယ်ချင်း လေးယောက်ကြားက ဆက်ဆံရေး အခြေအနေက နည်းနည်းရှင်းပြထားဖို့ လိုနေသည်။ လေးယောက်ထဲက ဂွစာမက မကောင်းလှတဲ့ ကျန်းမာရေး ကြောင့် နေ့တိုင်းကို တနေ့စာအတွက်ပဲ အသက်ရှင်မယ် ဆိုကာ ဘ၀ကို ဖြတ်သန်းသူ၊ နောက် တယောက် ကတော့ သိမ်ငယ်စိတ်ကို ဖုံးဖိရင်း ဘ၀ရည်မှန်းချက် အမြင့်ကြီး တွေအတွက် အသည်းအသန် ကြိုးစားနေ သလောက် သူ့ပင်ကိုယ်ရည်မှန်းချက်ကို တပါးသူ မရိပ်မိအောင် ဖုံးကွယ်ထားတတ်သူ ယုန်ကလေး။ ၂ယောက် လုံးက သူတို့ရဲ့ ထူးခြားတဲ့စရိုက်တွေကြောင့် လူစိတ်ဝင်စား ခံရသူတွေချည့်။ ကျန်သူငယ်ချင်း ၂ယောက်က တော့ ဒီ၂ယောက်ကြားက မြေစာပင်တွေ ဖြစ်လိုက်၊ ဖန်တီးရှင် တွေ ဖြစ်လိုက်ပေါ့။ ဒီလိုနဲ့ တယောက်ကို နေကြာစေ့ ဆယ့်ငါးစေ့စီ စားကြဖို့ ရေတွက် ဝေစုယူပြီး တစ်၊ နှစ်၊ သုံးလို့ ရေတွက်အပြီး မှာတော့ ဂွစာမနဲ့ သူငယ်ချင်း၂ယောက် ပေါင်း ၃ယောက်က တဖျောက်ဖျောက်မြည် အောင် နေကြာစေ့ ၀ါးနေ ကြပြီ။ အဲဒီအချိန်မှာ မမယုန်ကလေး က နေကြာစေ့ အားလုံးကို ပါးစပ်ထဲ ပစ်ထည့်ရင်း နိုင်ပြီဟု ဆိုလေသည်။ သူငယ်ချင်း၂ယောက်ကတော့ ဒီလိုလူလည်ကျလို့ ဘယ်ရ မလဲ။ စားလို့ကုန်မှနိုင်ကြေးလို့ ပြောထားတာ ဒီလိုလူလည်ကျလို့ မရဘူး။ ၀ါးလို့ မြိုလို့ကုန်မှ အဖြေထွက်မှာ ဟု ပြန်ပြောသည်။ ဂွစာမကတော့ ဘာမှ မပြောဘဲ နေကြာစေ့ကိုသာ တဖျောက်ဖျောက် မြည်အောင် မဲပြီး စားလေသည်။ စားလို့ကုန်တော့ နေကြာစေ့ ခွံ တွေကို စာအုပ်ပေါ် ဖြန့်ချရင်း ပါးစပ်က ၀ါးရင်းနဲ့ ငါကတော့ နိုင်တာ ရှုံးတာ အရေးမကြီးဘူး။ နေကြာစေ့ စား ရတာ အမြတ်ပဲ။ နင်တို့ကိုနိုင်တော့ ဘာဖြစ်မှာမို့လဲ။ ရှုံးတော့ရော… နာစရာလား ဟု ရယ်ကျဲကျဲ ပြောလေ သည်။ ပြီးတော့ လျှာထုတ်ပြသည်။ နေ ကြာစေ့ ပြိုင်စားပွဲတွင် ဂွစာမ နိုင်လေသည်။ နေကြာစေ့ အားလုံးကို အခွံမခွာဘဲ ပါးစပ်ထဲ ပစ်ထည့်ခဲ့သော မမယုန်ကလေးကတော့ အခွံတွေကို မြိုမချနိုင်တိုင်း ကြေအောင်ဝါးနေရလို့ နောက်ဆုံးမှ ကုန်ပြီး ရှုံးလေသည်။ ထိုအခါမှ သူက ရှင်က နေကြာစေ့ ကို ကိုက် ရုံကိုက်ပြီး လက်နဲ့ အခွံမခွာဘဲ ဘယ်လိုစားလဲ၊ အခွံထဲမှာ အစေ့တွေ မကျန်ဘူး လား။ ဂွစာမ။ ။ ကျန်မကျန် သိချင်ရင် ဒီမှာလေ နေကြာစေ့ခွံတွေ၊ စာအုပ်ပေါ် တင်ပြထားတယ်။ အစေ့ကျန်မကျန် စစ်ကြည့်၊ နိုင်ချင်တိုင်း ဒီလောက် အရသာရှိတဲ့ နေကြာစေ့တွေကို အခွံနဲ့ ရောပြီး လွှင့်မပစ်နိုင်ပါဘူး။ သူငယ်ချင်း။ ။ ဟယ် ရှင်တို့ကလဲ။ ဟုတ်ပါရဲ့.. နေကြာစေ့ကို လက်နဲ့မခွာဘဲ ကိုက်ရုံနဲ့ အစေ့က ပါးစပ်ထဲ ကျန်ခဲ့အောင် ရှင် ဘယ်လိုစားလဲ ပြောပါဦး။ ဂွစာမ။ ။ အလေ့အကျင့်ပါပဲကွာ.. ကိုယ်ငယ်ငယ်က အဘွားကိုစပါးလုံးကူရွေးပေးပြီး စပါးလုံးတွေကို စာ ကလေး တွေကို အမြဲ ကျွေးတယ်။ စာကလေးတွေက စပါးလုံးကို သူတို့နှုတ်သီးနဲ့ ကောက်ပြီးရင် ဆန်စေ့ချည့် ပါသွားတာကွ။ သမံတလင်းပေါ် စပါးလုံးကြဲပြီး စာကလေးကျွေးပြီးရင် စပါးခွံတွေချည့် ကျန်ခဲ့တာ။ ကိုယ်က အမြဲအမှိုက်ပြန်လှည်းရတယ်။ အဲဒါနဲ့စိတ်ဝင်စားပြီး သူတို့ ဘယ်လို စပါးလုံးကောက်စားလဲ ဆိုတာ ကိုယ်စပ်စု ခဲ့တာ။ အဲဒီနည်းနဲ့ ခု နေကြာစေ့ စားလိုက်တာပဲ။ ဟဲဟဲ မြင်ဆရာ စာကလေးပေါ့။ ဟယ် အဲလိုလား… သူတို့စကားဝိုင်းကို နားထောင်နေရင်း တွေးမိတာကတော့ လောကမှာ နိုင်စရာမလိုတဲ့ ကိစ္စတွေကို ဘာလို့ အသည်းအသန် ခံစားပြီး အနိုင်လိုချင်နေကြတာလဲ ဆိုတာပါ။ နိုင်စရာမလိုတဲ့ ပျော်ရမယ့် အရေးမှာ အနိုင်လို ချင်လွန်းသူကတော့ အမှိုက်တွေ ပါးစပ်ထဲ ထည့်ဝါးရတာသာ အဖတ်တင်တယ်ဆိုတာလဲ သံဝေဂ ရလိုက်မိ ပါတယ်။ တဆက်တည်းမှာပဲ ဟိုးနှစ်က ကြည့်မိတဲ့ နိုင်ငံခြား ရုပ်ရှင်ဇာတ်လမ်းလေးကို ထပ်သတိရမိတယ်။ နိုင်ငံ့လက်ရွေးစင် ဘတ်စ်ကက်ဘောအသင်းသားအဖွဲ့က အပျော်ခရီးထွက်ရင်း လမ်းမှာ စိတ်ကူးပေါက်ရာက ကမ်းခြေတခုထိ ဆင်းလာခဲ့ကြတယ်။ ကမ်းခြေက ရွာစုကြီးထဲမှာမှ သူတို့ရောက်တဲ့ ရွာဟာ အပျော်တမ်း ဘတ်စ်ကက်ဘော ကစားရာမှာ နှစ်တိုင်း ဗိုလ်စွဲနေကျမို့ အင်မတန်နာမည်ကြီးတဲ့ တောအသင်းဖြစ်ပါသတဲ့။ ကမ်းခြေမှာ အပန်းဖြေနေတဲ့ နိုင်ငံ့လက်ရွေးစင်အသင်းက အပျော် ကစားဖို့ ဘတ်စ်ကက်ဘော ကွင်းပြင်တော့ ရွာအသင်းနဲ့ ပြိုင်ကစားဖို့ ရွာအသင်းက စိန်ခေါ်ပါသတဲ့။ နိုင်ငံ့လက်ရွေးစင်အသင်းမှန်း မသိတော့ သာမန်အပန်းဖြေသူတွေ အောက်မေ့လို့လဲ ပါမှာပေါ့လေ။ တောသားတွေ အတင်းကြွားနေတာကို မျက်စိ နည်းနည်း နောက်နေတဲ့ နိုင်ငံ့ လက်ရွေးစင်အသင်းကလဲ စိန်ခေါ်ချက်ကို လက်ခံပါသတဲ့။ ဒီမှာတင် မြို့သားတွေနဲ့ တောသား လက်ရွေးစင်တွေ ပြိုင်ကြမယ်ဆိုတာနဲ့ လောင်းကြေးထပ်ကြပါရောတဲ့။ ပတ်ဝန်းကျင် ရွာတွေက အားပေးသူတွေလဲ ရောက်လာ ပါတယ်။ ပထမတချီ စကစားတာနဲ့တင် လက်ရည်က တအားကွာနေပြီး ရွာအသင်းက ပိုးစိုးပက်စက် ရှုံးပါတယ်။ ဒီမှာတင် စည်းစိမ်ပြုတ် လောင်းကြေးထပ်ထားတဲ့ ရွာအသင်းသား တွေရဲ့ မိသားစုတွေက အမူအရာ ပြောင်းနေကြပါပြီ။ ဒုတိယတချီ ကစားချိန်မှာတော့ ရန်လိုတဲ့ အကြည့်တွေ မျက်လုံးတွေကို သတိထားမိတဲ့ နိုင်ငံ့လက်ရွေးစင် အသင်းသားအဖွဲ့က သရေဖြစ်အောင် ကစားလိုက်ကြတယ်။ တတိယအချီ မကစားခင်မှာတော့ သူတို့ တိုင်ပင်လိုက်ကြတယ်။ ပြီးတော့ ရှုံးချင်ယောင်ဆောင်ပြီး လျော့ကစား လိုက်ကြတယ်။ ရွာသားတွေ စည်းစိမ်ပျက် ဘ၀ပျက်မယ့်အရေးကနေ ကယ်ပေးလိုက်တာပါ။ သူတို့တမင် အရှုံးကစားပေးလိုက်တဲ့ အခါ ပွဲ အပြီးမှာ အင်မတန်ဝမ်းသာ သွားတဲ့ ရွာသားတွေက ဖက်လှဲတကင်းနဲ့ နှုတ်ဆက်ကြတယ်။ သူတို့ကို အင်မတန် ကျေးဇူးတင် သွားတဲ့ အတွက် မကြာခင် ကျင်းပမယ့် ပွဲတော်ကိုလဲ ရက်ရွှေ့ပြီး ချက်ချင်း ကျင်းပ ပျော်ပွဲခံလိုက်ကြတယ်။ ဇာတ်ကားလေးက အပျော်တွေနဲ့ ပြီးဆုံးသွားသလို ဘ၀အတွက် တွေးစရာတွေလဲ အများကြီး ပေးခဲ့ပါတယ်။ နိုင်ငံ့လက်ရွေးစင် အသင်းသားတွေ အနေနဲ့ ရွာအသင်းကို အရှုံးကစားပေးလို့ ဂုဏ်သိက္ခာ ကျစရာလဲ အကြောင်း မရှိသလို နိုင် ရလို့လဲ ဂုဏ်တက်စရာ အကြောင်းမရှိပါဘူး။ ဒါပေမယ့် အရှုံးကစားပေးလိုက်တဲ့ အတွက် အနိုင်ရလိုက်တာကတော့ တရွာလုံး ရဲ့ နှလုံးသား တွေပါပဲ။ ရုပ်ရှင်ကြည့် ပရိသတ်ရဲ့ နှလုံးသားတွေ ကိုပါ ရလိုက်တယ်လို့ ခံစားရပါတယ်။ ဘ၀မှာ အဓိပ္ပာယ်မရှိ တဲ့ ပြိုင်ပွဲတွေအတွက် အဓိပ္ပာယ်ရှိတဲ့ တန်ဖိုးမဖြတ် နိုင်တဲ့ ကိုယ်ကျင့်တရားတွေ၊ သမိုင်းတွေ၊ ဘ၀တွေ ပွန်းစားသွား တာမျိုး၊ ထိခိုက်စွန်းထင်းသွားတာမျိုး ကတော့ အရှုံးလွန်တဲ့ အရှုံးဆုံး အရှုံးပါပဲ။ ပြိုင်ပွဲတခုမှာ နိုင်ဖို့ဆိုတာ တခဏတာ ရလာဒ်ပါ။ အဲဒီပြိုင်ပွဲရဲ့ အနိုင်အရှုံး အတွက် ဘာတွေ ဘယ်လိုလုပ်သွားခဲ့ဖူးတယ် ဆိုတာကတော့ ရေရှည်ခံ အမြဲတည်တံ့ ကျန်ရစ်တဲ့၊ အထူး သဖြင့် ခုလို သတင်းနည်းပညာခေတ်မှာ လိမ်ဖို့ ဖျောက်ဖျက်ဖို့ မဖြစ်နိုင်တဲ့ သမိုင်းပဲလို့ သံဝေဂယူ သုံးသပ် နေမိပါတယ်ရှင်။

လူ့အဖွဲ့အစည်းထဲက တင်းအားတွေ

ခုတလော သတင်းစာဂျာနယ်နဲ့ လူမှုကွန်ယက်မီဒီယာ ဖြစ်တဲ့ facebook မှာပါ အတွေ့ရများလာတာက လူပျောက်ကြော်ငြာ။တချို့ရက်တွေများ တရက်တည်းနဲ့ အရွယ်စုံ ၃-၄ယောက် အထိ။ တချိန်တည်း မှာပဲ အွန်လိုင်းပေါ်ကသူငယ်ချင်းတွေက ခရီးသွားဟန်လွှဲ မြင်ရကြားရတာ အစာမကြေတဲ့ သူတို့ အတွေ့အကြုံ တွေကို လူမှုကွန်ယက်တွေပေါ်မှာမျှဝေကြသည်။ ဘယ်နေ့က ဘယ်နားမှာ မိဘက ၂နှစ်သား ကလေးကို ဘယ်လို လူမဆန်စွာ ရက်ရက်စက်စက်ရိုက်နှက်ဆုံးမနေတာ တွေ့ ခဲ့ရလို့ စိတ်မကောင်းကြောင်း။ နောက် တယောက်ကလဲ မတူခြားနားပေမယ့်ထူးမခြားနားတဲ့ အတွေ့အကြုံကို ကွန်ယက်ပေါ် တင်သည်။ မြို့လယ် ခေါင် ပလက်ဖောင်းပေါ် ဈေးရောင်းသူဆိုင်နီးချင်းချင်း တိုင်လို့ အုပ်ထိန်းသူ ဘွားအေက ကလေးကို ဘယ်လို ရိုက်နှက် ဆုံးမနေတာတွေ့ခဲ့ကြောင်း၊ ကလေးက ဘယ်ဘက်ကို ထွက်ပြေးတာကိုတောင် အရိုက် မရပ်နိုင်ဘဲ အတင်း လိုက်ရိုက်နေကြောင်း၊ ကျန်ရစ်သူ တိုင်တောသူက ဈေးခေါ်ပြိုင်ဘက်မို့ ကလေးကို စိတ်ဆိုးအောင်တမင်စပြီး ကလေးက တုန့်ပြန်ခါမှ ရိုင်းပျလွန်းကြောင်း တိုင်ပေးလိုက်တာ ဖြစ်ကြောင်း သူ့ပြိုင်ဘက်တော့ဒီနေ့ စိတ်ဆိုးလို့ ဈေးဝယ်ခေါ်နိုင်တော့မှာ မဟုတ်ကြောင်း အားရပါးရ ဖောက်သည် ပြန်ချနေတာကိုကြားခဲ့ ရလို့ အင်မတန် စိတ်ထိခိုက်ရကြောင်း .. သူရေးတင်တဲ့ ပို့စ်ကို ဖတ်ရင်း သက်ပြင်းကြီးကြီးချမိသည်။ လူပျောက်ကြော်ငြာခံရတဲ့ သူတွေက လူကုန်ကူးခံရလို့လား။ သူတို့ မိသားစု ပတ်ဝန်းကျင်က သိသိနဲ့ရော မသိလိုက်ဘဲပါပေးလိုက်ကြတဲ့ ဖိအားတွေ တင်းအားတွေကို မခံနိုင်တော့လို့ ထွက်ပြေး ကုန်ကြတာလား။ ကိုယ့်ပတ်ဝန်းကျင်မှာလဲမိဘ အုပ်ထိန်းသူက သားသမီးကို နားဝင်အောင် လိုက်နာအောင် ဆိုဆုံးမသည်ထက် အငြိုးတကြီးနှိပ် စက်နေသည့်အလား ဆက်ဆံရေးတွေက တနေ့တခြား ပိုများလာသည်။ ဆန်ရင်း နာနာဖွပ်၊ အိုးထိန်းသည်လို အိုးကို နာနာရိုက် ဆိုတဲ့ စကားပုံတွေကို တလွဲဆံပင်ကောင်း တလွဲ အသုံးချနေ ကြသလားအောက်မေ့ ရလောက်သည်။ ပြောလိုက်လျှင် မိဘက သားသမီးကို မချစ်ဘဲနေမလား။ ကောင်းစေချင် ဖြစ်စေချင် လွန်းလို့ဟု ဆင်ခြေတက်တတ်ကြသည်။ ဖြစ်စေချင်လွန်းလို့ အဲဒီလို ဆက်ဆံ လိုက်တော့ဖြစ်စေချင် တာတွေ ဖြစ်သွားရောလား။ တကယ်ဖြစ်သွားတာက မိဘနဲ့ သားသမီးကြားက ဆက် ဆံရေး ပျက်ပြားခြင်း။ကြောက်လို့ ငုံ့ခံခြင်းနှင့် ရိုသေလေးစားခြင်း ကြားက ကွာဟချက်မဟုတ်.. လုံးဝသီးခြား စီဖြစ်နေသောအဓိပ္ပာယ် ဖွင့်ဆိုချက် မျှသာ… ဘုရားဟော နန္ဒိဝိသာလ ဇာတ်မှာ ရုန့်ရင်း ကြမ်းတမ်း တဲ့စကားကို နွားတောင် မနှစ်သက်။ လူဖြစ်နေတဲ့ ကလေးတွေက မိဘမို့ လုပ်သမျှငုံ့ခံ နေရတာကိုနည်းနည်း တော့ ဆင်ခြင်စိတ်ရှိကြဖို့ ကောင်းသည် ဟုသာ တွေး မိပါသည်။ မြင်တွေ့ နေရသည်များကမေတ္တာရဲ့ အရိပ်အငွေ့ထက် ကြီးနိုင် ငယ်ညှင်း အငွေ့အသက်တွေသာ လှိုင်ဘောလယ် နေပါသည်။ မိမိရဲ့စဉ်းစား ချင့်ချိန် ဝေဖန် ပိုင်းခြားနိုင်စွမ်း လျော့နည်းခြင်းနဲ့ ဒေါသထွက်လွယ်မှု စိတ်လှုပ် ရှားလွယ်မှုကို တဖက်သား ပြိုင်ဘက်က အသုံးချတာကို ခံရင်း မိမိ ထိခိုက်နစ်နာ စေမိသူက မိမိရဲ့ သွေးသားအရင်းဖြစ်နေ တာကိုလဲ သတိထားမိကြဖို့ ကောင်းပါသည်။ တခါတလေ သားသမီးကို ကောင်းစေချင်လို့ဆုံးမတယ်လို့စိတ်ထဲက ထင်မြင်နေပေ မယ့် တကယ်တမ်း ဖြစ်နေတာက မိမိဒေါသနဲ့ အတ္တကို အစာကျွေးနေခြင်းများလား။မိမိအတ္တကို သားသမီး က ဖြည့်ဆည်း မပေးနိုင် သည့်အတွက် ဒေါသတကြီး လက်တုံ့ပြန်ရာ ရောက်နေတာမျိုး လဲဖြစ်နေတတ် ပါသည်။ တချို့လူများ သေသေချာချာ ကိုယ့်စိတ်ကို ဝေဖန် သုံးသပ်ကြဖို့ လိုနေပါပြီ။ အဲဒီဖြစ်ရပ်နဲ့အတူမြန်မာ့ လူ့အဖွဲ့အစည်းထဲမှာ တနေ့ထက်တနေ့ ပိုအတွေ့ရများလာရသည်က ကြီးနိုင် ငယ်ညှင်း၊တန်းတူ အချင်းချင်း ချောက်ချ၊ ချွန်တွန်း၊ ရန်တိုက်၊ ကုန်းချော အမျိုးမျိုးသော ခြစားလောက်ကိုက်ဆက်ဆံရေးတွေ။ ဒါတွေ ဖြစ်ရခြင်းရဲ့ အကြောင်းရင်းက မနာလိုစိတ်။ တခြားလူ့အဖွဲ့အစည်းထဲမှာမနာလို စိတ်တွေ၊ အတင်း ပြောတာတွေ ရန်ဖြစ်တာတွေ မရှိမဟုတ် ရှိကြပါသည်။ ထိုင်းနိုင်ငံတွင်းအဲလိုရန်ဘက် တွေက အစည်းအဝေး ခန်းထဲ တူတူထိုင် ဆွေးနွေးနိုင်သည်။ အလုပ်တာဝန်ကို အတူတူတွဲဖက်ပြီး အောင်မြင် အောင် ဆောင်ရွက် နိုင်ကြသည်။ မြန်မာနိုင်ငံ မြန်မာ အဖွဲ့အစည်းတွေလိုငါ့ခွင်ရောက်ရင် သူ့အလုပ်ပျက် အောင် ရစ်ထား ကြပ်ထား ညစ်ထားလိုက်မည် ဆိုတာမျိုးမရှိ။အလုပ်နဲ့ ကိုယ်ရေးကိုယ်တာကို ခွဲထားကြသည်။ ကိုယ့်နိုင်ငံက အလုပ်နဲ့ အများအကျိုး အဖွဲ့အစည်းအကျိုးထက်ငါစိတ်ကျေနပ်မှု ရရေးအတွက် လုပ်ပိုင်ခွင့်နဲ့ တာဝန် ကို ပျော်ပျော်ကြီး အလွဲသုံးစား လုပ်ကြသည်အထိအခြေအနေဆိုးသည်။ မနာလိုစိတ်ပြင်းထန်သူတို့ကို ကြည့်လျှင် ကိုယ့်ကိုယ်ကို ယုံကြည်မှု လေးစားမှု ရိုသေနိုင်မှု နည်းပါးသည်။တဆင့်တက်ပြီး သူတို့ဘ၀ဖြစ်စဉ်ကို လေ့လာကြည့်လျှင် မိဘဆွေမျိုး အသိုင်းအ၀ိုင်းကြားကဖိစီး နှိပ်စက် နှိမ့်ချမှုများ တွဲပါလာကြောင်း တွေ့ ရလေသည်။ ကိုယ့်ကိုယ်ကို သိမ်ငယ်စိတ်ဝင်တိုင်း သူတပါးကို လိုက်စပ်စု လိုက်အားကျရာက မနာလိုဖြစ်ကာ သူတပါး တိုးတက်ရာ တိုးတက်ကြောင်း လမ်းကိုလိုက်ပိတ်သည့် အဆင့် ရောက်လာတော့သည်။ တကယ်တော့ မွေးရာပါ ၀ါသနာ ဗီဇ ပါရမီ မတူကွဲပြားသူချင်းသူတပါးနဲ့ မိမိကို နှိုင်းယှဉ်စရာပင် မလိုပါချေ။ ထိုသို့ ဖြစ်ရခြင်းမှာ မိမိကိုယ် ကိုစိတ်ဝင်စားမှုနဲ့ သူ တပါးကို စိတ်ဝင်စားမှုကြား နှိုင်းယှဉ်လျှင် သူတပါးကို စိတ်ဝင်စားမှုပိုများနေသောကြောင့် ဖြစ်တတ်ပါသည်။ ထိုသို့ သူတပါး အတွက် ပေးလိုက်ရသော အချိန်တွေ စိတ်ရောကိုယ်ပါ အားအင် စိုက်ထုတ်မှုတွေကို မိမိကိုယ်ကို စိတ်ဝင် တစား ဖြည့်ဆည်း လိုက်လျှင် အင်မတန်တိုးတက်နိုင်ပါသည်။ ကိုယ့် ကိုယ်ကို စိတ်ဝင်တစား ဆန်းစစ်ကာ ဘယ်အရည် အချင်း အားနည်းနေလို့ အားဖြည့်မည်။ဘယ်ဘာသာ ရပ်ကို တက်လမ်းအတွက် လေ့လာမည်။ ဘယ် အလုပ်ကို တော့ဖြင့် မိမိ အားသန်ရာမို့ ကြိုးစား လျှင်မိမိကိုယ်တိုင်လဲ ပျော်ရွှင်မည် အလုပ်လဲတွင်မည် စသဖြင့် တွေးတော ဖြည့်ဆည်းလိုက်လျှင်လျှမ်းလျှမ်းတောက် အောင်မြင်နိုင် ပါလျက် သူတပါးအတွက် အချိန်တွေ အားအင်တွေ ပြုန်းတီးခံနေသည်မှာ မိုက်မဲရာ ကျလှပါသည်။ ဗုဒ္ဓမြတ်စွာဘုရားရှင်ရဲ့လက်ယာတော်ရံ အဂ္ဂသာဝကကြီးက ပညာအရာ အားသာပြီး လက်ဝဲတော်ရံ အဂ္ဂသာဝကကြီးက တန်ခိုးအရာမှာအားသာတာကလဲ ဘုရားဟောတွေ အထင်အရှား။ သူတို့တောင် ဘက်စုံ တဖက်ကမ်းခပ် မဖြစ်နိုင်ကြတာကျွန်မတို့ သာမန်လူတွေက သူများ ကိုယ့်ထက်သာ နေတာကို မနာလို ဖြစ်စရာလား။ ဒီတချက် သာနေတိုင်းဟိုအချက်က သာချင်မှ သာမှာပေါ့။ သာတော့ ဘာဖြစ် သွားပါလိမ့်။ နေရာတကာ သာချင်နေရင်တော့အရင်ဆုံး ပြုန်းတီးမှာ ကိုယ့်စိတ် ချမ်းသာ အေးငြိမ်းမှုသာ ဖြစ်ပါလိမ့်မည်။ တချို့ကတော့ကိုယ်ကိုယ်တိုင်ရဲ့ အတ္တတွေကို အမွှန်းတင် ပြိုင်ဆိုင်တာနဲ့ အားမရနိုင်ဘဲ ကိုယ့်မိသားစုနဲ့သူ့မိသားစုချင်း၊ ကိုယ့်ဆွေမျိုး အသိုင်းအ၀ိုင်းနှင့် သူ့ဆွေမျိုး အသိုင်းအ၀ိုင်းချင်းပါပြိုင်ရင်း အပူမီးတွေ အပြိုင်အဆိုင် မွှေးကြသည်။ အနောက်နိုင်ငံများကတော့လူတကိုယ်လျှင် ကွဲပြားသော စွမ်းရည် ဆယ်မျိုးရှိပြီး တမျိုးချင်းစီမှာလဲ လူတ ယောက် ချင်းရဲ့ဝါသနာ ဗီဇ စရိုက်တို့ မတူခြားနားမှုအပေါ် အခြေခံပြီး ရမှတ်ချင်း မတူကြကြောင်း သုတေသနလုပ်ထားလေသည်။ ဘယ်သူတဦးတယောက်မှ စွမ်းရည် ဆယ်မျိုးလုံး တဖက်ကမ်းခတ် တော်နေ တတ်နေတာမျိုးလဲမရှိကြောင်း ဒီနေရာ အားကောင်းရင် ဟိုနေရာ အားနည်းတယ်ဆိုတာ ရှိကြောင်းလဲ ဖတ်မှတ်ရ လေသည်။ အနောက်နိုင်ငံနှင့်ဘုရားခေတ်ကို မပြောပါနဲ့။ ယနေ့ခေတ်တွင် ကိုယ်တွေ့ တခုကို ပြောပါဆိုလျှင် ကျွန်မ ကိုယ်တွေ့ကို သာ ပြောချင်ပါသည်။ ဆွေမျိုးထဲတွင် ကုန်သည် ပွဲရုံလုပ်ငန်းရှင် ပေါများတဲ့ ကျွန်မရဲ့ဆွေမျိုးစု တွေ သင်္ချာစွမ်းရည် ထက်မြက် တာ မျိုးရိုးဗီဇပါ။ ဒါပေမယ့် အကြောင်းမလှစွာနဲ့ဦးလေးနီးစပ် တော်သူ ဆွေမျိုး တယောက်ကတော့ အတန်းပညာအတွက် ပါရမီ အင်မတန် နည်းစွာနဲ့နှစ်အလီကိုမှ တနေကုန်ကျက်လို့ တကြောင်းမမှတ်မိရှာ။ ဒါနဲ့ မိသားစုဝင်တွေ ဆွေမျိုးတွေကဒီလောက် ဥာဏ်ထုံတဲ့လူ ပါလာတာ ရှက်လှချည် ရဲ့ ဆိုကာ ၀ိုင်းဝန်းဖိအားပေးရာက အသက် ၁၂နှစ်သားအရွယ်မှာထိုဦးလေး အိမ်ကနေ ထွက်ပြေးပါတော့ သည်။ တဆွေမျိုးလုံး လိုက်ရှာတာ တနှစ်ခွဲအကြာမှာ အဝေးမြို့ရွာကတစိမ်းဝပ်ရှော့မှာ ကားဘော်ဒီထုရင်း ပိန်လိန်နေသော ဦးလေးကို ပြန်ရှာတွေ့ကြပါသည်။ မိဘဆွေမျိုးတွေကကြေးရတတ် မြို့မျက်နှာဖုံးတွေ ဖြစ်နေလျက်နဲ့ သား လုပ်သူက အခြေခံ နေ့စားအလုပ်သမား လုပ်နေတာကိုမျက်ရည်လည်ရွဲနဲ့ ချော့မော့ ခေါ်ပေမယ့် ဦးလေးက အိမ်ပြန်မ လိုက်တော့။ အဆိုပါဦးလေးသည်လွန်ခဲ့တဲ့ ၂နှစ်က ကွယ်လွန်ရှာသည်။ သူကွယ်လွန်ချိန်တွင် နာရေးကြော်ငြာက ဂုဏ်ပုဒ်ကစက်မှုဇုံ ဥက္ကဌ၊ သာသနာ့ဒါယကာ ကုဋေကြွယ် သူဌေးကြီး အဖြစ်နဲ့ ကွယ်လွန်ခြင်းပါ။ အလွတ်ကျက်ပညာရေးစနစ်နှင့် အတန်းပညာတွင် ပါရမီ နည်းသော ဦးလေးသည် လူရိပ်လူကဲ ခတ်တတ်ခြင်းနှင့်ပေါင်းသင်းဆက်ဆံရေး ပညာရပ်တွင် သူမတူအောင် တဖက်ကမ်းခတ် ထူးချွန်ခဲ့ လေသည်။ တယူသန်သောမိဘဆွေမျိုး အသိုင်းအ၀ိုင်းများက တကယ့်စွမ်းရည်ကို ဖော်ထုတ် အသုံးချရမယ့် အစား တလွဲဆံပင်ကောင်းကာဖိအားတွေ စွတ်ပေးခဲ့ကြသဖြင့် ဦးလေးခမျာ သူ့ဘ၀တွင် မေတ္တာ ငတ်ခဲ့ရှာ လေသည်။ လူအတော်များများကဥာဏ်ရည်ဥာဏ်သွေး ညွှန်းကိန်း Intelligent Quotient ကို အသိများပေမယ့် စိတ်ခံစား ချက်ထိန်းသိမ်းနိုင်စွမ်း Emotional Quotient နှင့် စီမံခန့်ခွဲနိုင်စွမ်း Management Quotient၊ ပေါင်းသင်း ဆက်ဆံ ရေး ကျင့်ဝတ်ထိန်းသိမ်းနိုင်စွမ်း Moral Quotient စသဖြင့် ဆယ်မျိုးတိုင်ရှိလေရာ ဘယ်သူမှ ဘက်စုံ တဖက်ကမ်းခတ် မတော်နိုင်တာကြောင့် ဘယ်သူ့ကိုမှ အားကျစရာလဲ အကြောင်းမရှိသလို အားငယ်စရာလဲ အကြောင်းမရှိပါချေ။ ဒါ့အပြင် ကိုယ့်မှာ အားနည်းနေတဲ့ အရည်အသွေးကလဲလေ့ကျင့် ပေးလျှင် တိုးတက်နိုင် သေးတာကြောင့် သူတပါးကို ပေးမယ့် အချိ်န်တွေကို ကိုယ့်တိုးတက်ရာတိုးတက်ကြောင်း အတွက် အသုံးချ နိုင်ပါသည်။ ထိုသို့ အသုံးချရင်း ကိုယ့်ကိုယ်ကို ယုံကြည်မှုအပြည့်ရှိသလိုသူတပါးရဲ့ အရည်အချင်း အသုံးကျမှု ကိုလဲ လေးစား အသိအမှတ်ပြုစိတ်နဲ့ အေးချမ်း တည်ငြိမ်ပြီးဆက်ဆံရေး ကောင်းမွန်တဲ့ လူ့အဖွဲ့အစည်းထဲမှာ ကျေနပ်စိတ် အပြည့်နဲ့ ငြိမ်းချမ်းစွာ အတူယှဉ်တွဲ နေနိုင်ကြတဲ့ နေ့ကို အမြန်ရောက်ပါစေလို့ ဆုတောင်း လိုက်ပါတယ်ရှင်။ လူပျောက်ကြော်ငြာတွေပပျောက်ပါစေ။ အိမ်ပြေးတွေလျော့နည်း ပပျောက်ပါစေ။ အပြန်အလှန်လေးစား ချစ်ကြည်မှုနဲ့ အေးချမ်းတဲ့ မြန်မာ့လူ့ဘောင်ကြီး အမြန် ဖြစ်ထွန်းပါစေ။

ကလေးတွေကို ဆုံးမတော့မယ် ဆိုရင်

ပညာရေးဆိုင်ရာ နာမည်ကြီး အွန်လိုင်း မဂဇင်း တခုက သူ့အမြင်ကဏ္ဍမှာဖော်ပြထားတာလေး တခုကြောင့် အတော်လန့်သွားမိတဲ့ အတွက် ခုစာလေးကို ရေးဖြစ်တာပါ။ ဖော်ပြထားတာကတော့ ကလေးတွေ စည်းကမ်းလိုက်နာအောင် ကိုင်တွယ်ရာမှာ အကြောက် တရားနဲ့ မအုပ်ချုပ်ရင်မရဘူး ဖြစ်နေတယ် ဆိုတဲ့အတွေးအခေါ်ပါ။ ဒီအတွေးအခေါ်ကို ကျွန်မက ချေပ ဆွေးနွေးချင်တာပါ။ ကျွန်မဟာ စည်းကမ်းကြီးတဲ့ ပတ်ဝန်းကျင် အသိုင်းအ၀ိုင်းမှာ ကျင်လည်ခဲ့တာပါ။ကျွန်မရဲ့ အသိုင်း အ၀ိုင်းက စည်းကမ်းကို အကြောက်တရားနဲ့သွန်သင်ပါတယ်။ စည်းကမ်းကိုအဆူ၊ အငေါက်၊ အရိုက်အနှက်တွေနဲ့ ထိန်းပါတယ်။ ရလာဒ်ကတော့ မတရားဘူးလို့ ကျွန်မက ထင်တဲ့စည်းကမ်း ကို သိသိနဲ့ တမင်ချိုးဖောက်ရတာကို ပျော်မွေ့ သွားတာပါပဲ။ ကိုယ့် ကိုယ်ကိုဟီးရိုးလိုလို ခံစားမိ တာကိုးးး။ သေအောင်ရိုက်၊ ပစ်လဲကျအောင်ရိုက်၊ လမ်းပေါ်မှာအရှက် ခွဲပြီးရိုက်၊ ဘယ်လောက် ရိုက်ရိုက်၊ ရိုက်တဲ့လူ မကြိုက်မှန်းသိလို့ သူဒေါသထွက်အောင်ကိုတမင်အနာခံပြီး ချိုးဖောက် တာနော်… ကိုယ့်ကို ဒေါသထွက်ရလွန်းလို့ မျက်လုံးကြီးနီပြီးအမောဖောက် နေတာ မြင်ရင် အင်မတန် ကျေနပ်ပါတယ်။ အကြောက်လွန် အမုန်း အကြောင်း ကောင်းကောင်း ကြီးကိုယ်တွေ့ ခံစားသိရှိခဲ့တာပါ။ ကျွန်မကံကောင်းခဲ့တာက စည်းကမ်းကို မေတ္တာ စေတနာ တရားနဲ့သွန်သင်တဲ့ဆရာ တော်ဘုရားတွေ၊ ဆရာတွေ၊ ဆရာမတွေနဲ့လဲ ဆုံဆည်းခဲ့တာပါပဲ။ ကိုယ့်အပေါ် ကောင်း စေချင်တဲ့စိတ်စေတနာနဲ့ ကိုယ့်နောင်ရေးအတွက် ဆိုဆုံးမတာ လို့ ခံစားမိတဲ့ စကားများဆိုရင်ပြောတဲ့သူ ကသာ မေ့နေတာ.. ကျွန်မကတော့ အင်မတန် မှတ်မိပါတယ်။ ခေါင်းထဲမှာ သွေးခဲလို့မှတ်ဥာဏ် တွေ အတော်များများ ပျောက်သွားခဲ့ပေမယ့် ကိုယ့်အပေါ်စေတနာနဲ့ သွန်သင်တဲ့ ဆုံးမစကားတွေ ကိုတော့ လုံးဝ မေ့မသွားခဲ့ပါဘူး။ ဒါကြောင့် တချို့မှတ်ဥာဏ်တွေဟာ ခေါင်းထဲမှာမရှိဘဲ နှလုံးသား ထဲမှာ ရှိသလားလို့တောင် ဇဝေဇ၀ါ ဖြစ်ရတဲ့ အထိပါ။ +++++++++++++++++++++++++++++++++++ ဒီလိုနဲ့ အထက်တန်းအောင်ပြီးတဲ့အခါ တက္ကသိုလ် တွေပိတ်ထားတဲ့အတွက် ဆယ်တန်းဂိုက်လို့ခေါ်ကြတဲ့ စာကျက် လမ်းညွှန် ဖြစ် လာခဲ့ပါတယ်။ ဆယ်တန်းမှာ အမှတ်ကောင်းကောင်း ရခဲ့တဲ့ ကျွန်မအတွက်ဂိုက်ငှားတဲ့သူတွေ များခဲ့ပါတယ်။ ကျောင်းသူတွေရဲ့ အခြေအနေအလိုက် စာသင် နည်း၊ စာဘယ်လိုကျက်မယ်ဆိုတာလမ်းညွှန်နည်းတွေကို ကျွန်မ စမ်းသပ်ခွင့်ရခဲ့ပါတယ်။ တကယ် ဆိုရင် အသက်ချင်းမကွာလှသလိုတချို့ကျောင်းသားတွေဆိုရင် ကျွန်မထက်တောင် အသက်ကြီး သူတွေ ပါခဲ့တာပါ။ ဒါကြောင့် အသက်အရွယ်ကိုအားကိုးပြီး ဆရာလုပ်တာကို လွယ်လွယ်ခံကြမယ့် ကျောင်းသူ ကျောင်းသားတွေ မဟုတ်ခဲ့ကြပါဘူး။ဒါကြောင့် ကိုယ့်စကား နားထောင်အောင်၊ ကိုယ်လမ်းညွှန်တဲ့အတိုင်း လုိုက်နာအောင် ကြိုးစားရအောင်လွယ်လှတာ မဟုတ်ပါဘူး။ မလွယ် လှတဲ့ အခက်အခဲကို မေတ္တာ စေတနာနဲ့လမ်းညွှန်ခြင်းနည်းနဲ့ကျော်လွှားအောင်မြင် ခဲ့ပါတယ်။ ဒါကြောင့် စည်းကမ်းကို အကြောက် တရားနဲ့ ကိုင်တွယ်တာထက်စစ်မှန်တဲ့ စေတနာနဲ့ ကိုင်တွယ် တာက ပိုအောင်မြင် ထိရောက်တယ် ဆိုတာ လက်တွေ့ သိခဲ့ပါတယ်။၇နှစ်လုံးလုံး ဆယ်တန်းဂိုက် အဖြစ် လမ်းညွှန်ခဲ့တဲ့ ကျောင်းသူကျောင်းသားတွေထဲကမှ ခရိုနီပေါက်စအသိုင်း အ၀ိုင်းထဲက နိုင်ငံခြားရောက်နေတဲ့ မိဘတွေနဲ့ ခွဲနေရတဲ့ တဦးတည်းသောသမီး၊ဆယ်ကျော်သက် တပည့် တယောက်က ကျွန်မရဲ့ ခံယူချက်ကို ခိုင်မာစေခဲ့ ပါတယ်။ တက္ကသိုလ် တဖက်တက်ရင်း ဆယ်တန်းဂိုက်လုပ်နေတဲ့ ကျွန်မဆီ ၈တန်းကျောင်းသူကိုဂိုက်လုပ်ဖို့ လာအပ်တော့ ကျွန်မ လက်မခံချင်ခဲ့ပါဘူး။ ဒါပေမယ့် မိဘချင်း ရင်းနှီးနေပြီးတရပ်ကွက်တည်းသား ဖြစ်သလို အဲဒီကလေးမကလဲ ကျွန်မမျက်စိရှေ့မှာ ကြီးပြင်းခဲ့သူပါ။ သူ့အဒေါ်ကကျွန်မကိုစာသင် ခဲ့ဖူးလို့ ကျွန်မကငြင်းရခက်ခက်နဲ့ လက်ခံခဲ့ရ တာပါ။ တဦးတည်းသောသမီးမို့ဆိုးတယ်ဆိုတဲ့ စကားက တကယ်တော့ မှားနေကြောင်း ကျွန်မလက်တွေ့သိခဲ့ရပါတယ်။ အဲဒီကလေးမဆိုးနေတာ ဟာ တဦးတည်းသောသမီးဖြစ်လို့ မဟုတ် ပါဘူး။ အကျိုးအကြောင်းကို မှန်မှန်ကန်ကန်သိအောင် သွန်သင်ဆုံးမမယ့်သူ မရှိဘဲ၊ အလိုလိုက် အကြိုက်ဆောင်ပြီး ကိုယ်ကျိုးအတွက်အသုံးချချင်တဲ့ သူတွေချည့် ၀ိုင်းဝိုင်းလည်နေလို့ ဆိုးနေခဲ့တာပါ။ ကျိကျိတက် ချမ်းသာတဲ့မိသားစုမှာ တဦးတည်း သောသမီးဖြစ်လို့ သူမှ မသုံးဖြုန်းရင် ငွေတွေ ဘယ်လိုလုပ်ရမှန်းသိမှာမဟုတ်ဘူးဆိုတဲ့ စကားကို ကလေးမက အဟုတ်ထင်ပါတယ်။ ဘာမှ လုပ်စရာ၊ သင်စရာမလိုဘူး၊ ဘိုးဘွားမိဘတွေချန်ရစ် မယ့် အမွေတွေက ဆယ်သက် စားမကုန်ဘူးဆိုတဲ့ စကားကို ကလေးက နားယောင်ပါတယ်။ မိဘဆွေမျိုးတွေ ထူထောင်ခဲ့တဲ့ စီးပွားရေးက ကိုယ် ကိုင်တွယ်အုပ်ချုပ်ချိန်မှာစီးပွားကျသွားရင် ကောင်းလား မကောင်းလား မိဘဆွေမျိုးတွေ မရှိတော့ရင် ဒီစီးပွားရေးလုပ်ငန်းတွေကို ကိုယ်တိုင် ကိုင်တွယ်အုပ်ချုပ်ဖို့အတွက်တဦးတည်းသော သမီးက နိုင်အောင် စီမံခန့်ခွဲနိုင်ဖို့အတွက် ဘယ်လောက် ကြိုးစားရမယ် ထင်သလဲ။ မောင်နှမသားချင်းရှိတဲ့လူတွေက အိုမင်းလာတဲ့ မိဘတွေရဲ့တာဝန်ကို ခွဲဝေထမ်းဆောင်နေကြချိန်မှာ တဦးတည်းသောသမီးဖြစ်တဲ့ အတွက် သူများထက် ဘယ်နှဆ ပိုကြိုးစားရမယ် ထင်သလဲ စတဲ့ ဆုံးမစကားတွေကို ကျွန်မပြောဖြစ်ခဲ့ပါတယ်။ ရလာဒ်ကတော့ သီတင်းကျွတ်မှာကျွန်မကို ကျောက်ဖြူနားကပ်လေးတရံ တပည့်မလေးက ကန်တော့ခဲ့ပါတယ်။ ကျွန်မကလဲ အဲဒီကျောက်ဖြူနားကပ်လေးကို တမြတ်တနိုး ပန်ခဲ့ပါတယ်။ တကသိုလ် မှာ ကျောင်းနေဖက် သူငယ်ချင်းတွေက ကျွန်မရဲ့နားကပ်အကြောင်းကိုမေးတဲ့အခါ အမှန်အတိုင်း ဖြေဖြစ်ခဲ့ပါတယ်။ +++++++++++++++++++++++++++++++++++++++++++ တပည့်မလေး ဆယ်တန်းရောက်တဲ့နှစ်မှာ တကသိုလ်နောက်ဆုံးနှစ်အကြိုတန်း တက်နေတဲ့ကျွန်မ နိုင်ငံခြားထွက် ဖို့ ဖြစ်လာခဲ့ပါတယ်။ ကိုယ့်အတွက်ဖတ်ရတဲ့စာနဲ့ တပည့်လေးအတွက်ပြင်ဆင်ရတဲ့ စာတွေကြား မနိုင်မနင်း ဖြစ်လာတဲ့ကျွန်မက မကျေပွန်နိုင်တဲ့ တာဝန်ကိုမယူချင်ပါဘူး။ မြန်မာ့ ပညာရေးစနစ်အရ ဘ၀အတွက် အရေးကြီးတဲ့ ဆယ်တန်းရောက်ခါမှ မျက်နှာ လွဲခဲပစ်မလုပ် ချင်တဲ့ အတွက် ကျွန်မရဲ့ အရင်းနှီးဆုံး သူငယ်ချင်းမကို ဂိုက်လွှဲပေးဖို့ကျွန်မစဉ်းစားမိပါတယ်။ တပည့်မ လေးက လက်မခံချင်ပါဘူး။သူက ကျွန်မကို တွယ်တာနေပါပြီ။ ဒါပေမယ့် နားဝင်အောင် အခါခါ ရှင်းပြ ညှိုနှိုင်းအပြီးမှာဘာသာရပ်တချို့ကိုပဲ သူငယ်ချင်းက သင်ဖို့နဲ့ ကျန်တဲ့ဘာသာရပ် တွေကို တော့ ကျွန်မကပဲဆက်ပြီး သင်ဖို့ ညှိုလို့ရသွားပါတော့တယ်။ တရက်မှာတော့ ကျောင်းနှုတ်ဆက်ပွဲ နဲ့ စိုင်းစိုင်းခမ်းလှိုင် သီဆိုမယ့် စင်တင်ဂီတဖျော်ဖြေပွဲကို သွားချင်တယ်လို့ တပည့်မလေးက တိုင်ပင် ပူဆာ လာပါတယ်။ ကျွန်မက မသွားဖို့တားပါတယ်။သူက စိုင်းစိုင်းခမ်းလှိုင် အသည်းစွဲပါ။ တညနေတည်းပါလို့ ပူဆာ လာချိန်မှာ ကျွန်မက ရှင်းပြပါတယ်။ ပွဲကတညနေတည်းပါ၊ အဲဒီပွဲအကြောင်းကို ပြန်စဉ်းစားနေမှာ ဘယ်နှရက်လဲ၊ အဲဒီပွဲအကြောင်း သူငယ်ချင်းတွေနဲ့ စားမြုံပြန်မှာက ဘယ်နှရက်လဲ။ အဲဒီအချိန်တွေမှာ စာလုပ်လိုက်ရင်ဘယ်လောက် စာရမလဲ။ ဆယ်တန်းစာမေးပွဲကြီး ပြီးတဲ့အခါမှာရော ဒါမျိုးပွဲကို ကြည့်လို့မရနိုင်ဘူး လား။ အခု စိတ်မထိန်းနိုင်လို့ ပွဲသွားကြည့်ပြီး ဆယ်တန်းစာမေးပွဲမှာကောင်းကောင်း မဖြေနိုင်ခဲ့ရင် နောင်တရ တာ ကောင်းသလား။ ခံနိုင်ရည် ရှိမလား။ အစားထိုးလို့ရတဲ့ပွဲအတွက် အစားမထိုးနိုင် တဲ့ အချိန်တွေကို သုံးပစ်မလားလို့ မေးပြီးတဲ့အခါ တပည့်မလေးကသူပွဲမသွားတော့ဘူးဆိုတဲ့ အကြောင်း ကျွန်မကို သူ့သဘောနဲ့သူ လိုလိုလားလားပဲ ကတိပေးပါတယ်။ အချိန်တပတ်ကြာလို့ ကျွန်မစာသင်ရမယ့်ရက်ရောက်လို့ တပည့်မလေးနဲ့တွေ့တဲ့အခါသူက မျက်နှာအိုအိုနဲ့ပါပဲ … ကျွန်မ ချိတ်ပေးထားတဲ့ ကျွန်မရဲ့ သူငယ်ချင်းကို သူဂိုက်ဖြုတ်လိုက်တဲ့အကြောင်း တိုင်ပါတော့တယ်။ ဘာကြောင့်လဲ၊ စာသင်တာ မကြိုက်တာလား၊ ပျက်ရက် များလို့ လားအကြောင်းပြချက် မေးတဲ့အခါ ဘယ်လုိုမှ မျှော်လင့်မထားတဲ့ စကားကို ကြားရပါတော့ တယ်။ ကျွန်မရဲ့ အခင်ဆုံးသူငယ်ချင်းက ကျွန်မချိတ်ပေးထားတဲ့ ကျွန်မရဲ့တပည့်မလေးကိုစိုင်းစိုင်း ခမ်းလှိုင် စတိတ်ရှိုးသွားဖို့ လက်မှတ်နဲ့ ပန်းကုံးတက်စွပ်ဖို့ ပန်းကုံးဝယ်ပေးပါသတဲ့၊ပြီးတော့ ငွေမှင်ပါတဲ့ ရောင်စုံဘောလ်ပင်လေးတွေ ကိုလဲ ခရစ်စမတ် လက်ဆောင် အဖြစ် ပေးပါသတဲ့။ ဒါ ကလေးကိုချစ်လို့ ၀ယ်ပေးတာပဲ ဘာလို့စိတ်ဆိုးရတာလဲ ဆိုတော့ ဆရာမက သိပ်ရိုးတာပဲ၊အဲဒါ ဂိုက်လုတာ၊ ဆရာမ မိတ်ဆက်ပေးလို့ သမီးကို သူကသင်ရတာကို … ဒါတောင် ဆရာမက စိတ်ပုပ်တယ်သူများ မကောင်းကြောင်း သိပ်ပြောတတ် တယ် ဒါကြောင့် ကျောင်းမှာ ပေါင်းမယ့်သူ မရှိဘူးလို့သမီးကိုပြောတယ်။ သူ့သူငယ်ချင်းတခြားတယောက်ကိုပါ အိမ်ခေါ်လာပြီး ဆရာမ က ဆိုးတဲ့အကြောင်းထောက်ခံပြီး ပြောခိုင်းတယ်။ သူ ဆရာမအပေါ် မကျေနပ်တာကို သမီးဆီပါ လာပြီး ဇာတ်ရှုပ်တယ်။သမီးကဆယ်တန်းအတွက် စိတ်ရောကိုယ်ပါ နှစ်ပြီး စာသင်နေတာ.. တခြားကိစ်စတွေ ခေါင်းထဲမှာအာရုံမထားနိုင်ဘူး၊ မထား သင့်ဘူးဆိုတာ သူနားမလည်ဘူးလား၊ သမီးရဲ့အကြိုက်နဲ့မျှားပြီးသူ့အတွက် အကျိုးရှိအောင် ဖန်တီးယူတာလေ.. သမီးက ကိုယ့် တက်လမ်း အတွက် ကိုယ့်စိတ်ကိုထိန်းနိုင်ပါတယ်၊ ဟော့ဒီမှာ သူဝယ်ပေးထားတဲ့ စတိတ်ရှိုး လက်မှတ်၊ သမီးဖြဲထား တယ်တဲ့… လက်မှတ်အပြဲလေးကို ကျွန်မ ယူကြည့်တော့ ရက်စွဲက မလွန်သေးပါဘူး။ တအားကြိုက်တဲ့အဆိုတော်ရဲ့ နှစ်သစ်ကူး စတိတ်ရှိုး ကို သေလုမတတ် ကြည့်ချင်နေပေမယ့် စိတ်အလိုမလိုက်ဘဲထိန်းသိမ်းနိုင်စွမ်း ရှိလာတဲ့ ဆယ်ကျော်သက် တပည့်မလေးကို ကြည့်ရင်း ကျွန်မရင်ထဲမှာဝမ်းသာ၊ ၀မ်းနည်း…. ဒီဖြစ်ရပ်လေးက ကျွန်မကိုခိုင်ခိုင်မာမာ ပြသလိုက်တာကတော့… ကလေးတွေကို စည်းကမ်းထိန်းရာမှာ... သူတို့ကို လူရာသွင်းပြီး လူကြီးတယောက်လို စဉ်းစား တွေးခေါ်တတ်အောင်၊ ကိုယ်ချမှတ်တဲ့စည်းကမ်းဟာ သူတို့ဘ၀ လူရာဝင်စေဖို့ လိုအပ်တဲ့အရာ ဖြစ်ကြောင်းလက်ခံ လာအောင်၊ အဲဒီစည်းကမ်းကို လိုက်နာခြင်းအားဖြင့် သူတို့ဘ၀ တက်လမ်းသာ ရှိပြီး အကျိုးမဲ့မဖြစ်ကြောင်း နားလည် လက်ခံလာအောင် သွန်သင်ဆုံးမနိုင်မယ်ဆိုရင် အသက်အရွယ်၊ ဘွဲ့၊ ဂုဏ်၊ ဘာဆုိုဘာမှ မလိုအပ်ပါဘူး။စိတ်ရင်း စေတနာနဲ့ ရိုးဂုဏ်၊ ကိုင်တွယ်ပုံ ကိုင်တွယ်နည်းပဲ လိုအပ်ပါတယ်။ ကလေးတွေကို ကလေးတွေအဖြစ် နားလည်ပြီး၊ သူတို့ရဲ့ ခံစားချက်၊ စိတ်ကူး၊ အတွေးအခေါ်တွေကို စာနာပြီး၊ မေတ္တာ စေတနာတွေ ပေးကြရအောင်ပါ။ အဲဒီနည်းနဲ့ သူတို့ကို စိတ်လုံခြုံမှုပေးပြီး သူတို့အတွက် ပိုမြင့်မားတဲ့ စိတ်ဓာတ်၊ အဆင့်အတန်း၊ ခံယူချက်တွေကို ဆောင်ကြဉ်းပေးကြဖို့ တိုက်တွန်းနှိုးဆော် လိုက်ရပါတယ်ရှင်။

မနာလိုမှုဆိုတာ မြန်မာတို့ရဲ့ ၀ိသေသလားးး

အရင်အပတ်က ဖေ့စ်ဘွတ်ပေါ်မှာ ၀ိုင်းပြီး မျှဝေနေတဲ့စာလေး ဖတ်လိုက်ရတယ်။ မြန်မာတွေ မုဒိတာ ပွားကြပါဆိုတဲ့ ခေါင်းစဉ်လေးနဲ့ပါ။ စာထဲမှာ ရေးထားတာကို အကျဉ်းချုံး ပြောရရင် တော့ စင်ကာပူရောက် မြန်မာတွေနဲ့ ဖိလစ်ပိုင်တွေကို နှိုင်းယှဉ် ရေးထားတာပါ။ ဖိလစ်ပိုင်တွေ က အချင်းချင်းစည်းလုံးပြီး ဖေးမရုံသာမက သူတို့ လူမျိုးချင်း ကိုယ့်ထက်သာသွားစေ ချင်တဲ့ စိတ်နဲ့ အမြင့်ရောက်အောင် တွန်းပို့ပေးကြ ပုံကို ဖော်ပြ ထားပါတယ်။ မြန်မာတွေကတော့ အချင်းချင်း ကိုယ့်ထက်သာ မနာလို စိတ်နဲ့ ဘယ်လိုဖြစ်သွားတယ် ဆိုတာလေး ယှဉ်ရေးပြီး မြန်မာတွေကို မုဒိတာ ပွားဖို့ တိုက်တွန်းထားတာပါ။ စာရေးသူကတော့ သူမြင်နေကျ ၀န်းကျင်က မြန်မာတွေကို ရည်ညွှန်းတာ ဖြစ်ပါလိမ့်မယ်။ စာလေးကို ဖတ်ပြီး ကျွန်မတို့ သူငယ်ချင်းတွေ ဆွေးနွေးမိကြ ပါတယ်။ ဘယ်အတိုင်းအတာထိ ဟုတ်နိုင်၊ မဟုတ်နိုင် ဆိုတာနဲ့ မနာလိုမှု ဆိုတာ မြန်မာတို့ရဲ့ ၀ိသေသ လက်ခဏာ ဖြစ်နေပြီလားဆိုတာ ဝေဖန် ဆွေးနွေးကြတာပါ။ သူငယ်ချင်းကတော့ ကျွန်မကို တော်တော်ကြီး မြှောက်ပေး ပါတယ်။ ကျွန်မရဲ့ ကိုယ်တွေ့နဲ့ ယှဉ်ပြီး စာရေးပါတဲ့။ ကိုယ်တွေ့နဲ့တော့ ယှဉ်ပြီး မရေးရဲပေါင်.. နောက်ကြောင်းဖော်မှာ ကြောက်ပြီး ကြိုကာတဲ့ အနေနဲ့ ရန်လုပ်တာ၊ သူများလက်နဲ့ လူရိုက်တာ၊ လှည့်ပတ်ရန်တိုက် ပေးတာ၊ ကုန်ကုန်ပြော ရရင် ကားနဲ့ လိုက်တိုက်တာ ခံရဖူးတာက ၃ခါဆိုတော့ ကျွန်မ ကြောက်ပါတယ်။ ဒီတော့ မနာလိုမှုများတယ်လို့ အပြောခံနေရတဲ့ မြန်မာတွေ ဘက်ကနေ ကျွန်မက ရှေ့နေလိုက်ပြီး ဘာလို့ဒီလိုဖြစ်ရတာ ဖြစ်နိုင်မလဲ ဆိုတာ တွေးမိပါတယ်။ မြန်မာနဲ့ ဖိလစ်ပိုင်ကို စနှိုင်းလိုက်တည်းက အလွဲကြီး လွဲတာပါ။ ဖိလစ်ပိုင်ဟာ ကက်သလစ် ခရစ်ယာန် ကြီးစိုးတဲ့နိုင်ငံပါ။ ခရစ်ယာန်သာသနာပြုများက နတ်ကိုးကွယ် မှုများတဲ့ ဖိလစ်ပိုင်မှာ သာသနာပြုရာမှာ လူမှုရေး၊ ဘာသာစကား၊ ဂီတ၊ အိမ်တွင်းမှု စတဲ့ သင်တန်းပေါင်းစုံ ဖွင့်ရင်းနဲ့ လူ့အဖွဲ့အစည်းအတွင်း စိမ့်ဝင်သာသနာပြုတာပါ။ ဒီတော့ သင်တန်းတွေကနေ တဆင့် ပေါင်းသင်းဆက်ဆံရေး အတွေးအခေါ်တွေ နည်းလမ်းတွေက ဖွံ့ဖြိုးခဲ့ပြီးသား။ ပြီးတော့ ဖိလစ်ပိုင်က စပိန်နဲ့ အမေရိကန် တို့ရဲ့ကိုလိုနီဘ၀က လွတ်လပ်ရေးရတဲ့နိုင်ငံ။ နိုင်ငံတကာ ရေကြောင်း ကုန်သွယ်ရေးနဲ့ ကဘာအနှံ့က လူတွေနဲ့ ထိတွေ့နေခဲ့တဲ့ နိုင်ငံ။ ကျွန်မတို့ မြန်မာပြည်က ဗုဒ်ဓဘာသာကြီးစိုးတယ် ဆိုပြီး ရွှေရောင်ဘုရားတွေ တ၀င်းဝင်း ဆိုပေမယ့် ဘုရားရှင်ရဲ့ အဆုံးအမကို တလွဲတွေ ကွယ်ရာလုပ်ပြီး ရှေ့တင်ကျ နဖူးနဲ့မြေကြီး ပွတ်ပြနေတဲ့သူတွေ များတဲ့နိုင်ငံ။ (ကိုယ့်ပေါင်ကိုယ် ထောင်းတော့ ဖွထောင်းထားတာနော်)။ ဗုဒ်ဓသာသနာပြု ဆုိုတာကလဲ အခြေ တည်ပြီးသား သာသနာကို ဆက်ထမ်းတာနဲ့ အခြေမ တည်သေးတဲ့နေရာကိုသွားပြီး သာသနာ ပြုပုံပြုနည်းက ကွာသေးတာကိုးးး ရွာဦးကျောင်း ဘုန်းကြီး ရဲ့ ထားဝယ်ကြိမ်အောက်မှာ တသွေး တသံတမိန့် ဆက်ဆံရေးနဲ့ ကြီးလာ၊ မြန်မာ လူ့အဖွဲ့အစည်း မှာလဲ ထက်အောက် နာခံမှုဆိုတဲ့ ဆက်ဆံရေးနဲ့ ကြီးလာတဲ့ မြန်မာတွေ ခမျာ ရွယ်တူချင်း ဘေးတိုက် ဆက်ဆံရေး ကောင်းမွန်ဖို့ ဘယ်လိုကျင့်ကြံ နေထိုင်ရတယ် ဆိုတာကို အကောင်းမြင်ချဉ်းကပ်မှုနဲ့ ဘယ်သူတွေ သင်ကြားပေး ခံရဖူးလဲဟင်။ ရှိပေမယ့် နည်းတယ် ထင်ပါတယ်။ သီအိုရီအနေနဲ့ ရှိရင်တောင် လက်တွေ့ကျင့်သုံးပြမှုက အရေးကြီးပါသေးတယ်။ ပြီးတော့ မဆလ တခေတ်နဲ့ နအဖ တခေတ်မှာ တိုင်းပြည်က တံခါးပိတ် စနစ်ကျင့်သုံးသလို ဖြစ်ခဲ့ သေးတာ။ လူငါးယောက်ထက် ပိုစုရင် ပုဒ်မနဲ့ငြိပြီး အတို့အထောင်သမားက ချွန်ပြီး အမှု တည်ဆောက် များများအဖမ်းပြနိုင်ရင် ရာထူးတိုးတဲ့ ခေတ်ကြီးမှာ အာဏာရှင်လက်အောက်က တံခါးပိတ် တိုင်းပြည်ကြီးမှာ ပေါင်းသင်းဆက်ဆံရေး သင်ကြားလေ့ကျင့်စရာ ဘယ်မလဲ အခင်းအကျင်း။ ဒီအချက်တွေကြောင့် ဖိလစ်ပိုင်ကိုချီးကျူးပြီး မြန်မာတွေမနာလိုများတယ်လို့ စွပ်စွဲရင် ကျွန်မ မြန်မာတွေဘက်ကနာပါတယ်။ မျောက်နဲ့ လင်းပိုင်ကို ပြိုင်ပြီး ရေကူးခိုင်းသလို ဖြစ်နေတာကိုး။ မနာလိုမှုဆိုတာ မြန်မာတွေရဲ့ ၀ိသေသလို့ ကျွန်မကတော့ မမြင်ပါရစေနဲ့။ အခြေအနေ တ ခုကြောင့် ကွေးညွတ်သွားတဲ့ စံပေတံ တချောင်းလို့ပဲ လက်ခံပါရစေ။ အင်တမန် ကျဉ်းမြောင်း ခဲ့တဲ့ ပတ်ဝန်းကျင်ထဲမှာ အကြား၊ အမြင် အတွေ့အကြုံနည်းပါးပြီး အတုခိုး မှားစရာတွေပဲ အမြင်အကြား များတဲ့လူတွေမှာ အတွေးအခေါ် ကျဉ်းမြောင်း ပါလိမ့်မယ်။ အမြင်တိုတာ အမြင်တိမ်တာ သဘောထား သေးသိမ်တာ ဖြစ်နိုင်ပါတယ်။ သူတို့ကို အပြစ် တင်မယ့်အစား သူတို့ရဲ့ ပတ်ဝန်းကျင် အနေအထား အခင်းအကျင်း တွေကို ပြောင်းပေးရင် သူတို့ရဲ့ အသိအမြင်တွေလဲ ပြောင်းလာနိုင်တယ်လို့ ကျွန်မ မြင်ပါတယ်။ မြန်မြန်ပြောင်းဖို့ တော့ လိုတာပေါ့နော်။ အကျင့်စွဲသွားရင်တော့ ပြင်ရသိပ်ခက်တယ်၊ လူ့အကျင့်ဆိုတာ ပြင်ရအခက်ဆုံးအရာလို့ corporate management ဘာသာရပ်မှာ သင်ခဲ့ရဖူးပါတယ်။ မြန်မာတွေ မနာလိုမှု များလွန်းနေတယ်ဆိုတာဟာ သိမ်ငယ်စိတ်၊ ကိုယ့်ကိုယ်ကို မယုံကြည် မ၀ံ့ရဲမှုကို ကြောက်ကန် ကန်စိတ်၊ လူရာဝင်ချင်လွန်းတဲ့စိတ်၊ ကိုယ့်တိုးတက်ရာ တိုးတက်ကြောင်းထက် သူများကိုပိုစိတ်ဝင်စားမှုနဲ့ အလုပ်မရှိ အားနေတဲ့ ကိစ်စ တွေ ပေါင်းပြီးဖြစ်တယ်လို့ ယူဆမိပါတယ်။ ကျဉ်းမြောင်းလှတဲ့ အခြေအနေထဲမှာ အကန့် အသတ်နဲ့ ရှိနေတဲ့ အခွင့်အလမ်းကိုရဖို့ မှန်ကန်တဲ့ ပြိုင်ဆိုင်မှု အခင်းအကျင်းလဲ မရှိတော့ မနာလိုမှုတွေ၊ သေးသိမ်ယုတ်ညံ့မှုတွေ ပေါက်ပွားလာတတ်ပါတယ်။ ကိုယ့်အလုပ်ကိုယ်လုပ်၊ ကိုယ့်နေရာ ကိုယ်ကျေနပ်ပြီး မအားရင် မနာလိုစိတ် ဖြစ်စရာ အကြောင်းကို မပေါ်ဘူးလို့ ထင်ပါတယ်။ ကျင်လည် ရတဲ့ ပတ်ဝန်းကျင် ကျဉ်းမြောင်းမှု၊ မိဘဆွေမျိုး အသိုင်းအ၀ိုင်းက ပိတ်ပင်မှုနဲ့ ယဉ်ကျေးမှု မျက်နှာ ဖုံးတပ် ဓလေ့ထုံးစံတွေကပါ ထပ်ပြီ ပိတ်ပင်လိုက်တော့ ထိတွေ့ဆက်ဆံ အတွေ့ အကြုံယူ ရတဲ့အသိုင်းအ၀ိုင်း ပိုကျဉ်းမြောင်းလာနိုင်ပါတယ်။ အကျိုးဆက်အနေနဲ့ အတွေး အခေါ်တွေလဲ လိုက်မစဉ်းစား နိုင်တော့ လောက်အောင် ကျဥ်းမြောင်းကုန်တတ်ပါတယ်။ နိုင်ငံခြားရောက်နေတာကြာပြီး မြန်မာတွေ ဘယ်လိုအမြင်၊ ခံယူချက်ရှိတယ်ဆိုတာ သိလို့ လားလို့ မေးခွန်းထုတ်လာမယ် ဆိုရင်တော့ ကျွန်မက ဘယ်လိုဟာတွေ ကြုံဖူးလို့ အဲဒါကို အခြေတည်ပြီး ပြောလဲ ဆုိုတာ ကိုယ်တွေ့နဲ့ယှဉ်ပြီး ပြန်ပြောပြ ပါ့မယ်။ ကျွန်မ တကသိုလ် ကျောင်းသူဘ၀ မြန်မာပြည်မှာ အတန်းထဲက မမ တယောက်က ကျွန်မကို လာမေးဖူးပါတယ်။ နင့်ကို ပိုးတဲ့လူ ဘယ်နှစ်ယောက်ရှိတုံးတဲ့။ ကျွန်မက ကျောင်းပြေးမို့ လွတ်ထားတဲ့စာတွေ အသည်းအသန် ကူးနေတုံး ဆိုင်းမဆင့် ဗုံမဆင့်မေး လာတော့ အံ့သြတာပေါ့။ မမှတ်မိဘူးလို့ ခပ်ပေါ့ပေါ့ ဖြေဖြစ်ပါတယ်။ ငှားထားတဲ့ စာအုပ်က ပြန်ပေးရတော့မှာမို့ အသည်းအသန် ကူးနေရလုို့ပါ။ ဒီမှာတင် သူက မမှတ်မိနိုင်လောက်အောင် များနေလို့လား။ ဒါဖြင့် ပိုးတဲ့လူထဲ ကားစီးနုိုင်သူ ဘယ်နှယောက်ပါလဲ၊ ဟန်းဖုန်းကိုင်နိုင်သူ ဘယ်နှယောက်ပါလဲတဲ့။ ကျွန်မဖြင့် အံ့သြလွန်းလို့ စာတောင် ဆက်မကူးနိုင်တော့ဘူး။ ဒါလဲမမှတ်မိဘူးလို့၊ ပိုးပန်းတဲ့လူကို မှတ်ထားစရာလား။ လမ်းကြုံလို့ ပါးစပ်ဆော့တာလဲ ဖြစ်နိုင်တယ်။ ပိုးပန်းတယ်ဆုိုတာ အပျော်လဲ ဖြစ်နိုင်တယ်။ လောင်းကြေးစားကြေးလဲ ဖြစ်နိုင်သေးတယ်။ ဘာလို့ အရေး စိုက်ပြီး မှတ်ထားမလဲ။ လက်ထပ် ခွင့်တောင်းတဲ့လူ ဘယ်သူဆိုတာပဲ မှတ်မိတယ်လို့ ကျွန်မဖြေဖြစ် တယ်။ ကျွန်မအဖြေထဲမှာ သူသဘောမကျစရာ ဘာတွေ့လဲ ကျွန်မ ခုထိမသိဘူး။ သူကတော့ ကျွန်မကို အသည်းအသန် စိတ်ဆိုးသွားလေရဲ့။ မေးလာတဲ့ သူက ကျောင်းမှာ နာမည်ကြီးတဲ့ အရပ်၅ပေလောက် မိန်းကလေးပါ။ ကျွန်မလို ၆ပေ နီးပါးအရပ်ကြီးနဲ့မို့ ဘယ်သူမှတော်ရုံ အနားမကပ်တဲ့ လူကို ဘာစိတ်ကူးနဲ့ သူလာမေး လဲဆိုတာ ခုထိ ကျွန်မ တွေးလို့ မရဘူး။ ပြီးတော့ မေးခွန်းကလဲ ပိုးတဲ့လူ ဘယ်နှယောက်ရှိလဲတဲ့။ ပိုးတဲ့လူတိုင်း ယူနိုင်တာ ကျနေတာပဲ။ ဒါ ကျွန်မတို့ခေတ် ဆယ်တန်းအမှတ်စာရင်းအရ မြန်မာပြည်မှာ အတော်ဆုံးလူ အယောက် တထောင် ကျော် စာရင်းဝင်သူတွေမှ တက်ခွင့်ရတဲ့ တကသိုလ်က ကျောင်းသူနော်။ သိပ်မကြာ လိုက်ပါဘူး။ ကျွန်မ ကားတိုက်ခံ ရတယ်။ တိုက်သွားတဲ့ ကားနံပါတ်ကို ကညနမှာ အလွတ် သဘော စုံစမ်းတော့ ကားပိုင်ရှင် နာမည်နဲ့ လိပ်စာသိရော။ မေးခွန်းရှင်မမနဲ့ တိတ်တိတ် ပတ်သက်နေ တဲ့ ကျောင်းသားရဲ့ကား။ လက်ဖျားခါတယ်။ ဒီတော့ မြန်မာတွေ မနာလိုစိတ်များတယ်ဆိုတာဟာ ဗီဇလား၊ အခြေအနေကြောင့် လား ဓလေ့ ထုံးတမ်းတွေကြောင့်လား ပြင်လို့ ရနိုင်တဲ့နည်းလမ်းတွေ ဘာလဲ ဆိုတာ ကို အစိုးရနဲ့ ပညာရေး ၀န်ကြီးဌာနတို့က လူမှုရေးသိပ်ပံ ဘာသာရပ်ရှုထောင့်ကနေ သုတေသနလုပ်ပြီး မူဝါဒတွေ စီမံကိန်းတွေလဲ ချမှတ်နိုင်ပါတယ်။ ပြည်သူတယောက် ချင်း အနေနဲ့ကလဲ တဖက်သားကို မနာလိုတတ်သူလို့ လွယ်လွယ် တံဆိပ်တပ်၊ လူ့အဖွဲ့အစည်းထဲက ဖယ်ထုတ်ဖို့ ကြိုးစားရင်း သပွတ်အူလိုက်အောင် လုပ်တာမျိုး ရှောင်ဖို့ လိုပါတယ်။ ဒါ့အပြင် မြန်မာအချင်းချုင်း မနာလိုစိတ်နည်းပါးအောင်၊ ဒါမှမဟုတ် မနာလိုဖို့ကို မစဉ်းစားနိုင် အားလောက်အောင် ပြီးတော့ အချင်းချင်း မပြိုင်အားလောက်အောင် … အဖွဲ့လိုက်တိုင်ပင် ညှိုနှိုင်း ဆောင်ရွက်နိုင်မယ့်၊ နိုင်ငံတကာမှာ ပြိုင်တဲ့နည်းနဲ့ အချင်းချင်း စည်းလုံး ညီညွတ်မှုကို တည်ဆောက်နိုင်အောင် လုပ်နိုင်မယ့် နည်းလမ်းတွေ ရှာပေးနိုင်မယ် ဆိုရင်…. စိတ်ဝင်စားစရာကောင်းတဲ့၊ ကိုယ်တိုင်နဲ့ ပတ်ဝန်းကျင်အတွက်ပါ အကျိုးရှိတဲ့၊ အလုပ်တွေ၊ စီမံကိန်းတွေ၊ နိုင်ငံတကာပြိုင်ပွဲတွေနဲ့ များများ ထိတွေ့ပေးနိုင်မယ် ဆိုရင်… ကျွန်မကတော့ စွယ်စုံရ အနုပညာရှင် ၀င်းဦးရဲ့ မြန်မာ့ရှုခင်း မြန်မာ့စိတ်ရင်း သီချင်း လေးထဲက မြန်မာတို့ရဲ့ ရွှေခေတ်ကို အမြန်ပြန်ရောက်ဖို့ကိုသာ မျှော်လင့်စိတ်ကူး ယဉ်နေမိတာပါ၇ှင်…

အမေတယောက်ရဲ့ အနုပညာ

ဘလော့ဂါရွာကြီး စည်ပင်နေရာက၂၀၀၇ နောက်ပိုင်းမှာ သိသိသာသာ ခြောက်ကပ်သွားတယ်။ ရွှေဝါရောင်မုန်တိုင်းအပြီးအကြောက်တရားတွေကြောင့်လဲ တချို့တဝက်၊ လုပ်ငန်းခွင်ထဲက ဘလော့ဂါတချို့ ရာထူးတက်၊တာဝန်များ သွားတာလဲ ပါရဲ့၊ အပျိုလူပျို ဘလော့ဂါတွေ ကြင်ယာ စုံသွားလို့ အိမ်ထောင်အမှုတွေနဲ့ အချိန်မပေးနုိုင်ကြတော့ တာလဲ ပါရဲ့၊ လူတခု ပူမှုရယ်တဲ့ဆယ်ကုဋေတွေ စသဖြင့် အကြောင်းပြချက် ပေါင်းစုံကြောင့် ဘလော့ရွာကြီး ငြိမ်နေတာ အတော်ကြာပြီ။ ကိုယ်ကတော့ ဘလော့ရွာကနေ အကြာကြီး ပျောက်သွားရတာ မိုးနတ်မင်းပေး တဲ့ရတနာတွေ ထိန်းနေရလို့ပါ။ (ကိုယ့်ကိုယ်ကျ အဲလို အကောင်းပြောတာ) မိုးနတ်မင်းပေးတာလို့ပြောတာအကြောင်းရှိတယ်။ လေ၂ခါဖြတ်ထားတဲ့ကိုယ်က ကလေးမရခင် တည်းက သားဥအိတ်၂လုံး ရှိတာမှာ တလုံးဘေးမှာသွေးလုံးတည်လို့ ဆိုပြီး (သွေးလုံးနဲ့ သားဥအိတ်တလုံး) အတွဲလိုက် ထုတ်ထားရတယ်။ ဆရာဝန်က အားရပါးရအားပေးလိုက်တာက ဒီတသက် ကလေးမရနိုင်တော့ဘူး ဆိုတာကိုး။ ဒီကြားကကိုယ်ဝန် ရှိတာများ ဖြစ်နေမလားဆိုပြီး ဆေးဆိုင်က ပစည်းလေးဝယ်ပြီး စစ်ကြည့် တော့ဟယ် အနီ၂စင်းတော့ဆိုပြီး ထခုန်တာ။ နောက်နေ့ ကိုယ့်ကိုယ်ကို နေ့စေ့လစေ့ ပုံစံဖမ်းပြီး ဆေးရုံသွား ဗိုက်အပ်တော့ ဆရာဝန်မက ရီလွှတ်တာ။ ကိုယ့်ကျန်းမာရေး ရာဇဝင်ဖတ်ကြည့်ပြီး ကလေးရူးရူးနေတဲ့ ချာတိတ်ဆိုတဲ့ အကြည့်နဲ့ချော့ရှာတယ်။ ကိုယ်ကဇွတ်ပြော တော့ သူလဲကိုယ်စိတ်ကျေနပ်အောင်ဆိုတဲ့ မျက်နှာပေးနဲ့ ကုတင်ပေါ်တက်ခိုင်းပြီး ကလေး နှလုံးခုန်သံ နားထောင်တဲ့ စက်လေးနဲ့ ဗိုက်ပေါ် ထောက်ရှာတာဘာသံ မှ ထွက်မလာဘူး။ ဘယ့်နှယ့်ရှိစ ဆိုတဲ့ ရုပ်နဲ့ ကလေးမရှိပါဘူးဆိုပြီးနားချတယ်။ ကိုယ်ကလဲ ဇွတ်ပဲ။ တပြားသားမှ မလျှော့ဘူး။ ဒါနဲ့ Ultrasound ရိုက်ပါရော။အဲ့မှ တွေ့တယ်။ ကလေးက အစက်ကလေးပဲ ရှိသေးတာကို သူက နှလုံးခုန်သံနားထောင်တဲ့စက်နဲ့ရှာလို့ ဘယ်လိုလုပ် အသံကြားမတုံး။ ဒီတော့မှ ဆရာဝန်မကဆောင်ရန်၊ရှောင်ရန်တွေ ပြောလွှတ်ပြီး ကိုယ့်ကို စာရင်းအရှည်ကြီးနဲ့ ဆေးစစ်ခိုင်းပါတော့တယ်။ လေးမျက်နှာတိတိ စာရင်းရှည်ကြီးအတွက် သွေးကို ဆေးထိုးပိုက်အကြီးကြီးနဲ့ ၆ခု ထုတ်ပြီး ဆေးစစ်တာ ကိုယ့်တလခ ပြောင်ပါရော။ ကလေးအတွက်ဆိုပြီးမနှမြောပေါင်။ ဆရာဝန်မကပြောတယ်။ ကိုယ့်ကျန်းမာရေးအရ နေ့တုိုင်းသောက်ရတဲ့ဖောလစ်အက်ဆစ် က ကလေးအတွက် သိပ်ကောင်းသတဲ့။ သောက်နေတာ ဘယ်လောက်ကြာပလဲဆိုတော့၃နှစ်လို့ ပြန်ဖြေဖြစ်တယ်။ ကလေးကံပေါ့။ သူများတွေကိုတော့ ကိုယ်ဝန် ၇လလောက် နေမှပုံမှန် ဆေးရုံကို ရက်ချိန်းနဲ့ လာခိုင်းပေမယ့် ကိုယ့်ကိုတော့အဲဒီအချိန်တည်းက တလတခါ ပုံမှန် ချိန်းပါတယ်။ ဘုရားစူးမိုးကြိုးပစ် ကိုယ်ဝန်သည်။ ပေါ့ပါးလိုက်တာများ လွှားခနဲ လွှားခနဲ။ ကိုယ်ဝန်ရှိပြီဆိုတာနဲ့အင်တာနက်တခွင် ပြဲပြဲစင်ရှာဖတ်တာက ကလေးပြုစုပျိုးထောင်နည်း၊ ကလေးစိတ်ပညာ။ကလေးကြောင့်ပဲ ကလေးစိတ်ပညာအကြောင်း သင်တန်းပေး မယ်ဆိုတဲ့ အလုပ်ကို ဘလော့ဂါမခင်မင်းဇော်ရဲ့ ကောင်းမှုနဲ့ လျှောက်ဖြစ်ခဲ့တယ်။ အလုပ်က သင်တန်းဆင်းပြီးမှလူပြန်ရွေး၊ လူစစ်ပြီးအလုပ်ခန့်မှာတဲ့။ ကိုယ့်အကြံက အလုပ်မခန့်ခဲ့ရင်တောင် ဒီသင်တန်းကို စရိတ်ငြိမ်း တက်ခွင့်ရတာ အမြတ်လို့ သဘောထားတာကိုး။ ဒါပေမယ့် အလုပ်ကကိုယ့်ကို ခန့်လိုက်တယ်။ ကိုယ်ကလဲ ဒီအလုပ်က ကိုယ့်ကလေးတွေကိုပြုစုပျိုးထောင်ရာမှာ တဖက်တလမ်းအကျိုးပြုမယ်လို့ တွေးပြီး ဆက်လုပ်လုိုက်တယ်။ ကိုယ်ဝန် ၈လလောက်မှာဆီးစပ်အောင့်လာလို့ ဆရာဝန်ကို ပြောတော့ မွေးချင်တဲ့လက်ခဏာ ပြတာတဲ့။ လမစေ့ဘဲမွေးရင် ကလေးကျန်းမာရေး မကောင်းဘူး။ လမစေ့ဘဲ ပေးမမွေးဘူးဆိုပြီးဆေးတလုံးထိုးလို့ လူကိုလဲ ဆေးရုံကောက်တင်ပလိုက်တယ်။ ကုတင်အကျယ်ချုပ်လေးရက်။ ကုတင်ပေါ်ကပါ ပေးမဆင်းဘဲ ငြိမ်နေခိုင်းတယ်။ သန့်စင် ခန်းတောင် ပေးမသွားဘူး။ကုတင်ပေါ်တင်ကန့်လန့်ကာပြီး ကိစ်စရှင်းခိုင်းတာ သေချင်စော်နံရော။ ကလေးအတွက်ဆိုပြီး သည်းမခံဖူး တာတွေ သည်းခံရတယ်။ ဒီအရှိန်နဲ့ ဖြစ်မှာပေါ့။ အရှိန်လွန်ပြီးရက်စေ့ပေမယ့် ကလေးက မွေးမလာဘူး။ ဟိုနေ့ မွေးနိုး ဒီနေ့မွေးနိုးနဲ့ဗိုက်တလုံးကို မနိုင်မနင်း ပိုက်ပြီး မွေးရလွယ်စေ ကြောင်း လမ်းလျှောက် လိုက်ရတာ ခြေတွေတောင် နာတယ်။ ဆေးရုံတက်ဖို့ အသင့်ပြင်ထား တဲ့ အထုပ်တထုပ်ကားထဲထည့်ပြီး ချင်းမိုင်မြို့ ဒွိုင်စူထပ်တောင်ပေါ် လှေကားနဲ့တက်ပြီး ဘုရားဖူးတယ်။ မမွေး။နောက်နေ့ ဘုရင်မ ပန်းခြံ လမ်းပတ်လျှောက်လဲ မမွေး။ နောက်၂ရက် နေလို့ ခေါင်းချွဲဆင်းတော့မှဆေးရုံသွား၊ ကုတင်ပေါ်မှာ ဆရာဝန်က စမ်းပြီး အချိန်ရောက်ပြီ ဆိုပြီးရေမွှာ ပေါက် ချိန်မှ ဗိုက်ထဲကကျေးဇူးရှင် ကျွမ်းပစ်လိုက်တာ (((ဂလုံ))) ကနဲပဲ။ ဗိုက်ထဲကကလေးတပတ်လည်သွား တာ ဗိုက်ပြင်ကြီး ကြည့်ပြီး မြင်လုိုက်ရတယ်။ ဆရာဝန်ကမသင်္ကာ လို့ပြန်စမ်းတော့ ခေါင်းဆိုက် နေရာက ဘေးတိုက်ကြီး ဖြစ်သွားပြီဆိုပြီး အရေးပေါ်ခန်းထဲကုတင်ကို တွန်းပြေးတော့တာပဲ။ ဖြစ်လိုက်ရင် အသည်းအသန်။ ဒါနဲ့ပဲ သားဦးကိုဗိုက်မနာဘဲ ခွဲမွေးလိုက်ရတယ်။ (တတိယမြောက်သမီး ကျမှပဲ ရှားရှားပါးပါး ဦးသန့်မွေးတဲ့ နက်ခတ်နဲ့ တူတဲ့အချိန်ကို အခါပေးထားတာ ဖတ်မိလို့၊ ဦးသန့်လို ကလေးမျိုး လိုချင်တယ်ဆိုပြီး ဗိုက်နာတာကို အောင့်ထားတာ ၃ရက်။ ကျောင်းမှန်းကန်မှန်းသိအောင် အတိုးနဲ့အရင်းပေါင်းပြီး နာလိုက်တာမှ ပြောစရာတောင် စကားလုံး မရှိဘူး။) တကယ်တမ်းမွေးလာပြီဆိုတော့စာတွေ့နဲ့လက်တွေ့ ကွာတော့တာပဲ။ ဆေးရုံမှာ ကလေးမွေး တာနဲ့ ကလေးအထူးကုက တခါတည်း ခေါ်သွားပြီးကလေးတကိုယ်လုံး ဓာတ်မီးနဲ့ အကြို အကြားမကျန် (နား၊ နှာခေါင်း၊ ပါးစောင်၊အာခေါင်မကျန်) အကုန်ထိုးကြည့်ပြီး စစ်တော့တာ။ ပြီးရင် ဗိုက်ခွဲထားလို့ညှာမယ်မထင်နဲ့။ ကလေးအမေ ထပေတော့ ဒီလိုနို့တိုက်ဆိုပြီး သူနာပြု ချုပ်ကြီးကသင်တန်းပေးတော့တာပဲ။ မိဘတွေ ပထမဆုံးသားဦးဆိုရင်တော့ မိရောဖပါ သင်တန်းတက်ပေတော့အခမဲ့။ ကလေးအဖေ လာခဲ့။ ကလေးအဖေတွေအတွက် သင်တန်း ဘယ်အချိန်က ဘယ်အချိန်ထိမတက်မနေရ လာတက်။ ဒါပဲ။ ကလေးအမေအတွက် သူနာပြုက ကလေးပြုစုနည်းသင်ပေးတယ်၊ အချိန်နဲ့တကွသွင်းကုန်၊ ထုတ်ကုန်တွေကို စာရင်းမှတ်ရတယ်။ ဘယ်အရွယ် ဆို သွင်းကုန်ဘယ်လောက်မှာ ထုတ်ကုန် ဘယ်လောက် မရှိရင် ဘယ်လိုလုပ်။ လေးရက်နေ လို့မှထုတ်ကုန် မထွက်ရင် baby MOM တိုက်ပေါ့။ နို့မှုန့် ဘယ်တံဆိပ်တိုက်ရမလဲဆိုတော့ ပြာပြာသလဲ တားတယ်။ ဘယ်လောက် အဆင့်မြင့်တဲ့ နို့မှုန့်ဖြစ်ပါစေ။ မိခင်နို့ ရဲ့ ငါးပုံတပုံပဲ အဟာရနဲ့ အာနိသင်ပါတယ်။ ဒီကိစ်စကိုဘယ်နို့မှုန့်ကြော်ငြာကမှ ထည့်မပြောပါဘူးတဲ့။ ဒါလဲ ဟုတ်တာပဲ။စီးပွားရေးလုပ်ပါတယ်ဆိုမှ ကိုယ့်စားအိုး ကိုယ်ခွဲ သလိုဖြစ်မယ့်အချက် ဘယ်သူကထည့်ကြေညာမလဲနော်။ ဒါနဲ့ပဲ မအေနို့ကလွဲရင် တခြားဘာမှ ပါးစပ်ထဲ မဝင်စေရ ဗျူဟာနဲ့၆လလုံးလုံး ၂ပါးသွားရပါတယ်။ ကလေး ကာကွယ်ဆေးကို ရက်ချိန်းနဲ့ သွားတော့ ကလေးချီရင်ထည့်တဲ့ သိုင်းအိတ်လေးနဲ့ စတိုင်ထုတ် သွားတာပေါ့။ ကိုယ်တွေကအင်တာနက်ကြမ်းပိုးကိုး။ ဘယ်ဘရန်းဆို ဘာအသားနဲ့ချုပ်ထားတော့ ကလေးအသားနုနုလေးပွန်းသွားမလား။ ဒီအသား ဆို ရနိုင်ကောင်းရဲ့ ဒါပေမယ့် ချုပ်ပုံအနေအထားကြောင့်ကလေး နေလို့ကောင်းပါ့မလား လားပေါင်းစုံနဲ့ ဖိုရမ်တွေပါမကျန် လုိုက်ရှာဖတ်ပြီးမှထည့်လွယ်တာဆိုတော့ ဟုတ်ပြီပေါ့။ ဆရာဝန်ရှေ့ရောက်တော့ ဆူခံရတာပါပဲ။သိုင်းကြိုးအားကိုးနဲ့ သတိထားမှုလျော့ရင် မတော်တဆ ချီတာ မတ်သွားရင် အထိန်းလွဲသွားရင်ကလေးအရိုးနုနုလေးတွေနဲ့ အရွတ်ကွင်းတွေကို ထိခိုက်စေနိုင်ပါသတဲ့။ ကလေးအသက်၆လသား မပြည့်သေးရင် basinet လို့ခေါ်တဲ့ ကလေး သိပ်ပြီး ထည့်ဆွဲတဲ့ ခြင်းလိုဟာနဲ့သယ်တာ ဘေးအကင်းဆုံးပါတဲ့။ နို့မို့ ကလေးခါးရိုး လည်ပင်းရိုး ထိသွားရင်တသက်လုံး ရင်ကျိုးရလိမ့်မယ် တဲ့။ ဟုတ်ပါရဲ့။ ဆူတဲ့သူကို ထိုင် ကန်တော့ချင်စိတ်ပေါက်သွားတယ်။ မတော်တဆ တခုခုများဖြစ်ခဲ့ရင် ကိုယ့်ကိုယ်ကို တသက်လုံးခွင့်လွှတ်နိုင်မယ် မထင်ဘူး။ ကလေးနည်းနည်းကြီးလာလို့မှောက်တာ၊ လေးဘက်သွားတာ၊ မတ်တပ်စမ်းတာနဲ့ လမ်း လျှောက်ကျင့်ရာမှာလဲ စိတ်မစောဖို့ဆရာဝန်က မှာရှာပါတယ်။ ကလေးရဲ့အရိုးတွေ နဲ့ ဇီဝဖြစ်စဉ်တွေက အဆင်သင့်ဖြစ်ရင် သဘာဝအရသူ့ဟာသူဖြစ်လာလိမ့်မယ်။ အချိန်မ ရောက်သေးခင် စိတ်စောပြီး အတင်းဖိအားပေးရင်ကလေးကိုထိခိုက်စေတယ်လို့ ဆရာဝန်က ပြောပါတယ်။ ကိုယ်ကလဲ စိတ်ကူးပေါက်သမျှအကုန်မေးတာပဲ။ ဒီတော့ ဆရာဝန်ကလဲ စိတ်ရှည်ရှည် ဖြေပေးပါတယ်။ သူပြောတာ ဟုတ်တယ်။ကလေးချင်း ပြိုင်တဲ့ သူတယောက် သူ့ကလေးကို ဆယ်လသားမှာ လမ်းလျှောက်ကျင့်တာ ပုဆိုးကို ကလေးချိုင်းမှာ သိုင်းပြီး ဆွဲရင်း လမ်းလျှောက် ဇွတ်ကျင့်သတဲ့။ကလေးကတော့ တရက်နဲ့ လမ်းလျှောက် တတ်ပြီး နောက်နေ့ မတ်တပ်ပဲ လမ်းလျှောက်တော့တယ်။ တွားမသွားတော့ဘူး။ ဘာဖြစ်လဲဆိုတော့ ခြေထောက်ခွင်သွားရော။ ကလေး လမ်းလျှောက် စောတာ နောက်ကျတာက ဘာမှ အရေးမကြီးဘူး။ ခုတော့ မပြိုင်သင့်တာပြိုင်ပြီး ဇွတ်လုပ်တော့ ကလေးခမျာ အရွယ်ရောက်ချိန် သိမ်ငယ်စိတ်ကြီးနဲ့ တသက်လုံး အတိုမဝတ်ရဲဘူး။ နောက်တခုက ကလေးက လေးဘက် သွားရင်းနဲ့ ရှေ့တိုးနောက်ဆုတ် လုပ်တာဟာကလေးရဲ့ဦးနှောက်ကို လိုသလိုဖွံ့ဖြိုးစေတယ် အဲဒီအရွယ်မှာဖွံ့ဖြိုးရမယ့် ဦးနှောက် အစိတ်အပိုင်းကို လေးဘက်တွားလို့ ဖြစ်တဲ့ ပြင်းအားနိမ့် ခေါင်းလှုပ်မှုကနေအထောက်အပံ့ဖြစ်စေတယ်။ ဒါကြောင့် ကလေး လေးဘက်သွားတာ ကြာနေပြီး လမ်းမ လျှောက်သေးရင် ဒါမကောင်းတာ မဟုတ်ဘူးဆိုတာကို ကလေးဆရာဝန်က သေချာပြော ပါတယ်။ဒါမျိုးတွေကတော့ အထူးပြုလေ့လာသင်ယူထားသူပဲ သိနိုင်မယ့် ကိစ်စ ထင်ပါရဲ့။ကိုယ်လို စာဂျပိုး အင်တာနက်ဂျပိုးက ဘယ်မှာမှ ဒါမျိုးကို ရှာမတွေ့ခဲ့ဘူး။ဆရာဝန် ပြောမှ သိပါတယ်။ ကလေးများ မတ်တပ်ပြေးရင် ထိခိုက်မှာလဲ စိုးပေမယ့်မပြေးလို့မသန် ဖြစ်မှာလဲ စိုးရိမ်တာ ဆိုတော့ လိုက်ထိန်းရတာ အင်မတန်မောတာ။ ဒါပေမယ့် သြော်..ပြေးစရာ ခြေထောက်ပါလို့ ဝမ်း သာရတာပဲ။ အပြေးမြန်တော့ သန်မာမှုအတွက်စိတ်ချမ်းသာရတာပဲ။ မောတော့မောတာပေါ့။ ဒါပေမယ့် မမောဘူးပေါ့။ ကလေးတွေဆူညံအော်ဟစ်နေပြန်တော့ နားစည် ပြသနာကြောင့် သူများထက် ပိုကြားနေတဲ့ ကိုယ့်မှာနားမခံနိုင်ဘူး။ ဒါပေမယ့် ဆွံ့အနားမကြား ကလေးတွေကို မြင်ရင် လျှပ်စစ်ခေါင်းလောင်း သံလေးတွေကနေ ဆည်းလည်း သံလေးတွေ ပြန်ဖြစ်သွားတယ်။ တကယ်တော့ စိတ်… စိတ်ပါကွယ်။ ကလေးထိန်းတယ်ဆုိုတာ တကယ်တော့ဘာမှမဟုတ်ဘူး။ သူတို့ရဲ့ တရက်တာ အချိန် ၂၄နာရီကို နေ့တုိုင်းဘယ်လိုစီမံခန့်ခွဲပေးမလဲ ဆိုတာပဲ။ ငယ်တုံးမှာဆိုရင် အိပ်ချိန်ကို ဘယ်နှနာရီသတ်မှတ်ပေးပြီး ဘယ်အချိန်ကနေ ဘယ်အချိန်ကြား အိပ်အောင် အကျင့် လုပ်ပေး မလဲ၊ဘယ်လို အနေအထားမျိုးနဲ့ ပေးအိပ်မလဲ။ အစားကိုလဲ ဘာအစားမှ ဂျီးမများရအောင်၊ဓာတ်မတည့်တဲ့ အစားအစာကလွဲရင် ကျန်တာတွေကို တောက်တာ၊ အစာအဆိပ်သင့်တာ မဖြစ်အောင်ဘယ်လို တွဲစပ် စီစဉ် ကျွေးမွေးမလဲ စသဖြင့်ပေါ့။ ကလေးချီနည်းကလဲ အရွယ်အလိုက်မတူပြန်ဘူး။ အဝတ်အစားဆင်ရ၊ ရေချိုးပေးတာ အစ အရွယ်အလိုက်မတူတာ။ နည်းနည်းလေးကြီးလာပြီဆိုရင် သူတို့လောကကို သင်ကြားလေ့ကျင့်ဖို့ ဘယ်အရွယ်မှာ ဘာတွေကိုပေးသိပြီး ဘယ်အချိန်မှာ ဘာတွေကို မမြင်အောင် ထိန်းသိမ်း ဖွက်ထားမလဲ၊ဆော့ကစားချိန်မှာ ဘယ်အသက်အရွယ်ဆို ဘယ်လိုကစားနည်း တွေကို နားလည်ပြီးဘေးကင်းကင်း ဆော့နိုင်မလဲ ဘလာဘလာ ပေါ့။ နိုင်ငံခြားမှာ မိဝေးဖဝေး ဆွေဝေးမျိုးဝေးဆိုတော့ ညွှန်ကြားပြသမယ့်သူ အနားမှာ တခြားလူမရှိတော့ သင်တန်းတွေ တက်ပေါ့။ထိုင်းမှာ ကိုယ်က တခုကံကောင်းတာက ကလေးမွေးတဲ့ဆေးရုံမှာ မိဘအသင်းတွေရှိတယ်။ဒီဆေးရုံမှာ တက်မွေးဖူးသော မိဘများ အသင်းပေါ့။ အတွေ့အကြုံတွေ ဖလှယ်ကြတယ်။ပွဲတွေရှိတယ်။ ခုထိလဲ တက်ရတုံးရယ်။ ကလေးတွေကိုပြုစုပျိုးထောင်ရတာဟာ ကိုယ့်ကလေးက ဥာဏ်ကောင်းလေ၊ ထိန်းရတဲ့လူ မောလေ။ ကိုယ့်ကလေးကဥာဏ်ကစားနိုင်လေ ထိန်းရခက်လေ။ ပညာလေး ပိုတတ်လာလေ မေးခွန်းထုတ်လေတောင်းဆိုချက်များလေပဲ။ ထိန်းရခက်တဲ့ ကလေးတွေကို ကြည့်ရင်း အဒေါ်ကြီးတယောက်သူ့ကလေးတွေထိန်းရင်း ပြောဖူးတာ သတိရတယ်။ ငါလေ ဖြစ်နိုင်ရင် နင်တို့ငြိမ်အောင်ဘိန်းကျွေးထားချင်တယ်တဲ့။ ကိုယ်ကလဲ ရွတ်ပြီး ဘာလို့ မကျွေးလဲ ဆိုတော့ မအေဖြစ်နေလို့ပေါအေ။ မိထွေးသာဆုို ကျွေးပစ်တာ ကြာပြီတဲ့။ ဟုတ်တော့ ဟုတ်ပါတယ်။ပြုစု ပျိုးထောင်ပုံကို ကြည့်ရင် မိဘလား ဘိုးဘွားလား အကိုကြီးအမကြီးလားဆွေမျိုး သားချင်းလား သည်းခံ အနွံတာခံပုံချင်းတော့ ကွာမှာပါပဲ။ ကိုယ်ပင်ပန်းတဲ့ချီချီပိုးပိုးအရွယ်ကနေ မတ်တပ်ပြေးတဲ့ အရွယ်၊ စကားသင်တဲ့ အရွယ်တွေလဲ ရောက်ရော.. ကိုယ်ပင်ပန်းတာ လျော့သွားပေမယ့် စိတ်ပင်ပန်းတာနဲ့ ခေါင်းပင်ပန်း တာတွေ အလှည့်ရောက်လာပါရော… အနေအထိုင် အပြောအဆို အဝတ်အစား အမျိုးစုံ သွန်သင်ရသလို သူတို့အတွက်က တလောကလုံးက ရှိသမျှ အဖြစ်အပျက်တွေ အကုန်လုံးက သိစရာတွေချည့်ကိုးးး မေးပါပြီ စေ့စေ့စပ်စပ်ဆီလို အပေါက်ရှာပြီး မေးတော့ တာပါ။ နားချင်တဲ့အချိန် ကလေးထိန်းရသက်သာအောင်ဆိုပြီး ကာတွန်းကားတွေ ဖွင့်ပြ ထားမိတော့ တိုင်အကြီးကြီးပတ်တော့တာပါပဲ။ မေမေ စင်ဒရဲလားက ဘာလို့ဒီအင်္ကျီတထည်ထဲ ဝတ်တာလဲ မေမေ Pooh က ဘာလို့ဘောင်းဘီမဝတ်ဘဲ -င်တုံးလုံး နေတာလဲ မေမေ ကြောင်ကြီး တွမ်က ဘာလို့ကြွက်ကြိုက်တာလဲ မေမေ Tweety လေးငယ်ငယ်တုံးကရော မီးမီးလို diaper ဝတ်လား အစရှိသော ဘယ်လိုမှတွေးထင်မထားဖူးသော ပေါက်တတ်ကရ မေးခွန်းများ အကုန်ထွက်လေ သတည်း… ဒါနဲ့ ကာတွန်းကားကိုအလှည့်နားရင်း မြန်မာသင်ပုန်းကြီး ဖတ်စာက ဗျည်းကို သင်မိတာမှာ နောက်တမျိုးတိုင်ပတ်ပါသည်။ မေမေ ဂငယ် ဃကြီး နငယ် ဏကြီးရှိတယ်။ ကကြီးရှိပြီး ဘာလို့ ကငယ် မရှိတာလဲ။ မေမေ ဘာလို့ ကကြီး ခခွေးလို့ခေါ်တာလဲ သူတို့ကို သင်ရသည်ကအခေါ်အဝေါ်မျိုးစုံ၊ ဆောင်ရန်ရှောင်ရန် မျိုးစုံနဲ့တကွ နောက်ဆုံး ဆွေမျိုးစပ်နည်းကိုရောက်ပါသည်။ မေမေ.. ဘာလို့တူ၊ တူမလို့ခေါ်တာလဲဟင် အင်း မှတ်ထားးး ဦးလေးတွေအဒေါ်တွေနဲ့ အကျင့်စရိုက်တို့ ရုပ်တို့ တူတတ်လို့ တူလို့ ခေါ်တာ။ မှတ်ကရော… မွေးထားရတဲ့ မအေနဲ့တစက်မှ မတူဘဲ ဦးလေး၊ ဦးကြီးတွေ၊ ဒေါ်လေး၊ ဒေါ်ကြီးတွေနဲ့ အကျင့်တူတဲ့ဟာတွေမွေးထားမိမှကိုးးး ဒီလိုနဲ့ ခေါင်းရဲ့ ၃ပုံတပုံက ဖွေးဖွေးလှုပ်သွားပါတော့တယ်။ သူတို့မေးတာကို ဖြေရတာတင် မလွယ်တာ မဟုတ်ပါဘူး။ ကလေးတွေရဲ့ အမူအယာ မျက်နှာရိပ် မျက်နှာကဲကို အမြဲလေ့လာ သတိထားပြီး သူတို့ရင်ထဲ အတွေးထဲက စကားတွေကို မေးထုတ်ရ ပါသေးတယ်။ မီးမီး မျက်နှာမကောင်းပါလား။ နေမကောင်းဘူးလား။ ဘာဖြစ်လာလဲ။ မေမေ.. ဆရာမက နက်ဖြန် ပါးပါးနဲ့မေမေ ကျောင်းကို လိုက်ခဲ့ပါလို့ မှာလိုက်တယ်။ ဟင်.. ဘာလို့တဲ့လဲ။ သမီးကျောင်းမှာ ရန်ဖြစ်လား မဖြစ်ဘူး စာမရလို့လား မဟုတ်ဘူး ဘာဖြစ်လို့လဲ (အတန်တန်မေးခါမှ) မီးမီးက ကျောင်းကားမစီးချင်လို့ ကျောင်းကားက ဘာဖြစ်လို့လဲ မကြိုက်လို့ ဘာလို့မကြိုက်တာလဲ။ ကျောင်းကားပေါ်က သူငယ်ချင်းတွေနဲ့ ရန်ဖြစ်ထားလား မဖြစ်ဘူး။ ကျောင်းကားမောင်းတဲ့ အန်တီနဲ့ မီးမီးတို့ကို ထိန်းတဲ့ အန်တီက ဆူလို့လား မဟုတ်ဘူး ဒါဖြင့် ဘာလို့ ကျောင်းကား မစီးချင်တာလဲ မီးမီးက မေမေနဲ့ပါးပါး က အိမ်က ကားနဲ့ကျောင်းကိုလာကြိုတာကိုပဲ ကြိုက်တာ... ဒီလိုဒီလို ပညာသားပါပါနဲ့ မိဘတွေကျောင်းကို လာကြိုဖို့အရေး ဆရာမက ခေါ်ခိုင်းတယ်လို့ပြောပြီး ညာခေါ်တတ်သေးတယ်။ မယုံတဝက် ယုံတဝက်နဲ့ ကျောင်းကို လိုက်ပို့တော့ သူ့သူငယ်ချင်းတွေကို လှမ်းကြွားရှာတယ်။ င့ါလဲ မိဘက လိုက်ပို့ပါတယ်ပေါ့။ ဆရာမကို သေချာမေးတော့ ဘာပြသနာမှ မရှိ။ သူများတွေကို မိဘက ကျောင်းလိုက်ပို့တာမြင်ပြီး သူက ကျောင်းကားမစီးချင်သော ရောဂါမျှသာ... မြန်မာပီပီကိုယ့်မျိုးဆက်ကို ကိုယ့်မျိုးရိုးအကြောင်းလဲပြည့်ပြည့်စုံစုံတန်ဖိုးထားသိမှတ်မှု ရှိစေချင်မိတယ်။ မြန်မာနိုင်ငံဆိုတာ ဘယ်နား၊ ထိုင်းနဲ့ဘယ်လိုကွာပြီး ဘာတွေ အဆက်အဆံ ရှိခဲ့ဖူးတယ်။ မြန်မာတွေက ဘယ်လိုနေထိုင်စားသောက်ပြီး ဘယ်လိုပျော်ပွဲရွှင်ပွဲတွေ ရှိတယ်။ မြန်မာဓလေ့က ဘာဆိုတာတွေကိုလဲ ကလေးကို သင်ရပါတယ်။ ဗုဒ္ဓဘာသာဝင် ပီပီ ကိုယ့်ဘာသာအကြောင်း ကလေးအဆင့်နဲ့ သိနားလည်အောင်၊ အဓိက ကတော့ ငါးပါးသီလနဲ့ ၃၈ဖြာ မင်္ဂလာဆိုတာ ဘာ၊ လိုက်နာကျင့်သုံးရင် ဘာဖြစ်မယ် ဆိုတာတွေ ကလေးကိုယ်တိုင်က နားလည် ယုံကြည်လက်ခံ လိုက်နာလာအောင် စိတ်ရှည်လက်ရှည် ပြောပြ ရှင်းပြရပါတယ်။ ဗုဒ္ဓ၀င် နဲ့ ဓမ္မ္မပဒပုံပြင်တွေကတော့ ခုချိန်ထိ အိပ်ရာဝင်ပုံပြင်တွေပေါ့။ သူများနိုင်ငံမှာဆိုတော့ကလေးတွေကို မူကြိုစောစောပို့မှ သူတို့ကျောင်းတက်တဲ့အခါ ဒေသခံ တွေရဲ့ဘာသာစကား၊ဓလေ့စရိုက်၊ ယဉ်ကျေးမှုတွေနဲ့ လိုက်လျောညီထွေ ဖြစ်မယ်ဆိုတဲ့ အ တွေးကြောင့်မူကြိုပို့ဖို့ စီစဉ်တော့ ရင်ဝမှာ မီးတောင်မြုံနေသလိုပါ။ ကိုယ် ကလေး တယောက် မှမရခင်က မြန်မာရွှေ့ပြောင်းလုပ်သား မိသားစု တစုနဲ့ ခင်ဖူးသည်။ သူတို့ သမီးလေးကမိဘတွေနဲ့ တစက်မှမတူဘဲ အင်မတန်ရည်ရုပ်သန့်ပြန့်ပြီး ဥာဏ်ကောင်းတဲ့ ကလေးလေး။ကားတိုက်မှုကြောင့် သေသွားတဲ့ ပညာတတ် ဘွဲ့ရ မွန်မိန်းကလေး အလောင်းကိုသွားကြည့်ပြီး နောက်ပိုင်း မိန်းကလေးက အတူနေခွင့်တောင်းတယ်လို့ အိပ်မက်ရအပြီးမွေးလာ တာတဲ့။ မိဘက အညာသူအညာသား တွေပေမယ့် မွေးလာတဲ့ကလေးက ဖြူဖြူဆွတ်ဆွတ်၊ ကလေးလေးက ချောလွန်းတယ်ဆိုပြီး ဆေးရုံပေါ်မှာ ကုတင်ချင်းကပ်လျက် ထိုင်းစုံတွဲက သူတို့ကလေးနဲ့ လဲပြီး ထွက်ပြေးသွားလို့နောက်က အသည်းအသန် လိုက်ဖမ်းပြီး သူတို့ကလေးကိုပြန်ရအောင် ယူခဲ့ရသည် ဟူသတတ်။ ကလေး ၂နှစ်မပြည့်ခင် ကြီးလေချောလေ ဖြစ်လာတဲ့သမီးကို စိတ်မချလို့လင်မယား၂ယောက်လုံး ပြည်တော်ပြန်ပြေးလေသည်။ ဒီဖြစ်ရပ်ကကိုယ့်အတွက်လဲ အိပ်မက်ဆိုး။ သမီးကိုမူကြိုပို့မယ်ဆိုတော့ မူကြိုတွေရဲ့ စည်းမျဉ်းတွေ၊ ဖွဲ့စည်းပုံတွေ၊သင်ရိုးတွေနဲ့ ဆရာ၊ ဆရာမတွေအထိ အသေးစိတ် စုံစမ်းရပါတယ်။ စိတ်ကြိုက်မူကြိုတွေ ထဲကမှ ကလေးတွေ ရဲ့ ဝါသနာ၊ ပါရမီတို့ကို စမ်းသပ် စစ်ဆေး ထုတ်ဖော်ပြီးမှအရည်အသွေးမြှင့်တင်မှုကို သုတေသနပြုထားတဲ့ ကလေးစိတ်ပညာအထူးကု ဆရာဝန်ကြီးများ တည်ထောင် ထားသော… မူကြိုတကျောင်းလုံးကို CCTV ကင်မရာ အပြည့်တပ်ပြီး မိဘအုပ်ထိန်းသူကိုယ်တိုင် အိမ်က အင်တာနက်ကတဆင့် password သုံးရင်း စောင့်ကြည့်နိုင်သော၊ မိဘအုပ်ထိန်းသူ ကိုယ်တိုင် အကြိုအပို့လုပ်ဖို့ စည်းကမ်းချက် ထုတ် ထားသောမူကြိုကို ရွေးအပ်ပါ၏။ မူကြိုအပြီး ကျောင်းအပ်တော့လဲ ထိုနည်း လည်းကောင်း… မူကြိုမှာ ပေါင်မုန့်မီးကင် ထောပတ်သုတ်နည်းက စလို့ စက်ကူအရုပ်ကို ကိုယ်တိုင်လုပ်နည်းကနေ ကိတ်မုန့်ဖုတ် နည်းအထိ အမှန်အကန် အကုန် သင်ပေးသော ဟူ၏။ ကိုယ့်သမီးကို သူ့ဆရာမက အင်မတန်တော်တယ် တီထွင်ဥာဏ်ရှိတယ်လို့ ချီးကျူးလိုက်တော့ ဟုတ်ရဲ့လားပေါ့။ သူလုပ်ထားတဲ့ ပစည်းတွေပြတော့ မယုံနိုင်။ သေသေချာချာ သတိထား ကြည့်မိ တော့မှ..လားလား.. အဖြေက တခြားမဟုတ်။ သူ game ဆော့ဖို့ အင်တာနက် ချိတ်ပေး ထားတဲ့ကွန်ပြူတာကို သုံးရင်း youtube channel ကိုဖွင့်၊ ရွှံ့စေးနဲ့ ပန်းလုပ်နည်း၊ သစ်သီး အလှပြင်၊ ပန်းအလှပြင်နဲ့ ကိတ်မုန့် ဖုတ်နည်းတွေကို ပယ်ပယ်နယ်နယ် လေ့လာပြီး ကျောင်းမှာ ဆရာမကြီး သွားလုပ်နေတာကိုးးး လူကောင်အတော်ထွားတဲ့သမီးက ၅နှစ်အရွယ် သူငယ်တန်းကြီး တက်ချိန်မှာသမီးကျောင်းက ပြန်ရောက်ပြီး နာရီဝက်လောက်ဆို ၈နှစ်သားလောက် ကောင်လေးက ခြံရှေ့ စက်ဘီးပတ်စီးပြီး လူကြီးအလစ်ကို ခြံစည်းရိုးတိုင်ကွယ်ပြီးချောင်းတာမြင်တော့ သေချင်စော်တွေ နံသွားပါ တော့တယ်။ ဖအေလုပ်သူကို တိတ်တိတ်ခေါ်ပြတော့ဖအေက ပြောတယ်။ ငါ မာဖီးယားဂိုဏ်း ထောင်တော့မှ ဖြစ်မယ် ထင်တယ်တဲ့။ တော်သေးတယ်။ သမီးကသတိကို မထားမိဘဲ သူ့ဟာသူ ကျောပိုးအိတ်သိမ်း၊ ဖိနပ်တွေ အဝတ်တွေ လဲပြီး သူ့ကွန်ပြူတာဆီသူသွားရင်း youtube channel ကိုဖွင့်နေလို့။ ဒါပေမယ့် အသံ ထွက်လာတဲ့ သီချင်းက teenage dream.. သီချင်း နားထောင်ရင်း အော်ဆိုတာ လုံးဝကိုစကားလုံး စာသား အသံအတက်အကျ အမှားအယွင်းမရှိ ကွက်တိ.. ဖအေလုပ်သူလဲ နဖူးကို လက်ဝါးနဲ့ဖြန်းခနဲ ရိုက်လေသည်။ အဲဒီက စလို့၊ သမီးရဲ့ ကွန်ပြူတာထဲ youtubeကနေ သူကြည့်နေကျတွေကို download ဆွဲသိမ်းပေးပြီး အင်တာနက်ကို ဖြုတ်လိုက်ရပါတော့တယ်။မွေးထားတာ သမီးတွေ ဆိုတော့ သူတို့ကျင်လည်မယ့်မျိုးဆက် က ဘာတွေ ခေတ်စားနေလဲ မျက်ခြေမပြတ် ကြည့်မှဖြစ်မယ်လို့စိတ်ကူးပေါက်မိပါတယ်။ အဲဒါကြောင့် ဖေ့စ်ဘွတ်ထဲ ခုခေတ် မြီးကောင်ပေါက်မလေးတွေ ဆယ်ကျော်သက် စပျစ်သီးမလေးတွေရဲ့စာမျက်နှာတွေကို ဝင်ရောက် မွှေနှောက် ဖတ်ရှုမိရာ မှာတော့ ဘုရားတသိန်း တသွား မိပါတော့တယ်။သူတို့ကြည့်တဲ့ ပေ့ခ်ျတွေကလေ ပုရိသတို့ အကြိုက်ဆိုပဲ။ ရုပ်သံအစီအစဉ် ကျတော့ ယောက်ျားလေးတွေရဲ့ အမြင်တဲ့။ like စာရင်းတွေ group စာရင်းတွေ သွားမွှေမိတာ အသက်တောင် မရှူနိုင်တော့ဘူး။ခုနပြောတဲ့ ပေ့ခ်ျတွေ group တွေမှာသူတို့ ဆွေးနွေးထားတာလေ … ကိုယ်တွေထက် ဆရာကြီးကျတယ်။ ကိုယ့် သမီးတွေကို ဒါမျိုးတွေ မသိစေချင် မလည်စေချင်ဘူး။ ဒါပေမယ့် သူတို့တွေနဲ့ ကိုယ့်သမီးတွေ ရင်ဆိုင်ရတဲ့အခါမျိုး ရှိခဲ့ရင် မသိထားရင်လဲ ဖြေရှင်းနိုင်မယ် မထင်ဘူး။ တကယ် စိတ်ရှုပ်ရပါတယ်။ အရိပ်တကြည့်ကြည့်နဲ့ ပျိုးထောင်ရပုံတွေက တနေ့တမျိုးအသက်အရွယ်နဲ့ ကဏ္ဍကိုလိုက်လို့ တမျိုးနဲ့တမျိုးလဲ မထပ်ရပါဘူး။ တကယ်တော့အမေတယောက်ရဲ့ ရင်သွေး ပျိုးထောင်မှု အနုပညာဆိုတာ ကိုယ့်သားသမီးတွေရဲ့ အသက်အရွယ်၊ဝါသနာစရိုက်၊ ပါရမီနဲ့ ပတ်ဝန်းကျင်ကိုလိုက်ပြီး တသက်လုံး ဆန်းသစ်နေမယ့်အနုပညာပြတိုက်ပဲ မဟုတ်ပါလား…

ကလေးတွေ ကျင်လည်မယ့် လူ့အဖွဲ့အစည်း

မေမေ... အိုပါးဂဏန်းစတိုင် ကြည့်ချင်တယ်။ ဘေဘီလေးလဲ ကြည့်ချင်တယ် ဟိုမှာကြည့် သူ ခုန်နေပြီ။ အေးအေး မေမေ ဖွင့်ပေးမယ်။ မေမေဖွင့်ရင် မြင်းနဲ့ကတာပဲ ဖွင့်နော် အန်တီကတာမဖွင့်နဲ့။ အန်တီကတဲ့ ဟာကို ဘေဘီလေးကို မပြနဲ့ ဘာလို့လဲ မီးမီးရဲ့ မကောင်းဘူး။ ဘေဘီလေးကို မပြနဲ့။ လေးနှစ်သမီးက သူကြည့်ချင်တဲ့ ခုန်ဆွခုန်ဆွ အကတွေနဲ့ MTVကို တနှစ်ခွဲသမီးဖြစ်သူ သူ့ညီမ မကြည့်သင့်ဘူးလို့ သူထင်တဲ့ version ကို မဖွင့်ဖို့ တားနေခြင်းပါ။ ဖအေ လုပ်သူကတော့ အားရပါးရ ရယ်ရင်း ငါ့သမီးက conservative တဲ့။ ++++++++++++++++++++++++++++++++++++ ဘေဘီ.. ရှေ့မထွက်နဲ့... ဟိုမှာ အကောင်မြင်လား ကိုက်ကိုက်နော်.. ကိုက်လိုက်လိမ့်မယ်.. အဲဒါအကောင်မဟုတ်ပါဘူး ဘွားဘွားရဲ့။ အရုပ်ပါ။ မကိုက်ဘူး။ ကိုက်တယ် မီးမီးရဲ့။ အပြင်မထွက်နဲ့။ မကိုက်ဘူး အဲဒါအရုပ် ဒီမှာကြည့် ကိုင်လို့ရတယ်။ ဟာာာ.. မီးမီးကလဲ ဘေဘီလေးက မသိလို့ ကြောက်အောင် ခြောက်နေတာကို... မသိရင် သိအောင်ပြောပေါ့ ဘွားဘွားရဲ့.. မဟုတ်ဘဲနဲ့ ဘာလို့ လိမ်ပြောလဲ။ မကြောက်တဲ့လူကို ကြောက်အောင် မခြောက်ရဘူး။ အဲဒါ မကောင်းဘူး။ မိုက်ဒီ... (မိုက်ဒီ= မကောင်းဘူး လို့ ထိုင်းစကားဖြင့်ပြောခြင်း) ကလေးမို့ မသိသေးလို့ အပြင်မထွက်အောင် ပြောတာပေါ့ မီးမီးရဲ့ မပြောနဲ့။ အဲလို မပြောနဲ့။ မပြောရဘူး။ မသိသေးတဲ့လူကို လိမ်ပြောတာ မကောင်းဘူး။ အောင်မလေးတော်.. ကလေးက ကလေးလိုမနေဘူး ဘွားအေကို တခွန်းမကျန် ပြန်ပက်နေတာ.. လူကြီးကို အဲလို ပြန်မပြောရဘူး အဲဒါ သိပ်မိုက်ရိုင်းတာ သိလား။ မပြောနဲ့ နောက်ထပ် မပြောနဲ့။ မကြားချင်ဘူး ဆူဆူညံညံ အသံတွေကြောင့် သက်ပြင်းအသာချရင်း ၀င်ထိန်းမယ့်အကြံကို လက်လျှော့ရင်း နောက်ဖေးကိုသာ ၀င်ခဲ့မိတော့ သည်။ ကလေးစိတ်ပညာ ပါမောက္ခတွေ ဖွင့်တဲ့ကျောင်းမှာမှ ကျောင်းထားမိတဲ့ လေးနှစ်သမီးနဲ့ မြန်မာပြည် ကနေ ရှေးဟောင်း ရင်ဘတ်ကြီး နဲ့ အလည်ရောက်လာတဲ့ အသက် ၆၀ကျော်ဘွားအေတို့ကြားက ပဋိပက္ခမှာ အတူတူ ထားမိတဲ့ ကိုယ်သာ မှားတာ ဖြစ်ပါလိမ့်မည်။ ++++++++++++++++++++++++++++++++++++++++++++ ကြက်ပျံ... ဟိဟိဟိ ငှက်ပျံ... ခစ်ခစ်ခစ် ၀က်ပျံ... ၀က်က မပျံဘူးလေ သြော် မပျံဘူးလား ဒါဆို လိုက်မပျံနဲ့လေ မီးမီးရဲ့... မပျံဘူးလေ.. ဒီမှာကြည့် မီးမီးလက်ချထားတယ်။ ဘွားဘွားလဲ မပျံတဲ့ အကောင်ကို ပျံတယ်လို့ မပြောနဲ့။ ဒါဆော့တာလေ မီးမီးရဲ့ .. ဆက်ကစားချင်တယ်မို့လား ကစားချင်တယ်။ ဟုတ်ပြီ ပြန်ကစားမယ်။ စာကလေးပျံ... ခိခိခိ ကျီးကန်းပျံ... ဟဲဟဲဟဲ သိမ်းငှက်ကြီးပျံ... ဟီးဟီးဟီး ဆင်ပျံ... ဆင်က မပျံဘူးလေ.. တော်ပြီ။ အဲလို မဟုတ်တာတွေ ပြောနေရင် ဆက်မကစားတော့ဘူး။ ဒီကစားနည်း မကောင်းဘူး .. မိုက်ဒီ ညည်း အရွယ်နဲ့ မလိုက်ဘူး။ တော်တော် ခေါင်းမာတယ် မမာဘူး။ မာတယ် မာတယ်။ မာလို့ အဲလို အငြင်းထူနေတာပေါ့။ ကစားတာပဲဟာ ကောင်းကောင်း မကစားဘူး။ ရှည်ကို ရှည်တယ်။ ကောင်းမှ မကောင်းတာ။ ဟုတ်မှ မဟုတ်ဘဲနဲ့။ မကစားဘူးပေါ့။ တော်ပြီ ဆက်မပြောနဲ့။ ဒါက နောက်တပွဲ... +++++++++++++++++++++++++++++++++++++++++++ ဟိတ်တအား ဆူညံ အော်ဟစ်ပြီး ဆော့မနေနဲ့နော်။ အဲလိုဆိုးနေရင် ဦးဦးဆိုးဆိုးကြီးက အိတ်မည်းမည်းကြီးနဲ့ လာဖမ်းထည့် သွားလိမ့်မယ်။ ဘယ်က ဦးဦးဆိုးဆိုးလဲ ဒီနားမှာ လျှောက်သွားနေတဲ့ ဦးဦးဆိုးဆိုးပေါ့ ဦးဦးဆိုးဆိုးကို ရဲက မဖမ်းဘူးလား။ (လေးနှစ်သမီးရဲ့ အမေးကြောင့် ရယ်ချင်ပက်ကျိ ဖြစ်သွားပေမယ့် ဘွားအေ စိတ်ဆိုးမှာ စိုးလို့ ရယ်ချင်စိတ်ကို အတင်းမျိုချပြီး ကျောပေးရင်း မျက်နှာကို ကွယ်ထားရသည်။ ဆက်နားထောင်တော့... ) ဦးဦးဆိုးဆိုးက ဆိုးလွန်းလို့ ရဲက ဖမ်းမမိဘူး။ ကဲ.. ဒီလောက်ဆော့ရရင် တော်တော့ ... အိပ်ရာထဲ ၀င်အိပ်တော့... အသံတိတ်နေရင် ကလေးမရှိဘူး ထင်ပြီး ဦးဦးဆိုးဆိုးက မဖမ်းဘဲ ထွက်သွားလိမ့်မယ်။ ဟော အသံကြားတယ် ဘွားဘွား သွားကြည့်လိုက်ဦးမယ်... ((( ဟေးးး ကလေးဆိုးဆိုးတွေ ရှိကြလား))) (ဘွားအေ ရေချိုးခန်းထဲဝင်ပြီး မတ်ခွက်ကို ပါးစပ်မှာ အုပ်ပြီး လုပ်သံနဲ့ အော်သံ) မရှိပါဘူး မရှိပါဘူး ဒီအိမ်က ကလေးတွေက လိမ်မာတယ်။ (ဘွားအေက ရေချိုးခန်းထဲက အမြန်ထွက်ပြီး မတ်ခွက်မအုပ်ဘဲ အော်သံ) ကလေးတွေ ခဏငြိမ်ကျသွားသည်။ ခေါင်းအုံးပေါ် မျက်နှာအပ်ရင်း ငြိမ်နေပြီမို့ ဘွားအေက အိပ်ရာနား ပြန်ရောက်လာသည်။ ထိုအခိုက် လေးနှစ်သမီး အကြီးမက ဖျတ်ခနဲ ထပြေးပြီး ရေချိုးခန်းထဲ ၀င်သည်။ ခဏနေတော့ အသံထွက်လာသည်။ (((ဘွားဘွား ဆိုးဆိုးတွေ ရှိကြလား))) မအောင့်နိုင်တော့သော ကျွန်မ .... တံတွေးတွေ သီးပြီး ချောင်းတဟွတ်ဟွတ်ဆိုးအောင် ရီမိပါတော့သည်။ ++++++++++++++++++++++++++++++++++ ကဲ... ကျွန်မတို့ လူ့အဖွဲ့အစည်းက ကလေးတွေအတွက် တိုးတက်မယ့် အတွေးအမြင်တွေ၊ ရိုးသားဖြောင့်မတ်စေမယ့် အမြင်အကြားတွေနဲ့ ကိုယ့်ခြေထောက်ပေါ် ကိုယ်ရပ်နိုင်မယ့် အလေ့အကျင့်တွေကို ပေးနေသလား ဒါမှမဟုတ်...

Saturday, December 31, 2011

မြန်မာနိုင်ငံကို ရာသီအလိုက် ပန်းပင်တွေနဲ့ ဆေးရောင်ခြယ်

သမီးလေး မွေးလို့ နားနေချိန်မှာ NHK သတင်းဌာနက ထုတ်လွှင့်နေတဲ့ ဂျပန်ရိုးရာ အိုဟနမိ ပန်းကြည့်ပွဲတော် အကြောင်းကို မထင်မှတ်ဘဲ ကြည့်လိုက်ရပါတယ်။ ပန်းရောင်နဲ့ အဖြူရောင် ချယ်ရီပင်တွေကို တစုတဝေး တည်း အုံလိုက် ကျင်းလိုက် စနစ်တကျ မြေယာ အခင်းအကျင်း ပြုပြင် စိုက်ပျိုးထားပြီး ပန်းတောအုပ်ထဲမှာ လူတွေက လည်ပတ် ပျော်မြူး ပျော်ပွဲစားထွက်လို့… ၀င်ကြေးကောက်သလို အမှတ်တရ ပစ္စည်း အရောင်းဆိုင် တွေနဲ့ ရာသီစာ ရိုးရာ အလိုက် စားသောက်စရာ ဈေးတန်းတွေလဲ ရှိပါတယ်။ ရိုးရာကို ထိန်းသိမ်းရာ ရောက် သလို ယဉ်ကျေးမှုနဲ့ အပန်းဖြေမှု အခြေပြု ကမ္ဘာလှည့် ခရီးသည်တွေကို ဆွဲဆောင်နိုင်တဲ့၊ သဘာဝ ပတ်ဝန်းကျင် ကိုပါ ထိန်းသိမ်းရင်း ၀င်ငွေကောင်းနေတဲ့ အဲလို ပန်းကြည့်ပွဲတော်မျိုး မြန်မာနိုင်ငံမှာ ရှိအောင် လုပ်လို့ ရမလား လို့ တွေးမိတာပါ။ ကမ္ဘာလှည့်ခရီးသည်တွေဟာ ကွန်ကရစ်ပုံကြီးကို ငြီးငွေ့လို့ အပန်းဖြေဖို့ ထွက်လာတာများပြီး သဘာဝပတ်ဝန်းကျင် အခြေပြု ခရီးသွားလုပ်ငန်း တိုးတက်နေတဲ့ ခေတ်ကြီး မှာ ကျွန်မတို့ နိုင်ငံမှာ ရှိတဲ့ ပွဲတော်တွေနဲ့ တချိန်တည်း ပင်လုံးကျွတ် ပွင့်တဲ့ သစ်ပင် ပန်းမန်တွေကို စဉ်းစား မိပါတယ်။

တန်ခူးလ သင်္ကြန်ပွဲနဲ့ ခွဲမရတဲ့ ပန်းက ပိတောက်ပါ။ မြန်မာနိုင်ငံမှာ ပိတောက်ကို ချစ်မြတ်နိုးသူများသလောက် တကူးတက တောအုပ်ဖြစ်အောင် စိုက်တာတော့ မကြားဖူးသေးပါဘူး။ တနှစ်မှာ တရက်တည်း ပွင့်တဲ့ ပိတောက် ဆိုတာ သဘာဝ အလေ့ကျဆိုရင်သာ အဲလိုပွင့်တာပါ။ ရာသီပန်းဆိုတာ အငုံကို ရေဖျန်းရင် ပင်ခြေ ကို ရေ အနည်းအများ ချင့်ချိန်လောင်းရင် ပွင့်တာပါပဲ။ ဒါပေမယ့် ရှားရှားပါးပါး ပိတောက်ပွဲတော် လုပ်ရင်ရော ဂျပန်တို့ရဲ့ အိုဟနမိ ပန်းကြည့်ပွဲတော်မျိုး မဖြစ်နိုင်စရာ ရှိသလား။ နိုင်ငံခြားသားတောင် အလည်အပတ် မျှော် စရာမလိုဘဲ ကျွန်မတို့ မြန်မာတွေ ပိတောက်ချစ်သူတွေ ပိတောက် သီချင်းတွေ နားဆင်ရင်း ပိတောက်တောမှာ အပန်းဖြေရင်း ပိတောက်နံ့ထဲမှာ မျောချင်ပါသေးတယ်။ လမ်းမကြီးတွေ တဖက်တချက်တွေ ပိတောက်ပင်တွေ တန်းစီစိုက်ရင်း သင်္ကြန်တွင်းမှာ ပိတောက်ပင်တွေအောက် မဏ္ဍပ် ဆောက်လို့ မြန်မာ့ရိုးရာ သင်္ကြန်ကို ယဉ်ကျေးမှု မပျက် ဆင်နွှဲနိုင်မယ်ဆိုရင် ထိုင်းနိုင်ငံက ချင်းမိုင်သင်္ကြန်ကို ပြုံကျနေတဲ့ ကမ္ဘာလှည့်ခရီးသည်တွေ မြန်မာနိုင်ငံဘက် ခြေဦးလှည့်လာကြမှာပါ။ ထိုက်သင့်တဲ့ အိမ်ရှင်ကောင်း ပီသမှုနဲ့ အခြေခံ အဆောက်အဦလို့ ခေါ်တဲ့ ဘဏ်စနစ်၊ နိုင်ငံတကာ အဆင့်မီ လူနေထိုင်မှု စနစ်တော့ ရှိရင် အတိုင်းထက် အလွန်ပါ။

မတ်လကနေ မေလအကြားဆိုရင်တော့ ပင်လုံးကျွတ် နီရဲ ၀ါထိန် နေအောင်ပွင့်တဲ့ စိန်ပန်းပင်တွေကို အားကိုး နိုင်ပါတယ်။ ပွင့်စ ပွင့်ဆဲ နဲ့ ကြွေချိန်တလျှောက်လုံး ထိုင်ခုံလေးချပြီး ငေးရလောက်အောင် လွမ်းမောစရာ လှပ တဲ့ ရှုခင်းကို နွေသီချင်းလေးတွေ ခံစားရင်းနဲ့ ဆင်နွှဲချင်တာပါ။ ရာသီစာ ရိုးရာ မုန့်ပဲသရေစာလေးတွေ ပါရင် ပြည့်စုံပြီပေါ့။ အညာဒေသတွေမှာတော့ တမာတောတွေ ပင်လုံးကျွတ်ပွင့်ချိန်မှာ လှလဲလှ မွှေးလဲ မွှေးလွန်း ပါတယ်။ တမာတောကို လေတိုးပြီး တမာပန်းနံ့ ထုံနေတဲ့ လေဟာ အဆုတ်ရောဂါရှင်တွေအတွက်လဲ ကောင်း လှပါတယ်။ တမာတော အပန်းဖြေစခန်းများ ရှိရင်ဖြင့် တမာထွက် ပစ္စည်းပေါင်းစုံ ရောင်းချနိုင်ပါဦးမယ်။
မိုးဦး ဇွန် ဇူလိုင် ဆိုရင်တော့ ကဗျာ သီချင်း ဖွဲ့သီရေးရတဲ့ ပင်လုံးကျွတ်ပွင့်တဲ့ ခရေ တို့ရဲ့ ရာသီချိန်ပါ။ မိုးဖွဲဖွဲ မှာ ခရေတောထဲ ထီးလေးဆောင်းရင်း ခရေနံ့တသင်းသင်းမှာ လမ်းလျှောက်လို့ နားနေတဲကို ရောက်ရင်တော့ ကော်ဖီ လက်ဖက်ရည် တအိုးနဲ့ နွေးနွေးထွေးထွေး ခံစား အပန်းဖြေ နိုင်ပါတယ်။

မိုးတွင်းကာလမှာတော့ စကားပွင့်ရောင်စုံကို တောအုပ်သဖွယ် ပန်းတွေနဲ့ အလှခြယ်နိုင်ပါတယ်။ မိုးရာသီ ပင်လုံးကျွတ်ပွင့်တဲ့ စံကားဝါကို နှစ်သက်လွန်းလို့ စံကားဝါဖြစ်ထွန်းတဲ့ မြေလတ်ဒေသမှာ စံကားဝါ ဥယျာဉ် ဖန်တီးချင်တဲ့ အာသီသ ကျွန်မ မှာ ရှိနေပါတယ်။ မိုးအကုန် အောက်တိုဘာ မှာတော့ သီတင်းကျွတ် မီးထွန်း ပွဲတော်နဲ့ ခွဲမရတဲ့ ကြာပန်းရောင်စုံ ဖူးပွင့်ပါပြီ။ တရုတ်နိုင်ငံ မှာတော့ ကြာမျိုးပေါင်းစုံကို စုစည်းပြီး ကြာပန်း ကြည့် ပွဲတော်ကို တခမ်းတနား ဆင်ယင် ကျင်းပတာပါ။ ကြာပန်းမျိုး ရောင်စုံထဲမှာ အာကာသထဲကို ယူသွား မျိုးပွားခဲ့လို့ သာမန်ထက် အဆ၂၀လောက် ကြီးကြီး ပွင့်တဲ့ ကြာပန်းလဲ ပါဝင်ပါတယ်။ ကျွန်မတို့ မြန်မာနိုင်ငံ မှာလဲ သူတို့လောက် မဟုတ်ရင်တောင် သူတို့လောက် နီးပါး ကြာမျိုးပေါင်းစုံ သဘာဝအတိုင်း ရှိပြီးသားပါ။ မန္တလေးတိုင်း မိတ္ထီလာခရိုင် မလှိုင်မြို့ ရွှေပေါ်ကျွန်း စေတော်ဝင် ကျောင်းနားက ရေကန်ကြီး ထဲမှာ အချင်း ၂ပေလောက် ကြီးတဲ့ ကြာပန်းမျိုးတွေ ရှိနေပါတယ်။ ရွှေပေါ်ကျွန်း ကြာမျိုး မဟုတ်ပေမယ့် အဲလောက်နီးပါး ကြီးတဲ့ အချင်းတပေခွဲလောက်ရှိတဲ့ ကြာပန်းမျိုးတွေကတော့ မြောက်ဒဂုံ ၄၈ရပ်ကွက်ထဲက ကန်ထဲမှာ ပွင့်လန်းနေတာပါ။ ရှိပြီးသား ရိုးရာ ယဉ်ကျေးမှု သယံဇာတ တွေကို နိုင်ငံတကာ အလယ်မှာ ချပြ ဂုဏ်ယူ အသုံးချဖို့ပဲ ကျန်ပါတယ်။

နိုဝင်ဘာလ ဖြစ်တဲ့ တန်ဆောင်မုန်း တန်ဆောင်တိုင်ပွဲတော်နဲ့ တပြိုင်တည်း ပင်လုံးကျွတ် ပွင့်တဲ့ မယ်ဇလီပင် တွေနဲ့ အတူ ဆေးပေါင်းခတဲ့ မယ်ဇလီဖူးသုတ် ကို ခံစားနိုင်ပါသေးတယ်။ အဲဒီနောက် ဆောင်းရာသီ တ လျှောက်လုံး လိုလို ပင်လုံးကျွတ်ပွင့်တဲ့ ကရမက်ပင်၊ သော်ကကြီး၊ သရဖီနဲ့ ကံ့ကော်တို့ကို ခံစားနိုင်ပါတယ်။ ရန်ကုန် တက္ကသိုလ်ဝင်းကြီးထဲက ကံ့ကော်တော ခမျာမှာတော့ တောရှင်းပြီး စာကြည့်တိုက်ဆောက်ပစ်တဲ့ ဥာဏ်ကြီးရှင် တယောက်ကြောင့် ခုတော့ မရှိတော့ပါဘူး။ ရန်ကုန်က ကမ္ဘာအေးဘုရားဝင်းထဲ လိုဏ်ဂူပတ်လမ်း တလျှောက် မှာတော့ ကံ့ကော်ပင်တွေ စီတန်း စိုက်ပျိုးထားလို့ တပေါင်းပွဲတော် အချိန်မှာ ကံ့ကော်ဝတ်မှုန် လမ်းပေါ်ကနေ လျှောက်လှမ်းနိုင်တဲ့ အထိ ရှုမငြီးနိုင်စရာ လှပမွှေးကြိုင်လွန်းပါတယ်။

ပြီးတော့ ဆောင်းရာသီတလျှောက် ခြုံလိုက်နွယ်လိုက် ဆင်ယင်နိုင်ရင် ဆင်ယင်နိုင်သလောက် ရုံလိုက် အုံ လိုက်ပွင့်တဲ့ မွှေးကြိုင်လှတဲ့ နွယ်ပန်းပင်တွေ ပေါများ လွန်းပါတယ်။ ပန်းဥယျာဉ် တွေ အဖြစ်သာမက မြို့ရွာ တွေရဲ့ လမ်းတွေအလိုက် တန်ဆာဆင်နိုင်ရင်ဖြင့် ဒေသခံ နေထိုင်သူတွေအတွက် အင်မတန် ကျက်သရေ ရှိသလို စိတ်လက် လန်းဆန်းစေမှာပါ။ ဖြတ်သွားဖြတ်လာ ဧည့်သည်တွေ အတွက်လဲ ဆွဲဆောင်မှု တရပ် ဖြစ်ပါလိမ့်မယ်။
ဂျပန်နိုင်ငံက အိုဟနမိ ပွဲတော်ဟာ ပန်းအလှကိုသာရှုစားနိုင်တာ ဖြစ်ပြီး ကျွန်မတို့ မြန်မာနိုင်ငံမှာတော့ ပန်းရနံ့ကိုပါ ရှုရှိုက်ခံစားနိုင်တဲ့ ပင်လုံးကျွတ် ပွင့်တဲ့ ပန်းမျိုးစုံ ၁၂ရာသီလုံး ဖူးပွင့်နေပါတယ်။
ရန်ကုန်မြို့မှာ မွေးဖွားကြီးပြင်းခဲ့တဲ့ ကျွန်မကတော့ လူသိများပြီးသား အင်းလျား ကန်တော်ကြီးနဲ့ လှော်ကား ဥယျာဉ်တို့ကို ရာသီအလိုက် ပင်လုံးကျွတ်ပွင့်တဲ့ ပန်းရောင်စုံနဲ့ အလှခြယ်ပြီး ပန်းကြည့်ပွဲတော် ဖန်တီး ထားတာ မြင်ချင်စိတ်တွေ ပြင်းထန်သူပါ။

ဒီစာကိုရေးနေချိန်မှာပဲ ချင်းပြည်နယ်က ရွာလေး တရွာကို ကဘာ့အကြီးဆုံး ချယ်ရီစိုက်ခင်းအဖြစ် ပြောင်းလဲဖို့ ကြိုးစားနေတဲ့ သတင်းတပုဒ်ကို ဖတ်မိပါတယ်။ ကိုယ့်မြို့ရွာဖွံ့ဖြိုးတိုးတက်ရေး အတွက် ခုလို သစ်ပင်ပန်းမန် စိုက်ခင်း တွေကိုစိုက်ပျိုးပြီး ဘက်စုံ ဖွံ့ဖြိုးတိုးတက်ရေး ဖြစ်အောင် ကြိုးစားတဲ့ ချင်းအမျိုးသမီးကြီးကို ကျွန်မ လှိုက်လှိုက်လှဲလှဲ ဂါရ၀ပြုမိပါတယ်။ မြန်မာနိုင်ငံတွင်းက သက်ဆိုင်ရာ မြို့မိမြို့ဖ များလဲ သက်ဆိုင်ရာ ရေမြေမှာ ဖြစ်ထွန်းမယ့် ပင်လုံးကျွတ်ပွင့်တဲ့ သစ်ပင် ပန်းပင်တွေကို ဒီလိုသာ မြိုင်မြိုင်ဆိုင်ဆိုင် စိုက်ပျိုးလိုက်ရင်ဖြင့် ဆေးရောင်စုံ ပန်းချီကားကြီးတချပ်အဖြစ် မြန်မာကို ကမ္ဘာက အာ၇ုံစိုက်မိမှာပါ။ အမိ မြန်မာမြေမှာ ပန်းရောင်စုံ တို့ရဲ့ အလှ ရနံ့တွေနဲ့ သင်းထုံလှပ ကြွယ်ဝနေပြီး နိုင်ငံတကာက တန်ဖိုးထားလို့ လာရောက်ကြည့်ရှုရင်း ရင်သပ်ရှုမော ဖြစ်ရမှာ အသေအချာပါပဲရှင်။

Thursday, December 8, 2011

လိပ်ပြာတွေရဲ့ မိုင်ထောင်ချီ ခရီးစဉ်

သီချင်းရဲ့ ကျေးဇူးကြောင့် ကြိုးကြာငှက်တွေ မိုင်ထောင်ချီ ပျံကြတာကို ကျွန်မတို့ ရင်းနှီးပြီးသားပါ။ ဒါပေမယ့် နူးညံ့လွန်းတဲ့ လိပ်ပြာတွေ မိုင်ထောင်ချီ ပျံသန်းတာကိုတော့ ကျွန်မ သိခဲ့တာ တနှစ်ကျော် လောက်ပဲ ရှိပါသေးတယ်။ သန်းနဲ့ချီတဲ့ မိုနာ့ခ်ျ လိပ်ပြာတွေဟာမက်ဆီကိုနိုင်ငံအလယ်ပိုင်းမီချွာကန် ပြည်နယ်က နိုင်ငံတကာအသိအမှတ်ပြု အယ်လ် ရိုစာရီယို ဘေးမဲ့တောကို စပြီး ရောက်လာကြပါပြီ။ ဒါဟာ ခရီးသွားဧည့်သည်တွေ သိပ်ပံပညာရှင်တွေနဲ့ ဒေသခံတွေ အတွက် နှစ်စဉ် စောင့်ကြည့်ရတဲ့ သဘာဝဖြစ်စဉ်ပါ။ အမေရိကန် မြောက် ပိုင်းနဲ့ ကနေဒါရဲ့ ချမ်းအေးလှတဲ့ ဆောင်းရာသီကနေ ထွက်ပြေး လာတဲ့ မိုနာ့ခ်ျ လိပ်ပြာတွေဟာ မိုင် ၂ထောင်ကျော် ခရီးကို ပျံသန်းလာတာပါ ပြီးတော့ မက်ဆီကိုရဲ့ ဧက ၃သောင်း၂ထောင်ကျော် ကျယ်ဝန်းတဲ့ လိပ်ပြာ ဘေးမဲ့တောက သစ်ပင်တွေမှာ လာပြီး ဆောင်းခို ကြပါတယ်။

မက်ဆီကိုနဲ့အမေရိကန် အစိတ်အပိုင်း တွေကို ထိခိုက်ခဲ့တဲ့ ပြင်းထန်တဲ့မိုးခေါင်မှုကို ရင်ဆိုင်ခဲ့ရလို့ မိုနာ့ခ်ျလိပ်ပြာတွေရဲ့ အရေအတွက် လျော့ကျနိုင် နေပါတယ်။ မက်ဆီကိုအနောက်ပိုင်းက တရားမ၀င် သစ်ခုတ်လှဲမှုတွေဟာ မိုနာ့ခ်ျ လိပ်ပြာတွေကို ခြိမ်းခြောက်နေခဲ့တာ ကြာပါပြီ။ ဘေးမဲ့တောကိုတော့ နီးနီးကပ်ကပ် စောင့်ကြပ် ထိန်းသိမ်းထားပါတယ်။ မိုးခေါင်လို့လိပ်ပြာတွေကို အစာရေစာ ပေးနေတဲ့ သစ်ပင်တွေဟာ ပုံမှန် မကြီးထွားတော့ဘူး ဒါကြောင့် မိုးခေါင်မှုဟာ လိပ်ပြာတွေကို ထိခိုက်တယ်လို့ ဘေးမဲ့တော ညွှန်ကြားရေးမှူး ရိုစဲန်ဒို ကာရိုက ပြောပါတယ်။ သိပ်ပံပညာရှင် အမြောက်အများကတော့ စက်မှုလုပ်ငန်းတွေက ထွက်တဲ့ ကာဗွန် အပါအ၀င် ဖန်လုံအိမ် ဓာတ်ငွေ့တွေကြောင့် ဖြစ်တဲ့ ကဘာ့ ရာသီဥတု ပြောင်းလဲမှုနဲ့ လတ်တလော ရာသီဥတု အခြေအနေတွေကို အပြစ်တင်နေကြပါတယ်

သဘာဝ ပတ်ဝန်းကျင်ကို ထိန်းသိမ်းပြီး ဇီဝမျိုးစိတ်တွေကို ကာကွယ်ခဲ့တဲ့ အကျိုးကတော့ လူသားတွေကို ချက်ချင်း လက်ငင်း အကျိုးပေး ပါတယ်။ ဘေးမဲ့တော ၀န်းကျင်က စားသောက်ဆုိုင်တွေနဲ့ဒေသခံ စီးပွားရေး လုပ်ငန်းတွေကတော့ ဒီရာသီမှာ လိပ်ပြာ ကြည့်သူ ဧည့်သည် တွေကြောင့် အသက်မွေးဝမ်းကျောင်းနိုင်ကြပါတယ်။ ဒါဟာ လိပ်ပြာနဲ့လူ အပြန်အလှန် ကျေးဇူးပြု ပုံပါ။ ဒီဘက်ခေတ်မှာ ခေတ်စားလာတဲ့ သဘာဝပတ်ဝန်းကျင် အခြေပြု ခရီးသွားလုပ်ငန်းရဲ့ အကျိုးဆက်လဲ ဖြစ်ပါတယ်။

လိပ်ပြာဟာ ဥ ပိုးကောင် ဘောက်ဖတ် လိပ်ပြာ ဆိုတဲ့ ဘ၀ဖြစ်စဉ် လေးရပ်အနက် ဘောက်ဖတ်ကနေ လိပ်ပြာ ဘ၀ကို ကူးရချိန်မှာ အင်မတန် ရုန်းကန် ခဲ့ရတာပါ။ ဘောက်ဖတ် ပိုးမျှင်အိမ်ထဲကနေ အားကုန်ထုတ် ရုန်းကန် ထွက်ချိန်မှာ သူ့ကိုယ်တွင်းအရည်ေ တွက တောင်ပံက အကြောလေးတွေထဲကို စီးဝင်သွားခဲ့ပါတယ်။ ဒါကြောင့် ဘောက်ဖတ်အပြင်ကိုရောက်ချိန် ပြင်ပလေထုနဲ့ ထိတွေ့ချိန်မှာ အကြောလေးတွေ ထဲက အရည်တွေ မာသွားပြီး တောင်ပံတွေ ပြန့်ကားခိုင်မာအောင် ထောက်မတ် ပေးထား နိုင်ခဲ့တာပါ။ လိပ်ပြာဟာ အားကုန်ထုတ် ရုန်းကန်ခဲ့လို့ မဟုတ်ဘဲ သူတပါးက ဘောက်ဖတ်ပိုးမျှင်အိမ်ကို ဆုတ်ဖြဲပြီး လိပ်ပြာကောင်ကို သက်တောင့်သက်သာ အပြင်ကို ထုတ်ပေးခဲ့ရင် တောင်ပံထဲက အကြောတွေထဲ ကိုယ်တွင်းရည် မ၀င်နိုင်လို့ အဲဒီလိပ်ပြာဟာ တသက်လုံး မပျံသန်းနိုင်တော့ပါဘူး။

နိုင်ငံတကာကို ရောက်နေကြတဲ့ ကျွန်မတို့ ရွှေမြန်မာ များလဲ ဘ၀ရပ်တည်ရေးအတွက် နိုင်ငံတကာ လူ့အဖွဲ့အစည်းအတွင်း ရုန်းကန် နေထိုင်ကြရတာပါ။ ဒါဟာ ကျွန်မတို့ တချိန်မှာ ခေါင်းမော့ ရင်ကော့ပြီး ကောင်းကင်လေထုထဲမှာ လှလှပပ ပျံသန်းနိုင်ဖို့ အားထုတ်ချက်လဲ ဖြစ်ပါတယ်။ အခု ရာသီဟာ မိုနာ့ခ်ျ လိပ်ပြာတွေ အိမ်ပြန်ဆောင်းခိုတဲ့ ရာသီပါ။ ကျွန်မတို့ ရွှေမြန်မာ များရော ... အိမ်ပြန်ပြီး အမိမြေရဲ့ ရင်ခွင်မှာ ခိုနားကြတော့မလားရှင်...

Friday, December 2, 2011

အိမ်နံရံမှာ ဥယျာဉ်တည်

သစ်ပင်စိုက် ၀ါသနာ ပါပေမယ့် ကျွန်တော် ကျွန်မတို့က တိုက်ခန်းတွေ အထပ်မြင့်အိမ်ခန်းတွေမှာ နေလို့  သစ်ပင် မစိုက်နိုင်လို့ပါ ဆိုတဲ့ သူတွေအတွက် နည်းလေးတခုကို မိတ်ဆက်ပေးချင်လို့ပါ။

တရုတ်နိုင်ငံရဲ့ မြို့တော် ပေကျင်းမှာ လှပပြီး သဘာဝပတ်ဝန်းကျင်နဲ့လိုက်လျောညီထွေ ရှိတဲ့ ဥယျာဉ်စိုက်ခင်း စီမံကိန်းကို လတ်တလော အကောင်အထည် ဖော်နေကြပါပြီ။ ပြပွဲ တခုမှာ ဟင်းရွက် ဥယျာဉ်ကို စိုက်ပျိုး ရေး ပညာရှင် တယောက်က မိတ်ဆက်ပေးခဲ့ ပြီးတဲ့နောက် ဒီဓလေ့ဟာ ခေတ်စား လာခဲ့တာပါ။

မီးဖိုချောင်သုံးဟင်းရွက်ဆေးပြီးသား ရေတွေနဲ့ ဆန်ဆေးရေတွေကို သိုလှောင်ထားပြီး ၀ရံတာ ဥယျာဉ်က စိုက်ခင်း အတွက် ပြန်သုံးနိုင် ပါတယ်။ ဒီအတွက် ရေသိုလှောင်ကန် အသေးစား တခု လိုအပ်ပြီး ဒီနည်းလမ်း ဟာ ရေချွေတာမှုကို ကူညီရာ ရောက်ပါတယ်။ ၀ါးပိုး ၀ါးလုံးတွေ ပလတ်စတစ်ရေပိုက်အကြီးစားတွေကို ထွင်းပြီး ပန်းအိုးထည့်လို့ နံရံကပ် ဥယျာဉ်ကို အလွယ်တကူ ဖန်တီးနိုင်ပါတယ်။ အလှထား ရေပန်းအိုးကြီးတွေမှာ သုံးတဲ့ အလိုအလျောက် ရေသွယ်မှု ထိန်းချုပ်ရေး ကိရိယာကို သုံးထားလို့ ပန်းအိုးတွေ ထဲက မြေခြောက် သွားရင် ရေကို အလိုအလျောက်စုပ်ယူ ပြီး ရေလောင်းပေးတယ်။ အလုပ်ထဲ ရောက်နေ လို့ ဖြစ်ဖြစ် မြို့ပြင်ရောက်နေလို့ ဖြစ်ဖြစ် ဥယျာဉ် ထဲက သစ်ပင်တွေအတွက် စိတ်ပူစရာ မလိုပါဘူး။

ဒေါင်လိုက်စနစ်နဲ့ ပုံစံထုတ်ထားတဲ့ နံရံဥယျာဉ် အသေးစား ဟာ နံရံတွေ၊ ပိတ်ထားတဲ့ ပြတင်းပေါက် တွေ မှာ တန်းလန်း ချိတ်ဆွဲ ထားနိုင်ပါတယ် စိုက်ထားတဲ့ အပင်အလိုက် စားပင်ဖြစ်စေ ပန်းအလှပင်ဖြစ်စေ စိတ်တိုင်းကျ ပန်းအိုးတအိုးချင်း ရွေးချယ် စိုက်ပျိုး ထားနိုင်ပါတယ်။ သီးပင် စိုက်ရင် အသီးစားရမယ် ပန်းပင် စိုက်ရင် ပန်းအိုးထိုးနိုင်မှာပါ။ ကျွန်မတို့ မြန်မာအိမ်တွေ အတွက် မရှိမဖြစ် ဘုရားပန်းနဲ့ ဧည့်ခန်း အလှပန်းအိုးအတွက် အဆင်ပြေသလို အိမ်နီးချင်းတွေ အခန်းနီးချင်းတွေ ကိုလဲ အိမ်ထွက် ပန်းအဖြစ် လက်ဆောင်ပေးနိုင်ပါသေးတယ်။ ဒါ့အပြင် သစ်ရွက်တွေက ကာဗွန်ဒိုင်အောက်ဆိုဒ် ဓာတ်ငွေ့ကို စုပ်ယူပြီး အောက်စီဂျင် ဓာတ်ငွေ့ကို ပြန်ထုတ်ပေးလို့ အိမ်ခန်းတွင်း လေထု သန့်ရှင်းရေးကိုလဲ အကူအညီ ပေးပါတယ်

နာဂစ်မုန်တိုင်း တိုက်ပြီးခါစ ရန်ကုန်မြို့မှာ မီးစက်နှိုးပြီး အိပ်တဲ့ မိသားစုတစုလုံး မနက် လင်းတော့ အားလုံးသေဆုံးနေတဲ့ သတင်းတခု ထွက်ခဲ့ဖူးပါတယ်။ အလုံခန်းထဲမှာ အဲကွန်းဖွင့်အိပ်တာမို့ အိမ်ထဲမှာ လူတွေက ရှူထုတ်တဲ့ ကာဗွန်ဒိုင် အောက်ဆိုဒ်နဲ့ မီးစက်က ထွက်တဲ့ ကာဗွန်ဒိုင်အောက်ဆိုဒ် ကာဗွန်မိုနောက်ဆိုဒ် ဓာတ်ငွေ့တွေ များနေနိုင်ပါတယ်။ လုံလောက်တဲ့ အောက်စီဂျင် မရဘဲ ဓာတ်ငွေ့တွေ ရှူရင်း အိပ်ပျော်ရင်း အသက်ရှူကြပ် သေဆုံးရတာပါ။ ဖွံ့ဖြိုးပြီး နိုင်ငံတချို့နဲ့ သြစတြေးလျနိုင်ငံလို ဖွံ့ဖြိုးဆဲ နိုင်ငံတချို့ မှာတော့ အိမ်ခန်းတွင်းလေထု သန့်ရှင်းရေးအတွက် စစ်ဆေးတဲ့ ကိရိယာ ရှောင်ရန် ဆောင်ရန်တွေကို ပညာပေး မိတ်ဆက်ပေးလေ့ ရှိပါတယ် ဒါပေမယ့် တခြား သိပ္ပံနည်းကျ ခေတ်မီဆန်းပြားတဲ့ ပစ္စည်းကိရိယာတွေ ၀ယ်ရတာ အကုန်အကျ များနိုင်ပါတယ်။ မြန်မာ့ရိုးရာ သိပြီးသား အိမ်နောက်ဖေး ဈေးဆိုင်တည် ဆိုတဲ့ တွေ့ရှိချက်ကို အခြေခံထားတဲ့ ဒီနည်းကို မိတ်ဆက်တာပါ။ တမာပန်းနံ့ဟာ တီဘီရောဂါပိုး ပျံ့နှံ့မှု ကို ချေမှုန်းနိုင်ပြီး လေထုကို ရောဂါပိုးမွှား ကင်းစင်စေပါတယ်။ ဒါကြောင့် တိုင်းရင်းဆေးပညာ အတိုင်း အိမ်ရှေ့တမာ အိမ်နောက်ခံတက် စီးပွားတက် ဆိုတဲ့ ဆောင်ပုဒ်ကို ထွင်ခဲ့ကြတာပါ။ ဒါကြောင့် အိမ်နံရံမှာ ဥယျာဉ်တည်ရင်း ကျန်းမာရေးအတွက် နေ့စဉ်စားသုံးနိုင်ဖို့ အတွက် သစ်ပင် ပန်းမာန်တွေကို ခေတ်မီမီ စိုက်ပျိုးကြပါစို့လားရှင်။

ညီမလေး ပင့်ခ်ဂိုးလ်ကို ရေးပေးမယ်လို့ ကတိပေးထားပြီး ၅လကျော်ကြာမှ ရေးနိုင်တာ ခွင့်လွှတ်ပါ... ရွှေထက်ရေ ပိစ်စ်စ်..

Sunday, April 17, 2011

သင်္ကြန် လည်ပြန်

သင်္ကြန်ဆိုတဲ့ စကားဟာ မြန်မာလူမျိုးတိုင်းအတွက် အသံလေး ကြားရင်ကို ဟန်မဆောင် နိုင်လောက်အောင် ချစ်မက် မြတ်နိုးကြတဲ့ စကား… သင်္ကြန်ရေသဘင်ပွဲ ကလဲ နှစ်သစ်ကူး ရောက်တိုင်း အထိမ်းအမှတ်အဖြစ် တမြတ်တနိုး တန်ဖိုးထား ဆင်နွဲကြတဲ့ပွဲ… ဒီပွဲကို မြန်မာနိုင်ငံတွင်းမှာသာမက နိုင်ငံတကာ ရောက်နေကြတဲ့
ပြည်ပရောက် မြန်မာတွေကပါ ဖြစ်နိုင်သည့်နည်းဖြင့် ဆင်နွဲကြသည်။

နှစ်ဟောင်းက အညစ်အကြေးတွေ စင်ကြယ်ပါစေ ဆိုတဲ့ သင်္ကေတ၊ ပူလောင် နေတဲ့ နွေရာသီမှာ အေးချမ်း ပါစေ ဆိုတဲ့ စိတ်စေတနာ … ဒီလောက် လှပတဲ့ အတိတ်နမိတ်တွေနဲ့ ကျင်းပတဲ့ နှစ်သစ်ကူး အတာ ရေသဘင် ပွဲတော် သင်္ကြန်… သင်္ကြန်တွင်းမှာ စတုဒိသာ အလှူပွဲတွေ ခြိမ့်ခြိမ့်သဲသဲ… နွေရာသီ ပူပူမှာ တေဇောဓာတ် လွန်ကဲပြီး ၀မ်းပျက် ၀မ်းလျှော မဖြစ်ကြအောင် မြန်မာ့တိုင်းရင်းဆေး ပညာနဲ့ တွက်ဆပြီး အချိုကဲတဲ့ ပထ၀ီ ဓာတ် များတဲ့ မုန့်လုံးရေပေါ်နဲ့ ရွှေရင်အေးကို စီမံ ဒါနပြုကြသည်။ ၇ရက် သားသမီးများ အေးချမ်း ကြစေဖို့ အတာအိုးထဲ ၇နေ့ ၇နံ ပန်းမန်တွေ စိုက်ကာ သိကြားမင်းကို ကြိုကြသည်။ တနှစ်တာ လုပ်ခဲ့သမျှ ကောင်းတာ လုပ်သူတွေကို သိကြားမင်းက ရွှေပုရပိုဒ်နဲ့ ရေးမှတ် စာရင်းကောက်ပြီး မကောင်းတာ လုပ်သူတွေကို ခွေး သားရေ ပုရပိုဒ်နဲ့ ရေးမှတ် စာရင်းကောက်သည်ဟု အဆိုရှိကြသည်။ သိကြားမင်း တကယ် လာတာ မလာတာ အသာထား … စိတ်ဓာတ် စစ်ဆင်ရေး အရ စိတ်ကောင်း အလုပ်ကောင်း ထားကြဖို့ သိကြားမင်းနဲ့ ချည်တုပ် ထားရာ ရောက်သဖြင့် ကြိုက်သည်။ ဒီလောက် အနှစ်သာရ ပြည့်ဝတဲ့ ဒီသင်္ကြန် ကို ဒီဘက် နှစ်တွေမှာ ဘာကြောင့် များ မူးရူး ရိုင်းစိုင်းနေတဲ့ သရုပ်ပျက် ပုံစံတွေနဲ့ ဆင်နွှဲ ကြတာ ပါလိမ့်…

ငယ်ရွယ်စဉ် ကလေးဘ၀ သင်္ကြန်သည် ရေဖြန်းရုံ ရေလောင်းရုံသာ… မှတ်မှတ်ရရ ၈၈ လူထု အရေးတော်ပုံကြီး အပြီးမှာ သင်္ကြန်သည် စတင် ရိုင်းစိုင်း လာခဲ့သည်။ ခွက်စောင်းခုတ် ပြွှတ်နဲ့ မျက်နှာတွေ နားတွေကိုထိုး တာ တွေ လုပ်လာကြသည်။ ပိုဆိုးသည်က ရေပူဖောင်း ရေထုပ်များ… ၁၉၉၃ သင်္ကြန်က စပြီး ရေပူဖောင်း ရေထုပ် များနဲ့ ပစ်ပေါက် ကစားသူတွေကို ဖမ်းဆီး အပြစ်ပေးနိုင်သည့် အမိန့် ထွက်ပါမှ သက်သာရာ ရသည်။ သို့သော် ဆပ်ပြာမြှုပ် ဖြန်းသည့် ဗူးများဖြင့် မျက်စိထဲ ဖြန်းထည့် ကြသည် အထိ ရိုင်းစိုင်း စိတ်ထား ဆိုးယုတ် လာကြတဲ့ နောက်ပိုင်း သင်္ကြန်ကို ချစ်မြတ်နိုးလှသော ကျွန်မ .. သင်္ကြန်တွင်းမှာ ရိပ်သာ တရားစခန်းသာ ၀င်ဖြစ် ခဲ့တော့သည်။ နောက်ပိုင်း နောက်ပိုင်း နှစ်တွေမှာတော့ မြန်မာ နိုင်ငံတွင်းက သင်္ကြန်တွေက အနှစ်သာရ ကင်းမဲ့ ပျက်သုဉ်း လာခဲ့သည်။ တနှစ်မှ တခါ ပျော်ရတာမို့ ခွင့်လွှတ် နားလည် ပေးပါ၊ ဒီအချိန်လေး စိတ် ထွက်ပေါက် ရှာရတာမို့ ဖြေတွေးပေးလိုက်ပါ ဆိုတဲ့ စကားတွေကို ပြော ထွက် သူတွေကို ကျွန်မ ဘယ်လိုမှ နားမလည်နိုင်… နှစ်သစ်ကူး အခါသမယ မှာ မင်္ဂလာရှိရှိ ကြက်သရေ ရှိရှိ မနေသင့် ဘူးလား… ဒီလို ဟော့ရမ်း သော့သွမ်း နေရမှ ပျော်သတဲ့လား… စိတ်ထွက်ပေါက်က ကောင်းရာ ကောင်းကြောင်း နည်းနဲ့ ထွက်ပေါက် မရှာတတ်ဘူးလား… ကျွန်မ မြတ်နိုးတဲ့ သင်္ကြန်လေး ရုပ်ဆိုး ပျက်စီး ရတာကို နှမြော မဆုံးပါ။

၂၀၁၁ သင်္ကြန်… အမိမြေမှာတော့ ၂၀၁၀ တုန်းက သမိုင်းတခုလုံးမှာ ပထမဆုံး အကြိမ် သင်္ကြန် မဏ္ဍပ် ဗုံးခွဲ ခံရခြင်း အပြင် ၂၀၁၁ သင်္ကြန် မတိုင်ခင်လေး ဗုံးရှာတွေ့တာ တရားဝင် ၂ကြိမ် ဆိုတော့ ပြည်သူ တွေ သင်္ကြန် ရေသဘင်ပွဲကို ဖြောင့်ဖြောင့် ဆင်နွဲဖို့ စိုးရွံ့ကုန်၏ မြန်မာ့ရိုးရာ ယဉ်ကျေးမှု အတာ သင်္ကြန်သည် ဒီလောက်ကို အရုပ်ဆိုး အကျည်း တန် သွားခဲ့သည်။

မမျှော်လင့်ဘဲ အမိမြေက ခွာပြီး နိုင်ငံရပ်ခြားရောက်တော့မှ ဒေသတွင်းနိုင်ငံတွေ ထဲမှာ ရိုးရာ သင်္ကြန်ပွဲ ဆင်နွှဲ တာ တကမ္ဘာလုံးမှာ မြန်မာ ထိုင်း လာအိုနဲ့ ကမ္ဘောဒီးယား လေးနိုင်ငံသာ ရှိကြောင်း သိရသည်။ အဲဒီလေးနိုင်ငံ ထဲမှာ ကျွန်မ လေ့လာရသလောက် မြန်မာ့ ရိုးရာ သင်္ကြန်က အနှစ်သာရ အပြည့်ဝဆုံးလို့ ခံစားမိသည်။ ကိုယ့် ငါးချဉ် ကိုယ်ချဉ်သည်ပဲ ထားပါတော့လေ… ဒီနေရာမှာ ကျွန်မ တွဲမြင်လာတာက ရိုးရာ ယဉ်ကျေးမှု အခြေပြု ခရီးသွားလာရေး လုပ်ငန်း။ နိုင်ငံ အသီးသီးက ရိုးရာယဉ်ကျေးမှု အခြေပြု ခရီးသွား လုပ်ငန်းတွေကို သူ့ထက်ငါ အပြိုင်အဆိုင် ကြော်ငြာရင်း တဖက်က ရိုးရာ ယဉ်ကျေးမှုကို ထိန်းသိမ်းသလို တဖက်ကလဲ ကိုယ့်နိုင်ငံရဲ့ ယဉ်ကျေးမှု နယ်ပယ်ကို ချဲ့ထွင်ရင်း နိုင်ငံတကာ ဈေးကွက်ကို ရယူ ဖို့ ကြိုးစား နေကြသည်။ ဂျပန် ယဉ်ကျေးမှု ကိုရီးယား ယဉ်ကျေးမှု ကျယ်ပြန့်လာတော့ ဂျပန် ပစ္စည်း အစားအသောက်နဲ့ ကိုရီးယား ပစ္စည်း အစား အသောက် တွေပါ ဈေးကွက် တွင်ကျယ် လာတဲ့ နည်းအတိုင်းပင်။

ကျွန်မတို့ မြန်မာနိုင်ငံကတော့ ရိုးရာ ယဉ်ကျေးမှု ပွဲတော် တွေကို ခေတ်မီအောင် ဆိုတဲ့ ထန်းလက်နဲ့ ကာရင်း သရုပ်ပျက် သထက် ပျက်လာ ခဲ့ကြသည်။ ရိုးရာကိုလဲ ဖျက်သထက် ဖျက်လာ ခဲ့ကြသည်။ မြန်မာသံ စစ်စစ် ညက်ညော မြူးကြွတဲ့ သင်္ကြန် သီချင်းတွေ နေရာမှာ အနောက်တိုင်းက အောက်တန်းလွှာ လူတန်းစားတွေ ကြမ်းကြမ်း ရမ်းရမ်း အကြောဖြေ ခုန်ပေါက်ရာမှာ တီးခတ်တဲ့ ဒီဂျေတွေနဲ့ အစားထိုး ရုံမက ရောမွှေ ပစ်ကြ သည်။ မြန်မာ့ရိုးရာ သံချပ်တွေ နေရာမှာ ဟစ်ဟော့ပ်တွေ အစားထိုး ၀င်လာသည်။ မြန်မာအက ခေါင်း၊ ခါး၊ ခြေ၊ လက် စည်းချက် ကျကျ အက တွေ နေရာမှာ ပြည့်တန်ဆာ တန်းက လိင်စိတ် နှိုးဆွ အကတွေက နေရာယူလာ သည်။ မြန်မာရိုးရာ ယဉ်ကျေးမှု အတာ သင်္ကြန် သည်မျှ လောက် အထိ အောက်တန်းကျ သွားခဲ့လေသည်။

ကျွန်မ ထိုင်းနိုင်ငံကို ရောက်စက သင်္ကြန်ကို ကလေးတွေ ရေကစားဖို့ သက်သက်လောက် သဘော ထားပြီး မြို့ကြီးများမှာ ယာဉ်ကြောပိတ်ဆို့မှု ကင်းမဲ့ ခြောက်ကပ်တဲ့ အားလပ်ရက်ရှည် အဖြစ် မြင်တွေ့ နေခဲ့ရတာပါ။ ဒါပေမယ့် ၂၀၀၈ ခုနှစ်မှာတော့ ထိုင်းနိုင်ငံ ဘန်ကောက်အရှေ့ဘက်က မဟာချိုင် ဒေသမှာ သိန်းချီနေတဲ့ မြန်မာအလုပ်သမား တွေက မြန်မာ့ရိုးရာ သင်္ကြန်ကို မြန်မာ အသိုင်းအ၀ိုင်းထဲမှာ အားရ ပါးရ ဆင်နွှဲ ခဲ့ကြသည်။ စက်ရုံ အလိုက် မြန်မာ အသိုင်းအ၀ိုင်း အလိုက် ယိမ်းက ရေပက် သင်္ကြန်တွင်း တရားစခန်းဝင်၊ ရှင်ပြု ရဟန်းခံ ပွဲတွေကို မြန်မာ ရဟန်းတော်များ ဦးဆောင် ကြီးကြပ်မှုနဲ့ ခမ်းခမ်းနားနား ကျင်းပ ခဲ့ကြသည်။ သူများ နိုင်ငံရောက် ရွှေ့ပြောင်း မြန်မာ အလုပ်သမား တွေက မြန်မာ့ ရိုးရာ ယဉ်ကျေးမှု အတာသင်္ကြန်ပွဲကို ရိုးရာ မပျက် ထိန်းသိမ်း စောင့်ရှောက်ပြီး ဆင်နွှဲ နေချိန်မှာ မြန်မာနိုင်ငံ တွင်းမှာတော့ တချို့ အမျိုးသမီးတွေက သင်္ကြန်လည်ရာမှာ အင်္ကျီတောင် မပါတော့… တချို့နေရာတွေများ သင်္ကြန် အတက်နေ့မှာ ကိုယ်တုံးလုံး ချွတ်ပြီးတောင် ကကြ သတဲ့… ဖျော်ဖြေရေး နိုင်ငံအဖြစ် နိုင်ငံတကာမှာ နာမည်ပျက်နေတဲ့ ထိုင်းနိုင်ငံ ရဲ့ ပြည့်တန်ဆာ လုပ်ငန်း ထွန်းကားရာ ပတ်တယားက အစည်ကားဆုံး လမ်းဖြစ်တဲ့ walking street မှာတောင် အဆောင်တွေ အခန်းတွေ ထဲမှာသာ ကတဲ့ တိုင်ပတ် ပွတ်သပ် အကကို ရွှေမြန်မာ များက အင်းလျားလမ်း ပေါ်က သင်္ကြန် မဏ္ဍပ် လက်ရမ်းပေါ် တက်ပြီး ပြောမကောင်း မြင်မကောင်းအောင် ကနေတာကို youtube အင်တာနက် စာမျက်နှာပေါ်မှာ ဗီဒီယို အဖြစ်နဲ့ မကြည့်ချင် မြင်လျက်သား တွေ့လိုက်ရသည်။ ပိုဆိုးတာက ဒီအကြောင်း တွေကို ထိုင်းနိုင်ငံ ရဲ့ ရုပ်မြင်သံကြား လိုင်းတွေထဲက တခု ဖြစ်တဲ့ iTV က နိုင်ငံတကာ သိအောင် ထုတ်လွှင့် ကြေညာ လိုက်လေသည်။

အဲဒီနောက် ၂၀၁၁ သင်္ကြန်မှာတော့ ထိုင်းနိုင်ငံ ချင်းမိုင်မြို့တော်ဝန် ကိုယ်တိုင်က ဖိတ်ခေါ် ကမ်းလှမ်း လာခဲ့ တော့သည်။ ကမ္ဘာကျော် ချင်းမိုင်သင်္ကြန်ပွဲမှာ မြန်မာတွေကလဲ မြန်မာ့ရိုးရာ မပျက် ပါဝင်ဆင်နွဲ ကြပါတဲ့… သင်္ကြန် အကြိုနေ့မှာ ချင်းမိုင် တမြို့လုံးကို စီတန်း လှည့်လည် ပြီး ရိုးရာ ယဉ်ကျေးမှု ခင်းကျင်းပြသတဲ့ ထွက်တော်မူ သင်္ကြန်ယိမ်း ပြိုင်ပွဲ မှာလဲ မြန်မာ အဖွဲ့က ၀င်ပြိုင် စေချင်ပါတယ်တဲ့။ တသက်နဲ့ တကိုယ် ဒီလို အသိအမှတ်ပြု ဖိတ်ခေါ်တာ မခံရဖူးတဲ့၊ သူများနိုင်ငံမှာ ရွှေ့ပြောင်း အလုပ်သမား အဖြစ် မျက်နှာ ငယ်ခဲ့ကြ ရတဲ့၊ ကိုယ့်ကိုယ်ကို မြန်မာလို့ အသိခံရရင်တောင် ရဲနဲ့ နတ်ကလိန်လို့ ထိုင်းလိုခေါ်တဲ့ ဆိုးသွမ်း လူငယ်တွေ က အနိုင်ကျင့် ဗိုလ်ကျတာ ခံရမှာ ကြောက်လို့ မြန်မာလို့ မပြောရဲ ခဲ့တဲ့ ရွှေမြန်မာတွေက ခုလို လူရာဝင် လာခဲ့တဲ့ အဖြစ်။ ဒါပေမယ့် အလုပ်ရှင်က ခွင့်ပေး အချိန်ပေးမှ သင်္ကြန် ယိမ်း တိုက်နိုင်မယ့် အလုပ်သမား ဘ၀။ လူစုံမှ ယိမ်းအက တိုက်လို့ ကျင့်လို့ ရမယ့် အခြေအနေ၊ ဘယ်တုန်းကမှ သင်္ကြန် မကဖူးခဲ့တဲ့ ပြည်ပရောက် အလုပ်သမ လေးတွေ၊ ပြီးတော့ ဆင်တူ ၀တ်စား ဆင်ယင်ဖို့ မြန်မာ့ရိုးရာ ၀တ်စုံများ။ လိုအပ်ချက်တွေ မပြည့်စုံ မှုတွေကို အားခဲ ရင်ဆိုင် အပြိုင်နွှဲရမည့် ၂၀၁၁ သင်္ကြန်ပွဲ…

သင်္ကြန်အကြိုနေ့မှာ မိုးက သည်းသည်းမည်းမည်း… မိုးနဲ့ အပြိုင် အာဆီယံ ဒေသတွင်း လေးနိုင်ငံက ပြိုင်ပွဲဝင် အဖွဲ့ပေါင်း ၆၀ က အပြိုင်အဆိုင် ခမ်းနား သိုက်မြိုက်စွာ ငြိမ့်ညောင်း လှပစွာ ရိုးရာ အကအလှတွေနဲ့ တဖွဲ့ပြီး တဖွဲ့ ထွက်လာခဲ့ကြသည်။ လမ်းပေါ်မှာ မိုးအေးလို့ လူက နည်းနေဆဲ…

မြန်မာအဖွဲ့က သင်္ကြန် သင်္ကေတ မြို့မ ငွေငန်းရုပ်နဲ့ အတူ အသံချဲ့စက်ကြီး ရှစ်လုံး ကို ကားပေါ်တင်လို့ သင်္ကြန်မိုး သီချင်းနဲ့ အတူ သင်္ကြန် ယိမ်းအကနဲ့ ဟိန်းထပြီး ထွက်လာခဲ့ လေသည်။

သင်္ကြန်မိုး သီချင်းသံနဲ့ အတူ ချင်းမိုင်ရောက် မြန်မာတွေလဲ နေရာအသီးသီး ကနေ လမ်းပေါ်ကို အုံလိုက် ကျင်းလိုက် ထွက်လာခဲ့ ကြလေသည်။

မြန်မာအဖွဲ့ရဲ့ ရှေ့ဆုံးမှာတော့ သာသနာ့အလံ တလူလူနဲ့ အလံကိုင်အဖွဲ့.. အဲဒီနောက်မှာ မြန်မာနိုင်ငံတွင်း တိုင်းရင်းသား လူမျိုးစုကြီး ၈စု ကိုယ်စားပြု စုံတွဲ ၈တွဲ… သူတို့နောက် ကပ်လျက်က သာသနာပွဲကိုင် လှပျိုဖြူများ… ပြီးတော့ သင်္ကြန် အတာအိုးကိုင် လှပျိုဖြူများ နောက်ကပ်လျက်က သင်္ကြန်ယိမ်း ကနေကြတဲ့ လှပျိုဖြူများ…

သူတို့နောက်မှာတော့ ငွေငန်းပေါ်က နိုင်ငံတော် ရွှေတံဆိပ်ဆုရှင် မင်းသမီး ချောစုမျိုး… မြိုင်ဆိုင် လိုက်သည့် ဖြစ်ခြင်း…
ချင်းမိုင်မြို့ရဲ့ န၀ရတ် တံတားပေါ် မြန်မာသင်္ကြန်ယိမ်းအဖွဲ့ အရောက်မှာတော့ လမ်းပေါ်မှာ လူတွေက မိုးရေစက်တွေနဲ့ အပြိုင် ပြည့်လျှံလို့…

န၀ရတ်တံတားပေါ်ကနေ ညဈေးရှေ့ … ညဈေးရှေ့ကနေ ချင်းမိုင်မြို့ရိုးဟောင်း ဆီကို ကရင်း လျှောက်ရင်း ရောက်လာခဲ့တော့ တူးပို့သံက ပွဲကြည့် မြန်မာ ပရိသတ်တို့ရဲ့ သံပြိုင် လိုက်ဆိုမှုကြောင့် မိုးခြိမ်းသံကို ကျော်လွန် ဟိန်းထွက် လက်ခုပ် သြဘာသံ ဘ၀ဂ် ညံခဲ့ပြီ။ နားမလည်ဘဲ သင်္ကြန်ယိမ်းအဖွဲ့နဲ့အတူ လိုက်ပါ ကခုန်နေတဲ့ နိုင်ငံခြားသားတွေ.. ရွှေပြည်ဝေး ရွှေမြန်မာတို့ရဲ့ ၀မ်းနည်း ၀မ်းသာ မျက်ရည်တွေက မိုးရေနဲ့ အပြိုင်...

တိုင်းပြည်တွင်း စီးပွားရေး အခြေအနေ ကြောင့် သူများနိုင်ငံမှာ မျက်နှာ အောက်ချ နေခဲ့ရတဲ့ ရွှေမြန်မာတွေ ရိုးရာ ယဉ်ကျေးမှု ထိန်းသိမ်းရာမှာတော့ ပြိုင်ပွဲဝင် အဖွဲ့ပေါင်း ၆၀ ထဲမှာ လူသစ်အဖွဲ့သစ် ဖြစ်ပေမယ့် ဆုတံဆိပ် ဆွတ်ခူးခဲ့ပြီ။

အဲဒီလိုပဲ ရိုးရာ ယဉ်ကျေးမှု အခြေပြု ခရီးသွား လုပ်ငန်းကြီး တရပ်လုံးလဲ ထိုင်းနိုင်ငံရဲ့ ဈေးကွက်ဆီ ရွှေ့ပြောင်း သွားခဲ့လေပြီ။

ဘယ်တုန်းကမှ ဘယ်အမျိုးသမီးမှ ပိတောက်ပန်း မပန်တဲ့ ထိုင်းနိုင်ငံ၊ ခုတော့ သင်္ကြန်ကြိုတဲ့ ချင်းမိုင်သူ ရုပ်တု မှာ ပိတောက်ပန်းတွေ ဝေလို့…

နှစ်သစ် မင်္ဂလာ အခါတော်နေ့ ကျင်းပရခြင်း အကြောင်း

ဓမ္မမိတ်ဆွေများရှင့်
နှစ်သစ် မင်္ဂလာ အခါတော်နေ့ ကျင်းပရခြင်း အကြောင်းကို ကျွန်မ နည်းနည်း ပြောပါရစေ။
ရန်ကုန်မြို့ သီရိမင်္ဂလာ ကမ္ဘာအေး ကုန်းမြေ သာသနာရေး ဦးစီးဌာန တွင် ဖွင့်လှစ်ထားသော အခြေခံ ဗုဒ္ဓဘာသာ ယဉ်ကျေးမှု သင်တန်းမှ
၁။ လူငယ်လူရွယ်များ ဘာသာယဉ်ကျေးမှုကို အမြဲတစေ ထိတွေ့ နီးစပ် နေစေရန်
၂။ ဗုဒ္ဓသာသနာတော်ကို လေးစား ကြည်ညို တတ်စေရန်
၃။ ဘာသာရေး စိတ်ဓာတ် ရင့်သန်ကြွယ်ဝ စေရန် ဟူသော ရည်ရွယ်ချက်ဖြင့် ဗုဒ္ဓသာသနာတော်နှင့် ဆိုင်သော အခါတော် နေ့ကြီးများကို လပြည့်နေ့တိုင်း တလတကြိမ် ကျင်းပမြဲ ဖြစ်ပါသည်။

နှစ်ဦးအစဖြစ်တဲ့ တန်ခူးလရာသီမှာတော့ အခါတော်ပွဲအဖြစ် တန်ခူးလပြည့်နေ့မှာ သီးသန့် ကျင်းပ မနေတော့ ဘဲ မင်္ဂလာ ယူသောအားဖြင့် မြန်မာ နှစ်ဆန်း တစ်ရက်နေ့ကို မင်္ဂလာအခါတော်နေ့ အဖြစ် ကျင်းပပါသည်။

မြန်မာနှစ်ဆန်းတစ်ရက်နေ့ကို မင်္ဂလာ အခါတော်နေ့ အဖြစ် ကျင်းပရခြင်းမှာ
၁။ ကမ္ဘာသူ ကမ္ဘာသား များ အနိဌာရုံတွေ ပပျောက်ပြီး ဣဋ္ဌာရုံ အပေါင်းနှင့် ပြည့်စုံစေရန်
၂။ ဘေးဥပဒ် အန္တရာယ် ကင်းဝေးကြစေရန်
၃။ မကောင်းသော စိတ်ဓာတ်များကို ဖယ်ရှားပြီး ကောင်းသော စိတ်ဓာတ်များကို မွေးမြူကြစေရန်
၎။ အရှက်နှင့် အကြောက် လောကပါလ တရား ၂ပါး ထွန်းကား ကြစေရန်။
၅။ ဗြဟ္မ၀ိဟာရ တရားလေးပါး ထွန်းကား ပြန့်ပွားစေရန်
၆။ မင်္ဂလာတရားတော်များ ထွန်းကား ပြန့်ပွားစေရန် ရည်ရွယ်ပြီး ကျင်းပရခြင်း ဖြစ်ကြောင်း တင်ပြအပ်ပါသည် ရှင့်။

မင်္ဂလာနိဒါန်း

ဓမ္မမိတ်ဆွေများရှင်
ဂေါတမမြတ်စွာဘုရား မပွင့်သေးမီ အချိန်တုန်းက ထိုခေတ် လူသားများအဖို့ အနှစ်သာရရှိတဲ့ အဖိုးတန် တရားစကားမျိုးကို ကြာနခွင့် မကြုံခဲ့ရပါဘူး ။ မဂလာဆိုတာ ဘာလဲလို့ ပြဿနာတရပ် ပေါ်ပေါက်ခဲ့ဖူးပါတယ်။
ဒိဋ္ဌသမားတွေက အမြင်ကောင်းအာရုံကို မင်္ဂလာလို့ ငြင်းကြပါတယ်။
သုတသမားတွေက အကြားကောင်းအာရုံကို မင်္ဂလာလို့ ငြင်းကြပါတယ်။
မုတ သမားတွေက အနံ့ကောင်း အရသာကောင်း အတွေ့ကောင်းအာရုံကို မင်္ဂလာလို့ ငြင်းကြ ခုံကြပါတယ်။

ဒီလိုနဲ့ မိမိတို့ ထင်ရာမြင်ရာကို ပြောဆို ငြင်းခုန်လာတာ ၁၂နှစ်ကြာသွားပါတယ်။ အဖြေမှန်ကို ဖော်ထုတ် ပြောဆိုနိုင်သူ မပေါ်ခဲ့ ပါဘူး။ ဘယ်နတ် ဘယ်ဗြဟ္မာကမှ မင်္ဂလာရဲ့ အဓိပ္ပာယ်မှန်ကို မဖွင့်ဆိုနိုင်ကြပါဘူး။ ဂေါတမ မြတ်စွာဘုရား ပွင့်ပေါ်လာမှ ဒီပြဿနာ ငြိမ်းအေးသွားပါတယ်။ မင်္ဂလာရဲ့ အဓိပ္ပာယ်ကို သိခွင့် ရကြပါတော့တယ်။

မင်္ဂလာ တရားတော်ကို သာဝတ္ထိပြည် ဇေတ၀န်ကျောင်းတော်ကြီးပေါ်မှာ အညတရ နတ်သား တဦးလျှောက် ထားပြီး မြတ်စွာဘုရားက ရှင်းလင်းဟောကြားတော် မူခဲ့ပါတယ်။

ဓမ္မမိတ်ဆွေများရှင့်။

မင်္ဂလာတရား ၃၈ ပါးကို အသေအချာ လေ့လာကြည့်ပါလျှင် ပေါင်းသင်းဆက်ဆံရေး၊ နေရေးထိုင်ရေး၊ သင်ကြားရေး၊ ပြုစုရေး၊ လိုက်နာကျင့်သုံးရေး၊ ရှောင်ကြဉ်ရေး၊ စိတ်ထားရေး၊ သည်းခံရေး၊ ခြိုးခြံချွေတာရေး၊ စိတ်ထား ခိုင်ခံ့ရေး စသည်ဖြင့် လောက လူသားများ အကျိုး များအောင် ထောင့်မျိုးစုံမှ ဟောကြားထားတာ တွေ့ရပါတယ်။
ကျွန်မတို့ မြန်မာနိုင်ငံမှာ ရှေးခေတ် ရှေးအခါက မိုးလေ၀သ ရာသီဥတု မှန်ကန် ညီမျှပြီး သယံဇာတ သဘာဝ ပစ္စည်း တွေ ပေါကြွယ်ဝရခြင်း၏ အဖြေကို ကြည့်တဲ့ အခါ မင်္ဂလာ တရားတော်နဲ့ အညီ နေထိုင်ကြလို့ ဆိုတဲ့ အဖြေကို တွေ့ရပါတယ်။
ဒါကြောင့် ကျွန်မတို့ မြန်မာနိုင်ငံကြီး သာယာဝပြောရလေအောင် လူတိုင်းကိုယ်စီ မင်္ဂလာတရားနဲ့ အညီ ကျင့်သုံး နေထိုင် ကြပါစို့လို့ တိုက်တွန်း လိုက်ရပါတယ်ရှင့်။

၃၈ဖြာ မင်္ဂလာ တရားတော်

ပေါင်းသင်းဆက်ဆံရေး မင်္ဂလာ ၃ပါး
၁။ လူဆိုးလူမိုက်ကို မမှီဝဲ မပေါင်းသင်းရခြင်း
၂။ ပညာရှိ လူလိမ္မာကို မှီဝဲ ပေါင်းသင်းရခြင်း
၃။ ပူဇော်ထိုက်သော သူတို့ကို ပူဇော်ရခြင်း
နေရေးထိုင်ရေး မင်္ဂလာ ၃ပါး
၁။ သင့်လျော်သော အရပ်၌ နေထိုင်ရခြင်း
၂။ ရှေးက ပြုဖူးသော ကောင်းမှု အထူးရှိခြင်း
၃။ မိမိ၏ ကိုယ်စိတ် နှစ်ပါစးကို စောင့်ထိန်းခြင်း
သင်ကြားရေး မင်္ဂလာ ၄ပါး
၁။ လောကီ လောကုတ် အကြားအမြင် များခြင်း
၂။ စက်မှု လက်မှု အတတ်တို့ကို တတ်ရခြင်း
၃။ လူနှင့်ဆိုင်ရာ ကျင့်ဝတ်များကို ကောင်းစွာ သင်ကြား နားလည်ခြင်း
၎။ အပြောအဆို ချိုသာယဉ်ကျေးခြင်း
ပြုစုရေး မင်္ဂလာ ၃ပါး
၁။ မိဘ၂ပါးကို လုပ်ကျွေးပြုစုရခြင်း
၂။ သားမယားတို့ကို တရားနှင့်အညီ လုပ်ကျွေးခြင်း
၃။ အနှောင့်အယှက်ကင်းသော အလုပ်ကို လုပ်ကိုင်ခြင်း
လိုက်နာ ကျင့်သုံးရေး မင်္ဂလာ ၄ပါး
၁။ စွန့်ကြဲ ပေးကမ်း လှူဒါန်းခြင်း
၂။ သုစရိုက် တရားကို ကျင့်ခြင်း
၃။ ဆွေမျိုးတို့အား ထောက်ပံ့ကူညီခြင်း
၎။ အပြစ်ကင်းသော အမှုတို့ကို ပြုရခြင်း
ရှောင်ကြဉ်ရေး မင်္ဂလာ ၄ပါး
၁။ မကောင်းမှု မဖြစ်အောင် စိတ်ဖြင့် ရှောင်ခြင်း
၂။ မကောင်းမှု မဖြစ်အောင် ကိုယ်နှုတ်ဖြင့် ရှောင်ခြင်း
၃။ မူးယစ်သေစာ မသောက်စားခြင်း
၎။ ကုသိုလ်တရားတို့၌ မမေ့မလျော့ခြင်း
စိတ်ထားရေး မင်္ဂလာ ၅ပါး
၁။ ရိုသေထိုက်သော သူတို့ကို ရိုသေရခြင်း
၂။ မိမိကိုယ်ကို နှိမ့်ချရခြင်း
၃။ ရောင့်ရဲလွယ်ခြင်း
၎။ သူတပါး ကျေးဇူးကို သိခြင်း
၅။ သင့်လျော်သော အခါ တရားနာခြင်း
သည်းခံရေး မင်္ဂလာ ၄ပါး
၁။ သည်းခံရခြင်း
၂။ ဆုံးမလွယ်ရခြင်း
၃။ ရဟန်းသံဃာတို့အား ဖူးမြော်ရခြင်း
၎။ သင့်လျော်သော အခါ တရားဆွေးနွေးခြင်း
ခြိုးခြံရေး မင်္ဂလာ ၄ပါး
၁။ ခြိုးခြံချွေတာခြင်း
၂။ မြတ်သော အကျင့်ကို ကျင့်ခြင်း
၃။ သစ္စာလေးပါးကို သိခြင်း
၎။ နိဗ္ဗာန်ကို မျက်မှောက် ပြုခြင်း
စိတ်ထားခိုင်ခံ့ရေး မင်္ဂလာ ၄ပါး
၁။ လောကဓံတရားနှင့် တွေ့ကြုံသော အခါ စိတ်ဓာတ် မတုန်လှုပ်ခြင်း
၂။ မစိုးရိမ်ခြင်း
၃။ ကိလေသာ မြူကင်းခြင်း
၎။ ဘေးကင်းခြင်း

မှတ်ချက်။ အမှတ်စဉ် ၁မှ ၃၂ ထိသည် လောကီ မင်္ဂလာ၊ ကျန်၆ပါး သည် လောကုတ္တရာ မင်္ဂလာ၊ ၁မှ ၃၃ အထိသည် အကြောင်းမင်္ဂလာ၊ ကျန် ၅ပါးသည် အကျိုးမင်္ဂလာ ဟု မှတ်ပါ။

ဤ၃၈ပါးသော မင်္ဂလာတရား တို့ကို လိုက်နာ ပြုကျင့်သောကြောင့် ရန်သူမှန်သမျှ အနိုင်မခံရ၊ အရပ်ဒေသ အားလုံးတို့၌ ကြီးပွား ချမ်းသာခြင်းသို့ ရောက်နိုင်၏။ ၃၈ ဖြာ မင်္ဂလာ တရားသည် နတ်လူတို့ အတွက် အမြတ်ဆုံး သော မင်္ဂလာ မည်၏။ ဤ တရားတော်ကို ရိုက်နှိပ် ဖြန့်ချီ ပူဇော် ရသော အကျိုးကြောင့် မင်္ဂလာ အရှိဆုံး နေရာမြတ် အသင်္ခတ နိဗ္ဗာန်ဓာတ်သို့ ဆိုက်ရောက်ရပါလို၏။

(မှတ်ချက်။ နိုင်ငံတော် ပိဋကတ် တိုက်မှူး ဆရာတော် ဦးပညာသာမိ (မာဂဓီ-သာစည်) ရေးသား ပြုစုတော် မူသော အခါတော်နေ့များ စာအုပ်မှ ထုတ်နှုတ် တင်ပြပါသည်။) (စာအုပ် လက်ဆောင် ပေးပို့ လာသော မောင်ငယ် မင်းယွန်းသစ် အားလည်း ကျေးဇူး တင်အပ်ပါသည်။)

Sunday, April 3, 2011

မြန်မာ့ ခရီးသွားလုပ်ငန်းနဲ့ အများသုံး ၀န်ဆောင်မှု လုပ်ငန်း တရပ်

လူတိုင်း စား၊ ၀တ်၊ နေရေး ဆိုတဲ့ ရေးကြီး ၃ပါး မှာ ထိပ်ဆုံးက ပါနေတာ စားရေးပါ။ စားပြီးရင် မဖြစ်မနေ လုပ်ရ တာကတော့ စားပြီးသမျှ ပြန်စွန့်ထုတ်ရတာပါပဲ။ ၀မ်းတလုံးကောင်းရင် ခေါင်းမခဲ ဆိုတဲ့ အတိုင်း ၀မ်းကောင်းပြီး စွန့်ထုတ်မှု မှန်ကန်နေမှ ကျန်းမာရေး ကောင်းပါတယ်။ ဒီတော့ လူတိုင်းအတွက် စားရေး ပြီးရင် စားရေး လောက် တန်းတူ အရေးကြီးတာ စွန့်ရေး ဆိုရင် မှားမယ် မထင်ပါဘူး။

အိမ်တအိမ်မှာ သာသာယာယာ ရှိဖို့ အိမ်သားအားလုံး ကျန်းမာရေးအတွက် မရှိမဖြစ်အရေးကြီးတာ အိမ်သာပါ။ အိမ်သာမှဧည့်လာ ဆိုတဲ့ အတိုင်း ဧည့်ခန်းသာမက အိမ်သာပါ ကောင်းမှ ဧည့်သည်လာမှာကို မရှက်မကြောက် ကြိုဆိုရဲတာပါ။ အညာဒေသ မိသားစု များတဲ့ တချို့အိမ်တွေမှာ ခြံကျယ် မြေပေါတိုင်း အိမ်သာ ၂လုံး ဆောက် ထားလေ့ ရှိပါတယ်။ ဧည့်သည်အတွက် တလုံး၊ အိမ်သားတွေ အတွက် တလုံးပေါ့။ ဒါက တမိသားစုသုံး အတွက်ပါ။ ဟိုးအရင်က မြေပေါ သစ်ပင်ပေါ ခြုံနွယ်ပိတ်ပေါင်း ထူထပ် တော့ အိမ်နောက်ဖေး ရွာနောက်ဖေး တွေမှာ ခြုံတိုး ကြပါတယ်။ နောက်တော့ ဗီဒီယိုခွေတိုင်းလိုလို မှာရော ကျေးရွာ ရပ်ကွက် မြို့နယ်အလိုက် ပညာပေးမှုတွေကြောင့် ယင်လုံအိမ်သာကို ဆောက်ရကောင်းမှန်း သိလာကြပါတယ်။ ဒါတောင် မြန်မာ နိုင်ငံ ဝေးလံ ခေါင်ဖျားတဲ့ ဒေသတွေမှာ ခြုံတိုးဆဲ ယင်လုံအိမ်သာ ဆိုတာ ဘာမှန်း မသိသေးတဲ့ ကျေးရွာတွေ အများကြီး ကျန်နေ ပါသေးတယ်။ ၀မ်းရောဂါ လွယ်လွယ်နဲ့ မြန်မြန် ကူးစက်နိုင်တဲ့ အတွက် တားမြစ် ပညာ ပေးနေ ပေမယ့် ထိရောက်မှု နည်းသေးတာကြောင့် အိမ်သာကျင်းတူးရ သက်သာအောင် မြစ်ချောင်း ဘေး တလျောက် မှာ အစီအရီ တန်းနေတဲ့ အိမ်သာ တွေလဲ ရှိဆဲပါပဲ။
အများသုံး အိမ်သာ ယဉ်ကျေးမှုနဲ့ ၀န်ဆောင်မှု ကတော့ ကျွန်မတို့ မြန်မာနိုင်ငံမှာ အတော့်ကို နိမ့်ကျ နေသေး တာကို ၀မ်းနည်း စရာ မြင်ရပါတယ်။ ကျွန်မတို့ နိုင်ငံမှာ တကယ်တမ်းတော့ အများသုံး အိမ်သာက သိပ်ကို ရှားပါးသေး တာပါ။ အလွန်ဆုံး ရှိလှ ဈေးအိမ်သာနဲ့ ဆေးရုံ အိမ်သာပေါ့။ အားနာ တတ်လှ ပါတယ်ဆိုတဲ့ ကျွန်မ တို့လူမျိုးတွေဟာ အများသုံး အိမ်သာ တွေမှာ ကိုယ့်ပစ္စည်းကို သူများမြင်လို့ စိတ်ဒုက္ခ ရောက်ရမှာ ကိုတော့ ဘာလို့ အားမနာ ကြပါလိမ့် ဆိုတဲ့ အတွေးကို ပြည်တွင်းက အများသုံး အိမ်သာတွေကို မတော်တဆ သုံးမိ တိုင်း အမြဲ တွေးမိပါတယ်။ ဒါပေမယ့် တချို့ နေရာတွေမှာတော့ သုံးစွဲသူကို အပြစ်တင်လို့ မရဘဲ စီမံခန့်ခွဲသူ ဘက်က အားနည်းချက်ကိုပါ တွဲမြင်ရလေ့ ရှိပါတယ်။ ဒါကတော့ သုံးစွဲသူ အတွက် တောင် သန့်ရှင်းစရာ ရေနဲ့ ပစ္စည်း လုံလုံလောက်လောက် ချထား မပေးတာ ပါပဲ။ ဒီတော့ သန့်ချင်လို့တောင် ဘာနဲ့ သွားသန့် ရှင်းရပ။
အများသုံး သောက်ရေအိုးစင် ကိုတော့ သေသေချာချာ စနစ်တကျ လှူတတ်တဲ့ ကျွန်မတို့ နိုင်ငံနဲ့ လူမျိုးဟာ လူမြင်ကွင်းက အ၀င်ကိုပဲ ဂရုစိုက်ပြီး အထွက် ကိစ္စကိုတော့ လူမမြင်ကွယ်ရာ ကိစ္စမို့များ လျစ်လျူရှု ထားလေ ရော့သလား ဆိုတာလဲ တွေးမိ ပါတယ်။ နိုင်ငံခြား ဧည့်သည်များကို ဟိုဟိုသည်သည် အလည်အပတ် ပို့ရတော့ မယ့် အချိန်များဆို ဒီအရေးနဲ့ ပတ်သက်ရင် ကိုယ်တိုင် စိတ်ဒုက္ခ ရောက်ရတာထက် တော်တော်ကို မျက်နှာ ပူရ တာပါ။ မြန်မာနိုင်ငံထဲကနေ နိုင်ငံခြားကို ထွက်လာမိတဲ့ အချိန်မှာတော့ ကိုယ်ရောက်ဖူးတဲ့ နေရာတွေက အများသုံး အိမ်သာတွေကို ပိုပြီး ဂရုတစိုက် ကြည့်မိပါတော့တယ်။

ထိုင်းနိုင်ငံ ဘန်ကောက်မြို့မှာတော့ အများသုံး အိမ်သာတွေကို ကျား၊ မ နဲ့ မသန်စွမ်းသူများ အတွက် သီးခြားစီ ခွဲခြားတဲ့ အပြင် တိုးတက် များပြား လာတဲ့ ယောက်ျားလျာ မိန်းမလျာတွေနဲ့ အတူ သုံးစွဲသူ လူအပေါင်း အဆင် ပြေစေဖို့ men, women, handicraft, lesbians and gays ဆိုပြီး ငါးမျိုးခွဲ အိမ်သာတွေ ဆောက်ပေးသင့် မသင့် စည်ပင်သာယာ ရေး အဖွဲ့က စပြီး စဉ်းစားနေပါပြီ။ အများသုံး အိမ်သာ ပေါပေါများများ လွယ်လင့်တကူ တွေ့နိုင်တဲ့ နေရာတွေကတော့ ဈေး၊ ဘူတာရုံ၊ အဝေးပြေး ကားဂိတ်၊ မြို့ပတ် ကားမှတ်တိုင်တွေမှာက အခပေး အများသုံး အိမ်သာတွေ၊ စက်သုံးဆီ အရောင်းဆိုင် တိုင်း၊ Shopping centers, Minimart, Top Store and Hotels တွေမှာတော့ အခမဲ့ အများသုံး အိမ်သာတွေ ပါပဲ။ ပေါလိုက်ပါတဲ့ အများသုံး အိမ်သာတွေ၊ သန့်ရှင်း သပ်ရပ် မှုကတော့ ၀င်ပြီး ပြန်မထွက်ချင်စရာ၊ နေရာတွေကို လိုက်ပြီး အဲကွန်း၊ တေးသံသာနဲ့ လက်ဆေး ဆပ်ပြာမွှေး၊ အိမ်သာသုံးစက္ကူ၊ လက်သုတ်စက္ကူ၊ အနံ့ဆိုးပျောက် အမွှေးခဲတွေ အပြင် တခါတခါ နံ့သာဆီ မီးခွက် တွေကိုတောင် တွေ့ရပါသေးတယ်။

ဘန်ကောက်မြို့ကြီးပေါ်မို့သာ ဒီလို တွေ့ရတာ မဟုတ်ဘဲ နယ်မြို့ တွေမှာလဲ ဒီအတိုင်းပါပဲ။ အသုံးအဆောင် ပစ္စည်း ကွာချင် သာ ကွာမယ်၊ သန့်ရှင်းသပ်ရပ်မှုကတော့ သိပ် မကွာလှပါဘူး။ ပြီးတော့ ခရီးသွား လုပ်ငန်း ဖွံ့ဖြိုးတဲ့ နိုင်ငံ ပီပီ လူမျိုးပေါင်း တရာ့ တပါးမကအောင် ၀င်ထွက် သုံးစွဲ နေပေမယ့် ညစ်ညမ်း နံစော် နေတာမျိုး မတွေ့ရတာကို ချီးကျူးမိပါတယ်။ ဒါကတော့ စီမံခန့်ခွဲသူ နဲ့ သန့်ရှင်းရေး အလုပ်သမား တွေရဲ့ မခိုမကပ်မှု နဲ့ တာဝန်ယူ တာဝန်ခံမှု ကြောင့်ပဲ ဖြစ်မယ် ထင်ပါတယ်။ ကုန်ကုန် ပြောရရင်တော့ မြို့ တမြို့နဲ့ တမြို့ အကြားက ခရီး တထောက် နားတဲ့ ရှုခင်းသာ စခန်းလေးတွေ နေရာမှာပါ အများသုံး အိမ်သာ တွေကို ဒီလို သန့်သန့် ရှင်းရှင်း မြင်ရပါတယ်။ ခရီးသွား ပြည်သူတွေ လမ်းတကာ နင်းလာတဲ့ ဖိနပ်နဲ့ အိမ်သာ ထဲ ၀င်လို့ မတော်တဆ ကြမ်း ပြင် ရေစိုနေရင် ဗွက်ထမှာ စိုးလို့ ရာဘာ ဖိနပ်တွေကိုပါ အဆင်သင့် ချပေး ထားပါသေးတယ်။ ၀န်ဆောင်ခ ကတော့ တချို့နေရာ တဘတ် တချို့ နေရာ ၃ဘတ် ပါပဲ။

ဥရောပ အလယ်ပိုင်း နိုင်ငံတွေ ဆီကို မတော်မဆ ရောက်ခဲ့တုန်းကလဲ ထိုင်းလိုပါပဲ။ အများသုံးအိမ်သာတွေကို ဖောဖောသီသီ သန့်သန့်ရှင်းရှင်း တွေ့ရပါတယ်။ လူနေမှု အဆင့်မြင့်တဲ့ တိုင်းပြည်တွေမှာ သဘာဝ သယံ ဇာတ ကို တန်ဖိုးထားတယ် ထင်ပါ တယ်၊ ရေ ဈေးကြီးတော့ အခမဲ့ အများသုံး အိမ်သာကို မတွေ့မိ တော့ဘဲ အခပေး အများသုံး အိမ်သာ အသုံးပြုခကလဲ ထိုင်းနဲ့ ယှဉ်ရင် ဈေးကြီး ပါတယ်။ ချက် သမတ နိုင်ငံ မှာက လူတယောက် ၃ခရောင်း၊ ဂျာမနီနိုင်ငံ မြို့တော် ဘာလင်မှာ တော့ လူတယောက် ၀.၅ ယူရို၊ ဘာပဲ ဖြစ်ဖြစ် လွယ်ထားလို့ မရတဲ့ အန္တရာယ် ကို စိတ်ချမ်းချမ်းသာသာ သန့်သန့်ရှင်းရှင်း ဖြေရှင်းနိုင်တဲ့ အတွက် ပေးပျော် ပါတယ်။ စိတ်ထဲမှာလဲ နိုင်ငံကြီးသား ပီသ တဲ့ တာဝန်ခံ သူတွေနဲ့ အသုံးပြုသူတွေ အဖြစ် လက်ခံ ချီးကျူးမိ ပါတယ်။ ဒါက ဒီလုပ်ငန်းကို စီးပွားရေး လုပ်ငန်းအဖြစ် ကန်ထရိုက်ယူပြီး လုပ်ကိုင်တဲ့ သူတွေဘက်က အသုံးပြု သူတွေအပေါ် စီစဉ်ပေးတဲ့ ၀န်ဆောင်မှု အပိုင်းပါ။ အများသုံး အိမ်သာ ၀န်ဆောင်မှု အတွက် စီးပွားရေး လုပ်ငန်းရှင် တွေဟာ ဒီလုပ်ငန်းရဲ့ ဘေးထွက် ပစ္စည်း အညစ်အကြေးတွေကို ဘယ်လို စွန့်ပစ် သလဲဆိုတော့ မစွန့်ပစ် ပါဘူးတဲ့။ စွန့်ပစ် အညစ်အကြေးလို့ ကို မသုံးနှုံးဘဲ ဘေးထွက်ပစ္စည်း လို့ သုံးနှုံးရခြင်းအကြောင်းက စွန့်ပစ်စရာ မလိုအောင် အစစ အရာရာ အသုံးဝင်နေသေးလို့ပါတဲ့။

၂ပြန် ၃ပြန် မြတ်တဲ့ စီးပွားရေး ဖြစ်မှန်း သူတို့ စီမံ ခန့်ခွဲပုံ အရ သိရပုံက ဒီလိုပါ။ ဘေးထွက် ပစ္စည်းတွေကို မြေကြီးထဲ ရေထဲ ဒီအတိုင်း စွန့်ပစ်ရင် မြေနဲ့ ရေထုကို ညစ်ညမ်းစေသလို ပါဝင် ဓာတ်ဆားတွေ ကြောင့် မြေနဲ့ ရေထုကို အဆိပ်သင့် စေနိုင်ပါတယ်။ ဒါ့ အတွက် တိုက်ရိုက် စွန့်ပစ်မှု လုံးဝ မလုပ်ဘဲ Septic tank တွေ ထဲကို သွယ်ယူ ထိန်းသိမ်းပါတယ်။ ပြီးတော့ စနစ်တကျ သိမ်းပါတယ်။ Septic tank တွေက နည်း စနစ် တကျ လုပ် ထားတဲ့ အတွက် ဘေးထွက် ပစ္စည်း တွေက ထွက်လာတဲ့ ဓာတ်ငွေ့တွေက biogas အဖြစ် ပြန်အသုံး ပြုဖို့ ရောင်းချလို့ ရသလို ဘေးထွက်ပစ္စည်း တွေ ကိုယ်တိုင် ကိုတော့ ပါဝင် ဓာတ်ဆား ပမာဏကို ပညာရှင်တွေက ထိန်းညှို စစ်ဆေး အပြီးမှာ ဇီဝ မြေသြဇာရည်၊ ဇီဝ မြေသြဇာခဲ တွေ အဖြစ်နဲ့ စိုက်ပျိုးရေး လုပ်ငန်းတွေမှာ ပြန်သုံးဖို့ ရောင်းချ နိုင်ပါသတဲ့။ Septic tank တွေကိုလဲ မိသားစု သုံး၊ အများသုံး မှာလဲ ဘယ်လောက် လီတာဆံ့ ဆိုပြီး လူတယောက် တရက် စွန့်ပစ်နှုံးနဲ့ တလအတွင်း လူ ဘယ်နှယောက်စာ ဆိုတာ အထိ တွက်ချက် ထုတ်လုပ် ထားတဲ့ Septic tank တွေကို ထုတ်လုပ် ရောင်းချလို့ မျိုးစုံ ဘက်စုံ စီးပွားဖြစ် နေကြပါတယ်။ ဒီတော့ စားဝတ်နေရေးနဲ့ အပြိုင် အရေးကြီးပြီး ဘယ်လိုမှ ရှောင်လွှဲ လို့ မရတဲ့ စွန့်ရေး ကိစ္စ ကြီးကို ၀န်ထုပ်ဝန်ပိုးလို ဖြေရှင်း မနေဘဲ အမြင်တွေကို ပြောင်းလဲရင်း စီးပွားရေး လုပ်ငန်း ကြီး တခုအဖြစ် လည်ပတ် ဆောင်ရွက်လို့ ရနေတယ် ဆိုတာ လက်တွေ့ မြင်နေရ ပါတယ်ရှင်။

ကျွန်မတို့ မြန်မာနိုင်ငံကို ခရီးသွားလုပ်ငန်း ဖွံ့ဖြိုး စေချင်တယ် ဆိုရင်တော့ တခြား facilities and infrastructure တွေကို နိုင်ငံတကာ အဆင့်မီဖို့ အသာထားလို့ လူတိုင်း လွယ်မထားနိုင်တဲ့ အန္တရာယ်ကို ရောက်လေရာ သွားလေရာမှာ အဆင်ပြေပြေ ဖြေရှင်းနိုင်ဖို့ ဒါလေးတခုတော့ ပညာပေးဖို့ လေ့ကျင့်ဖို့ အသည်း အသန် လိုအပ်နေတယ် ဆိုတာကို တောင်းဆို တင်ပြ လိုက်ရပါတယ်ရှင်။

ရေခဲပြင်ထဲမှာပွင့်တဲ့ပန်း _ ခွန်မြလှိုင်

Wednesday, October 15, 2014

ကောင်းကင် .. ကို အောင်အောင်မြင်မြင် ပြောင်းလဲခြင်း

အမှိုက်ပစ်တော့မယ် ဆိုရင်

ဂွစာမရဲ့ အနိုင်နဲ့ အရှုံး

လူ့အဖွဲ့အစည်းထဲက တင်းအားတွေ

ကလေးတွေကို ဆုံးမတော့မယ် ဆိုရင်

မနာလိုမှုဆိုတာ မြန်မာတို့ရဲ့ ၀ိသေသလားးး

အမေတယောက်ရဲ့ အနုပညာ

ကလေးတွေ ကျင်လည်မယ့် လူ့အဖွဲ့အစည်း

Saturday, December 31, 2011

မြန်မာနိုင်ငံကို ရာသီအလိုက် ပန်းပင်တွေနဲ့ ဆေးရောင်ခြယ်

Thursday, December 8, 2011

လိပ်ပြာတွေရဲ့ မိုင်ထောင်ချီ ခရီးစဉ်

Friday, December 2, 2011

အိမ်နံရံမှာ ဥယျာဉ်တည်

Sunday, April 17, 2011

သင်္ကြန် လည်ပြန်

နှစ်သစ် မင်္ဂလာ အခါတော်နေ့ ကျင်းပရခြင်း အကြောင်း

Sunday, April 3, 2011

မြန်မာ့ ခရီးသွားလုပ်ငန်းနဲ့ အများသုံး ၀န်ဆောင်မှု လုပ်ငန်း တရပ်

Weather Wise

ရွှေမြန်မာများဧ။် ပညာရေးနှင့် သတင်း နည်းပညာ ရပ်ဝန်း

သံလွင်ကို အိပ်မက်ရင် ငါတို့ရဲ့ တေးသွားကို ကြားလိမ့်မယ်

တင်ခဲ့ပြီးသော စာများရဲ့ မာတိကာ

နောက်ဆုံး ပေးခဲ့သော မှတ်ချက်များ

စကားစမြည် ပြောခဲ့ပါ

Labels

လူတိုင်း သက်ရှည် ကျန်းမာဖို့ ကမ္ဘာမြေကို စောင့်ရှောက်စို့

Followers

About Me

လာလည်ကြတဲ့အကြိမ်ရေပေါင်း

သူများပြောတဲ့ ကိုယ့်အကြောင်း

သူများပြောတဲ့ ကျွန်မရဲ့ အရောင်

ကျွန်မသိသမျှ ကျွန်မအကြောင်း