နာဂစ် မုန်တိုင်းက ပေးတဲ့ အခွင့်အလမ်း နှစ်သွယ်

နာဂစ် လို မုန်တိုင်းကို တသက်မှာ တခါမှ မကြုံဖူးသေး သလို အဲဒီ မုန်တိုင်းကြောင့် တသက်မှာ တခါမှ မရဖူးတဲ့ အသိတွေ အတွေ့ အကြုံတွေ အများကြီး ရလိုက်ပါတယ်။ အားလုံးကို ကောက်ချက်ချတော့ နာဂစ် မုန်တိုင်း ဟာ ကျွန်မတို့ကို ရွေးစရာ အခွင့်အလမ်း နှစ်သွယ် ပေးနေပါတယ်။ ဘာသာရေး ရှုထောင့်ကနေ ကြည့်ရင် ဖြစ်စေ၊ လူသားရေး ရှုထောင့်ကနေ ဖြစ်စေ၊ နိုင်ငံရေး ရှုထောင့်ကနေ ဖြစ်စေ ဘယ်ရှုထောင့်ကနေ ကြည့်ကြည့် ရွေးစရာ အခွင့်အလမ်း နှစ်သွယ်စီ ပေးနေပါတယ်။

ပထမ ဦးဆုံး ကျွန်မ အားသန်တဲ့ ဘာသာရေး ရှုထောင့် ကနေ စပြီး ဆွေးနွေး ပါ့မယ်။ တခြားရှုထောင့် တွေက ကျွန်မ မကျွမ်းကျင်တာမို့ မဆွေးနွေး တော့ပါဘူးနော်။ နာဂစ်မုန်တိုင်းကြောင့် ကယ်ဆယ်ရေးကို ဂရုဏာစိတ် အပြည့်နဲ့ စိတ်စေတနာ သန့်သန့်နဲ့ လုပ်တဲ့သူတွေ အားလုံး ကုသိုလ် လမ်း ကြောင်းကို ရွေးသလို ဖြစ်ပါ တယ်။ မုန်တိုင်း ကယ်ဆယ်ရေး ပစ္စည်းကို ခိုးရောင်း သူများ၊ မုန်တိုင်း ကယ်ဆယ် ရေး အလှူငွေနဲ့ အလှူ ပစ္စည်းကို အမီပြုပြီး ရာထူး၊ နေရာနဲ့ ကယ်တင်ရှင် အဖြစ် နာမည် လိုချင်လို့ ငါဖြစ်စေ ချင်သလို ဖြစ်ရမှ အလှူ ဖြစ်မြောက်မယ် ဆိုပြီး ရေနစ်သူကို ၀ါးကူနှစ်ရင်း ကိုယ်ကျိုး ရှာနေသူများ အားလုံး ကတော့ အကုသိုလ် လမ်းကြောင်းကို ရွေးသလို ဖြစ်ပါတယ်။

မြတ်စွာဘုရားရှင် လက်ထက်မှာ ဗိမ္မိသာရမင်းကြီး ကို ပြိတ္တာ တစ္ဆေသရဲ တွေက ညဉ့်ဘက်မှာ မြို့ရိုးပေါ်ကနေ အကြီးအကျယ် ခြောက်လှန့်ပါတယ်။ မင်းကြီးက မြတ်စွာဘုရား ကို အကြောင်းစုံ လျှောက်ထားမေးမြန်းခဲ့ရာမှာ မြတ်စွာဘုရားက ခုလို ဟောပါတယ်။ အဲဒီ ပြိတ္တာ တစ္ဆေသရဲ တွေဟာ လွန်ခဲ့တဲ့ ဘုရားရှင် ပွင့်ချိန်က မင်းကြီးရဲ့ ဆွေမျိုးတွေ ဖြစ်ပြီး မင်းကြီးက ဘုရား အမှူးရှိတဲ့ သံဃာတွေကို ဆွမ်းလုပ်ကျွေးတဲ့ အခါမှာ သူတို့က သံဃာ တွေကို လှူမယ့် အလှူ ထဲကနေ ခိုးစား ခဲ့ကြတဲ့ အတွက် ဘုရားတစ်ဆူနဲ့ တစ်ဆူကြား နှစ်ပေါင်း အသင်္ချေ ကြာအောင် ငရဲကျ ပြီးနောက် အနှစ် ခြောက်သောင်း လုံးလုံး ပြိတ္တာ ဘ၀နဲ့ အစာရေစာ ငတ်ခဲ့ကြ ရပါတယ်။ မင်းကြီး ကတော့ အလှူ ကနေ ကုသိုလ် ရလို့ သူတို့ ဒုက္ခဖြစ် ငရဲနဲ့ ပြိတ္တာ ဘ၀ ရောက်နေစဉ် ကာလမှာ နတ်ပြည်မှာ စံစားနေပြီး ခုမှ လူ့ ဘ၀ ကို ပြန်ရောက်တာ ဖြစ်တယ်။ ခု အရှင် မင်းကြီးကို တွေ့တော့ အတိတ် ဘ၀က ဆွေမျိုးမို့ အမျှလိုချင်လို့ ခုလို တောင်းဆိုတာ ဖြစ်တယ်လို့ ဘုရားက ဟောမှ မင်းကြီးက ကုသိုလ်လုပ် အမျှပေးမှ အစာရေစာ စား သောက်ခွင့် ပြန်ရကြ တယ်လို့ ဆိုပါတယ်။ သူတို့ ပြိတ္တာ ဘ၀ကနေ ကျွတ်သွား တယ် လို့တော့ မဖတ်ရပါဘူး။ အစာ စားခွင့် ပြန်ရတယ် လို့ပဲ ပါတာပါ။ ဒီတော့ အလှူတစ်ခုကို အကြောင်း ပြုလို့ တုန့်ပြန် စီစဉ်ပုံနဲ့ စေတနာ ကွာခြားတဲ့ အတွက် ရွေးချယ်ရာ လမ်းကြောင်း နှစ်ကြောင်းကို အကြောင်း ပြုလို့ ရလာတဲ့ အကျိုးပေး နှစ်ခု ကွာသွား တာပါ။ ဒါကြောင့် အခု မုန်တိုင်း နာဂစ်ဟာ ပါဝင် ပတ်သက်သူ အားလုံး ကို ရွေးချယ်ခွင့် နှစ်ခု ပေးထား ပါတယ်လို့ ပြောရတာ ဖြစ်ပါတယ်။ နာဂစ်ကြောင့် ပြည်သူတွေ ကုသိုလ် လုပ်ခွင့်ရော အကုသိုလ် လုပ်ခွင့်ပါ ရသွားပါတယ်။ ကုသိုလ်လုပ်သူ ကုသိုလ် အကျိုးပေး ပါမယ်။ အကုသိုလ် လုပ်သူ အကုသိုလ် အကျိုးကို ခံစားရ ပါလိမ့်မယ်။ စိတ်စေတနာ ဇောပေါ်မူတည်ပြီး ကုသိုလ်ရော အကုသိုလ်ပါ ယခုဘ၀ကနေ စပြီး နောင် သံသရာ အဆက်ဆက် အကျိုးခံစား ကြရပါ လိမ့်မယ်။

မုန်တိုင်း ဒဏ်ခံ သူများ ကို ကယ်ဆယ် ခံရရေး တမင် သက်သက် နှောင့်နှေး စေသူများ အတွက်ကို နောက် ထပ် ပုံဥပမာ တစ်ခု သက်သေ ပြုပြီး သတိပေးချင် ပါသေးတယ်ရှင်။ လာဘ်လာဘ လိုလားသူများ ရှင်သီဝလိ အင်းဆောင်၊ ရှင်သီဝလိ ဂါထာ ရွတ်နေသူများ ရှင်သီဝလိရဲ့ ဘ၀ဇာတ်ကြောင်းနဲ့ အတိတ်ဘ၀ကို သိကြ ပါ သလား။ ရှင်သီဝလိ အလောင်း အလျာ ဘုရင်ဟာ တခြား နိုင်ငံကို သွားတိုက်စဉ်က အဲဒီ ရန်သူဘုရင် ဒုက္ခ ရောက်စေဖို့ အဲဒီနိုင်ငံကို စားရေ ရိက္ခာ ပြတ်အောင် ၇နှစ် တိတိ ၀န်းရံ ပိတ်ဆို့ ထားတဲ့ အတွက် မြို့သူ မြို့ သား များ ငတ်မွတ်ပြီး မခံနိုင်လို့ သူတို့ ဘုရင့် ခေါင်းကို ဖြတ်ပြီး ရှင်သီဝလိ အလောင်းအလျာ ဘုရင်ကို ဆက်သ ပါတယ်။ ဒီလို မြို့သူ မြို့သား များကို ငတ်မွတ်စေ တဲ့အတွက် ရှင်သီဝလိ အလောင်းအလျာ မင်းကြီး ဟာ သေပြီးနောက် ငရဲမှာ နှစ်ပေါင်း များစွာ ခံရပြီး သံသရာမှာ နောက်ဆုံး ဘ၀ အဖြစ် လူဖြစ်တဲ့ အခါ မှာ တောင်မှ မိခင်ရဲ့ ၀မ်းထဲမှာ အစာဟောင်း အိမ်ပေါ် ထိုင်လို့ အစာသစ် အိမ်ကို ရွက်ရင်း အူတွေကြား ကျဉ်း ကြပ် စွာနဲ့ ခုနှစ်နှစ် ခုနှစ်ရက် တိုင်တိုင် နေခဲ့ရပါတယ်။ တစ်သင်္ချေနဲ့ ကမ္ဘာ တစ်သိန်းတိုင် ပါရမီ ဖြည့်လာ သော မဟာသာဝက အလောင်းအလျာ ဖြစ်လျက် နောက်ဆုံးဘ၀ အထိ အကုသိုလ်က အကျိုးပေး ပါ တယ်။

ဒီတော့ ဧရာဝတီ တိုင်းကို ကယ်ဆယ်ရေး မရောက်ဖို့၊ တခြား ဒုက္ခသည် များထံ အလှူ ပစ္စည်း မ ရောက် ဖို့ ပိတ်ဆို့ သူများ၊ ဘိုကလေးကို ကားတွေ မလာနိုင်အောင် တမင်သက်သက် တံတား ချိုးပစ်သူများ၊ သံဃာ တော် အလှူရှင်များ ထံမှပင် အလှူ ပစ္စည်း သိမ်းရက် သိမ်းနိုင် သူများ၊ ကိုယ်ကျိုး ရှာလျက် နိုင်ငံ တကာ မှ ကယ်ဆယ်ရေး အလှူ ငွေနဲ့ အလှူ ပစ္စည်း များကို ဒုက္ခသည် များထံ အမြန်ဆုံး မရောက်အောင် နည်း အမျိုး မျိုး ဗျူဟာ အသွယ်သွယ် အဆက်အသွယ် အလီလီ တို့ဖြင့် အချိန်ဆွဲ နှောင့်နှေး စေသူများ၊ အားလုံးတို့သည် ရှင်သီဝလိ အလောင်းအလျာ ဘုရင်လို သေသည်နှင့် တပြိုင်နက် ငရဲကျပြီး ဘ၀ဆက်တိုင်း အကျဉ်းကျ အငတ်ခံရကာ သံသရာ၏ နောက်ဆုံးဘ၀ တွင်ပင် ၀ဋ်လည် တာ ခံရမည် သေချာ နေပါသည်။

လောကမှာ အကြောင်းတရား တစ်ခု မရှိဘဲ အကျိုးတရား မဖြစ်ပေါ် ပါဘူး။ အကျိုး မှန်သမျှ အကြောင်း အရင်း ခံ ပါတယ်။ မုန်တိုင်း ကြောင့် ဖြစ်တဲ့ တိုင်း ၄ တိုင်းက ခံစား ရတဲ့ ကပ်ဘေးကြောင့် ပျော်တဲ့ ပြည်သူ မြန်မာ နိုင်ငံ မှာ ရှိမယ် မထင် ပါဘူးနော်။ မုန်တိုင်းဘေး မထိပေမယ့် မုန်တိုင်းရဲ့ နောက်ဆက်တွဲ ဆိုးကျိုးဖြစ်တဲ့ ရောဂါ ဘေးနဲ့ ငတ်မွတ် ခေါင်းပါးမှု ဘေးတို့ကြောင့် အစစ အရာရာ ဈေးတက်ပြီး စားဝတ် နေရေး နည်းများ မဆို ကြပ်တည်း ခက်ခဲ တာကို ဘယ်သူမှ မငြင်းနိုင် ပါဘူး။ ဒါဟာ တပြည်လုံး မုန်တိုင်း ဒဏ်ကို သွယ်ဝိုက်သော နည်းနဲ့ ခံရတာ ပါပဲ။ အတိတ် ဘ၀က အကုသိုလ် အကြောင်း ရင်းခံ ရှိလို့ အခု ဘ၀မှာ ကပ်ဘေးနဲ့ ကြုံရ ပါတယ်။ လက်ရှိ ကပ်ဘေးကို အကြောင်း ပြုလို့ ကယ်ဆယ် ကူညီရင် ကုသိုလ်၊ ဖြတ်စား လပ်စား လုပ်ရင် အကုသိုလ် လုပ်ဖို့ နဲ့ အဲဒီကံတွေရဲ့ အကျိုးပေးကို ခံစားဖို့ အခွင့်အရေး ရနေပါတယ်။ ဒါ့အပြင် ကပ်ဘေးကို တုန့်ပြန်မှု အပေါ် မူတည်ပြီး လူကောင်းနဲ့ လူဆိုးကို ခွဲခြား မြင်လို့ ရစေတဲ့ အခွင့်အရေးလဲ ရနေပါတယ်။

ကဲ!!! နာဂစ် ကတော့ လူသား တွေကို ကုသိုလ် ကောင်းမှု လုပ်ဖို့ နဲ့ ကုသိုလ် ကံကို ခံစားဖို့ အခွင့်အရေးရော အကုသိုလ် မကောင်းမှု လုပ်ဖို့ နဲ့ အကုသိုလ် ကံကို ခံစားဖို့ အခွင့်အရေးပါ လမ်းနှစ်သွယ်ကို ရွေးဖို့ ပေးထား ပါပြီ… ကောင်းကျိုးတွေ ခံစား နိုင်ဖို့ အတွက် ကောင်းမှု လုပ်ဖို့ အခွင့်အရေး ပေးတဲ့ လမ်းကြောင်းကို ရွေးချယ် တတ်ကြပါစေရှင်…